ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা বেঙ্গালী স্ক্ব্যার-বিজয় নাগর-বারৱাসালা-এয়রপোর্ত-পাতাসিয়া-বেঙ্গালী স্ক্ব্যার ফাউবা কিলোমিতর ৩১.৫৫ শাংবা ইন্দোরগী মরুওইবা মীয়ামগী মফমশিং অমসুং শহরগী মফমশিং শম্নগদবা ইন্দোর মেত্রো রেল প্রোজেক্ত পায়খৎপদা অয়াবা পীরে।

অকুপ্পশিং:

1. রিং লাইন অসিগী অশাংবা কিলোমিতর ৩১.৫৫নি।

2. রিং লাইন অসি বেঙ্গালী স্ক্ব্যার-বিজয় নাগর-বারৱাসালা-এয়রপোর্ত-পাতাসিয়া-বেঙ্গালী স্ক্ব্যার ফাউবা ওইগনি।

3. রিং লাইন অসিগী স্তেসন ৩০ লৈগনি।

4. প্রোজেক্ত অসিনা শহর অসিদা অহোংবা, মতম চাবা, অশোয়-অঙাম থোক্লোইদবা চৎথোক-চৎশিনগী খুদোংচাবা ফংহনগনি অমসুং খুদোংথিবা, নুংশিৎ মোৎপা, চৎপগী মতম, ইনর্জী মাংহনবা অমসুং খুন্নাইনা য়াদবা থবকশিং হন্থহনগনি অমসুং শহর পাকথোকপা অমসুং লম শীজিন্নবা নিয়ম চুম্না পাংথোক্তুনা তুংকোইনা চৎনগদবা মওংদা চাউখৎহনগনি।

5. প্রোজেক্ত অসিগী অপুনবা শেনফম লুপা ক্রোর ৭৫০০.৮০ ওইগনি অমসুং প্রোজেক্ত অসি চহি মরিগী মনুংদা লোইশিনগনি।

কান্নবশিং:

মেত্রো রেল প্রোজেক্ত অসিনা অপুনবা মীশিং লাখ ৩০ লৈবা ইন্দোরদা হকথেংননা নৎত্রগা নাকোইননা কান্নবা পীগনি। কোরিদোরশিং অসিদা রেলৱে স্তেসনশিং, বি আর তি এস স্তেসনশিং, বসশিংগী ফিদ্দর নেতৱার্কশিং, ইন্তরমিদিয়েত পব্লিক ত্রান্সপোর্ত(আই পি তি) অমসুং নন-মোতোরাইজ ত্রান্সপোর্ত(এন এম তি ) লৈগনি। প্রোজেক্ত অসিনা রেন্তেল অমসুং এদভরতাইজমেন্তদগী নন-ফিয়র বোক্স রিভিনিউ লৈগনি অমসুং ত্রান্সিৎ ওরিয়েন্তেদ দিবলপমেন্ত(তি ও দি) অমসুং ত্রান্সফর ওফ দিবলপমেন্ত রাইতস(তি দি আর)গী খুৎথাংদা ভেল্যু কেপচর ফাইনান্সিং (ভি সি এফ) লৈগনি।

মেত্রো রেল কোরিদোর অসিগী ময়াদা লৈবা য়ুমশিং প্রোজেক্ত অসিগী কান্নবা ফংগনি অমসুং হায়রিবা মফমশিং অসিগী মীওইশিং শহর অসিগী মফম কয়াদা ত্রেনদা চৎপগী খুদোংচাবা ফংলগনি।

রেল লাইন অসিনা মী লন্না তাবা শহর অসিগী মফমশিং অমসুং নৌনা শেমগৎলকপা মফমশিং রেলৱে স্তেসনশিং, এয়রপোর্ত অমসুং এ বি দিগী মখাদা স্মার্ত সিতী প্রোজেক্তকা শম্নহনগনি।

খুমাং চাউশিনবা:

• প্রোজেক্ত অসি পায়খৎনবা মধ্য প্রদেশ মেত্রো রেল কো লিমিতেদ(এম পি এম আর সি এল) কৌবা এস পি ভি অমা শেম্লে।

• ইন্দোর মেত্রো রেল প্রোজেক্তকী শেনফম অসি কেন্দ্র সরকার অমসুং মধ্য প্রদেশ সরকার অনিনা চাং মান্না পুথোক্কনি অমসুং শরুক খরনা লোন ওইনা এসিয়ন দিবেলপমেন্ত বেঙ্ক(এ দি বি) অমসুং ন্যু দিবেলপমেন্ত বেঙ্ক(এন দি বি)না পুথোক্কনি।

• দি বি ইঞ্জিনীয়রিং এন্দ কন্সলতিংগা লোয়ননা লুইজ বরজর এস এ এস অমসুং জিওদেতা ইঞ্জিনীয়রিং এস পি এ অসি ইন্দোর মেত্রো রেল প্রোজেক্তকী কন্সলতেন্ত ওইনা হাপ্লে।

• অহানবা সিবিল ৱার্ক হৌনবা তেন্দর কৌরে অমসুং অথুবা মতমদা থবক হৌরগনি।