ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি রাষ্ট্রপতি ভবনদা গবর্নরশিগী কনফরেন্সকী হৌদোকপগী সেসনদা ৱা ঙাংখ্রে ।

মহাক্না ওবজার্ব তৌখি মদুদি কন্সতিট্যুসনবু শেংনা তেংবাংলিঙৈ মতমদা, গবর্নর পুম্নমক্না সোসাইতিদা অহোংবা পুরক্নবগীদমক কেতালাইতিক এজেন্তশিং ওইরকপা য়াই । ২০২২দা ন্যু ইন্দিয়াগী তার্গেত অদু পল্লদুনা, প্রধানমন্ত্রীনা কন্না হায়খি মদুদি মসি প্রজানা পাংথোক্লবা মতমদদা ফংবা ঙমগনি ।

মসিগী মনুং চন্না ছাত্রশিং অমসুং ওজাশিংগা মতম শাংনা লোইননবা মহাক্না গবর্নরশিংগী পুক্নিং থৌগৎখি । হন্দক্তা কেন্দ্র সরকারনা শিন্দুনা পাংথোকখিবা হেক্কাথোন অদুগী খুদম পিরদুনা, মদুদা ছাত্রশিংনা মখল মখা য়াম্লবা প্রোব্লেমশিংদা তেক্নোলোজী সোলুসনশিং প্রপোজ তৌখিবা, য়ুনিবর্সিতীশিংনা ইনোভেসনগী সেন্তরশিং ওইরক্কনি হায়না মহাক্না হায়খি ।

চপ মান্নবা হিরমদা মহাক্না হায়খি মদুদি রাজ্য খুদিংগী নহাশিংনা শান্ন খোৎনবদা মীৎয়েং থমগদবনি । স্বচতা নত্রগা লু নানবগী খুদমদা লুচিংনবা মহাক্না গবর্নরশিগী পুক্নিং থৌগৎখি । ২০১৯দা মহাত্মা গান্ধীগী ১৫০ শুবা মপোক কুমোন পাংথোক্কদৌরিবা অসি ঐখোয়না ওপন দেফিকেসন ফ্রি ইন্দিয়াগী মায়কৈদা থবক তৌবনা ইন্সপিরেসনগী সোর্স অমনি হায়না মহাক্না ফোংদোকখি । প্রধানমন্ত্রীনা হায়খি মদুদি হরাও কুমহৈ অমসুং এনিবর্সেরিশিংনা অহোংবা পুরকপগী খোঞ্জংদা অচৌবা মোতিবেতর অমসুং ইনরজাইজরশিং ওইগনি । মহাক্না হায়খি মদুদি গবর্নরশিংনা বেঙ্কশিংবু মুদ্রাগী মখাদা অখন্ননা নবেম্বর ২৬ কন্সতিট্যুসন নুমীৎ অমসুং দিসেম্বর ৬ অম্বেকর মহাপরিনির্বানা দিবসকী মতমগী মরক্তা ত্রাইবেলশিং, দলিতশিং অমসুং নুপীশিংদা লোন পিহন্নবা মোতিবেতশু তৌগদবনি ।

প্রধানমন্ত্রীনা য়ুনিয়ন তেরিতোরিশিংগী লেফতিনেন্ত গবর্নরশিংবু সোলর ইনর্জী, দিবিতি, অমসুং য়ুনিয়ন তেরিতোরিশিংবু কেরোসিন ফ্রি ওইহনবা অসিগুম্বা লমশিংদা মখোয়গী বেস্ত প্রেক্তিসশিং এদোপ্ত তৌনবা পুক্নিং থৌগৎখি । মসিগী এচিবমেন্তশিং অসি অথুবা মতমদা য়ুনিয়ন তেরিতোরি পুম্নমক্তা এক্সতেন্দ তৌনবা মহাক্না হায়খি ।