ভারতকী প্রধানমন্ত্রী

কম্পিতিতিপ কম্মিসন ওফ ইন্দিয়া(সি সি আই) অমসুং ইজিপসিয়ান কম্পিতিসন ওথোরিতি(ই সি আই) অনিগী মরক্তা মেমোরেন্দম ওফ অন্দর্সতেন্দিং(এম ও য়ু) খুৎয়েক পীনবা ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

থবক ওইনা পাংথোক্নবা লাল্লোং অমসুং পান্দমশিং :

ই-পাউ পীথোক পীশিন তৌনদুনা, খ্বাইদগী ফবা থবকশিং শরুক য়ামিন্নদুনা অমসুং কেপাসিতি বিল্দিংগী থবকশিং পাংথোক্তুনা কম্পিতিতিপ লো অমসুং থৌশিলদা মতেং পীনবা হেনগৎহন্নবা এম.ও.য়ু অসিনা পান্দম থম্লি। সি.সি.আই অমসুং ই.সি.এগী মরক্তা মরী লৈনবা হেন্না মপাঙ্গল কনখৎহন্নবা অমসুং তেক্নিকেলগী মতেং অমসুং এক্সপেরিয়েন্সশিং পীথোক-পীশিন তৌনদুনা মখোয় মখোয়গী লৈবাকশিংদা কম্পিতিতিপ লো চৎনহনবা হেনগৎহন্নবা এম.ও.য়ু অসিনা পান্দম থম্লি।

কান্নবা:

এম.ও.য়ু অসিগী মখাদা, সি.সি.আইনা ইজিপকী কম্পিতিতিপ এজেন্সিদগী থবক অমসুং পারা কয়া তমগনি অমসুং মসিনা সি.সি.আইনা কম্পিতিসন এক্ত,২০০২ নিংথিনা চৎহনবদা মতেং পাংগনি। মসিদগী ফংলকপা ফলশিং অদুনা কঞ্জুমরশিংদা চাউনা কান্নবা পীগনি অমসুং থোঙ মান্নবা অমসুং অপুনবা ওইনা চাউখৎমিন্নবা ঙমগনি।

নুঙগীৱারোল

কম্পিতিসন এক্ত,২০০২গী সেক্সন ১৮গী মখাদা, সি.সি.আইনা মসিগী মথৌ পাংথোকপা ঙম্নবা মপান লৈবাক অমগী এজেন্সি অমগা হেক্তা মেমোরেন্দম নত্ত্রগা য়ানচে অমা খুৎয়েক পীনবা য়াই। মসিগী মতুংইন্না, হৌজিক সি.সি.আই অমসুং ই.জি.এগী মরক্তা য়ানচে খুৎয়েক পীনবনি।

****