ভারতকী প্রধানমন্ত্রী

হর হর মহাদেব!

ফম্পাক অসিদা লেংশিল্লিবা উত্তর প্রদেসকী চীফ মিনিস্তর শ্রী য়োগী অদিত্যনাথ জি, উত্তর প্রদেসকী দিপুতি চীফ মিনিস্তর শ্রী ব্রিজেস পাথক জি, ঐগী মরুপ য়ুনিয়ন মিনিস্তর শ্রী মহেন্দ্র নাথ পান্দে জি অমসুং বনস দাইরিগী চিয়ারমেন শ্রী সঙ্করভাই চৌধুরিজি,  বি.জে.পিগী স্তেৎ প্রসিদেন্ত ভুপেনদ্র চৌধুরি জি, য়ু.পি সরকারগী মিনিস্তরশিং, মীয়ামগী মীহুৎশিং অমসুং ঐগী কাসিগী ইমুং-মনুংগী মীওইশিং।

ঙসি ঐ অমুক হন্না কাসিদা লাকপগী খুদোংচাবা অমা ফংলে। মসিগীদমক মীয়ামদা তৌবীমল খঙবা উৎচরি। চহি ১০গী মমাঙদগী সহর অসিগী এম.পি অমা ওইনা মীয়াম্না খনখিবনি। হায়রিবা চহি ১০গী মতম অসিদা, বরানসনা মহাক বরানাসী অমা ওইহল্লে। কাসিগী মীয়াম্না শৌগৎপগীদমক থাগৎপা ফোঙদোকচরি।

মরুপশিং,

অদোম মশিং য়াম্না তিল্লে অমসুং ঐখোয়দা থৌজাল উৎলে। অদোম্না কন্না হোৎনবদগী কাসি চাউখৎহন্নবা থবক মখা চৎথরি। ঙসিশু মফম অসিদা লুপা করোর ১৩,০০০ রোমগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। হায়রিবা প্রোজেকশিং অসিনা য়ু.পি অমসুং পুর্বানচল চাউখৎপগী খোঙজেল য়াংখৎহনগনি। রেল, লম্বী, এয়রপোর্তকা মরী লৈনবা প্রোজেকশিং, শা-ষন লোইবা, উদোগ, শান্নবা, স্কিল হেনগৎহনবা, লু-নানবা, হকশেল, অধ্যাতিক, তুরিজম অমসুং এল.পি.জি য়াওনা হিরম কয়াগী চাউখৎ-থৌরাংগী প্রোজেকশিংনা কাসি খক্তগী চাউখৎ-থৌরাং হেনগৎহনবতা নত্তনা পুর্বানচল লমদম শীনবা থুংনা চাউখৎহনগনি। মসিনা অনৌবা থবকশিং ফংনবা খুদোংচাবশিংশু পীগনি। ঙসি সান্ত রবিদাস জিগা মরী লৈনবা প্রোজেকশিং মফম অসিদা শঙ্গারে। হায়রিবা প্রোজেকশিং অসিগীদমক লমদম অসিগী মীয়ামদা নুংঙাইবা ফোঙদোকচরি। 

মরুপশিং,

কাসি অমসুং নোংপোক থংবা উত্তর প্রদেসতা পায়খৎলিবা চাউখৎ-থৌরাংগী প্রোজেকশিংদা ঐ য়াম্না হরাওই। হৌখিবা অহিংদা ঐ লম্বিদা ভারতপুরদগী গেস্ত হাওস ফাওবা লাকখি। ঐনা লম্বীদা ফুলৱারিয়া ফ্লাইওভর ময়েক শেংনা উখি। বি.এল.দব্লিউদগী এয়রপোর্ত ফাওবা চৎপগী খোঙচৎ হেন্না নুংঙাইরে। দিল্লি ফাওবদা ফ্লাইত্তা চৎপা মতমদগী ফ্লাইত তোঙনবা লম্বীদা চৎপগী মতম্না হেন্না চঙখি। অদুবু ফ্লাইওভর অসি লৈবদগী মতম তঙ্খায় অমা হন্থরে। হৌখিবা চহি ১০দা বরানাসীগী চাউখৎ-থৌরাংগী খোঙজেল য়াংখৎলে। ঙাইহাক্কী মমাংদা ঐনা সিগ্রা স্পোর্তস স্তদিয়ম ফেজ-১ অমসুং দিস্ত্রিক রাইফল সুতিং রেঞ্জ শঙ্গাখ্রে। মসিনা লমদম অসিগী নহা ওইরিবা শান্নরোয়শিংদা য়াম্না চাউনা কান্নবা পীরগনি।

মরুপশিং,

মফম অসিদা লাক্ত্রিঙৈদা, ঙসি অয়ুক বনস দাইরিদা চৎলুরে অমসুং পাসুপালক নুপীশিংগা ৱারি শানখি। লৌউ-শিংউগী থবক তৌরিবা নুপীশিংদা চহি ২-৩গী মমাঙদা গির গাইগী লৈবাক অসিগী ওইজবা ধারাশিং পীখ্রে। হৌজিক গির গাই মশিং ৩৫০ য়ৌরে হায়বা ঐ খঙলে। মহৌশাগী ষনবীশিংনা শঙ্গোম লিতর ৫ পুথোকপা অদুগা চাংদম্নবদা মখোয়না শঙ্গোম লিতর ১৫ পুথোকপা ঙম্মী হায়বা ঐ খঙলে। অসিগুম্বা গির গাই অমনা শঙ্গোম লিতর ২০ পুথোকপা মতমদা নুপীশিং অহেনবা শেন্থোক লৈহন্দুনা মখোয় লাখপতি দিদি ওইহনগনি। মসি লৈবাক অসিদা লৈরিবা সেল্ফ-হেল্প গ্রুপশিংদা থবক তৌরিবা নুপী করোর ১০গী অচৌবা ইথিল অমনি।

মরুপশিং,

চহি ২গী মমাঙদা ঐনা বনস দাইরি উরেপ-উয়ুং তমখি। প্রোজেক অসি অথুবা মতমদা লোইশিনগনি হায়না ঙসি মাঙদা ফম্লিবা মীয়ামগী মমাঙদা থাজবা অদু পীখিবনি। ঙসি মোদীগী গরেন্তি অদোমগী মাঙদা লৈরে। মীয়াম্না হায়রি, মোদীগী গরেন্তি হায়বগী ৱাহন্থোক্তি গরেন্তি অদু থবক ওইনা পাংথোকপনি। নিয়ম চুম্না শেন থাদদুনা থবক ফংহনবগী অচৌবা খুদম অমা বনস দাইরিনা ওইরি। হৌজিক বনস দাইরিনা বরানাসী, মিরজাপুর, গাজিপুর অমসুং রাইবারেলিদগী নোংমদা শঙ্গোম লিতর লাখ ২ রোম খোমগৎলি। অনৌবা প্লান্ত থবক হৌরকপদগী বাল্লিয়া, চান্দাওলি, প্রায়াগ্রজ অমসুং জাউনপুরগী পাসুপালকশিংশু কান্নবা ফংলে। প্রোজেক অসিগী মখাদা, বরানাসী, জাউনপুর, চান্দাওলি, গাজিপুর অমসুং অজামগর জিলাশিংগী খুঙ্গং ১০০ হেনবদা অনৌবা মিল্ক মন্দিশিং লিংখৎলগনি। ষন লোইবশিংগী শঙ্গোম মমল ৱাংনা য়োল্লবদি, শা-ষন লোইরিবা লৌমীশিংগী ইমুংশিং শেন্থোক হেন্না লৈরগনি। প্লান্ত অসিনা শা-ষন লোইরিবা লৌমীশিংদা হেন্না শা-ষন ধারা অমসুং হেন্না ফবা শা-ষনগী মচিঞ্জাক্কী মতাংদা ৱাখল তাহল্লে অমসুং ত্রেনিং পীরে।

মরুপশিং,

মসি খক নত্তনা, বনস কাসি ক্লস্তরনা অনৌবা থবক লিশিং কয়া ফংহন্নবা খুদোংচাবশিং পীরগনি। মসিনা তোঙান-তোঙানবা থবক কয়া ফংহনগনি। চাউরাক্নবা খোৎপা অমদা, বনস কাসি সনকুলনা লৌমী লাখ ৩ হেনবগী শেন্থোক হেনগৎহনগনি। য়ুনিত অসিনা অতোপ্পা শঙ্গোমগী পোৎথোকশিং হায়বদি বত্তরমিল্ক, দহি, লাসি, আইজ ক্রিম, পনির অমসুং অথুম-অহাওশিং পুথোক্লি। বরানসকী অথুম-অহাওশিং ভারতকী মফম খুদিংমক্তা য়ৌহনবদা প্লান্ত অসিনা মরুওইবা থৌদাং অমা লৌগনি। শঙ্গোম পুথোক-পুশিন তৌবা অসি থবক ফংনবগী পাম্বৈ অমা ওইরি। শা-ষনগী মচীঞ্জাক য়োল্লিবা দুকানশিং অমসুং লোকেল দিস্ত্রিবিউতরশিংশু কান্নবা ফংলগনি। মসিনা অতোপ্পা থবক কয়া ফংহল্লগনি।

মরুপশিং,

পায়খৎলিবা থবক ময়াম অসিগী মরক্তা, বনস দাইরিগী লুচিংবশিংনা পাসুপালক ইচলশিংগী একাউন্তশিংদা দিজিতেল ওইনা শেন হকথেংননা হাপচিন্নবা সিস্তেম অমা পায়খৎনবা ঐনা হায়জরি। অতোপ্পা মীওই অমদা শেন শীন্নরোইদবনি। মসিনা অফবা ফল ফংগনি। শা-ষন লোইবগী থবকশিংদা ঐখোয়গী ইচলশিং শরুক য়ারি। মসি মশা মরোমদোম লেপচনবগী অচৌবা পাম্বৈ অমনি। লায়রবা লৌমীশিং অমসুং লম লৈজদবা শিন্মীশিং মতেং পাংবদা শা-ষন লোইবনা অচৌবা থৌদাং অমা লৌরি। মরম অদুনা দবল ইঞ্জিন সরকারনা শা-ষন লোইবা অমসুং দাইরি সেক্তর অশুক্কী মতিক য়োকখৎলি।

মরুপশিং,

অন্নদাতাদগী উর্জ দাতা অমসুং উরৱারাকদাতা ওইহন্নবা ঐখোয়গী সরকারনা থবক পায়খৎলে। হার পুথোকপা অমা ওইদুনা, শা-ষন লোইরিবশিংনা শঙ্গোমগী মথক্তা ষন্থীদগী শেন তান্নবা খুদোংচাবশিং ঐখোয়না পীরি। হিরম অসিগী মতাংদা থবক পায়খৎলে। দাইরি প্লান্তশিংনা বাইও সি.এন.জি অমসুং ওর্গনিক হার পুথোকপদা অচৌবা থৌদাং লৌরি। গঙ্গা তুরেল মপান্দা ওর্গনিক ফার্মিংগী থবক হেনগৎলক্লে। গোবরধন স্কিমগী মখাদা ষন্থী নত্ত্রগা অমোৎপশিংদগী বাইওগ্যাস অমসুং বাইও-সি.এন.জি পুথোক্লে। মসিনা লু-নান্না লৈবা অমসুং অমোৎপদগী শেন তানবদা মতেং পাংলে।

মরুপশিং,

অমোৎপদগী কনচান শেম্বদা কাসি লৈবাক অসিদা মোদেল অমা ওইরে। অসিগুম্বা প্লান্ত অমা ঙসি মফম অসিদা শঙ্গারে। প্লান্ত অসিনা সহর অসিদগী নোংমদা পুথোরকপা অমোৎপা তন ৬০০তগী মৈতাল তন ২০০ ওন্থোক্কনি। খন্দুনা য়েংউ, করিগুম্বা হায়রিবা অমোৎপা অসি মফম অমদা লংথোক্লবদি, কয়া য়াম্না ৱাংবা অমোৎপগী চীংদুম শেমগনি হায়বা। কাসিগী সিৱরেজ সিস্তেম ফগৎহন্নবা থবক কয়া পায়খৎলে।

​মরুপশিং,

লৌমীশিং অমসুং পাসুপালকশিং অসি বি.জে.পি সরকারনা মরুওইনা লৌরি। হৌখিবা মন্ত্রীমন্দলগী মীফমদা চুগী এফ.আর.পি শেমদোক্তুনা কুইন্তল অমদা লুপা ৩৪০ পীরগনি। নেসনেল লাইভস্তোক মিসন শেমদোক্তুনা পসুধান বিম কর্য়াক্রম হেন্না লাইহল্লে। লৌমীশিংগী এরিয়ারশিং পীথোকপতা নত্তনা মহৈ-মরোশিংগী মমলশু হেনগৎলে।

ইনাওশিং অমসুং ইচলশিং,

অত্মানির্ভর ভারতনা বিকসিত ভারতকী য়ুম্ফম ওইগনি। হৌজিক পাল্লিবা সরকার অসিগা মমাঙগী সরকারশিংগা ৱাখল খনবগী থৌওংদা খেন্নবা লৈরি। লৈবাক অসিগী অপীকপা খুদোংচাবশিং অমুক হন্না থৌনা হাপ্লবা অমসুং লায়রবা লৌমীশিং, পাসুপালকশিং, খুৎহৈবশিং, অপীকপা অমসুং ময়াই ওইবা উদোগশিংদা মতেং পাংলবা মতমদা অত্মানির্ভর ভারত থবক ওইনা পাংথোকপা ঙমগনি। তেলিবিজন অমসুং পাউ-চেদা শেন থাদবা ঙমদবা অপীকপা য়ুনিতশিংগী ওইনা ভোকেল ফোর লোকেল অসি এদভরতাইজমেন্ত অমনি। লৈবাক অসিগী মশাগী ওইবা পোৎথোক পুথোক্লিবশিংগী  ঙসি মোদী মশামক্না এদভরতাইজ তৌরি। লায়রবা অমসুং অপীকপা উদোগ খুদিংমক্কী মোদীনা এম্বেসেদর ওইরি। মসি খাদি, শান্নপোৎশিং পুথোকপা, মেক ইন ইন্দিয়া নত্ত্রগা দেখো অপ্না দেস য়োকখৎপা ওইবা য়াই। অসিগুম্বা খোঙজং অসিগী কান্নবা কাসি মশামক্তা উবা ফংলে। বিশ্বনাথ ধাম অমুক হন্না শেমগৎপদগী সহর অসিদা লমকোয়বা মীওই করোর ১২ হেন্না লাকখ্রে অমসুং শেন্থোক অমসুং থবক ফংবগী খুদোংচাবশিং হেনগৎলক্লে। বরানাসী অমসুং অযোধ্যাগীদমক ইনলেন্দ ৱাতরৱেজ ওথোরিতি ওফ ইন্দিয়ানা পীবা ইলেক্ত্রিক কেতামরন ভেসেল থবক হৌরে। মসিনা লমকোয়বা লাকপশিংদা অঙকপা নুংঙাইবা অমা ফংহল্লগনি।

মরুপশিং,

মমাঙগী মতমদা শাগৈগী রাজনিতি, শেঞ্জা-থুমজা অমসুং পেনহলবগী থবকশিংনা মীরোল কয়াদা খুদোংচাদবশিং থেংনহনখি। মীওই কাংলুপ খরনা কাসিগী নহারোলশিংগী মিংচৎ থিনবা হোৎনখি। নহারোলশিং ফগৎলকপা অমসুং শাগৈগী রাজনিতিগা য়ানদবা লৈরি। হায়রিবা ফোর্সশিংগী মরক্তা কাসি অমসুং অযোধ্যা য়ানিংদবগী অনৌবা মওংশিং উবা ফংলে।

মরুপশিং,

মোদীগী অহুমশুবা তার্মদা মালেমগী মমাঙদা ভারতকী তৌবা ঙম্বশিং উৎকনি অমসুং ভারতকী ইকোনোমি, খুন্নাই, লাল্লোং অমসুং কলচরগী লমদা অনৌবা থাকশিংদা পুখৎকনি। হৌখিবা চহি ১০দা ভারত মালেমদা খ্বাইদগী চাউবা ১১শুবা ইকোনোমি ওইরম্বদগী ৫শুবা খ্বাইদগী চাউবা ইকোনোমি ওইরে। মথং চহি ৫দা ভারত মালেমদা খ্বাইদগী চাউবা ৩শুবা ইকোনোমি ওইরগনি।

মরুপশিং,

মথং চহি ৫দা চাউখৎ-থৌরাংগী থবকশিং হায়বদি দিজিতেল ইন্দিয়া, লম্বীশিং পাকথোকপা, রেলৱে স্তেসনশিং মতমগা চুনবা মওংদা শেমগৎপা, বন্দে ভারত, অমৃত ভারত অমসুং নমো ভারত ত্রেন খোঙজেল য়াংখৎহল্লগনি। নোংপোক ভারত অসি বিকসিত ভারতকী গ্রোথ ইঞ্জিন ওইহনবা হায়বসি মোদীগী গরেন্তিনি। লমদম অসি চাউখৎপা থিন্থরি। বরানাসীদগী ঔরাঙ্গবাদ ফাওবগী ৬-লেন হায়ৱেগী অহানবা ফেজ শঙ্গারে। লাক্লিবা চহি ৫দা বরানাসী-রাঞ্চি-কোলকাতা এক্সপ্রেসৱে লোইশিল্লগনি অমসুং মসিনা য়ু.পি, বিহার, ঝারখন্দ অমসুং নোংচুপ বেঙ্গলগী মরক্তা অরাপ্পা হন্থহল্লগনি। তুংদা, বরানস অমসুং কোলকাতাগী মরক্তা চৎথোক-চৎশিনগী মতম তঙ্খাইদা হন্থরগনি।

মরুপশিং,

মথং চহি ৫দা বরানাসীগী চাউখৎপদা অনৌবা শক্তমশিং উবা ফংলগনি। কাসি রোপৱে শেমগৎলে অমসুং এয়রপোর্ত কেপাসিতি অঙকপা ফংনা হেনগৎলে। লৈবাক অসিদা কাসি মরুওইবা শান্নবগী সহর অমা ওইরক্লগনি। মেক ইন ইন্দিয়া অমসুং অত্মানির্ভর ভারত অভিয়ান্দা কাসিনা য়াম্না চাউনা মতেং পাংলি। মথং চহি ৫দা কাসি থবক অমসুং স্কিলগী মফম অমা ওইরগনি। হায়রিবা মতম অসিগী মনুংদা নেসনেল ইন্সতিতুৎ ওফ ফেসন তেক্নোলোজিগী কেম্পস লোইশিল্লক্তুনা লমদম অসিগী নহারোলশিং অমসুং ফিশাবশিংদা অনৌবা খুদোংচাবা কয়া পীরগনি। হৌখিবা চহি ১০দা, হকশেল অমসুং লাইরিক-লাইশুগী মফম অমা ওইনা ঐখোয়না কাসিগী অনৌবা শক্তম অমা উৎলে।

মরুপশিং,

কাসিদা অনৌবা মেদিকেল কলেজ অমা হাংদোক্লগনি। বি.ঐচ.য়ুদা নেসনেল সেন্তর ফোর এজিং হাংদোকপগা লোয়ননা, ঙসি লুপা করোর ৩৫ রোমগী দাইগ্নোস্তিক মেছিনশিং অমসুং খুৎলায়শিং শঙ্গাখ্রে। হোস্পিতালগী বাইও-হাজার্দ অমোৎপশিং লোইশিন্নবা ফেসিলিতি অমসু শেমগৎলে।

মরুপশিং,

কাসি অমসুং য়ু.পি অমসুং লৈবাক অসি য়াংনা চাউখৎপা মখা চৎথগনি অমসুং মসি লেপহনবদা কনা অমতনা য়ারোইদবনি। হৌজিক কাসিগী মীওই খুদিংমক অমতা ওইরে। করিগুম্বা লৈবাক অসিনা অমসুং মালেম্না মোদীগী গরেন্তিদা অশুক্কী মতিক থাজরবদি, মসি অদোমগী মীনুংশি অমসুং বাবাগী থৌজালদগীনি। ঐগা লোয়ননা হায়মিন্নসি-

ভারত মাতা কি-জয় !

ভারত মাতা কি-জয় !

ভারত মাতা কি-জয় !

হর হর মহাদেব ! 

​*****