ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্র কেবিনেতনা লুপা করোর 12461গী শেন্থং কাইথোক্তুনা হাইদ্রো ইলেক্ত্রিক প্রোজেক্ত (HEP)শিংগীদমক্তা ইনফ্রাস্ত্রকচর শেমগৎপদা চংবা শেলগী বজেত্তরী সপোর্ত পীনবা স্কীম অদুবু শেমদোক্নবগী অয়াবা পীখ্রে। স্কীম অসি FY 2024-25 দগী  FY 2031-32 ফাওবা থবক ওইনা পাইখৎলগনি।

ভারত সরকারনা হাইদ্রো পাৱর দেবেলপমেন্ত অপনবা পীরিবা ইশুশিং খদুম ওইনা অথাপ্পা মফম ওইবা, চিংগী লম ওইবা, ইনফ্রাস্ত্রকচর ৱাৎপনচিংবশিং অসিনা মরম ওইরগা মায়োক্নরিবা অৱাবশিং অদুবু কোকহন্নবা থৌশিল-থৌরাংগী অনৌবা থৌরাং কয়া অমা পাইখৎলি। হাইদ্রো পাৱরবু য়োকখৎনবা অমসুং মসিবু হেন্না ওইথোকপা য়াবা অমা ওইহন্নবা, কেবিনেতনা 2019গী মার্চতা, অচৌবা হাইদ্রো পাৱর প্রোজেক্তশিংবু রিন্যুৱেবল ইনর্জী সোর্সশিং ওইনা লাউথোকপা, হাইদ্রো পাৱর পর্চেজ ওব্লিগেশনশিং (HPOশিং), তারিফ হেনগৎহন্দুনা তারিফতা শেমদো-শেমজিনগী পাম্বৈশিং, স্তোরেজ HEPদা ঈশিং-ঈচাউ শেন্ননবগীদমক্তা বজেতকী ওইবা তেংবাং অমসুং ইনফ্রাস্ত্রকচরশিং শেমগৎপদা  হায়বদি লম্বি-থোংশিং শেমগৎপদা চংবা শেলগীদমক্তা বজেতকী ওইবা তেংবাং পীবনচিংবগুম্বা পাম্বৈশিং অসিগী অয়াবা পীখ্রে।

অথাপ্পা প্রোজেক্কী মফমশিংদা হাইদ্রো ইলেক্ত্রিক প্রিজেক্তশিংবু হেন্না য়াংনা শেমগৎনবগী অমসুং ইনফ্রাস্ত্রকচর ফগৎহন্নবা, হান্নগী স্কীম অদুদা মখাদা পীরিবশিং অসি শেমদোকখ্রে: 

ক) লম্বি-থোংশিং শেম্বা-শাবা খক্তা নত্তনা অতোপ্পা হিরম মরি অমশু য়াওহন্দুনা ইনফ্রাস্ত্রকচর শেমগৎপদা চংবা শেলগীদমক্তা বজেতকী ওইবা মতেং পীবগী ঙমখৈ অদু খরা চাউথোকপা, হায়বদি,  (i) রাজ্য/কেন্দ্রগী ত্রান্সমিসন য়ুতিলিতীগী পুলিং সবস্তেসনগী অপগ্রেদেশন য়াওনা পাৱর হাউসতগী খ্বাইদগী নকপা পুলিং পোইন্ত ফাওবা ত্রংআন্সমিসন লাইন তিংবা (ii) রোপৱেশিং (iii) রেলৱে সাইদিং অমসুং (iv) কম্যুনিকেশন ইনফ্রাস্ত্রকচর হায়রিবশিং অসি শশেমগৎ-শাগৎপদা চংবা শেল অসিশু বজেত্তা য়াওহনবা। প্রোজেক্ত অদু ফাওবা চৎলিবা হান্নদগী লৈরিবা লম্বি/থোংশিংবু শেমজিনবশু স্কীম অসিগী মখাদা কেন্দ্রগি ওইবা তেংবাংগীদমক্তা এলিজিবল ওই।

খ) স্কীম অসিদা চাউরাক্না 31350 MWকী অপুনবা জেনরেশন কেপাসিতী লৈ, মসিগী অপুনবা শেন্থং লুপা করোর 12,461 নি, মসি FY 2024-25 দগীনা FY 2031-32 ফাওবা ইমপ্লিমেন্ত তৌরগনি।  

গ) স্কীম অসি ত্রান্সপরেন্ত বেসিসতা পীখিবা প্রাইভেত সেক্তর প্রোজেক্তশিং য়াওনা 25 MWগী কেপাসিতীদগী হেনবা হাইদ্রো পাৱর প্রোজেক্তশিং পুম্নমক্তা চৎনগনি। স্কীম অসিকেপ্তিব মর্চেন্ত PSPশিং য়াওনা পমপদ স্তোরেজ প্রোজেক্তশিং (PSPশিং) পুম্নমক্তশু চৎনগনি, অদুবু হায়রিবশিং অসি ত্রান্সপরেন্ত বেসিসতা পীবা ওইগদবনি। স্কীম অসিগী মখাদা চাউরাক্না 15,000 MWকী ক্যুমুলেতিব কেপাসিতী লৈবা PSPশু সপোর্ত তৌগনি।

ঘ) 30.06.2028 ফাওবা অহানবা  অচৌবা পেকেজগী লেতর ওফ এৱার্দ পীখ্রবা প্রোজেক্তশিং অদুবু স্কীম অসিগী মখাদা এলিজিবল ওই হায়না লৌরগনি।

ঙ) ইনফ্রাস্ত্রকচর শেমগৎপদা চংবা শেলগীদমক্তা পীবআ বজেতকী সপোর্তকী লিমিৎ অদু 200 MW ফাওবগী প্রোজেক্তশিংগীদমক্তা MW অমদা লুপা করোর ১ অমসুং 200 MW হেনবা প্রোজেক্তশিংগীদমক্তা লুপা করোর ২০০গা লোইন-লোইননা 200 MWদগী হেনলিবা MW অমদা লুপা করোর ০.৭৫ ওইগনি। অখন্নবা কেসশিংদা বজেতকী ওইবা সপোর্তকী লিমিৎ অদু MW অমদা লুপা করোর ১.৫ ফাওবা হেনগৎপা য়াই, হায়রিবা অসিগীদমক্তা মতিক চাবা মরম লৈগদবনি।

চ) ইনফ্রাস্ত্রকচর শেমগৎপগী চংবা বজেতকী ওইবা মতেং অদু  DIB/PIBনা শেমগৎকদৌরিবা ইনফ্রাস্ত্রকচর অদুগী মমল অদু লেপ্লবা মতুংদা অমসুং পীরিবা গাইদলাইনশিং অদুগী মতুং ইন্না মরি লৈনবা ওথোরিতীনা অয়াবা পীরবা মতুংদা পীগনি।

খুদোংচাবশিং:

মসিগী রিভাইস তৌরবা স্কীম অসিনা হাইদ্রো ইলেক্ত্রিক প্রোজেক্তশিং য়াংনা দেবেলপ তৌবদা, অথাপ্পা অমসুং চিংগী মফমশিংদা লৈবা প্রোজেক্তশিংদা লৈবা ইনফ্রাস্ত্রকচর ফগৎহনবদা মতেং পাংগনি অমসুং লমদম অদুগী মীওইশিংদা দাইরেক্ত এমপ্লোইমেন্ত ময়াম অমা পীরগনি, মসিগা লোইন-লোইননা ত্রান্সপোর্তেশন, তুরিজম, অপিকপা বিজনেসকী খুত্থাংদা ইন্দাইরেক্ত এমপ্লোইমেন্ত/এন্ত্রপ্রেনরগী ওইবা খুদোচাবশিংশু পীরগনি। মসিনা হাইদ্রো পাৱর সেক্তরদা অনৌবা ইনভেস্তমেন্তশিং তৌনবা পুক্নিং থৌগৎলগনি অমসুং অনৌবা প্রোজেক্তশিং মতম চানা লোইশিনবদা মতেং পাংলগনি।

*****