ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি খা অফ্রিকা অমসুং গ্রীসতা চৎলুবা মহাক্কী নুমিৎ মরিনিগী খোঙচৎ মতুংদা বেঙ্গলুরুদা থুংখ্রে। প্রধান মন্ত্রীনা খা অফ্রিকাদা BRICS সম্মিৎতা শরুক য়াখি অমসুং মতুংদা গ্রীসতা চৎখি। প্রধান মন্ত্রীনা বাইলেতরেল মীফম অমসুং লৈবাক অসিগী ৱাখল লৈবা লুচিংবশিংগা লোয়ননা মীফম কয়ামরুম পাঙথোকখি। মহাক্না লৈবাক অনিমক্কী য়াম্লবা ইন্দিয়ন কম্ম্যুনিতীশিংগসু উন্নখি। VCগী থোংদা চন্দ্রয়ান-3 মুন লেন্দরনা লেন্দিং তৌবা য়েংখিবা প্রধান মন্ত্রীনা ISRO তীমগা ৱারী শানবা বেঙ্গলুরুদা থুংখি।

HAL এয়রপোর্তকী মপান্দা তরাম্না ওকখিবা পি.এম. মোদীনা তিল্লিবা মীয়ামদা জয় জৱান, জয় কিসান হায়না ফোঙদোক্লদুনা ৱা ঙাংবা হৌখি অমসুং মতুংদা জয় বিজ্ঞান, জয় অনুসন্ধন হায়না মখা তাখি। শ্রী মোদীনা হায়খি মদুদি মহাক্না ভারতকী অচৌবা মাইপাকপা অসিগী হরাও নুংঙাইবা অদু খা অফ্রিকা অমসুং গ্রীসতসু উবা ফংখি।

ISRO তীমগা উনবা পাম্বা অদু ফোঙদোক্লদুনা প্রধান মন্ত্রীনা হায়খি মহাক্না হল্লকপগা অহানবদা বেঙ্গলুরুদা চৎনবা ৱারেপ লৌখি। প্রধান মন্ত্রীনা রাজ্যপাল, মুখ্য মন্ত্রী অমসুং উপ মুখ্য মন্ত্রীনা প্রোতোকোলগা মরী লৈনবা খুদোংচাদবশিং থোকহনদনবা মহাক্না হায়খিবগী মতাংদা মখোয়না কোওপরেসন পীরকখিবগীদমক থাগৎপা ফোঙদোকখি।

প্রধান মন্ত্রীনা মীপুম খুদিংমকপু তরাম্না ওকপীরম্বগীদমক থাগৎপা ফোঙদোকখি অমসুং তিল্লিবা মীয়াম্না হরাও নুংঙাইবা পোক্লিবা অদু খঙই হায়খি অমসুং রোদশো অমদা চন্দ্রয়ান তীমগা পুল্লুনবগীদমক ISROদা চৎখি।

*****