ভারতকী প্রধানমন্ত্রী

চিত্রকুতকী শেংলবা লমদম অসিদা মশিং য়াম্না লেংবীরক্লিবা ঐহাক্কী নুংশিজরবা ইচিল-ইনাও অমসুং ইচল-ইচেশিং,

ঐহাক্না অহানবা মক্তদা ময়ামদা ঙাকপীনবা হায়জরি মরমদি মনুংদা লৈরিবা মীয়াম অসিদগী হেনবা মীয়াম মপান্দা লৈরিবা অদু ঐহাক্না হেলিকোপতরদগী উরে। মখোয় মনুংদা চংলক্নবা হোৎনরবসু চংলকপা ঙমদ্রি। খুদোংচাদবা অসিগীদমক ঐহাক্না ঙাকপীনবা হায়জরি। অদুবু মশিং অসুক য়াম্না লেংবীরক্লিবা অসিনা তাক্লিবদি চাউখৎ থৌরাংগী প্রোজেক্তশিংদা অদোম্না অদুক্কী মতিক থাজবা থম্লি হায়বনি, গোস্বামী তুলসীদাসনা হায়বীরম্মি-

চিত্রকুত কে ঘাৎ পর ভই সন্তন কী ভীর।

ঙসি ময়াম পুম্নমকপু উজবা অসিদা অদোমগী সেবক ঐহাকসু অসিগুম্লবা এক্সপরিয়েন্স ফাওরি। চিত্রকুত ইচম চম্বা মফম অমা নত্তে মসি ভারতকী লীরবা সমাজকী পুন্সীগী রিজোলুসনগী মফমনি। লমদম অসিনা ভারত মচাশিংদা হৌন-লোনচৎকী অনৌবা সংস্কার পীনবীরি। মফম অসিদগী ভারতকী সমাজনা অনৌবা ফিদম্নফম ফংলি। প্রভু শ্রী রামনা, ত্রাইবেলশিংদগী, উমংগী লমদমশিংদা লৈরিবশিংদগী, অতোপ্পা থবক তৌরিবা মরূপশিংদগী মতৌ করম্না ইথিল ফংখিবগে, মসিগী ৱারীশিং লোইবা নায়দে।

মরূপশিং,

ভারতনা অরিবা ত্রেদিসনবু হোংদোক্তুনা মতমগী দরকার ওইবশিংগা লোয়ননা মখোয়বু হিংহন্দুনা থম্নবা এক্সপরিমেন্তসু লমদম অসিদগী হৌরি। ভারত রত্ন রাস্ত্ররিশি নানা জী দেশমুখনা মফম অসিদগী ভারতপু সেল্ফ-সপোর্তকী লম্বীদা পুনবা হোৎনবা হৌখি। নুমীৎ নিনিগী মমাংদা নানা জীবু মহাক্কী পুন্য তিথিদা লৈবাক অসিনা নিংশিংখি।

ইচিল-ইনাও অমসুং ইচল-ইচেশিং,

মসি ঐখোয় পুম্নমক্কী লাইবক ফবনি মদুদি গ্রামোদয়দগী রাস্ত্রোদয় ফাওবগী সংকল্পকা লোয়ননা নানা জীনা মহাক্কী পুন্সী হিংবীরম্বা অদু মপুং ফাহনগদবা লুপা কোতি লিশিং কয়াগী প্রোজেক্তশিং শঙ্গাবা অমসুং উরেপ উয়ুং তম্বগী থৌরম ঙসি চিত্রকুৎকী শেংলবা লমদমদগী হৌদোক্লি।

বুন্দেলখন্দবু দিবেলপমেন্তকী এক্সপ্রেসৱেদা পুগদৌরিবা, বুন্দেলখন্দ এক্সপ্রেসৱেনা রিজন পুম্নমক অসিগী পুন্সী মহিংবু হোংদোকহল্লগনি। চাউরাক্না লুপা কোতি লিশিং ১৫ চংনা শাগদৌরিবা এক্সপ্রেসৱে অসিনা মফম অসিদা এমপ্লোইমেন্তকী খুদোংচাবা লিশিং কয়া থৌরাং তৌরগনি অমসুং মফম অসিগী মীচম প্রজাবু অচৌ-অচৌবা শহরশিংগুম্বা খুদোংচাবশিংগা শম্নহল্লগনি। ঙায়হাক্কী মমাং মক্তদা মফম অসিদা লৈবাক্কী লৌমীশিংগী শেন্থোক হেঙ্গৎহন্নববগীদমক, লৌমীশিংদা শক্তি শিন্ননবগীদমক ফার্মর প্রোদ্যুসর ওর্গনাইজেসন্স লিশিং ১০ শেম্নবা থৌরাংসু হৌদোকখ্রে। হৌয়বদি হৌজিক ফাওবদি লৌমীনা পোত্থোক পুথোক্তুনা লাক্লি অদুবু হৌজিক মখোয়না ফার্মর প্রোদ্যুসর ওর্গনাইজেসন্সকী থোংদা বিজিনেসসু তৌরগনি। হৌজিক লৌমীশিংনা মহৈ মরোংসু থারগনি অমদি স্কিল ত্রেদরগী মতৌগুম মখোয়গী পোত্থোক অদুগী মতিক চাবা মমলসু ফংলগনি। এহাক্না ময়ামদা হায়জরি মদুদি থৌরম অসিগী মতুংদা অদোম খুদক্তা হন্ননবা খৌরাংবীগনু। মফম অসিদা লৈবাক পুম্বদা মায় পাক্লবা ফার্মর প্রোদ্যুসর ওর্গনাইজেসন্সকী একজিবিসন তৌরি। ঐহাক্না একজিবিসন অদু য়েংলে। ঐহাক চাউথোকচবা ফাওই। শোইদনমক্কী য়েংবীয়ু হায়না ঐহাক্না ময়ামদা হায়জরি। অদোম্না খংনবা হোৎনবীয়ু… মখোয়না মখোয়-মখোয়গী রাজ্যদা ফার্মর প্রোদ্যুসর ওর্গনাইজেসন্সকী থোংদা কয়া য়াম্না ফজনা হোৎনরিবগে হায়বদু য়েংবীয়ু। লাক্কদৌরিবা চহী ৫ অসিদা কেম্পেন অসিদা চাউরাক্না লুপা কোতি লিশিং ৫ চাদিং তৌগনি। দিবেলপমেন্ত প্রোজেক্তশিং অসিগীদমক ঐহাক্কী লৌমী ইচিল-ইনাও অমসুং ইচল-ইচেশিংবু, বুন্দেলখন্দবু, বুন্দেলখন্দগী প্রজাশিংবু, অদোম্বু দিবেলপমেন্তকী খোংজেল অসিদা বুন্দেলখন্দনা শরুক য়ারকপদা লৈবাক অসিবু হন্না-হন্না নুঙাইবা ফোংদোকচরি।

মরূপশিং,

ঐখোয়গী লৈবাক্তা লৌমীশিংগা মরী লৈনবা চৎন-লোনচৎশিং অদু ঐখোয়গী সরকারনা চাং নাইনা অনৌবা মায়কৈ পীরি, মদুবু লৌমীশিংগী চাগাগা শম্নহল্লি। লৌমীগী চাদিং হন্থহনবা, পোত্থোক হেঙ্গৎহনবা অমসুং পোত্থোক্কী মতিক চাবা মমল ফংহন্নবা সরকারনা হোৎনরি। মসিগীদমক হৌখিবা চহী মঙাদা মরু-মরাংদগী ৱজার ফাওবা ৱারেপ কয়া অমা লৌখ্রে। এম.এস.পি.গী ৱারেপ ওইগেরা, সোইল হেল্থ কার্দ ওইগেরা, য়ুরিয়াগী চাদা ১০০ নিম কোতিং ওইগেরা, দিকেদ কয়াদগী লোইশিন্দনা লৈরক্লবা ইরিগেসন প্রোজেক্তশিং মপুং ফাহনবা ওইগেরা, থাক খুদিংমক্তা সরকারনা থবক তৌরি। লৌমীশিংগী শেন্থোক হেঙ্গৎহন্নবা মরুওইবা খোংচৎকী ঙসিসু মরুওইবা খোংথাং অমনি। ঙসিমক মফম অসিদা প্রধান মন্ত্রী কিসান সম্মান নিধিগী চহী অমা মপুং ফারকপগী থৌরমসু পাংথোক্লি। ঐহাক্না নিংশিংলি মদুদি চহী অমগী মমাদা স্কিম অসি হৌদোকখিবা মতম অদুদা মরম্বা মখলগী চিংনবা পোকহন্নবা হোৎনখিবগে। অদুবু অসুক য়াম্না তেল্লবা মতমদা লৈবাক অসিগী লৌমী ইমুং চাউরাক্না কোতি ৮ মখায়গী বেঙ্ক একাউন্তদা লুপা কোতি লিশিং ৫০ হেনবগী শেনফম দাইরেক্ত দিপোজিৎ তৌখ্রে। চিত্রকুত য়াওনা উত্তর প্রদেশ অপুনবগী লৌমী ইমুং কোতি ২ হেনবগী একাউন্তদসু চাউরাক্না লুপা কোতি লিশিং ১২ দিপোজিত তৌখ্রে। অদোম্না খন্দুনা য়েংবীয়ু শুপ্নতগী চহী অমা খক্তদা লুপা কোতি লিশিং ৫০দগী হেনবা শেনফম, মদুসু দাইরেক্ত বেঙ্ক একাউন্তদা, মিদলমেল য়াওদনা, ৱানোম কুপনোম্বা য়াওদনা, করিগুম্বা মখল অমত্তগী খেৎনবা থমদনা!!

মরূপশিং,

অদোম্না হৌখিবা দিকেদশিংদা বুন্দেলখন্দগী মিংদা, লৌমীশিংগী মিংদা কোতি লিশিং কয়াগী পেকেজ লাউথোকখিবা অদুসু উবিখ্রে, অদুবু লৌমীশিংনা মদুগী কানবা ফংখিদে। হৌজিক্তি লৈবাক অসিনা নুমীৎশিং অদু তুংওইনরম্লে। হৌজিক্তি দিল্লীদগী থাদোকখিবা শেনফম পুম্নমক মদুগী ফংফম থোকপা অদু ফাওবা য়ৌরে। মসিগী পরিং অসিদা ঙসি কিসান সম্মান নিধি য়োজনাগী স্কোপ হেন্না পাকথোক চাউথোকহল্লে। স্কিম অসিগী বেনিফিসরী অদু হৌজিক বেঙ্কশিংদগী অরাইবা মওংদা লোন ফংবসু ঙমহন্নবা লৌমী পুম্নমকপু ক্রিদিৎ কার্দকী খুদোংচাবগা শম্নহল্লে। ঐখোয়গী লাইরবা লৌমীশিংবু, অপিকপা লৌমীশিংবু শেন্দোয় চাবশিংদা তাংদনবা অদুগুম্লবা অচৌবা থবক কিসান ক্রিদিৎ কার্দনা পীরগনি। বেঙ্কতগী ফংগদৌরিবা অহোংবা অমসুং অরাইবা লোন্না মরম ওইদুনা হৌজিক লোনগীদমক অদোম্না কোয়চেন চেনবা মথৌ তাররোই।

ইচিল-ইনাও অমসুং ইচল-ইচেশিং,

হোৎনরিবা অসি পি.এম. কিসান য়োজনাগী বেনিফিসরী মরূপ পুম্নমকপু কিসান ক্রিদিৎ কার্দকসু শম্নহনবনি। হৌজিক চাউরাক্না বিনিফিসরী কোতি ১গা লাখ হুম্ফুতরা মঙানা মসিগী কানবা ফংদ্রি। অহোবা অসি মেন্সিন্নবগীদমক থা অসিমক্তদা নুমীৎ ১৫নি অখন্নবা কেম্পেন অমসু চত্থখি, মদুনা লৌমী লাখ ৪০ হেনববু কে.সি.সি.গা শম্নহল্লে। মদুগী মনুংদা মরূপ খরদি ঙাইহাক্কী মমাদা মফম অসিদা কার্দসু পীখ্রে।

ইচিল-ইনাও অমসুং ইচল-ইচেশিং,

পি.এম. কিসান য়োজনাগী বেনিফিসরী ওইরিবা মরূপশিংবু পি.এম. জীবন জ্যোতি ইন্সুরেন্স অমসুং পি.এম. জীবন সুরক্ষা ইন্সুরেন্স স্কিমগসু শম্নহল্লে। মসিনা অৱাবা তারবা মতমদা লৌমীশিংদা লুপা লাখ ২ ফাওবগী ইন্সুরেন্সকী শেনফম ফংহল্লগনি।

মরূপশিং,

হন্দক্তা সরকারনা অতোপ্পা অচৌবা ৱারেপ অমা প্রধান মন্ত্রী ফসল বীমা য়োজনাগা মরী লৈননা লৌরে। হৌজিক য়োজনা অসিগা শম্নবা তৌদ্রবসু য়াবা অমা ওইহল্লে। মমাংদা বেঙ্কতগী লোন লৌবা লৌমী মরূপ পুম্নমক্না মসিগা শম্নদবা য়াদবা অমা ওইরম্মি, অদুবু হৌজিক মসি লৌমীগী অপাম্বগী মতুং ইল্লগনি। হৌজিক মহাক্না শম্নবা পাম্লগদি শম্নবা য়ারগনি, শম্নবা পামদ্রগনা মশানা মশাবু মসিগী মপান্দা থম্বা য়ারগনি। ৱারেপ অসি লৌরিবগী মরমদি হৌজিক মশানা য়োজনা অসিদা শম্নরিবা লৌমীগী মশিং লেপ্পা লৈতনা হেঙ্গৎলক্লি।

য়োজনা অসিগা শম্নবনসু কাননিঙাই ওইরি মরমদি লুপা কোতি লিশিং ১৩গী প্রিমিয়মগী মহুৎ চহী অহুমদা লৌমীশিংদা লুপা কোতি লিশিং ৫৬কী ক্লেমগী শেনফম পীখ্রে। হায়বদি অৱাবা মতমদা য়োজনা অসি অমরোমদা লৌমীশিংগীদমক থৌজালনি।

মরূপশিং,

চহী অসিগী বজেত্তসু মরুওইবা ৱারেপ কয়া অমা লৌখ্রে, মদুগী কানবা অদু লৌমীশিংনা ফংগনি। লৌমীশিংগী শেন্থোক হেঙ্গৎহন্নবা পোইন্ত ১৬কী প্রোগ্রাম অমা শেম্লে।

খুঙ্গংদা স্তোরেজকীদমক মোদর্ন স্তোর হাউস শেম্বা, পঞ্চায়ৎকী থাক্তা কোল্দ স্তোরেজ শেম্বা, শা-শনগীদমক মতিক চাবা শজিক ফংহনবা, মসিগীদমক অচৌবা য়োজনা অমা শেম্লে।

মসিদসু নত্তনা খুঙ্গংশিংদগী লৌমীশিং অমসুং শা-শনশিংগী উহৈ-মনা মশিং, শঙ্গোম, ঙা অসিনচিংবা য়াম্না থুনা মশা সোকচিল্লকপা পোৎ-চৈশিংবু সেফ ওইবা কৈথেল ফাউবা য়ৌহন্নবগীদমক কিসান রেলগুম্বা খুদোংচাবসু লাউথোকখ্রে।

ইচিল-ইনাও অমসুং ইচল-ইচেশিং,

ঐখোয়গী লৈবাক্তা খুঙ্গংগী কৈথেলশিংবু হোলসেল মার্কেৎ অমদি গ্লোবেল মার্কেৎ ফাওবা শম্নহনবসু দরকার ওই। মসিগীদমক সরকারনা গ্রামিনরিতেল এগ্রিকলচর মার্কেৎ পাকথোক চাউথোকহনবদা থবক তৌরি। লৈবাক অসিদা গ্রামিন হাত লিশিং ২২দা মরুওইবা ইনফ্রাস্ত্রকচর দিবেলপ তৌরি। লৌমীশিংবু মহাক্কী লৌবুক্তগী কিলোমীতর খরখক্কী অরাপ্পগী মনুংদা রুরেল হাত অমা ফংনবা সরকারনা হোৎনরি, মদুনা মহাকপু লৈবাক অসিগী কৈথেল অমা হেক্তগা শম্নহনগনি। লাক্কদৌরিবা মতমশিংদা মসিগী রুরেল হাতশিং অসিনা এগ্রিকলচরেল ইকোনোমীগী অনৌবা কেন্দ্রশিং ওইগনি। মরম অসিননি খুঙ্গংগী কৈথেলশিংবু অচৌবা কৈথেল হায়বদি এ.পি.এম.সি. অমদি মালেম পুম্বগী কৈথেলগা শম্নহল্ললিবা। হোৎনরিবা অসিগী মহৈ ওইনা উত্তর প্রদেশ য়াওনা লৈবাক্কী হাত লিশিং কয়াবু এ.পি.এম.সি. অমসুং ই-নামগা শম্নহল্লি।

মসিগী ই-নাম প্লেৎফোর্ম অসিদা মোবাইল ফোন নত্রগা কমপ্যুতর শিজিন্নদুনা লৌমীনা মহাক্কী পোত্থোক লৈবাক্কী মফম অমা হেক্তদা য়োনবা ঙমলে, মসি খোংজেল য়াংনা ময়াম্না পাম্নবা ওইরক্লি। উত্তর প্রদেশতসু কৈথেল ১০০ হেন্না প্লেৎফোর্ম অসিগা শম্নহনখ্রে। হৌজিক ফাওবদা এ.পি.এম.সি. অসিদা লৈবাক পুম্বদা চাউরাক্না লুপা কোতি লাখ অমগী ললোন-ইতিক তৌখ্রে। লৌমীশিংনা লুপা কোতি লাখ অমগী ললোন-ইতিক তৌরে… তেক্নোলোজীগী তেংবাংদগী তৌখিবনি।

মরূপশিং,

লৌমীশিংদা মতিক চাবা মমল ফংহন্নবগীদমক হৌজিক লৌমীশিংগী অপুনবগী শক্তিগী শিজিন্নরগনি। ঙসি চিভকুত্তা অনৌবা এফ.পি.ও. হৌদোক্লিবা অসিসু মসিগী ৱাখল্লোন অসিনি। মসি অখন্ননা লৈবাক অসিদা মশিং য়াম্না লৈরিবা লৌমী মচাশিংগীনি। লৌমী ইমুং অমগী মহুৎ খুঙ্গংগী লৌমী কয়া পুল্লগা মরু-মরাংদগী হৌরগা বজার ফাওবগী সিস্তেমশিংগা শম্নরগদি মখোয়গী তৌবা ঙম্বা অদু শোয়দনমক্কী হেঙ্গৎলক্কনি।

ইচিল-ইনাও অমসুং ইচল-ইচেশিং,

হৌখিবা চহী খরদা অসিগুম্লবা এফ.পি.ও.শিংগী মায় পাকপদগী পুক্নিং থৌগৎলদুনা মসিবু মমাংদা অমুক্তা ওইখিদ্রিবা মওংদা পাকথোক চাউথোকহনবগী থবক চত্থরি। লৌমীশিং অমসুং পোত্থোক পুথোক্লিবশিংগী অপুনবগী থোংদা লৌউ-শিংউবগী পোত্থোকশিং এক্সপোর্ত তৌনবগীদমকসু অচৌবা ইনফ্রাস্ত্রকচর থৌরাং তৌরি। আলু ওইগেরা নত্রগা মফম অসিগী জঙ্গলশিংদা ফংলিবা অতোপ্পা পোত্থোক ওইগেরা, মখোয়গী মমল তাথৈ। অদুবু করিগুম্বা মখোয়গী চিপ্স শেমদুনা কৈথেলদা অফবা পেকেজিংগা লোয়ননা পুথোক্লগদি মমল হেন্না ফংই। মতৌ অসুম্না এফ.পি.ও.শিং অসিগী খুত্থাংদা ইন্দস্ত্রী লিংখৎলি। অদুগা এফ.পি.ও. খুদিংদা লুপা লাখ ১৫ ফাওবগী তেংবাং পীনবা ভারত সরকরনা খোংথাং লৌখৎলে। সরকারনা লৈবাক অসিগী শোত্থরিবা জিলা ১০০ হেনবদা ফার্মর প্রোদ্যুসর ওর্গনাইজেসন্সদা অহেনবা ইন্সেন্তিবশিং পীনবা ৱারেপ লৌরে।

মরূপশিং,

বুন্দেলখন্দ য়াওনা ভারত পুম্বনা অতোপ্পা কেম্পেন অমগী চাউনা কানবা ফংলগনি, মদুদি জল জীবন মিসন্নি। হৌজিক লৈবাক অসিগী মীওই অমমম্না ভারতপু জলয়ুক্ত অমসুং ইকংদগী কোকহন্নবা সংকল্পকা লোয়ননা মাংলোমদা চংশিল্লি। লাক্কদৌরিবা চহী মঙাদা লৈবাক অসিগী ইমুং চাউরাক্না কোতি ১৫দা অফবা থক্নবা ঈশিং য়ৌহনবগী পান্দমগীদমক খোংজেল য়াংনা থবক পায়খৎপা হৌরে। মসিদসু শোত্থরিবা জিলাশিংদা প্রায়োরিতী পীররি। স্কিম অসি ময়াম পুম্নমক্না তৌগদবনি, খুঙ্গং পুম্নমক্না তৌগদবনি। সরকারনা অদোমগী খুৎতা পৈশা পীগনি, ফন্দ পীগনি… করবারদি অদোম্না তৌগদবনি। কদায়দগী পাইপ চৎকনি, কদায়দা ঈশিং তুংহন্দুনা থমগনি, মদু করম্না থমগনি, মসি পুম্নমক অদোম খুঙ্গংগী মীয়াম্না লেপকনি, ঐখোয়গী ইচল-ইচেশিংনা মদুদা অচৌবা থৌদাং লৌগনি।

মরূপশিং,

উত্তর প্রদেশকী লৌমীশিং, ললোন ইতিক তৌরিবশিং-ইন্দস্ত্রী তৌরিবশিংনা খোংজেল য়াংনা দিবেলপ তৌরিবা অসি মফম অসিগী কনেক্তিবিতীদা য়ুমফম ওইরি। মসিগীদমক য়ৌগী জী অমসুং মহাক্কী সরকারনা এক্সপ্রেসকী খোংজেলদা থবক তৌরি। বুন্দেলখন্দ এক্সপ্রেস-ৱে ওইগেরা, পুর্বঞ্চল এক্সপ্রেস-ৱে ওইগেরা নত্রগা প্রপোজ তৌরিবা গঙ্গা এক্সপ্রেস-ৱে ওইগেরা, মসিনা উত্তর প্রদেশতা কনেক্তিবিতী হেঙ্গৎহনবগা লোয়ননা এমপ্লোইমেন্তকীসু খুদোংচাবা কয়া অমা পীরগনি। মমাংদদি এক্সপ্রেস-ৱে অসি শুপ্নতগী দিল্লী, মুম্বাইগুম্বা অচৌবা শহরশিংদা উবা ফংলম্মি, হৌজিক চিত্রকুত, বান্দা, মহোবা, হমিরপুর, জালৌন, ঔরৈয়াগী মীয়ামসু মোদর্ন এক্সপ্রেসৱেদা চৎলগনি। চাউরাক্না কিলোমীতর ৩০০গী অনৌবা থাক্কী লম্বী-থোং অসি থৌরাং তৌবা লোইরগদি অদোম্না য়াম্না তেনবা মতমদা দাইরেক্ত লখনৌ অমসুং দিল্লী য়ৌবা ঙম্লগনি।

ইচিল-ইনাও অমসুং ইচল-ইচেশিং,

অনৌবা থাক্কী ইনফ্রাস্ত্রকচর অসিনা মফম অসিদা উধোগশিং, অনৌবা ইন্তরপ্রিনরশিং দিবেলপ তৌরগনি। মসি মতা চানরুবা হায়বদুনি মদুদি মমাং চহীগী ফেব্রুৱারী থা মক্তদা ঝান্সীদী য়ু.পি. দিফেন্স কোরিদোর উরেপ উয়ুং তম্নবগীদমক লাকখি অদুগা চহী অসিদা বুন্দেলখন্দ এক্সপ্রেসৱেগী উরেপ উয়ুং তম্লি। চহী অসিগী বজেততা য়ু.পি. দিফেন্স কোরিদোরগীদমক লুপা কোতি ৩৭০০ কায়থোকখ্রে। প্রোজেক্ত অনি অসি অমনা অমগা নক্নবা মরী লৈনরি। বুন্দেলখন্দ এক্সপ্রেসৱেদগী য়ু.পি. দিফেন্স কোরিদোরসু ইনোৎ ফংলগনি।

ইচিল-ইনাও অমসুং ইচল-ইচেশিং,

মোদর্ন ইনফ্রাস্ত্রকচরনা মফম অসিগী তুরিজম ইন্দস্ত্রীদসু অখন্নবা কানবা ফংলগনি। চিত্রকুত্তদি মহৌশাগী ফজবসু লৈরি অমসুং আধ্যত্মিকতাগীসু অচেৎপা মফম লৈরি। ঐহাক্না থাজবা থম্লি মদুদি চিত্রকুত্তগী, বুন্দেলখন্দদগী উত্তর প্রদেশ পুম্বা, লৈবাক পুম্বগী মাংলানশিংবু এক্সপ্রেসকী খোংজেল ফংগনি। ঐহাক্কী লৌমী ইচিল-ইনাও অমসুং ইচল-ইচেশিংবু হন্না-হন্না য়াইফ পাউজেল পীজরি। অমদি বুন্দেলখন্দনা মশাগীদা নত্তনা ভারতকীসু অহোংবা পুরক্নবা থৌরাং তৌরি।

ভারত ইমানা য়াইফরে

ভারত ইমানা য়াইফরে

জয় জৱান জয় কিসান

জয় জৱান জয় কিসান

দিফেন্স কোরিদোর – জয় জৱান

এফ.পি.ও. হৌদোকপা – জয় কিসান

জয় জৱান জয় কিসান মন্ত্রগা লোয়ননা বুন্দেলখন্দ মাংলোমদা চংশিনবা ওইরয়নু হায়বা ৱাফম অসিগা লোয়ননা হন্না-হন্না থাগৎচরি।