ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা আই.দি.বি.আই. বেঙ্কতা সরকারগী শরুক চাদা ৫০ হন্থহনবগী অয়াবা পীখ্রে। মন্ত্রীমন্দলনা বেঙ্ককী প্রমোতর অমা ওইনা ভারতকী লাইফ ইন্সুরেন্স কোর্পোরেসন (এল.আই.সি.)দা প্রিফরেন্সিয়েল এলোৎমেন্ত/ইক্বিতীগী ওপন ওফরগী থোংদা লোইননা বেঙ্কতা সরকারনা মেনেজমেন্ত কন্ত্রোল তৌবা শরুক থাদোকপদা অয়াবা পীখ্রে।

শাফুঃ

১. এক্বুইসিসন অসিদগী কস্তমরশিং, এল.আই.সি. লোইননা বেঙ্কনা পুন্না পাক চাউনা কান্নবা ফংমিন্নগনি।

২. এল.আই.সি. অমসুং আই.দি.বি.আই. বেঙ্কনা অচৌবা কৈথেল ফংবা, য়েন্থোক্কদবা শেনফমদা হন্থবা লোইননা কস্তমর এক্বুইসিসন, অহেনবা খুদোংচাবা থবক-থৌরমশিং পাংথোকপদা অনোপ-অতিং নাইবা লোইননা অনিমক্না পোৎথোকশিং অমসুং সর্বিসশিংগী ক্রোস-সেলিংগী তাঞ্জা কয়াগী কান্নবা ফংলগনি।

৩. মসিদগী এল.আই.সি. অমসুং বেঙ্কনা ফাইনান্সিয়েল ওইবা মওংদা অচেৎপা পুরকপদা মতেং ওইরগনি অমসুং ম্যুচুএল ফন্দগুম্বা ফাইনান্সিয়েল প্রদক্তশিং ফংহনবদা মতেং ওইরগনি।

৪. থোংগান খুদিংদা বেঙ্ককী সর্বিসশিং ফংহন্নবা বেঙ্কনা এল.আই.সি. এজেন্ত লাখ ১১গী সর্বিস লৌনবগী তাঞ্জা ফংলগনি অমসুং মদু কস্তমর সর্বিসশিংদা হেন্না ফগৎহন্নবা অমসুং ফাইনান্সিয়েল ইনক্লুজন হেন্না চেৎশিলহনবদা মতেং ওইরগনি।

৫. বেঙ্কনা লো-কোস্ত দিপোজিৎশিংগী লৈবা লোইননা পেমেন্ত সর্বিসশিংদগী ফি ইনকমগী থোংদা ফন্দশিংগী লৱর-কোস্তকী মতাংদা কান্নবা ফংলগনি।

৬. এল.আই.সি.না বেঙ্ক এস্যুরেন্স ফংগনি। এল.আই.সি.দা বেঙ্ককী কেস মেনেজমেন্ত সর্বিসশিং ফাওবা য়ৌশিনবা ঙম্নবা অহেনবা বেঙ্ককী ব্রাঞ্চ ১৯১৬কী নেতৱর্কতগী ইন্সুরেন্স প্রদক্ত য়োনবগী কান্নবা ফংলগনি।

৭. এল.আই.সি.গী ফাইনান্সিয়েল অপুনবগী ভিজন ফোংদোরকপদা কান্নবা ফংলগনি।

৮. কস্তমরশিংনা ফম্বাক অমগী মখাদা ফাইনান্সিয়েল সর্বিসশিং ফংলগনি লোইনা এল.আই.সি.না লাইফ ইন্সুরেন্স কভরেজ হেন্না ফজনা চাউথোকহনবা ঙম্লগনি।

য়ুম্ফমঃ

২০১৬তা শেল-থুমগী মন্ত্রীনা মহাক্কী বজেৎকী ৱারোল পীবদা মসি লাওথোকখি মদুদি আই.দি.বি.আই. বেঙ্কতা হোংদোকপগী থবক হৌরে অমসুং সরকারনা থৌওং অসি মখা চৎথখিগনি লোইননা মসিগী শেয়র হন্থহন্দুনা চাদা ৫০দগী তাহন্নবগী ৱাফমদা খন্নগনি। লাওথোকখিবা ৱারোল অসিদা মীৎয়েং থম্লদুনা এল.আই.সি.না বোর্দকী অয়াবা মতুং ইন্না আই.দি.বি.আই. বেঙ্কনা পাইরম্বা শরুক লৌশিন্নবগীদমক্তা ভারতকী ইন্সুরেন্স রেগুলেতোরী অমসুং দিবেলপমেন্ত ওথোরিতী (আই.আর.দি.এ.আর.)দগী অয়াবা নীখি। এল.আই.সি.না আই.আর.দি.এ.আর.দগী অয়াবা ফংবগা আই.দি.বি.আই. বেঙ্কনা পাইরম্বা শরুক চাদা ৫১ লৌশিনবগী অপাম্বা ফোংদোরকখি। মদুগী মহুত্তা বেঙ্কনা, বোর্দনা খন্নরবা মতুংদা পুখৎলকপা ৱাফম লৌশিনবগী মহয় অদুনা সরকারগী শরুক চাদা ৫১দগী তাহন্নবগী সরকারগী ৱারেপ অদুগী ৱারোল তাল্লকখি।