ভারতকী প্রধানমন্ত্রী

বাইব্রেন্ত গুজরাত সম্মিতকী ৯শুবা এদিসন হয়েং গান্ধীনগরগী মহাত্মা মন্দির একজিবিসন কম কনভেন্সন সেন্তরদা পাংথোক্লগনি। প্রধান মন্ত্রী শ্রী নরেন্দ্র মোদীনা গুজরাত্তা ইনবেস্তমেন্তশিং পুক্নিং চিংশিন্নবা পান্দম থম্লিবা সম্মিত অদু হৌদোকপগী সেসন্দা ৱা ঙাংগনি।

বাইব্রেন্ত গুজরাত সম্মিত জনুৱারী ১৮দগী ২০ ফাওবগী মনুংদা পাংথোক্নবা মতম লেপলে, প্রধান মন্ত্রীনা একজিবিসন সেন্তরদা গ্লোবেল ত্রেদ শো হৌদোকখ্রে। প্রধান মন্ত্রীনা তোঙান তোঙানবা পবেলিয়নশিংদা চৎতুনা য়েংখি অমদি ইসরো, দি.আর.দি.ও. খাদি অসিনচিংবশিংগী স্তোলশিংদা থৱায় য়াওবা উৎখি অমসুং মদুগা লোয়ননা থৌরম অসিদা চর্খাদগী চন্দ্রয়ান ফাওবা হায়বা তেগলাইন অমগা লোয়ননা মেক ইন ইন্দিয়াগী ওইবা মহাক্কী মীৎয়েং অদু মাংলোমদা পুখৎখি। মহাক্কা লোয়ননা গুজরাতকী মুখ্যমন্ত্রী বিজয় রুপানি অমসুং অতোপ্পা শক্নাইরবশিংশু শরুক য়াখি। গ্লোবেল ত্রেদ শো অসি স্ক্ব্যার মীতর ২০০,০০০ হেনবা এরিয়া অমদা শন্দোক্লি অমদি ইন্দস্ত্রীয়েল অমসুং বিজিনেস সেক্তর ২৫ হেনবনা মখোয়গী ৱাখল্লোনশিং, পোত্থোকশিং অমসুং দিজাইনশিং মফম অমখক্তদা উৎথোক্লি।

সম্মিত অসিগা লোয়ন লোয়ননা অতোপ্পা থৌরম অমসুং প্রোগ্রামশিংগী পরিং অমা ওর্গনাইজ তৌরি। ঙসি চাউনা পুক্নিং চিংশিন্নঙাই ওইবা অমদি অহমেদাবাদ শোপ্পিং ফেস্তিবেল–২০১৯নি মদু প্রধান মন্ত্রীনা নুমীদাংৱাইরম অথেংবদা হৌদোক্লগনি। থৌরম অসিদা প্রধান মন্ত্রীনা বাইবরেন্ত গুজরাত অহমেদাবাদ শোপ্পিং ফেস্তিবেলগী মেস্কোৎ মায়খুম হাংদোক্কনি। অহমেদাবাদ শোপ্পিং ফেস্তিবেল–২০১৯ অসি ভারত্তা অসিগুম্বা মখলগী অহানবা থৌরম্নি। মসিনা সিতী ইন্তর্প্রাইজশিংদা মখোয়গী পোত্থোকশিং উত্থোক্নবা খুদোংচাবা অমা পীরি।

বাইবরেন্ত গুজরাত সম্মিতকী শরুক ওইনা মরুওইবা প্রোগ্রামশিং পাংথোকপগী মথক্তা সম্মিত অসিগী ৯শুবা এদিসন্না সম্মিত অসিদা সেয়ার তৌরিবা ৱাখল্লোনগী মওং মতৌ অদপু মখল মখল খায়দোকপদা মীৎয়েং থম্বা ফোরমশিংগী মপুংফাবা অনৌবা সেৎ অমা হৌদোকপা অমসুং শরুক য়ারিবশিংগী মরক্তা নেৎৱার্কিংগী থাক য়ৌশিনবগী শাক্ষিসু ওইরগনি।

য়ুমফম:

ভাইব্রেন্ত গুজরাত সম্মিৎ অসি গুজরাতপু অহানবা ইনবেস্তমেন্ত দেস্তিনেসন অমগুম অমুক হন্না ইস্তাব্লিস তৌনবা ২০০৩দা প্রধান মন্ত্রী নরেন্দ্র মোদীনা মতম অদুদা গুজরাতকী মুখ্য মন্ত্রী ওইরিঙৈ মতমদা ৱাখল্লোন পীখি।

বাইবরেন্ত গুজরাত ২০১৯গী থৌরমগী শম্লপ্পা ৱাফমদা মখাগী অসি য়াওরি–

1.ভারত্তা সাইন্স, তেক্নোলোজী, ইঞ্জিনীয়ারিং এন্দ মেথমেতিক্স (এস.তি.ই.এম.) এজুকেসন অমসুং রিসর্সতা খুদোংচাবা তঞ্জাশিংগীদমক রাউন্দতেবল। ভারত্তা এস.তি.ই.এম. এজুকেসন অমসুং রিসর্সতা খুদোংচাবা তঞ্জাশিংগীদমক রোদমেপ শেম শানবা রাউন্দতেবল অসিদা ভারতকী মীশক নাইরবা এজুকেস্নেনিস্তশিং অমদি ভারত সরকার অমসুং রাজ্য সরকারশিংদা মরুওইবা পোলিসী মেকরশিংনা শরুক য়াগনি।

2. সাইন্স, তেক্নোলোজী, ইঞ্জিনীয়ারিং এন্দ মেথমেতিক্স (এস.তি.ই.এম.)দা ইন্তরনেস্নেল কনফরেন্স

3. তুংদা লাক্কদবা তেক্নোলোজীশিং অমসুং স্পেস এক্সপ্লোরেসন্দা একজিবিসন  মদুনা স্পেস ত্রেভেলগী তুংদা ওইরক্কদবা মীৎয়েং অমা ওফর তৌবা।

4. ভারত অসি এসিয়াগী ত্রান্স–শিপমেন্ত হবগুম্না ইস্তাব্লিস তৌনবা পোর্ত লেদ দিবেলপমেন্ত & স্ত্রেতেজিসতা সেমিনার

5. মেক ইন ইন্দিয়া প্রোগ্রামগী মায় পাকপগী ৱারী অমদি প্রোগ্রাম অসি শোয়দনা মায় পাক্নবা সরকারনা পায়খৎলিবা মরুওইবা খোংথাংশিং অদু উৎনবা মেক ইন ইন্দিয়াদা সেমিনার।

6. দিফেন্স অমসুং এরোস্পেসতা ইন্দস্ত্রীগীদমক খুদোংচাবা তঞ্জাশিংদা সেমিনার, গুজরাত্তা দিফেন্স অমসুং এরোনোতিক্তা খুদোংচাবা তঞ্জাশিংগী মতাংদা শরুকয়ারিবশিং মমি তাহনবা অমদি দিফেন্স অমসুং এরোনোতিক্সকীদমক মেনুফেকচরিং হব অমগুম শাফোংনবা পান্দম অমগা লোয়ননা সেমিনার অসি  প্লান তৌরি।