ভারতকী প্রধানমন্ত্রী

খুরুমজরি,

ভারতকী চাওখৎ খোঙজেলগী মাইকৈ পুরিবা সি.আই.আই.গী মেম্বর পুম্নমক অমসুং ইন্দস্ত্রী স্তেলৱার্ত পুম্নমক্তা ইকাই খুম্নবা উৎচরি!  থৌরম অসিদা শরুক য়ারিবা মীওইশিং অসি য়ুনিয়ন কেবিনেত্তা য়াওরিবা ঐগী সেনিয়র কলিগশিং, সি.আই.আই.গী প্রসিদেন্ত শ্রী তি.ভি. নরেন্দ্রন, ইন্দস্ত্রীগী লিদর পুম্নমক অমসুং লৈবাক কয়া অমগী দিপ্লোমেতশিং, তোঙান তোঙানবা লৈবাকশিংদা লৈরিবা ভারতকী এম্বাসেদরশিং, ইকাই খুম্নরবি অমসুং ইকাই খুম্নরবা মীওইশিংনি!

ঙসিগী মীফম অসি মালেম শিনবা-থুংনা শন্দোক্লিবা লাইচৎ অসিগী কন্তেক্সতা য়াম্না মরু ওই৷ অসিগুম্বা অচৌবা ক্রাইসিস অসিগী মনুংদা ভারতকী ইন্দস্ত্রী অমসুং সরকার অসিগী মরক্তা ফিভম ফনা পার্তনরশিপ শেম্লিবা অসি ঐখোয়না উবা ঙম্মী৷ মাস্কশিং, পি.পি.ই., ভেন্তিলেতরশিংদগী হৌদুনা ভেক্সিনেসনশিং তৌবা য়াওনা লৈবাক অসিনা দরকার ওইরকপা খুদিংমক্তা ইন্দস্ত্রী অসিনা পাংবা য়াবা মতেং খুদিংমক পাংখ্রে৷ ইন্দস্ত্রী অমসুং ওর্গনাইজেসনশিংগী মরুপ পুম্নমক ভারতকী গ্রোথ স্তোরীগী য়াম্না মরু ওইবা শরুক অমা মতম পুম্নমক্কী ওইনা ওইখ্রে৷ হৌজিক্তি নখোয়না হোৎনরিবশিং অসিগা লোইননা ভারতকী ইকোনোমী অসি অমুক-হন্না মোমেন্তম গেন তৌরি৷ হৌজিক্কী মতমশিং অসিদা, অনৌবা খুদোংচাবশিংগী মতাংদা সি.ই.ও. অমদগী রিপোর্ত নত্রগা স্তেতমেন্ত অমফাওবা লাক্তবা নুমিৎ লৈশিল্লক্ত্রে৷ আই.তি. সেক্তরদা রেকোর্দ হাইয়র তৌরিবা অসিগী মতাংদা লৈরিবা রিপোর্তশিং অদুসু ঐখোয়না উরে৷ মসি লৈবাক অসিদা লৈরিবা দিমান্দগী গ্রোথ অমসুং দিজিতাইজেসনগী মহৈনি৷ হৌজিক্তি, হায়রিবা খুদোংচাবশিং অসি শিজিন্নদুনা ঐখোয়না পাম্লিবা পান্দমশিং অদু ফংবা ঙম্নবা হান্না হোৎনরম্বা অদুদগী শরুক অনি হেনগৎনা ঐখোয়না হোৎনগদবনি৷

মরুপশিং,

লৈবাক অসিনা মনিং-মখা তম্লকপা চহি ৭৫ মপুং ফারকপা মতম অসিদা সি.আই.আই.গী মীফম অসি পাংথোক্লিবনি৷ মসিনা ইন্দিয়ন ইন্দস্ত্রীনা অনৌবা রিজোলুসনশিং অমসুং গোলশিং ফংনবগী অচৌবা খুদোংচাবা অমা ওই৷ অত্মনির্ভর ভারত মাই পাকপগী অচৌবা থৌদাং অসি ভারতকী ইন্দস্ত্রীশিংগী মখুৎতা লৈ৷ অদুগা সরকার অসিনা মখোয়গীদমক অমসুং নখোয়না হোৎনরিবশিং অদুগীদমক লৈরি হায়না ঐনা নখোয়দা হায়বা পাম্মী৷ লৈবাক অসি চাওখৎননবগীদমক ঙসি শেমখিবা ইনবাইরোনমেন্ত অমসুং মহাক্কী কেপাবিলিতীশিংদা শেমখিবা কনফিদেন্স অদুগী কান্নবা অদু ইন্দিয়ন ইন্দস্ত্রী অসিনা মপুং ফানা লৌগদৌবনি৷ নখোয়না থিঙ্কিংদবু ওইরবসু অদুগা সরকারগী এপ্রোচতবু ওইরবসু নত্রগা সরকারগী সিস্তেমশিংগী থবক-থৌরমশিংদবু ওইরবসু হৌখিবা চহিশিং অসিদা ভারত্তা লাক্লিবা অহোংবশিং অদু নখোয়না খঙগনি অমসুং উবা ফংগনি৷ ঙসিদি অনৌবা ভারতনা অনৌবা ৱর্ল্দ অসিগা চৎমিন্ননবা শেম-শাদুনা লৈরি৷ মতম অমদা ফোরেন্দ ইনবেস্তমেন্তগীদমক কিরম্বা ভারতনা ঙসিদি ইনবেস্তমেন্ত পুম্নমক খৌরাংনা ঙাইরি৷ মতম অমদা তেক্স পোলিসীশিংনা ইনবেস্তরশিংদা পেন্দবা পোকহনলম্বা ভারত লৈবাক অসিদা হৌজিক্তি মালেম অসিগী খ্বাইদগী কম্পিতিতিব ওইবা কোর্পোরেত তেক্স অমসুং ফেসলেস তেক্স সিস্তেম লৈরে৷

চহি কয়া অমা, ৱার্করশিং অমসুং ইন্দস্ত্রীশিং লো চা কয়াগী ৱেব অদুদা পুনশিন্দুনা থম্লম্মী; ঙসিদি লেবর লো কয়া অমা লেবর কোদ মরিগী মখাদা পুনশিনখ্রে৷ মতম অমদা লৌউবা খক্তনা হিংনবগী লম্বনি হায়না লৌনরম্মী; হৌজিক্তি লৌউ-শিংউবদা ইতিহাসিক ওইরবা রিফোর্মশিং পুরক্তুনা ভারতকী লৌমীশিং অসি হকথেংননা লৈবাক অসিগী অমসুং মপান লৈবাকশিংগী মার্কেৎশিংগা কন্নেক্ত তৌনবা হোৎনরি৷ মসিনা মরম ওইদুনা, ভারতনা লেপ্পা-লৈতনা এফ.দি.আই. অমসুং এফ.পি.আই. রেকোর্দ ফংলি৷ লৈবাক অসিগী ফোরেক্স রিজর্বশিংসু মতম পুম্নমক্কী ওইনা অৱাংবা থাক্তা লৈরে৷

মরুপশিং,

ন্যু ইন্দিয়াগী থোথ প্রোসেস অদু করিনো হায়বদুগী খুদম অমা ঐনা নখোয়দা পীবা পাম্মী৷ মপান লৈবাকশিংগী পোত্থোকশিংনা হেন্না ফবা হেল্লি হায়না ঐখোয়না খনখিবা মতম অমা লৈরমখি৷ মসিগী ৱাখল্লোন অসিগী রিজল্ত অসি করিনো হায়বসি নখোয়গুম্বা ইন্দস্ত্রী বেতরানশিংনা নিংথিনা খঙই? ঐখোয়না চহি কয়া চংনা য়াম্না কন্না হোৎনদুনা শেমগৎখিবা ঐখোয় ইশাগী ব্রান্দশিং ফাওবা, মপান লমগী মমিংশিং খক্তমক শিজিন্নদুনা য়োকখৎখি৷ ঙসিদি লৈরম্লিবা ফিভম অদু য়াম্না থুংনা হোংলে৷ ঙসিদি, লৈবাক অসিদা লৈরিবা প্রজা মীয়াম্না ভারত্তা শাজবা পোত্থোকনা হেন্না পাম্নরে৷ কম্পেনী অদু ভারত মচাগী ওইগদবনি হায়বগী চপ-চাবদি লৈতে অদুবু ঙসিদি ভারত মচা খুদিংমক্না ভারত্তা শাজবা পোত্থোকশিং শিজিন্নবা পাম্লে৷ লৈবাক অসি ৱাখল তারক্লে অমসুং ঙসিদি মসিগী মতুং ইন্না ইন্দস্ত্রী অসিনা  মহাক্কী পোলিসী অমসুং স্ত্রাতিজী শেমগদবনি৷ নখোয়না অত্মনির্ভর ভারত কেম্পেন্দ মাই পাক্নবা হোৎনবদা মসিনা নখোয়বু য়াম্না চাওনা মতেং পাংলগনি৷

ভারত্তা লৈরিবা প্রজাশিংগী কনফিদেন্স হেনগৎলক্লিবা অসিসু নখোয়না মীৎয়েং চংগদবা অতোপ্পা ফেক্তরনি৷ মসিগী কনফিদেন্স অসি সেক্তর খুদিংমক্তা লৈবা ঐখোয়না উবা ফংই৷ ঙসিদি, ভারতকী নহাশিংনা ফিল্দদা থোক্লকপা মতমদা মাই লৈদুনা চেন্দ্রে৷ মখোয়না হেন্না হোৎননিংবা, রিস্কশিং লৌবা অমসুং রিজল্তশিং পুরকপা পাম্মী৷ ‘চুম্মী, মসিগী লম অসিদা ঐখোয় পোকই’ হায়বা অসিনা ঙসিদি ঐখোয়গী নহাশিংগী সেন্তিমেন্ত ওইরে৷ হায়রিবা কনফিদেন্স অদুমক ঙসিদি ভারতকী স্তার্ত-অপশিংদা লৈরে৷ ঙসিদি, য়ুনিকোর্নশিংসু অনৌবা ভারতকী আইদেন্তিতী ওইরে৷ হৌখিবা চহি ৭-৮ অসিদা ভারত্তা য়ুনিকোর্ন ৩-৪ ৱানা লৈরম্মী৷ ঙসিদি ভারত্তা য়ুনিকোর্ন ৬০রোমগী চাংদা লৈরে৷ মসিগী মনুংদা, য়ুনিকোর্ন ২১দি হৌখিবা থা খরা অসিখক্তদা লাকখিবনি৷ হায়রিবা য়ুনিকোর্নশিং অসিসু তোঙান তোঙানবা সেক্তরশিংদা থোক্লকপনি হায়বসিসু নখোয়না শোইদনা খঙজিনগদবনি৷ হেল্থ-তেক অমসুং সোসিয়েল কম্মর্সতা য়ুনিকোর্নশিং থোক্লকপা অসিনা ভারত্তা লৈরিবা লেবেল খুদিংমক্তা অহোংবা লাক্লে হায়বগী খুদম অমনি৷ করবার তৌবদা রিস্কশিং লৌবগী তেন্দেন্সী অমসুং মশাগী হৈ-শিংবা তৌবা ঙম্বগী মখা পোন্না থবক তৌবা লেপ্পা-লৈতনা হেনগৎলক্লি৷ লাইনা-লাইচৎ অসিগী মতম ফাওবদা, ঐখোয়গী স্তার্ত-অপশিংগী এম্বিসনশিং অসি অদুক্কী মতিক ৱাংই৷ ইন্দিয়ন স্তার্ত-অপশিংগীদমক ইনবেস্তরশিংদগী রেকোর্দ রেস্পোন্স অমসু লাকখ্রে৷

স্তার্ত-অপশিং রেকোর্দ লিস্তিং তৌবা অসি ভারতকী কম্পেনীশিং অমসুং ভারতকী মার্কেৎকী ওইনদি অনৌবা ইরা অমা হৌরকপনি৷ ভারত্তা তোঙানবা খুদোংচাবশিং লৈ অমসুং লৈবাক অসিনা চাওখৎলক্নবগী অচৌবা স্কোপ লৈ হায়বা অসিসু অতোপ্পা প্রুফ অমনি৷

মরুপশিং,

ঙসি তেক্নোলোজীগী মতাংদা লৈবাক অসিনা থৱাই য়াওশিল্লকপা অসিনা সরকার অসিবু রিপিদ রিফোর্মশিংগী মোতিবেত তৌরি৷ ঐখোয়না হৌদোকখিবা রিফোর্মশিং অদু ৱারেপশিং য়াম্না লাইনা লৌখিবা নত্তে, মখোয়শিং অদু অচম্বা অহোংবশিং নত্তে৷ হায়রিবা রিফোর্ম পুম্নমক্কী দিমান্দ অদু চহি খুদিং কয়াদগী লৈরক্লবনি, মখোয়শিং অদু দরকার ওইরে হায়না মীপুং খুদিংমক্না পল্লিবনি৷ মসিগী মতাংদা কয়ারক হন্না খন্ন-নৈনখিবা লৈরে অদুবু অহোংবা পুরকপা হায়বসি য়াম্না অরুবা অমা ওইগনি হায়না লৌখিবনা ৱারেপশিং অমতা লৌখিবা লৈতে৷ হায়রিবা ৱারেপশিং অদুমক ঐখোয়না চনিং-তানা মতৌ কমদৌনা লেপখিবনো হায়বা অদুসু নখোয়না উরম্লগনি৷ লাইনা-লাইচৎকী মতম ফাওবদা, রিফোর্মশিংগী প্রোসেস লেপ্পা লৈত্রি৷ কম্মিসিয়েল কোইল মাইনিং মখা চত্থবা য়াহনখ্রে, প্রাইভেৎ সেক্তর পার্তিসিপেসন্দা ওপনলী পুক্নিং থৌগৎলি, দিফেন্স সেক্তর অমসুং স্পেসতা অচৌবা রিফোর্মশিং হৌদোকখ্রে অমসুং এতোমিক সেক্তর প্রাইভেৎ সেক্তরদা হাংদোকখ্রে৷ ঙসিদি, নন-স্ত্রাতিজিক অমসুং স্ত্রাতিজিক সেক্তর পুম্নমক্তা লৈরিবা খুদোংচাবশিং প্রাইভেৎ প্লেয়রশিংদা ফংহল্লি;  সরকার অসিনা মহাক্কী কন্ত্রোল অদু হেন্না পীকথহল্লি৷ লৈবাক অসিনা মহাক্কী প্রাইভেৎ সেক্তর অমসুং নখোয় পুম্নমক্তা থাজবা থম্বা অসিনা মরম ওইদুনা হায়রিবা লুরবা ৱারেপ পুম্নমক অসি ঙসি লৌবা ঙম্লিবনি৷ হায়রিবা এরিয়াশিং অসিদা ঐখোয়গী কেম্পেনীশিং(প্রাইভেৎ) এক্তিব ওইরকপনা, মখোয়গী তৌবা-ঙম্বা অদুসু হেনগৎলক্লগনি৷ ঐখোয়গী নহাশিংনা খুদোংচাবা খ্বাইদগী হেন্না ফংলগনি অমসুং ইন্নোবেসনশিংগী অনৌবা ইরা অমা হৌরগনি৷

মরুপশিং,

ঙসি করবার তৌবা লাইথোকহল্লক্লিবা অমসুং হিংবগী মহিং ফগৎহল্লক্লিবা অসি লৈবাক অসিনা ঐখোয়গী ইন্দস্ত্রীদা থাজবা থম্বগী মহৈনি৷ কম্পেনীনিস এক্ততা শেম্লিবা এমেন্দমেন্তশিং অসিনা অচৌবা খুদম অমা ওইরি৷ মতম অমদা ঐখোয়গী এন্তরপ্রিনরশিংদা কোক শাহল্লম্বা প্রোভিজন কয়ামরোম ঙসিদি দিক্রিমিনেলাইজ তৌরি৷ মতৌ অসিগুম্না, এম.এস.এম.ই. সেক্তরদা হেন্না পুক্নিং থৌগৎনবা তোঙান তোঙানবা খোঙথাংশিং লৌখৎখ্রে অমসুং মসিনা লিমিতিং কম্পলসনশিংদগী ফ্রী ওইহল্লগনি৷ স্তেত লেবেল রিফোর্মশিংদসু অখন্নবা মীৎয়েং চংলি৷ রাজ্যশিংসু পার্তনরশিং শেমখ্রে অমসুং মখোয়শিংদা অহেনবা স্পেন্দিং ফেসিলিতীশিং পীরি৷ মেক ইন ইন্দিয়াগা লোইননা, এমপ্লোইমেন্ত অমসুং এক্সপোর্ত তৌবগী চাং হেনগৎননবা লৈবাক অসিনা ইফেক্তিব ওইবা পি.এল.আই., স্কিমশিংসু চৎনবা হৌখ্রে৷ ঙসি ফাওবদা, ঐখোয়গী রিফোর্মশিংগী খোঙজেল অসি অদুমক হান্নগী মতৌগুম্না লেংদনা লৈরি৷ মসিগী পার্লিয়ামেন্তগী সেসন অসিদা, অসিগুম্বা বিল কয়ামরোম পাস তৌখ্রে অমসুং মসিনা হোৎনরিবশিং অসিদা অহেনবা ইম্পিতস মখাতানা পীরগনি৷ ফেক্তরিং রিগুলেসন এমেন্দমেন্ত বিল অসিনা য়াম্না পীক্না করবার তৌজরিবা মীওইশিংনা ক্রেদিৎ গেন তৌবদা মতেং পাংলগনি৷ দিপোজিৎ ইন্সুরেন্স অমসুং ক্রেদিৎ গরেন্তী কোর্পোরেসন এমেন্দমেন্ত বিল অসিনা অপিকপা দিপোজিতরশিংগী রাইতশিং ঙাক শেল্লগনি৷ হন্দক্তা ইকুই কুইদ্রিঙৈদা, রেত্রোস্পেক্তিব তেক্সেসন তৌদনবা ৱারেপ্নদুনা মমাংগী মতমদা তৌরম্বা অরানবশিং অদু ঐখোয়না চুমথোকখ্রে৷ মসিগী ৱারেপ অসি ইন্দস্ত্রী অসিনা ইনখিবা মতমদা, মসিনা ইন্দস্ত্রী অমসুং সরকার অসিগী মরক্তা হেন্না থাজবা লৈনরগনি হায়না ঐনা খল্লি৷

মরুপশিং,

লৈবাক অসিগী ইন্তরেস্তকীদমক খ্বাইদগী চাওরবা খুদোংথিবা অদু লৌননবা লৈবাক অসিদা সরকার অমনা শেম-শাদুনা লৈ৷ মমাংগী মতমশিংদা পাল্লম্বা সরকারশিংনা পোলিতিকেল রিস্কশিং লৌনবগী থৌনা অদু লৈতাবা খক্তনা মরম ওইদুনা চহি কয়া অমা জি.এস.তি. লৌবা ঙমখিদবনি হায়বসি নখোয়না নিংশিংগনি৷ ঐখোয়না জি.এস.তি. ইমপ্লিমেন্ত তৌবতা নত্তনা, ঐখোয়না জি.এস.তি. রেকোর্দ ওইনা খোমগৎপা ঙমখ্রে৷ অসিগুম্বা খুদম কয়ামরোম ঐনা হায়বা ঙমগনি৷ ঙসিদি নখোয়গী নমাংদা মমাংগী মতমদা লৈরম্লিবা অথিংবা খুদিংমক লৌথোকপা ঙম্বা অমসুং বাউন্দরী পুম্নমক থুগাইবা ঙম্বা সরকার অমা লৈরে৷ ঙসিদি, ভারতকী ইন্দস্ত্রীশিং হেন্না মপাঙ্গল লৈহন্নবা নখোয়দগী সজেসনশিং কৌরিবা সরকার অমসু লৈরে৷

মরুপশিং,

চকা অমা খক্তনা গারী অমা চেনবা ঙম্লোই হায়না ঐখোয়গী ইপা-ইপুশিংনা হায়নরম্বা লৈ৷ চকা খুদিংমক চাং মাননা নিংথিনা চেনগদবনি৷ মরম অদুনা ইন্দস্ত্রী অসিনা রিস্কশিং লৌবা ঙম্নবগী মহাক্কী লৈরিবা নেচরেল তেন্দেন্সী অদুসু হেনগৎহনগদবনি৷ অত্মনির্ভর ভারত ফংনবা হোৎনবদা ঐখোয়না অনৌবা অমসুং অরুবা লম্বীশিং খনগদবনি৷ ইনবেস্তমেন্ত অমসুং এমপ্লোইমেন্তগী খোঙজেল অসি হেনগৎননবা লৈবাক অসিনা ইন্দস্ত্রী অসিদগী চাওনা থাজবা থম্লি৷ পব্লিক সেক্তরগী ফুতপ্রিন্তশিং মিনিমাইজ অমসুং রেস্নেলাইজ তৌনবা অনৌবা পি.এস.ই. পোলিসীগী খুৎথাংদা দিসিসিব ওইবা ৱারেপশিংসু লৌরি৷

লৈবাক অসিনা নেস্নেল এজুকেসন পোলিসীগী খুৎথাংদা অচৌবা খোঙথাং অমা লৌখৎখ্রে৷ মসিদা স্কুলশিং, স্কিলশিংদগী হৌদুনা রিসর্স ফাওবদা অনৌবা ইকোসিস্তেম অমা শেমগৎনবা রোদমেপ অমা লৈ৷ মসিদা ইন্দস্ত্রীগীসু এক্তিন রোল অমা লৈ৷ মরু ওইনা রিসর্স অমসুং দিবলপমেন্তদা ইনবেস্তমেন্ত থাদবগী মতাংদা ঐখোয়না য়াম্না চেকশিন্না হোৎনগদবনি৷ অত্মনির্ভর ভারতকীদমক ঐখোয়না আর অমসুং দিদা থাদরিবা ইনবেস্তমেন্ত হেনগৎকদবনি অমসুং হায়রিবা ময়াম অসি সরকারগী মতেংশিং খক্তনা ওইথোকপা ঙমগনি৷ মসিদা ইন্দস্ত্রীশিংনা চাওনা শরুক য়াবা তঙাই ফদে৷ ব্রান্দ ইন্দিয়া মপাঙ্গল লৈহনবা অসিনা ঐখোয়গী গোলনি৷ লৈবাক অসিদা চাওখৎপা পুরকপা অমসুং ইকাই খুম্নহনবা অসিনা ঐখোয়গী পান্দম্নি৷ মসিগী গোল অসি ফংনবা ঐখোয়না ঐখোয়গী পার্তনরশিপ হেন্না মপাঙ্গল লৈহনবা দরকার ওই৷ নখোয়গী সজেসন খুদিংমক্কীদমক, নখোয়গী প্রোব্লেমশিংগী রিজোলুসনগীদমক ঐনা লৈরি অমসুং মখাতানা লৈখিগনি৷ লৈবাক অসিনা মনিং-মখা তম্বা মপুং ফারকপগী মতম অসিদা রিজোলুসন কয়া অমা লৌননবা অমসুং অনৌবা থৌনা অমসুং অনৌবা ইনর্জীগা লোইননা চংশিনলক্নবা নখোয় পুম্নমকপু পুক্নিং থৌগৎপা ওইরসনু! নখোয় পুম্নমক্তা খ্বাইদগী মমল লৈরবা মঙ্গোল পীরি! নখোয়বু থাগৎচরি৷

দিসক্লেমর: মসি প্রধান মন্ত্রীনা ঙাংখিবা ৱারোল অদুগী চপ-চাবা ত্রান্সলেসন্নি৷ ওরিজিনেল স্পিচ অদুদি হিন্দি লোন্দা ঙাংই৷

*****