ভারতকী প্রধানমন্ত্রী

শেনবা চহি ২০২৩-২৪ দগী ২-২৫-২৬ ফাওবা চহি অহুম এল.পি.জি কন্নেক্সন লাখ ৭৫ ফংহন্নবা প্রধান মন্ত্রী উজ্বালা য়োজনা পাকথোক-চাউথোক্নবা অয়াবা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

২০২৩গা চাংদম্নবদা ২০১৪ দা লৈখিবা মরুওইবা এল.পি.জিগী অকুপ্পা মরোলশিং

উজ্বালা ২.০গী হৌজিক চৎনরিবশিংগী মতুংইন্না, অহানবা ওইনা গ্যাস রিফিল অমসুং স্তোপ লেম্না উজ্বালা বেনিফিসরিশিংদা পীগনি।

চহি অমদা কেজি ১৪.২গী সিলিন্দর অমদা লুপা ২০০গী সবসিদি রিফিল ১২ ফাওবা বেনিফসিরিশিংদা পীরি। পি.এম.য়ু.ৱাই মখা চৎথদ্রবদি, স্কিম অসিগী মখাদা লায়রবা ইমুংশিং কান্নবা অসি ফংলবা য়ারোই।

মৈখু থাংদনা চাক থোংদুনা নুপীশিং হিংবদা লাইহনবা

ৱার্ল্দ হেল্থ ওর্গনাইজেসনগী মতুংইন্না, মালেম শীনবা থুংনা মীওই বিল্লিয়ন ২.৪(মালেমগী অপুনবা মীশিংগী শরুক অহুম থোকপগী শরুক অমা) কেরোসিন, শিং, ষন্থী, চরু অমসুং কোয়লা শীজিন্নদুনা চাক থোংলি। মসিনা ইমুং-মনুংদা নুংশিৎ শেংহন্দে অমসুং ২০২০দা চহি অমদা মীওই মিল্লিয়ন ৩.২ শিহল্লি হায়না পানরি। মসিনা চহি ৫ মখাগী অঙাং ২৩৭,০০০ রোম শিহল্লি। ইমুংদা মৈখু থাংহন্দনা নুপীশিং অমসুং অঙাংশিং ঙাকথোকপা অসি তঙাইফদবনি।

থায়না মমাঙঙৈদা, মখোয়গী অমাঙবশিং খঙদনা, ভারতকী লায়রবশিং মরুওইনা খুঙ্গংশিংদা শিং, কোয়লা অমসুং ষন্থী চাক থোংবদা শীজিন্নরি। মসিনা হকচাং শোকহল্লি। নিমোনিয়া, লং কেন্সর, ইস্কেমিক হার্ত অমসুং ক্রোনিক ওবস্ত্রকতিপ পুলমোনারি দিজিজশিং থোকহল্লি। চাক থোংবদা নন-রিনিউএবল ফুয়েলশিং শীজিন্নবা অসিনা কার্বোন্দাইওক্সাইদ( CO2) থাদোকই অমসুং শিং থাবা অসিনা ব্লেক কার্বোন থাদোকপগী চাদা ৫৮ ওইহল্লি। মসিনা য়ুমগী মৈখুনা নুংশিৎ শেংহন্দবগী অচৌবা মরম অমা ওইহল্লি। শিং থাবা অসিনা নুপীশিং অমসুং অঙাংশিং খুদোংচাদবা কয়া মায়োক্নহল্লি হায়না থিজিনবদগী খঙলে।

য়োজনা অসিনা নুপীশিং শেন-থুম অমসুং খুন্নাইগী শক্তি পীরে। লাইনা এল.পি.জি ফংহনবদগী নুপীশিং শিং থিবগী অৱাবা লৈত্রে। মসিগী নৌনা ফংবা খুদোংচাবা অসিনা মখোয়না লৈবাক্কী থবকশিং থৱায় য়াওনা শরুক য়াবা ঙমহল্লে অমসুং অতোপ্পা শেন্থোক লম্বীশিং পায়খৎপা ঙমহল্লে।

মখা তানা, উজ্বালা স্কিম্না নুপীশিং সেকুরিতি অমসুং অশোই-অঙাম থোক্তবা হেনগৎহল্লে অমসুং শিং থিনবা অচিকপা মফমদা চৎপা মথৌ তাদ্রে।

এল.পি.জি শীজিন্নবা হেনগৎহন্নবা থবকশিং

1. পাহাল(প্রাত্যক্ষ হাস্তান্তারিত লাভ): এল.পি.জি সিলিন্দরশিং সবসিদিদা পীবগী মহুৎ, সবসিদি অদু ইলেক্ত্রোনিক ওইনা লনাই মীওইগী বেঙ্ক একাউন্তদা হকথেংননা পীরে। মসিনা শাশিন্নবা একাউন্তশিং হন্থহল্লে অমসুং য়ুমগী সিলিন্দরশিং শেন্দাল লম্বীদা শীজিন্নবদগী ঙাকথোক্তুনা ফংফম থোকপা মীওইশিং খক কান্নবা ফংলে।
2. সবসিদি লৌদবা: নমদুনা সবসিদি লৌথোকপগী মহুত্তা, মশানা য়ানা সবসিদি লৌদনা মীয়াম পুক্নিং থৌগৎলে। পুক্নিং থৌগৎপদগী, মীওই মিল্লিয়ন কয়া মখোয়গী সবসিদিশিং লৌদ্রে,মসিনা এল.পি.জি সিলিন্দরশিং দরকার ওইবা মীওইশিংদা মতেং পাংনবা ফন্দশিং শীজিন্নরে।
3. ২০২০দা কোবিদ-১০ লাইচৎকী লোকদাউন মনুংদা, প্রধান মন্ত্রী গরিব কলয়ান য়োজনাগী মখাদা লেম্না রিফিল তৌবগী স্কিম পায়খৎলে। স্কিম অসিগী মখাদা, এল.পি.জি রিফিল করোর ১৪.১৭ গী মতেং পাংনবা য়োজনাগী কান্নবা ফংলবা মীওইশিংদা লুপা করোর ৯৬৭০.৪১ পীখ্রে।
4. পি.এম.য়ু.ৱাই বেনিফিসরিশিংগী পর কেপিতা কন্সুম্পসন ২০১৮-১৯দা ৩.০১ ওইখি অমসুং মসি ২০২২-২৩দা ৩.৭১ দা হেনগৎলকখি। চহি অমদা বেনিফিসরিশিংনা এল.পি.জি করোর ৩৫ রিফিল তৌখি।

****