ভারতকী প্রধানমন্ত্রী

ভারত্তা ওফিসিয়েল ওইবা খোংচৎ অমগীদমক্তা লাক্লিবা, ইস্লামিক রিপব্লিক ওফ ইরানগী ফোরেন মন্ত্রী, হিস এক্সেলেন্সী ওসেন অমিরাবদোল্লাহিয়াননা ঙসি প্রধান মন্ত্রী শ্রী নরেন্দ্র মোদীগা উনখ্রে।

দিগ্নিতরী অসিবু তরাম্না ওক্লদুনা প্রধান মন্ত্রীনা ভারত অমসুং ইরানগী মরক্তা লৈরিবা মতম শাংনদগী লৈরক্লবা মীওইবগী চাউখৎ খোংথাংগী ওইবা অমসুং চৎনবীগী ওইবা মরী অদুবু হারাও তয়াম্না নিংশিংখি। লুচিংবা অনি অদুনা হৌজিক-হৌজিক চত্থরিবা নাকল অনিমক্কী ওইবা তেংবাং পীনবগি অনৌবা খোংথাংশিং অদুগী মতাংদা খন্নখি। প্রধান মন্ত্রীনা য়াম্না মরু ওইনা পনখি মদুদি লৈবাক অনি অসিনা কোবিদ মতুংগী মতম অসিদা পীথোক-পীশিন তৌনবা অমসুং তাথোক-তাশিন তৌনদুনা তেংবাং পীনবগী থবক অসিবু হেন্না খোংজেল য়াংখৎহন্নবা হোৎনগদবনি হায়না হায়খি।

প্রধান মন্ত্রীনা ইরানগী ফোরেন মন্ত্রীদা হিস এক্সেলেন্সী প্রেসিদেন্ত ইব্রাহিম রায়সীদা মহাক্কী য়াইফ-পাউজেল পীবিনবা হায়খি অমসুং য়াম্না অথুবা মতমদা ইরানগী প্রেসিদেন্ত উননবগীদমক্তা আশা তৌরি হায়না হায়খি।

****