ভারতকী প্রধানমন্ত্রী

ক্রোপ ইন্সুরেন্স স্কিমশিং পায়খৎপদা থেংনরিবা খুদোংচাদবশিং কোকহন্নবা “প্রধান মন্ত্রী ফাসাল বিমা য়োজনা(পি এম এফ বি ৱাই) অমসুং “রিস্ত্রকচর ৱিদর বেজ ক্রোপ ইন্সুরেস স্কিম(আর দব্লিউ বি সি আই এস) অমুক হন্না ফগৎহনবা  প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে ।

হৌজিক পায়খৎলিবা পি এম এফ বি আই অমসুং আর দব্লিউ বি সি আই এস অসি মখা অসিগুম্না খর শেমদোকপা হায়না য়ানখি :

1. ইন্সুরেন্স কম্পেনিশিংদা চহি অহুমগী ওইনা থবক শীন্নবা(পি এম এফ বি আই অমসুং আর দব্লিউ বি সি আই এস অনিমক)
2. শেনফমগী চাং নৎত্রগা দিস্ত্রিক লেবেল ভেলু ওফ নোসনেল এভরেজ য়িল্ড(এন এ ৱাই) হায়বদি মিনিমম সপোর্ত প্রাইজ(এম এস পি) অসি জিলা অমগী অপুনবা মহৈ-মরোংগী সম ইন্সোর লেপ্নবগী অপাম্বা রাজ্যশিং/য়ু তিশিংদা পীরি । এম এস পি লাউথোক্তবা অতৈ মহৈ-মরোংশিংগী মমল খন্নগনি ।
3. পি এম এফ বি আই অমসুং আর দব্লিউ বি সি আই এসগী মখাদা সেন্ত্রেল সবসিদি ফংবা অসি ইথৈ ফংদবা লৌফমশিংগী চাদা ৩০ ওইগনি অমসুং ইথৈ ফংবা লৌফমগীনা চাদা ২৫ ওইগনি । চাদা ৫০ অমসুং হেন্না ইথৈ ফংবা জিলাশিং ইথৈ ফংলবা জিলানি হায়না লৌগনি ।
4. মফম মফমগী অৱা-অনা, ঈশং নুংশিৎকী ফিবম অমসুং লৌ লোকপা লোইরবা মতুংদা থোকপা অমাংবশিং অসিগী মরক্ত অমা হেক্ত স্কিম অসিনা কোনশিন্নবা খন্নবগী অপাম্বা রাজ্যশিং অমসুং য়ু তিশিংদা পীরি । রাজ্যশিংনা লেন তাবা য়াওনা বেজ কভরদা য়াওখিদবশিং ইন্সুরেন্স কভরদা কোনশিনবা য়াগনি ।
5. অকক্নবা মতমগী মনুংদা ইন্সুরেন্স কম্পেনিশিংদা প্রেমিয়ম সবসিদি রাজ্যশিংনা পীথোকপা থেংলবদি মতুং তারকপা লৌরোকশিংগী স্কিম শরুক য়াবা রাজ্যশিংদা অয়াবা পীরোই । শরুক য়ানবগী অরোইবা মতম্না কালেন লৌরোক্কী ওইনা মার্চ ৩১ অমসুং নিংথম লৌরোক্কী ওইনা সেপ্তেম্বর ৩০ ওইগনি ।
6. মহৈ-মরোং কয়া য়াম্না মাংলবগে হায়বা খোৎনবা নোংচিং, সেতিলাইত ইন্দিকেতরশিং শীজিন্নদুনা দেবিয়েসন মেত্রিক্সতা য়ুমফম ওইদুনা থবক অনি থোক্নবা পাংথোক্কনি ।
7. সি সি ই পাংথোকপা মতমদা স্মার্দ সেমপ্লিং তেক্নিক(এস এস তি)গুম্বা তেক্নোলোজি শীজিন্নগনি অমসুং সি সি ই মশিং মতিক চানা পাংথোক্কনি ।
8. ইন্সুরেন্স কম্পেনিশিংদা রাজ্যশিংনা অপীবা মতমগী মনুংদা য়িল্ড দেবা পীবা ঙমদ্রবদি তেক্নোলোজি সোলুসন শীজিন্নরগা ফংবা পোৎথোক্কী চাং য়েংলগা ক্লেম তৌবা য়াগনি । মসি পি এম এফ বি ৱাই খক্তদা শীজিন্নগনি ।
9. স্কিম অসি শরুক য়াবা অসি লৌমী খুদিংমক্না মশানা য়ানা য়াওবা ওইগদবনি ।
10. প্রেমিয়ম সবসিদিদা কেন্দ্রগী চাকথুং অসি হৌজিক ৫০:৫০গী মওংদা চৎথরিবা অসি অৱাং-নোংপোক রাজ্যশিংগী ওইনা চাদা ৯০দা হেনগৎলগনি(পি এম এফ বি আই অমসুং আর দব্লিউ বি সি আই এস অনিমক্কী ওইনা)।
11. চাদা ৩ থবক পায়খৎলিবা রাজ্য সরকারশিংগী এদমিনিস্ত্রেতিপ এক্সপেন্সেস ওইনা শীজিন্নগনি (পি এম এফ বি আই অমসুং আর দব্লিউ বি সি আই এস অনিমক্কী ওইনা)।
12. মসিগী মথক্ত এগ্রিকচর দিপার্তমেন্ত অমসুং মরি লৈনবা এজেন্সিশিংনা অৱাংবা প্রেমিয়ম রেতকী মহৈ-মরোংশিংগী অখন্নবা থৌরাং অমা পায়খৎপা য়াগনি । স্কিম অসি লৌমীশিংনা মশানা য়ানা য়াওগদবা ওইবা মরম্না ক্রোপ ইন্সুরেন্স অসি মরুওইনা ঈশিং ফংদবা জিলা ১৫১ দা পায়খৎলি ।
13. পি এম এফ বি আই অমসুং আর দব্লিউ বি সি আই এস অনিমক্কী ওইনা স্কিম অসিগী কাংলোনশিং অসি মথক্কী অসিগা চান্নবা শেমদোক্কনি অমসুং ২০২০গী কালেন লৌরোক্তগী চৎনবা হৌরগনি ।

কান্নবশিং :

হায়রিবা অহোংবশিং অসিনা লৌমীশিংনা মহৈ-মরোং পুথোকপদা থেংনবা খুদোংচাদবশিং ফজনা থেংনদুনা লৌউবদা শেন্দোং ফজনা ফংবা ঙমগনি । মসিনা মখা তানা অৱাং-নোংপোক্কী লৌমীশিং মখোয়না মহৈ-মরোং পুথোকপদা থেংনবা খুদোংচাদবশিং ফজনা থেংনবা ঙমগনি । হায়রিবা অহোংবশিং অসিনা য়াম্না থুনা ক্লেম য়াশিন্নবা পুরক্তুনা পোৎথোক চপ চানা খোৎপা ঙমহনগনি ।

হায়রিবা অহোংবশিং অসি লৈবাক শীনবা থুংনা ২০২০গী কালেন লৌরোক্তগী চৎনবা হৌরগনি ।