ভারতকী প্রধানমন্ত্রী

শক্নাইরবশিং,

মরুওইবা থৌরম অসি শীনবগীদমক ঐনা রাস্ত্রপতি বাইদেন থাগৎপা ফোঙদোকচরি। মমল হোংনা, ইরাই লাইনা অমসুং মগুন লৈবা অনা-লায়েংগী খুদোংচাবা ফংহন্নবা ঐখোয়না পায়খৎলিবা থবকশিংগী মমি থৌরম অসিদা তারে। কোবিদ লাইচৎ মনুংদা ইন্দো-পেসিফিক্কীদমক ঐখোয়না “ক্বাদ ভেকসিন ইনিসিয়েতিপ’ হৌদোকখি। সর্ভাইকেল কেন্সরগুম্বা লায়নাশিং থেংন্নবা পুন্না থবক তৌমিন্ননবা ঐখোয়না ক্বাদতা ৱারেপ লৌবদা ঐ য়াম্না হরাওই।

কেন্সর লায়েংবদা, মতেং পাংনবা অমসুং পুন্না থবক তৌমিন্নবা অসি তঙাইফদে। কেন্সরগী পোৎলম হন্থহন্নবা মাঙজৌননা ঙাকথোক্নবা, মশক খঙদোকপা, লাইওং খঙদোকপা অমসুং লায়েংবগী অপুনবা থবক অমা দরকার ওই। ভারত্তা শেন ইচং চঙদনা পাক-শন্না সর্ভাইকেল কেন্সর খঙদোক্নবা থৌরম অমা পাংথোক্লি। মসিগা লোয়ননা, ভারত্তা মালেমদা খ্বাইদগী চাউবা হকশেলগী ইন্সুরেন্স স্কিম পায়খৎলি। মীওই খুদিংমক্তা মমল হোংবা হিদাক-লাংথকশিং ফংহন্নবা অখন্নবা মফমশিংশু হাংদোক্লে। ভারতনা সর্ভাইকেল কেন্সরগী ভেক্সিন লৈবাক অসিদা পুথোকচরে। এ.আইগী মতেংগা লোয়ননা লায়েংনবগী অনৌবা চৎন-কাংলোনশিংশু পায়খৎপা হৌরে।

 ইকায়খুম্নরবশিং,

লৈবাক অসিনা খঙজ-হৈজবশিং শরুক য়ান্নবা ভারতনা থৌরাং তৌদুনা লৈরে। কেন্সর লায়েংবদা শরুক য়ারিবা ভারতকী অখঙ-অহৈ কয়া ঙসিগী থৌরম অসিদা শরুক য়ারি। ভারতকী পান্দমদি “মালেম অমা, হকশেল অমা” হায়বনি। মসিগী ৱাখল্লোন অসিগা লোয়ননা, ক্বাদ মুনসুত ইনিসিয়েতিপকী মখাদা দোল্লার মিল্লিয়ন ৭.৫ রোমগী সেমপ্লিং কিতশিং, দিতেক্সন কিতশিং অমসুং ভেক্সিনশিং মতেং পাংলে হায়না ঐনা লাউথোকচরি। ভারতনা রেদিওথেরাপি লায়েং অমসুং কেপাসিতি বিল্দিংদশু মতেং পাংগনি।

গাভি অমসুং ক্বাদগী থবক-থৌরমশিংগী মখাদা, ইন্দো-পেসিফিক লৈবাকশিংদা ভারত্তগী ভেক্সিন দোজ মিল্লিয়ন ৪০ য়েন্থোক্কদৌরিবা অসিদা ঐ য়াম্না হরাওই। ভেক্সিন দোজ মিল্লিয়ন ৪০ অসিনা মীওই করোর কয়াগী পুন্সিদা থাজবগী মঙালশিং পীরগনি। অদোম উরে, ক্বাদনা থবক তৌরকপা মতমদা, মসিনা লৈবাক খর খক্তগী নত্তনা, মসিগী মীয়ামগী থবক তৌরে। মসি মীওইবা খুন্নাইগী য়াইফনবা থবক তৌনবা অশেংবা গুন অদুনি।

অদোম থাগৎপা ফোঙদোকচরি।

****