ভারতকী প্রধানমন্ত্রী

ইন্দোনেসিয়াগী পোলিতিকেল, লেগেল অমসুং সেক্যুরিতী এফিয়ার্সকী কোওর্দিনেতিং মিনিস্তর দা. ঐছ. ৱিরান্তোনা ঙসি প্রধানমন্ত্রী নরেন্দ্র মোদীগা উন্নখ্রে ।

ইং ২০১৬ কী দিসেম্বর থাদা রাষ্ট্রপতি জোকো ৱিদোদোগী মায় পাকখিবা ভারতকী খোংচৎ অদু প্রধানমন্ত্রীনা নৌহৌনা নিংশিংখি, অমসুং ঐসিন লৈবাক্কী লুচিংবশিংনা এসিন-ইন্দিয়া কোম্মেমোরেতিব সম্মিতকীদমক ভারত্তা লাক্কদবা অদুদা থা অসিগী লোইরমদাইদা রাষ্ট্রপতি জোকো ৱিদোদোবু ভারত্তা অমুক হন্না তরাম্না ওক্নবা শেম শারে অমসুং মথংদা পাংথোক্কদৌরিবা রিপব্লিক নুমীৎ পালন্দা অথোইবা অতিথিশু ওইগনি হায়না মহাক্না হায়খি ।

প্রধানমন্ত্রীনা হায়খি মদুদি মেরিতাইম য়ুম্লোন্নবশিং ওইবনা ভারত অমসুং ইন্দোনেসিয়াগী মরক্তা ব্লু ইকোনোমীগী দিবেলপমেন্ত লোয়ন লোয়ননা মেরিতাইম সেক্যুরিতী অকক্নবা লমদা মতেং পিন্ননবগীদমক পাক চাওরবা স্কোপ অমা লৈরি । মসিগী মনুং চন্না, প্রধানমন্ত্রীনা ভারত অমসুং ইন্দোনেসিয়াগী মরক্তা সেক্যুরিতীগী ওইবা ৱা খন্ননবা অহানবা মীফম পাংথোক্কদৌরিবা অদু তরাম্না ওকখি ।