ভারতকী প্রধানমন্ত্রী
লোয়লম লৈঙাক মতমগী আইনশিং অসি ঐখোয়গী সরকারনা মুৎথৎপনি। ৱাগী খুদম অমা ঐ পীগে, অৱাং-নোংপোক য়াওনা ঐখোয়গী ত্রাইবেলশিংগী লমদমশিংদা ৱা অসি থৱায়নি। অদুবু মমাঙদা, ৱা য়ানবগী অদোম জেলদা থমখি, হৌজিক আইন অসি করিগীদমক শেম্লিবনো? হৌজিক, করিগুম্বা ঐনা অদোমদা ৱা অসি উরা হায়না হংলবদি? মসি উ অমনি হায়না মীওই খরনা থাজগনি, নিংতম্বা ফংলবা চহি ৭০ গী মতুংদা ফাওবা, ঐগী লৈবাক্কী সরকারনা ৱা অসি উনি হায়না থাজখি অমসুং মরম অদুনা উ য়ানবা থিংবগুম, ৱা য়ানবশু থিংখি। ৱা অসি উনি হায়না খনবা আইন অমা ঐখোয়গী লৈবাক্ত চৎনখি অমসুং উগী আইন খুদিংমক মসিদা চৎনখি, মরম অদুনা ৱা য়ানবা অসি অরুবা ওইখি। ৱা অসি উ নত্তে হায়বা ঐখোয়গী হান্নগী লৈঙাকপশিংনা খঙখিদে। মখোয়গী য়াইফনবা বৃতিসনা শেমখিবনি, অদুবু করিগীদমক ঐখোয়না মসি শেমদোক্লোইদৌরবনো? চহি কয়া শুরবা ৱাগা মরী লৈনবা অরিবা আইন ঐখোয়গী সরকারনা অহোংবা পুরক্লে।
চহি ১০ গী মমাঙদা মীচম অমনা আই.তি.আর ফাইল তৌবদা কয়া য়াম্না খুদোংচাদবা থেংনবগে হায়বা অদোম নিংশিংলমগনি। ঙসিদি অদোম্না মিকুপ খরগী মনুংদা আই.তি.আর ফাইল তৌরে অমসুং নুমিৎ খরনিগী মনুংদা একাউন্তদা রিফন্দ হকথেংননা হাপচিল্লে। ইনকম তেক্সগা মরী লৈনবা আইন লাইহন্নবা থৌরাং সংসদনা পায়খৎলে। ঐখোয়না লুপা লাখ ১২ ফাওবগী ইনকম তেক্স লৌদ্রে, হৌজিক অদোমনা থাগৎলে, অদুবু ৱা অসি ত্রাইবেলশিংগী ওইবা মরম্না অদোম্না থাগৎপা ফোঙদোক্তে। মসিনা অদোমগুম্বা তোলোব চাবা মেদিয়াগী মীওইশিংদা কান্নবা পীগনি। মখোয়গী অহানবা অমসুং অনিশুবা থবক শুরিবা নহারোলশিংগী অনিংবশিং তোঙাল্লি, মখোয়গী চাদিংশু তোঙাল্লি। মখোয়না মখোয়গী অপাম্বশিং ফংগদবনি, মখোয়গী শেন তুংশিনবা হেনগৎহনগদবনি, মসিদা বজেতনা মতেং য়াম্না পাংলে। লৈবাক অসিগী মীয়াম হিংবদা লাইহনবা, ললোন-ইতিক পাংথোকপা লাইহনবা, পাইনবা মখোয়দা অহাংবা অতিয়া ফংহনবা অসি ঐখোয়গী পান্দমনি। ঙসি কমদৌনা স্তার্দঅপশিংনা জিওস্পাসিএল দেতাগী কান্নবা লৌবগে হায়বা উরে। হান্নদি, করিগুম্বা মীওই অমনা মেপ অমা য়েক্কদবা ওইরবদি, মখোয়না সরকারদগী অয়াবা লৌগদবনি। মসি ঐখোয়না হোংদোক্লে অমসুং ঙসিদি ঐখোয়গী স্তার্দ-অপশিং অমসুং লনাই কম্পেনিশিংনা দেতা অসি ফজনা শীজিন্নরে।
মালেমদা জিরো হৌদোকখিবা ভারত ঙসিদি মপান নাইদ্রবা অনৌবা থবকশিংগী লমদম অমা ওইরক্লি। ঙসি ভারতনা লৈবাক অসিগী থবকশিং অনৌবা মওংদা পাংথোক্লি। অনৌবা থবকশিংগী খুৎথাংদা, ঐখোয়না পুথোক্লিবা পাম্বৈশিং অসি মমল হোংবা, লাইনা ফংবা অমসুং চুশিন্নবা ঙম্বা ওইরে। হায়রিবা পাম্বৈশিং অসি ঐখোয়না ফাজিন্দুনা থমদে অদুবু মখোয় মালেম শীনবা থুংনা ফংহল্লে। অশোই-অঙাম লৈতবা অমসুং শেন য়াম্না চঙদবা দিজিতেল পেমেন্তগী থবক অমা মালেম্না পাম্লকপা মতমদা, ঐখোয়না য়ু.পি.আই সিস্তেম পুথোক্লে। ঐ প্রোফেসার কার্লোস মোন্তেসগী ৱারোল তারে, য়ু.পি.আইগুম্বা মীয়ামগী কান্নবা তেক্নোলোজিদা মহাক অপেনবা পোক্লে। ঙসিদি ফ্রান্স, য়ু.এ.ই অমসুং শিঙ্গাপুরগুম্বা লৈবাকশিংনা মখোয়গী শেন-থুমগী থবকশিংদা য়ু.পি.আই য়াওহল্লে। ঐখোয়গী দিজিতেল পব্লিক ইনফ্রাস্ত্রকচর, ইন্দিয়া স্তেক শরুক য়ানবা ঙসি মালেমগী লৈবাক কয়ানা থৌরাং তৌরে। কোবিদ লাইচৎ মনুংদা, ঐখোয়গী তিকানা মালেমদা ভারতকী মগুন লৈবা অনা-লায়েংবগী থবকশিংগী নমুনা উৎখ্রে। ঐখোয়না অরোগ্যা সেতু এপ্প ওপন-সোর্স ওইহন্দুনা মসিগী কান্নবা মালেমগী লৈবাকশিংনা ফংলে। ভারত অচৌবা স্পেস পৱার অমনি; মখোয়গী স্পেসকী দরকার ওইবশিং ফংনবা ঐখোয়না অতোপ্পা লৈবাকশিংগী মতেং পাংলি। মীয়ামগী য়াইফনবা এ.আই শীজিন্নবগী মতাংদা ভারতনা থবক পায়খৎলি অমসুং মসিগী লৌশিং অমসুং খঙজবশিং মালেমদা ফংহল্লে।
ঙসি আই.তি.ভি নেতৱার্কনা ফেল্লোসিপ কয়া হৌদোক্লে। ভারতকী নহারোলশিংনা বিকসিত ভারতকী কান্নবা খ্বাইদগী য়াম্না ফংলি অমসুং খ্বাইদগী চাউবা মরী লৈনবশু ওইরি। মরম অদুনা, ভারতকী নহারোল অসি ঐখোয়গী ওইনা য়াম্না মরুওইবনি। নেসনেল ইজুকেসন পোলিসিনা অঙাংশিংদা লাইরিকশিংগী ৱাংমদা ৱাখল খন্নবা খুদোংচাবা অমা পীরে। মিদল স্কুল মশাদগী কোদিং তমদুনা এ.আই অমসুং দেতা সাইন্সকী লমদা অঙাংশিং থৌরাং তৌরে। অতল তিনকরিং লেবশিংনা অঙাংশিংদা অনৌবা তেক্নোলোজিশিং খঙনবগী খুদোংচাবা পীরে। মরম অদুনা, চহি অসিগী বজেত্ত, ঐখোয়না অনৌবা অতল তিনকরিং লেব লিশিং ৫০ লিংখৎনবা লাউথোক্লে।
ই-পাউগী তাইবং অসিদা, অদোমনা তোঙান তোঙানবা এজেন্সিশিংদগী পাউ লৌরি,মসিনা অদোম্না পাউ ফজনা ফোঙবদা মতেং পাংলি। মসিগা চপ মান্নবা মওংদা, থিজিনবগী লমদা, মহৈরোয়শিংনা হেনবা ই-পাউ লৌফম দরকার ওই। মসিগীদমক, মখোয়না শেন য়াম্না তাংনা তোঙান তোঙানবা চেফোঙশিং লৌখি, মখোয় মশামক শেন য়াম্না চাদিং তৌখি। ঐখোয়গী সরকারনা থিজিল্লোয় খুদিংমক মসিগী অৱাবা অসিদগী কোকহল্লে। ঐখোয়না ৱান নেসন ৱান সবস্ক্রিপসন চৎনহল্লে। মসিগা লোয়ননা, লৈবাক অসিগী থিজিল্লোয় খুদিংমক, মালেমগী মমিং চৎলবা চেফোঙশিং লেম্না ফংলগনি। মসিগীদমক সরকারনা লুপা করোর লিশিং ৬ হেন্না চাদিং তৌরগনি। মহৈরোয় খুদিংমক খ্বাইদগী ফবা থিজিনবগী খুদোংচাবশিং ফংহন্নবা ঐখোয়না থবক পায়খৎলে। স্পেসকী থিজিনবা, বাইওতেক রিছার্স নত্ত্রগা এ.আইগী লমদা ঐখোয়গী অঙাংশিং তুংগী লুচিংবশিং ওইরক্লি। দোক্তর ব্রিয়ান গ্রিন্না আই.আই.তিগী মহৈরোয়শিং উনরে অমসুং মাইক মাসিমিনোগুম্বা এস্ত্রোনোতশিংনা সেন্ত্রেল স্কুলগী মহৈরোয়শিং উনরে অমসুং মহাক্না মহৈরোয়শিংগা উনখিবা অদু অঙকপনি হায়না মহাক্না ফোঙদোকখি। ভারত্ত অপীকপা স্কুল অমদগী তুংদা অচৌবা অনৌবা থবক অমা পায়খৎলক্কদবা নুমিৎ অদু পংকুই কুইদ্রে।
মালেমগী মফম খুদিংমক ভারতকী ফিরাল পাইহল্লসি, মসি ঐখোয়গী অপাম্বনি, মসি ঐখোয়গী মাইকৈনি।
হৌজিক অপীকপা ৱাখল খনবা অমসুং অপীকপা খোঙথাংশিং থাংবা মতম নত্তে। মেদিয়াগী লুপ অমা ওইনা, অদোমশু মসিগী ৱাখল অসি খঙবদা ঐ য়াম্না হরাওই। অদোম খঙলে, চহি ১০ গী মমাঙদা, কমদৌনা লৈবাক অসিগী রাজ্যশিংদা য়ৌহনগনি, কমদৌনা অদোমগী মেদিয়া য়ুমশিংদা য়ৌহনগনি হায়না অদোম ৱাখল খনখি, ঙসিদি অদোমশু মালেমগী লৈবাকশিং য়ৌনবা থৌনা লৈরে। মসিগী থৌনা, মসিগী ৱাশক অসিনা, মীওই খুদিংমক ঙসিদি ওন্ত্রাপ্রেন্যুয়র ওইহনগনি। ভারতকী ব্রান্দ খর মালেমগী কৈথেল খুদিংদা, দ্রোইং রুম খুদিংদা, দাইনিং তেবল খুদিংদা য়ৌহনবা অসি ঐগী মঙলান্নি। মেদ ইন ইন্দিয়া অসি মালেমগী লাইৱা অমা ওইহনগদবনি। কনাগুম্বা অমা নারবদি, মহাক্না ভারত্ত লায়েংনবা অহানবদা খনগদবনি। কনাগুম্বা অমা লুহোংগদবা লৈরবদি, অহানবদা মহাক্না ভারত্ত লুহোংনবা খনগদবনি। কনাগুম্বা অমনা লমকোয়নিংলবদি, মহাক্না ভারত মকোক্ত থমগদবনি। কনাগুম্বা অমনা মীফম অমা নত্ত্রগা একজিবিসন অমা পাংথোকপা পাম্লবদি, মহাক অহানবদা ভারত্ত লাক্কদবনি। কনাগুম্বা অমনা কন্সর্ত অমা পাংথোকপা পাম্লবদি, মহাক্না অহানবদা ভারত খনগদবনি। ঐখোয়না মসিগী থৌনা, মসিগী অফবা ৱাখল অসি ঐখোয় ইশামক্ত লৈহনগদবনি। মসিদা অদোমগী নেতৱার্ক অমসুং অদোমগী চেন্নেলনা অচৌবা থৌদাং অমা লৌগনি। খুদোংচাবশিং মপান নাইদে, হৌজিক ঐখোয়গী থৌনা অমসুং অচেৎপা ফিরেপকা লোয়নন মখোয় থবক ওইনা পাংথোক্কদবনি।
মথং চহি ২৫ দা চাউখৎলবা ভারত অমা ওইহন্নবা ৱাশক অমগা লোয়ননা ভারত মাঙলোমদা চঙশিল্লি। মেদিয়া হাওস অমা ওইনা, অদোম মালেমদা ফম্বাক্ত লাক্নবা ৱাশক অমগা লোয়ননা অদোমশু চঙশিনগদবনি। মসি শোইনা মাইপাক্কনি হাবনা ঐনা থাজৈ। আই.তি.ভিগী অপুনবা কাংবু ঐনা অমুক হন্না থাগৎপা ফোঙদোকচরি অমসুং লৈবাক অসিগী অমসুং মালেমগী লৈবাকশিংদগী শরুক য়ারিবশিং ঐনা থাগৎপা ফোঙদোকচরি, মখোয়গী ৱাখল্লোনশিংনা অফবা ৱাখল খনবা হেনগৎহল্লে, মসিগীদমক ঐনা থাগৎপা ফোঙদোকচরি, মরমদি ভারতকী চাউথোকচবা হেনগৎলকপা মতমদা, ভারতমচা খুদিংমক হরাওবা অমসুং চাউথোকচবা ফাওই অমসুং মসিগীদমক ঐনা ময়াম পুম্নমক থাগৎপা ফোঙদোকচরি। খুরুমজরি।
দিসক্লেমর: মসি প্রধান মন্ত্রীগী ৱারোলদগী চাউরাক্না হন্দোকপনি। অশেংবা ৱারোল হিন্দীদা পীখি।
****
Addressing the NXT Conclave in Delhi. @nxt_conclave https://t.co/kdcwYCuxYU
— Narendra Modi (@narendramodi) March 1, 2025
The world is keenly watching 21st-century India. pic.twitter.com/bnyjPbbUZN
— PMO India (@PMOIndia) March 1, 2025
Today, the world is witnessing India's organizing and innovating skills. pic.twitter.com/GlKy0fSXF1
— PMO India (@PMOIndia) March 1, 2025
I had presented the vision of 'Vocal for Local' and 'Local for Global' to the nation and today, we are seeing this vision turn into reality: PM @narendramodi pic.twitter.com/8MYHB0OpBc
— PMO India (@PMOIndia) March 1, 2025
Today, India is emerging as the new factory of the world.
— PMO India (@PMOIndia) March 1, 2025
We are not just a workforce; we are a world-force! pic.twitter.com/6aM98Ca3Xl
Minimum Government, Maximum Governance. pic.twitter.com/DmUc56bCQg
— PMO India (@PMOIndia) March 1, 2025
India is becoming the land of infinite innovations. pic.twitter.com/2OL0I9oUX1
— PMO India (@PMOIndia) March 1, 2025
India's youth is our top priority.
— PMO India (@PMOIndia) March 1, 2025
The National Education Policy has given students the opportunity to think beyond textbooks. pic.twitter.com/Q1W39AXv0f
