Search

ভারতকী প্রধানমন্ত্রীভারতকী প্রধানমন্ত্রী

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

কেবিনেৎনা ইন্সতিত্যুৎ ওফ চারতর্দ একাউন্তেন্ত ইন্দিয়া অমসুং চারতর্দ একাউন্তেন্ত ওস্ত্রেলিয়া অমদি ন্যু জিলেন্দগী মরক্তা খুৎয়েক পীনখিবা মেমোরেন্দম ওফ অন্দরস্তেন্দিংগী অয়াবা পীখ্রে


প্রধান মন্ত্রী, শ্রী নরেন্দ্র মোদীনা লুচিংবা কেবিনেৎনা ইন্সতিত্যুৎ ওফ চারতর্দ একাউন্তেন্ত ইন্দিয়া (আই.সি.এ.আই.) অমসুং চারতর্দ একাউন্তেন্ত ওস্ত্রেলিয়া অমদি ন্যু জিলেন্দ (সি.এ. এ.এন.জেৎ.)গী মরক্তা নৌনা খুৎয়েক পীনখিবা মেমোরেন্দম ওফ অন্দরস্তেন্দিং (এম.ও.য়ু.)গী অয়াবা পীখ্রে।

চৈথেং-

এম.আর.এ.না মেম্বর, মহৈরোই অমসুং মখোয়গী লুপশিংগী অপাম্বা য়েংলদুনা মখোয় মশেলগী কান্নবা মরী শাগৎহন্নবা অপাম্বা থম্বগা লোয়ননা আই.সি.এ.আই.গী মেম্বরশিংদা মখোয়গী থবক তৌবগী পন্থুং হেনগৎহন্নবা খুদোংচাবা পীগনি অমসুং একাউন্তিং ইন্সতিত্যুৎ অনিগী মরক্তা থবক তৌমিন্নবগী লৈরিবা মরীসু ফগৎহল্লগনি হায়বগী থাজবা লৈরি। ইন্সতিত্যুৎ অনি অসিনা মালেমগী ওইবা অকোয়বদা শিনফম অসিনা থেংনরিবা শিংনবা কয়াবু থেংনবদা লুচিংবগী থৌদাং লৌনবা খুদোংচাবসু পীরগনি।

কান্নবা-

ইন্সতিত্যুৎ অনি অসিনা মরী লৈনবদগী ভারতকী চারতর্দ একাউন্তেন্তশিংদা থবক্কী অহেনবা খুদোংচাবা লৈহনবগা লোয়ননা ভারত্তা অহেনবা শেনফম লাকপগী কান্নবশিংসু পীরগনি।

অকুপ্পা ৱারোলশিং-

ইন্সতিত্যুৎ ওফ চারতর্দ একাউন্তেন্ত ইন্দিয়া (আই.সি.এ.আই.) অমসুং চারতর্দ একাউন্তেন্ত ওস্ত্রেলিয়া অমদি ন্যু জিলেন্দ (সি.এ. এ.এন.জেৎ.)গী মরক্তা লৈনরিবা এম.ও.য়ু. অসিনা অমগা অমগগী মহৈগী থাকপু শকখঙগনি অমসুং ইনস্তিত্যুৎ অনি অসিগী মেকানিজম্বু শম্নহন্নবা থৌওং য়াত্তুনা মেম্বরশিংবু অফবা থাক অমদা লৈহনগনি। আই.সি.এ.আই. অমসুং সি.এ. এ.এন.জেৎ.না একাউন্তিংগী লৌশিং, শিনফম অমসুং মহৈ হৈবা হেনগৎহনবা, মখোয়গী মেম্বরশিংগী অপাম্বা হেনগৎহনবা অমসুং ওস্ত্রেলিয়া, ন্যু জিলেন্দ অমসুং ভারত্তা একাউন্তিংগী শিনফম্বু অফবা মওংদা খুমাং চাউখৎহন্নবা অনিমক্কী য়ান্নবা থবক তৌবগী ফ্রেমৱর্ক অমা শেম্বগী পান্দমসু থম্লি।

থবক পাংথোকপগী থৌশিল অমসুং পান্দমশিং-

এম.ও.য়ু. অসিনা লুপ অনি অসিগী তঙাই ফদবা পরিক্ষা, প্রোফেস্নেল প্রোগ্রাম লোইরবা অমসুং থবক তৌবগী এক্সপেরিএন্স লৈরবা তুংদা মেম্বর ওইরবা মশাগী নত্তবা অতোপ্পা লুপকী মেম্বরশিংগী মহৈগী থাকপু শকখঙহনগনি।

বেকগ্রাউন্দ-

ইন্সতিত্যুৎ ওফ চারতর্দ একাউন্তেন্ত ইন্দিয়া (আই.সি.এ.আই.) অসি ভারতকী পারলিয়ামেন্তকী এক্ত অমা ওইরিবা, দি চারতর্দ একাউন্তেন্ত এক্ত ১৯৪৯না লিংখৎপা ভারত্তা লৈরিবা চারতর্দ একাউন্তেন্তশিংগী শিনফম্বু য়েংশিন্নবা লুপ অমনি। চারতর্দ একাউন্তেন্ত ওস্ত্রেলিয়া অমদি ন্যু জিলেন্দ (সি.এ. এ.এন.জেৎ.) অসিনা ওস্ত্রেলিয়া অমসুং ন্যু জিলেন্দগী ইন্সতিত্যুৎ ওফ চারতর্দ একাউন্তেন্তনা ওক্তোবর ২০১৪দা পুল্লবা মতুংদা ওইরকখিবনি।

*****