ভারতকী প্রধানমন্ত্রী

ময়াম পুম্নমক্না মরু ওইবা থৌদাং কয়া লৌবগীদমক হন্না-হন্না থাগৎচরি। কোরোনাগী মায়োক্তা লৈবাক অসিনা শোক্নরিবা লাঞ্জং অসি হৌজিক চহি অমা হেল্লক্লে। মতম অসিদা ভারতকী মীয়াম্না কোরোনাবু লান্থেংনবা অসিগী মওং অসি মালেমদা খুদম অমা ওইনা খন্ন-নৈনরি, মীয়াম্না খুদম অমা ওইনা পুথোক্লি। ঙসি ভারত্তা লৈরিবা কেসশিংগী চাদা ৯৬ হেন্না রিকভর তৌখ্রে। ফেতেলিতী রেৎকী ওইনসু ভারত অসি মালেমগী ওইনা ফেলেতলিতী রেৎ নেম্বা লৈবাকশিংগী লিস্ততা য়াওরি।

লৈবাক্কী অমদি মালেমগী ওইরিবা কোরোনাগী ফীভম অসি য়েংলগা মফম অসিদা পীরিবা প্রজেন্তেসন অসিদগী য়াম্না মরু ওইবা হীরম কয়াগী মতাংদা ঐখোয়না খঙবা ঙম্লে। মালেমদা কোরোনানা খ্বাইদগী হেন্না শোকহনখিবা লৈবাকশিং অসি কোরোনাগী ৱেব কয়া থেংনখিবা লৈবাকশিংনি। ঐখোয়গী লৈবা অসিদসু রাজ্য খরদা কেসশিং নেমথরুরবা মতুংদা খঙহৌদনা হেনগৎলক্লি। নখোয় পুম্নমক্না মসিদা মীৎয়েং চংলি অদুবু রাজ্য খরা পল্লবদা মহারাস্ত্র, পঞ্জাবকুম্বা অসিনি; মুখ্য মন্ত্রীশিংনসু মসিগী মতাংদা নুংনাংবা ফোঙদোকখ্রে ঐহাক খক্তনা হায়বা নত্তনা নখোয়না হৌজিক হেন্না নুংনাংবা পোক্লি অমসুং নুংনাংবা পোকপা মথৌসু তারি। মহারাস্ত্র অমসুং এম.পি.দা তেস্ত পোজিতিবিতী রেৎ য়াম্না ৱাংলে হায়বসু ঐখোয়না উবা ফংলি। অমসুং কেসশিংগী মশিংসু হেনগৎলক্লি, য়াম্না হেনগৎলকখিগনি।

হন্দক্তি মশাবু ঙাকথোকচদুনা লৈরকখিবা জিলাশিং অদুসু য়াওনা অসিগুম্বা মফম কয়াদা হেনগৎলকপা উবা ফংলি। নাকল অমরোমদা সেফ জোন ওইরম্বা মফমদসু হৌজিক ঐখোয়না করিগুম্বা ফীভম খরা উবা ফংলে। লৈবাক অসিগী জিলা হুমদ্রাদা হৌখিবা চয়োল খরা অসিদা চাদা ১৫০দগী হেন্না হেনগৎলকপা উবা ফংলে। করিগুম্বা ঐখোয়না হেনগৎলক্লিবা লাইচৎ অসি মসিদা থিংহৌদবা তারবদি লৈবাক শিনবা থুংনা শন্দোরকপগী ফীভম ওইরকপা য়াই। ঐখোয়না কোরোনাগী হেনগৎলক্লিবা “সেকেন্দ পীক” অসি খুদক্তা থিংহৌবা তঙাই ফদে। অমসুং মসিগীদমক ঐখোয়না ক্বিক অমসুং দেসিসিব ওইবা খোঙথাংশিং পাইখৎপা তাই। মফম অয়াম্বদা মফম অদুগী লৈঙাক্না মাস্ক উপ্পা অসি অদুক হক্না লুম্না লৌরক্তবা উবা ফংলক্লি। লোকেলগী থাক্তা লৈঙাক্কী খুদোংচাদবা লৈরিবা খুদিংমক শিজিন্দুনা, য়েংশিন্দুনা অমসুং কোকহনবনা হৌজিক্কী ওইনা খ্বাইদগী মরু ওই হায়না ঐহাক্না খল্লি।

মফম খরাদা তেস্ত তৌবা করিগীদমক হন্থরক্লিবনো হায়বা অসি পুন্না খন্ননবা হীরম অমা ওইরক্লি। করিগীদমক অসিগুম্বা মফমশিংদা তীকা থাদোকপসু হন্থরক্লিবনো? ঐহাক্না খনবদা মসি গুদ গভর্নান্সকী চায়েং তৌনবগী মতমসু ওইরি। ঐখোয়না কোরোনাগা লান্থেংনবদা ঙসি ফাওবগী মনুংদা লৈরক্লিবা ইশাদা থাজবা অসি চেকশিন্দবা থৌওংদা ওন্থোকহল্লোইদবনি। ঐখোয়না মীয়াম্বু পেনিক মোদতসু পুরক্লোইদবনি। করিগুম্বা অকীবা শন্দোকখিবা তারবদি মদু লাকশিন্নবা তৌগদবনি অমসুং চেকশিল থৌরাং খরা অমদি খোঙথাং খরা লৌখৎতুনা ঐখোয়না শিংনবশিং অসিবুসু মাইথিবা পীগদবনি।

ঐখোয়না হোৎনরিবশিং অসিদা ঐখোয়না হৌখিবশিংদগী খঙহৌবশিং অদু পুনশিন্নদুনা লালোং য়াৎপা তাই। রাজ্য খুদিংমক্কী মশা-মশাগী ওইবা এক্সপরিমেন্তশিং, অফবা এক্সপরিমেন্তশিং, অফবা থৌরাংশিং লৈজৈ, রাজ্য কয়ানা অতোপ্পা রাজ্যশিংদগী অনৌবা এক্সপরিমেন্তশিং তমশিল্লি। অদুবু হৌজিক চহি অমা অসিদা ঐখোয়গী সরকার অসি অসিগুম্বা ফীভমশিংদা করম্না থবক পাইখৎকনি হায়বগী মতাংদা ঐখোয়গী সরকারগী মেচীনরী অসি মপুং ফানা ত্রেন তৌখ্রে। ঐখোয়না হৌজিক প্রো-এক্তিব ওইবা মথৌ তাই। ঐহাক্না থম্মোই শেংনা হায়জরি মদুদি ঐখোয়না মথৌ তারকপা মফম খুদিংদা হীরম অমত্তা মাইক্রো কন্তেনমেন্ত জোন শেম্বগী ওপ্সন অসি কৈদৌনুংদা কোমথোকপা তৌরোইদবনি, মসিদা মতেং লৌনদুনা থবক তৌবা মথৌ তাই। করিগুম্বা জিলাশিংদা থবক তৌরিবা পেন্দেমিক রেসপোন্স তীমশিংনা করিগুম্বা মখোয়না “কন্তেনমেন্ত এন্দ সর্ভিলেন্স এস.ও.পি.শিং”গী রি-ওরিএন্তেসন মথৌ তারবদি মদু মখোয়না পাইখৎকদবনি। অমুক হন্না পুং মরি, পুং তরুক ফমদুনা খন্ন-নৈনবা মথৌ তারে, লেবেল খুদিংমক্তা খন্ন-নৈনবা মথৌ তারে। নখোয়সু সেন্সিতাইজ তৌগনি, নখোয়না হৌখিবা থৌদোকশিং নীংশিংহনগনি অমসুং খোঙজেল য়াংখৎহনগনি। মসিগা ইরোইননা হৌখিবা চহি অমা অসিদা ঐখোয়না চত্থদুনা লাকখিবা ‘তেস্ত, ত্রেক অমসুং ত্রীৎ’কী মতাংদা ঐখোয়না লুম্না লৌবা অদু মথৌ তারে। ঐখোয়না অনাবা মীওইগা কন্তেক্ত লৈরুবশিংবু অথুবা মতমদা ত্রেক তৌদুনা আর.তি.-পি.সি.আর. তেস্তকী রেৎ অসিবু ৭০%গী মথক্তা লৈহনবা অসি য়াম্না মরু ওই।

রাজ্য কয়াদা রেপিদ এন্তিজেন্ত তেস্তিংদনা হেন্না মীৎয়েং চংবসু ঐখোয়না উবা ফংলি। মদুদা থাজবা থমদুনা অদুমক চংশিল্লি। খুদম ওইনা কেরেলা, ওরিশা, ছত্তিসগর অমসুং য়ু.পি.। মসি অথুবদা হোংদোকপা মথৌ তাই হায়না ঐহাক্না খঞ্জৈ। রাজ্য পুম্নমক্তা অসিদা, লৈবাল অসিগী রাজ্য পুম্নমক্তা ঐহাক্না পমজবদি আর.তি.-পি.সি.আর. তেস্ত তৌবা হেনগৎহন্নবা হোৎনবনি। হেন্না মীৎয়েং চংবা মথৌ তারিবা ৱাফম অদুদি অহৌবদা লাইনা শন্দোকখিদবা ঐখোয়গী তিয়র ২- তিয়র ৩ সহরশিংগী অরোইবদা লৈরিবা মফমশিং হন্দক্তি হেন্না শন্দোক্লি। য়েংঙু ঐখোয়না লাঞ্জং অসিদগী মাই পাক্না কনবা ঙমখি, মসিগী মরমশিংগী মনুংদা খুঙ্গংশিংবু মসিদগী ঙাকথোক্তুনা থম্বা ঙমখিবা অসিনা অমা ওইখি। করিগুম্বা মসিনা তিয়র ২- তিয়র ৩গী সহরদা য়ৌখিবা তারবদি খুঙ্গংদা য়ৌখিবদা মতম চংলোই অমসুং খুঙ্গংশিংদা মসি লাকশিন্নবদা… ঐখোয়না শেম-শারিবশিং অসি য়াম্না ৱাৎকনি। মরম অসিনা ঐখোয়না অপীকপা সহরশিংদা তেস্তিং হেনগৎহনবা মথৌ তাই। ঐখোয় অপীকপা সহরশিংদা “রেফরেল সিস্তেম” অমসুং “এম্বুলেন্স নেৎৱার্ক”দা অখন্নবা মীৎয়েং চংবা মথৌ তাই। প্রজেন্তেসনদসু উৎখি মদুদি ভাইরস অসি হৌজিক দিসপর্স মেনরদা শন্দোক্লি। মসিগী অচৌবা মরম অদুদি লৈবাক পুম্বদা ত্রেবেল তৌনবা অথিংবা কোমথোকখ্রে, মপাল লৈবাক্তগী চংলকপা মীওইশিংগী মশিংসু হেনগৎলক্লি। মরম অসিনা কেস খুদিংমক্না ত্রেবেল তৌবগী, মখোয়গী কন্তেক্তশিংনা ত্রেবেল তৌবগী ই-পাউ রাজ্য পুম্নমক্তা সিয়র তৌবা তঙাই ফদবা ওইরক্লে। মখোয় মশেলগী মরক্তা ই-পাউ সিয়র তৌনবগী অনৌবা মেকানিজম অমা মথৌ তারবদি মদুসু খন্নগদবনি। মসিগা মান্ননা মপালদগী লাকপা ত্রেবেলরশিং অমসুং মখোয় কন্তেক্তশিংগী সর্ভিলেন্স চত্থনবা এস.ও.পি. ঙাক্না চৎনবগী থৌদাংসু হেনগৎলক্লে। হৌজিক ঐখোয়না কোরোনা ভাইরসকী ম্যুতেন্তশিং খঙদোকপা অমদি মখোয়গী শাফু মতিক ময়াই লেপথোকপা মথৌ তাই। অদোমগী রাজ্যশিংদা ভাইরসকী ভেরিএন্তশিংগী মরমদা খংনবা জীনোম সেম্পলসু তেস্তিং তৌনবা থাবসু চপ মান্ননা মরু ওই।

মরুপশিং,

বেক্সিন কেম্পেনগী মতাংদা মরুপ কয়ানা পাউদম্নরক্লি। তশেংনমক লাঞ্জং অসিদা বেক্সিন হৌজিক্তি অসি চহি অমগী মতুংদা ঐখোয়গী খুৎতা পাইরিবা খুৎলাই অমা ওইরে, মসি কান্নরবা খুৎলাই অমনি। লৈবাক অসিদা বেক্সিনেসনগী খোঙজেল লেপ্তনা হেনগৎলক্লি। ঐখোয়না বেক্সিন কাপ্পগী মশিং অসি নোংমদা মীওই লাখ ৩০ হেনখ্রে। অদুবু মসিগা লোইননা ঐখোয়না বেক্সিন দোসশিং ৱেস্ত তৌবগী সমস্যাবু য়াম্না লুনা লৌবা তাই। তেলঙ্গনা অমসুং অন্ধ্র প্রদেশতা বেক্সিন ৱেস্ত চাদা ১০ হেন্না তৌরি। য়ু.পি.দসু বেক্সিন ৱেস্ত অসি অদুমক চপ মান্নৈ। রাজ্যশিং অদুদা করিগীদমক বেক্সিন অসি মাংহল্লিবনো হায়বসু য়েংশিনবা তাই অমদি ঐহাক্না খঞ্জবদা নুমিৎ খুদিংগী নুমিদাং ৱাইরমদা য়েংশিন্নবা সিস্তেম অমা লৈহনবা তাই অমসুং ঐখোয়গী সিস্তেমগী প্রো-এক্তিব ওইবা মীওইশিংগা কন্তেক্ত তৌদুনা অমুক্তদা মীওই কয়া য়াওহন্দুনা বেক্সিন ৱেস্তেজ লৈহল্লোইদবনি, অসুম্না শেম শাগদবনি। মরমদি অমরোমদা পর্সন্তেজ ৱেস্তেজ হেনগৎলিবা মতিক ঐখোয়না কন্নাগুম্বগী হকশিং মাংহল্লিবনি। ঐখোয়না কন্নাগুম্বা অমগী হকশিং মাংহনবগী হক লৈতে।

লোকেলগী থাক্তা তৌরিবা প্লানিং অমসুং গভর্নান্সকী লৈরিবা লুপহোলশিং অথুবদা শেমদোকা তাই। বেক্সিন ৱেস্তেজনা হন্থরিবা মখৈ অমসুং ঐহাক্না রাজ্যশিংদা জিরো ৱেস্তেজ তার্গেৎতগী তানা হৌবা পাম্মি…ঐখোয়না মফম অসিদা ৱেস্তেজ অমত্তা লৈহল্লোই। অমুক্তং হোৎনদুনা য়েংলবদি শোইদনা ফগৎলক্কনি। হেল্থ ৱার্করশিং, ফ্রন্তলাইন ৱার্করশিং অমসুং অতোপ্পা ইলিজিবল ওইবা মীওইশিংদা বেক্সিনগী দোজ অনিমক য়ৌহন্নবা ঐখোয়না হোৎনরিবশিং অসি মাই পাক্কনি। ঐহাক্না থাজৈ মদুদি ঐখোয়না পুন্না হোৎনরিবশিং অমসুং লালোংশিংগী শাফু অসি ঐখোয়না অথুবদা উবা ফংলগনি অমসুং মদুগী ফলসু উবা ফংলগনি। অরোইবদা ঐহাক্না ৱাফম খরা অমুক হন্না ফোঙদোকচগে মরমদি ঐখোয়না হীরমশিং অসিদা মীৎয়েং চংদুনা মাংদা চংশিনবা ঙমগনি। ঐখোয়না হঞ্জিন-হঞ্জিন মীপুম খুদিংদা হায়গদবা মন্ত্র অদুদি “হীদাক লোইননা চেকশিনবা” অসিনি। য়েংঙু, হীদাক হায়বগী অর্থদি লাইনা অসি লোইখিবা নত্ত্রগা লোইদবা হায়বনি। খুদম ওইনা কনাগুম্বা মীওই অমা লোক থুংলবা তারবা। মহাক্না হীদাক চারে হায়দুনা মহাক্না অইংবা মফমদা ঙাকশেল য়াওদনা অথাবা ফীরোল শেৎতনা চৎপা, নোংদা চোৎনা চৎপা য়াদে। ইনাও নহাক হীদাক চাবনিনা ফরে অদুবু নহাক্না পোত্থবসু মথৌ তাই। মসি হকশেলগী নিয়মনি, মসি লাইনা অসি খক্তগী নত্তে লাইনা খুদিংমক্কিনি। করিগুম্বা ঐখোয় তাইফোইদ নারবা…হীদাক পীজবা লোইরবা, পুম্নমক লোইরবসু দোক্তরনা চিঞ্জাকশিং অসি চাগনু হায়না হায়। মসি অসুম্না অদুমক তৌই। অমসুং মরম অসিনা মীয়ামদা অসিগুম্বা মহৌশাগী ওইবা ৱাফম অসি খঙহনবা মথৌ তাই হায়না ঐহাক্না খল্লি। অমসুং মীয়ামদা হঞ্জিন-হঞ্জিন্না “হীদাক লোইননা চেকশিনবা” হায়বা ৱাফম অসি হায়রিবনি।

ঐহাক্না হায়খিবা অনিশুবা হীরম অসি অনৌবা কেসশিং খুদক্তা খঙদোক্নবা আর.তি.-পি.সি.আর. তেস্তশিং হেনগৎহনবদা য়াম্না মরু ওই। ঐখোয়না লোকেল এদমিনিস্ত্রেসনদা মাইক্রো কন্তেনমেন্ত জোনশিং শেম্নবা খঙহনগদবনি। মখোয়না মদুদা খোঙজেল য়াংনা হোৎন্দুনা লাইনা অসি শন্দোকপদগী ঙাকথোক্নবা ঐখোয়না য়াম্না খোঙজেল য়াংনা লাংশিনবদা মতেং পাংবা ঙমগনি। বেক্সিন কাপ্নবা মফমশিংগী মশিং হেনগৎহন্নবা মথৌ তারক্লি মদু লনাই নত্ত্রগা সরকার ওইরবসু অদোমনা মেপ্তা উরিবা অদুগুম্না অদোমগীদমক রাজ্য-রাজ্যগী ওইনসু মসি পীখ্রে। অহৌবদা গ্রীন দোৎকী মতাংদা হায়খি। অমসুং য়েংবদা অদুমক খঙবা ঙম্মি মদুদি মফম অয়াম্বদা লাইৎ গ্রীন ওইরক্লি, মসিনা তাকপদি বেক্সিনেসন সেন্তর অসি মশিং য়ামদবা নত্ত্রগা এক্তিব ওইদে তাকপনি। য়েংঙু তেক্নোলোজীনা ঐখোয়গী মতেং কয়া পাংলি। ঐখোয়গী নুংতি নুমিৎ খুদিংগী থবক-থৌরমশিং য়াম্না লায়না শিন্দোকপা য়ারে। মসিগী খুদোংচাবা ঐখোয়না লৌগদবনি অদুবু মসিদা য়ুম্ফম ওইদুনা ঐখোয়না ফগৎনবা হোৎনবা তাই। ঐখোয়গী সেন্তরশিংনা হেন্না প্রো-এক্তিব ওইরবা, মিসন-মোদতা থবক তৌরবা, ৱেস্তেজ হন্থবা ঙমগনি, মশিংসু হেনগৎলক্কনি অমসুং থাজবসু খুদক্তা হেনগৎলক্কনি। ঐহাক্না মসিদা মীৎয়েং থম্বা পাম্মি।

লোইননা ঐখোয়না খঙজিনগদবা ৱাফম অমনা বেক্সিন অসি লেপ্তনা পুথোকপা ওইবনা মরম ওইরগা ঐখোয়না মসু য়াম্না থুনা পুথোকপা ঙম্লিবা মখৈ পুথোক্নবা ঐখোয়না হোৎনগদবনি। নত্ত্রবদি মসি চহি অমা, চহি অনি, চহি অহুম চংলগনি। সমস্যা অমনা বেক্সিনগী এক্সপায়রী দেৎ অনি। ঐখোয়না খঙজিনগদবনি হান্না পুথোকপা অদু হান্না শিজিন্নথোক্কদবনি; কোন্না পুথোকপনা কোন্না শিজিন্নগদবনি। করিগুম্বা ঐখোয়না কোন্না শেম্লকপা অদু শিজিন্নবা তারবদি এক্সপায়রী দেৎ নকশিল্লগনি অমসুং ৱেস্তেজ থোকহনগনি। মরম অসিনা ঐখোয়না ঙাকথোকপা য়াবা ৱেস্তেজ ঙাকথোক্কদবনি হায়না ঐহাক্না খঞ্জৈ। ঐখোয়না পুরিবা পোৎলুম অসি মসিগী এক্সপায়রী দেৎনি হায়বা ঐখোয়না খঙগদবনি, ঐখোয়না মদু হান্না শিজিন্নথোক্কদবনি। মসি য়াম্না মরু ওই। পুম্নমক অসিগা লোইননা লাইনা অসি শন্দোকপা থিংনবা তঙাই ফদবা খোঙথাংশিং অদুদি, ঐহাক্নসু হায়খ্রে “হীদাক লোইননা চেকশিনবা” হায়বা অসিনা ওইরি। মাস্ক উপ্পা, গজ অনিগী অরাপ্পা থম্বা, পর্সনেল হাইজিন নত্ত্রগা সোসিএল হাইজিন ওইরবসু লুনাননা লৈবা, পুম্নমক অসিদা মপুং ফানা মীৎয়েং চংবা তাই। করিগুম্বা ঐখোয়না মসিদা অকনবা মওংদা চংশিনবা মথৌ তারবদি মসি অমুক হন্না হায়বা তঙাই ফদে। ঐখোয়না কেপ্তেননা হায়রিবা ঐখোয়না ঙরাংদগী হেন্না চেকশিনবগী মুবমেন্ত মথৌ তাই হায়বা অসি অচুম্বা ৱাফম অমনি। ঐহাক্না খঞ্জবদা পুম্নমক্না হীরম অসিদা থৌনা ফনা চংশিনবা তাই।

হীরম অসিদা ঐখোয়না মীয়ামদা ভাব তাহন্নবা হোৎনবদা শোইদনা মাই পাক্কনি হায়না ঐহাক্না থাজৈ। ঐহাক্না নখোয়গী সজেসনশিংগীদমক অমুক হন্না থাগৎচরি। অদোমনা অতোপ্পা সজেসনশিং লৈরবদি মদু থাবীরকউ। ঙসি খন্নখিবা হোস্পিতালগী মতাংদা নখোয়না পুং অনি-মরিগী মনুংদা ই-পাউ পুম্নমক পীবিরকউ অদু ওইরবদি ঐহাক্না নুংদাং পুং ৭-৮ রোম তারকপদা ঐহাক্কী বিভাগকী মীওইশিংগা লোইননা বোত্তলনেকশিং লৈরবদি মদু য়েংশিনজগে, করিগুম্বা ৱারেপ লৌবা মথৌ আরবদি মদু হকশেল মন্ত্রালয়না খুদক্তা তৌগনি অমসুং ঐহাক্নসু য়েংশিনগনি। অদুবু ঐহাক্না হায়নিংবদি হৌজিক ফাওবদা ঐখোয়না লাঞ্জং অসিদা মাই পাকপা অসিদা ময়াম পুম্নমক্কী মতেং য়াওরি, ঐখোয়গী কোরোনা ৱারিয়র অমমমনা মতেং পাংলি, জনতা-জনার্দননসু য়াম্না কোওপরেৎ তৌখি। ঐখোয়না পুখৎলকপা ৱাফম খুদিংমক্তা মীয়াম্না থাজখি, মীয়াম্না মতেং পাংখি অমসুং ভারতনা মাই পাক্লিবা অসি ইরৈবাকচা করোর ১৩০না ভাব তাবননি, ইরৈবাকচা করোর ১৩০না মতেং পাংবননি, ইরৈবাকচা করোর ১৩০না কো-ওপরেসন পীবননি। ঐখোয়না জনাতা-জনার্দনবু ৱাফম অসিদা ঙম্লিবা মখৈ অমুক হন্না মরী থম্বা ঙম্লবদি, অমুক হন্না ৱাফম অসি ফোঙদোক্লবদি, ঐখোয়না হৌজিক উরিবা অহোংবা অসি থিংদুনা অমুক হন্না শেমদোকপা ঙমগনি। ঐহাক্না অসুম্না চেৎনা থাজবা থম্লি। নখোয় পুম্নমক্না কন্না হোৎনখি, নখোয়গী এক্সপর্তাইস তীম লৈজরে। নোংমদা অমুক নত্ত্রগা অনিরক হায়বা হৌরো, চয়োল অমদা অমুক নত্ত্রগা অনিরক উনবা হৌরো, মশা মথন্তা থবক খুদিংমক খোঙজেল য়াংশিল্লক্কনি।

ঐহাক্না অতেনবা মতমগী মনুংদা অমুক হন্না ময়াম পুম্নমক য়াওনবা ঙসিগী মীতিং অসি কৌখি, অদুবু নখোয়না মতম পীবিদুনা নখোয়গী ই-পাউ পুম্নমক্কী অকুপ্পা ৱারোলশিং ময়েক শেংনা থম্লি, মসিগীদমক ঐহাক্না হন্না-হন্না থাগৎচরি।

হন্না-হন্না থাগৎচরি!

*****