ভারতকী প্রধানমন্ত্রী

খুরুমজরি এক্সেলেন্সী!

অহানবা মক্তদা, কোবিদ ১৯দগী স্বিদেনদা থৱায় থাখ্রবশিং অদুগীদমক ঐহাক্কী মায়কৈদগী অমদি ভারতকী মায়কৈদগী থমোয় শোক্না অৱাবা ফোংদোকচরি। ঐহাক্না নহান স্বিদেনদা থোকখিবা হিংশাগী এতেক অদুগীদমক ভারতকী নাগরিকশিংগী মায়কৈদগী স্বিদেনগী প্রজাশিংগা লোয়ননা সোলিদরিতী ফোংদোকচরি। এতেক অদুদা শোক্লবশিং অথুবা মতমদা ফবা ওইরসনু হায়না ঐখোয়না থৌনিজরি।

এক্সেলেন্সী,

২০১৮দা, স্বিদেন্না অহানবা ইন্দিয়া-নোর্দিক সম্মিৎ পাংথোকখি। মতম অদুদা, ঐহাক স্তোকহোল্মদা লাকচনবা খুদোংচাবা ফংজখি। অথুবা মতমদা অনিশুবা ইন্দিয়া-নোর্দিক সম্মিৎ মনুংদা অমুক হন্না উনবগী তাঞ্জা ফংলগনি হায়না ঐহাক্না আশা তৌরি। ২০১৯দা হিজ মেজেস্তি নিংথৌ অমসুং হার মেজেস্তিগী ভারত খোংচৎ অদু ঐখোয়গীদমক অচৌবা প্রিভিলেজ অমা ওইখি। হিরম কয়াদা ঐহাক্না মখোয়গা লোয়ননা য়াম্না ফজনা খন্ন-নৈনখি। ঐহাক্না ময়েক লানা নিংশিংলি মদুদি হিজ মেজেস্তী অমসুং ঐহাক্না পাৱর প্লান্তশিংদা শিজিন্ননবা ক্রোপ স্তবল ব্রিক্বেৎ অমা শেম্বগী মতাংদা পুন্না থবক তৌমিন্নরিবা অদু নৌহৌনা য়েংশিনখি। অদোম্না খংবদা হরাওবা ফাওগনি মদুদি মসিগী দেমেন্ত্রেসন প্লান্ত অসি মথৌ নিংথিনা তৌরি। হৌজিক মসি ঐখোয়না বাইওমাসতগী কোল শেম্বা অমসুং এক্সতেন্সিবলি স্কেল অপ তৌবদা শিজিনবা য়াই।

এক্সেলেন্সী,

কোবিদ-১৯ মনুংদা, ঐখোয়না রিজনেল অমসুং গ্লোবেল লেবেল অনিমক্তা কোলাবোরেসনগী মরুওইবদু খংমিন্নখ্রে। ভারতনা কোবিদ-১৯ লাইচৎকী মায়োক্তা লান্থেংনবদা মালেম্বু সপোর্ত তৌনবা লৈবাক ১৫০ হেনবদা হিদাক-লাংথক অমসুং অতোপ্পা দরকার ওইবা ইক্বিপমেন্তশিং ফংহনখি। ঐখোয়না ঐখোয়গী এক্সপরিয়েন্সশিং ওলাইন প্রোগ্রামশিংগী থোংদা এসিয়া, সাউথ-ইস্ত এসিয়া অমসুং আফ্রিকাদগী ফ্রন্তলাইন হেল্থ ৱার্করশিং অমসুং পোলিসী মেকরশিংগা লোয়ননা শেয়ার তৌখি। ঐখোয়না হৌজিক ফাওবদা চাউরাক্না লৈবাক ৫০দা মেদ ইন ইন্দিয়া বেক্সিনসু ফংহনখ্রে। ঐখোয়না লাক্কদৌরিবা নুমিৎশিংদা অতৈ লৈবাক কয়াদসু বেক্সিন সপ্লাই তৌনবা ৱাফম থম্লি।  

এক্সেলেন্সী,

ঙসিগী এনভাইরনমেন্তদা, ৱাখল মানবা লৈবাকশিংগী মরক্তা কোওর্দিনেসন, কোওপরেসন অমসুং কোলাবোরেসন অসি য়াম্না মরুওিবা ওইরি। দেমোক্রেসী, হ্যুমেন রাইত, রুল ওফ লো, ইক্বেলিতী, ফ্রীদম, জস্তিসগুম্বা শেয়র্দ ভেল্যুশিংনা ঐখোয়গী মরী অমসুং ম্যুচেল কোওপরেসন মপাঙ্গল কনখৎহল্লি। ক্লাইমেৎ চেঞ্জগী মরুওইবা ইশু অসি ঐখোয়গী লৈবাক অনিমক্কী প্রায়োরিতী অমনি অমসুং মসিদা অদোমগা লোয়ননা থবক তৌমিন্নবা ঐখোয়না পামগনি। ভারতকী কলচরনা মতম পুম্নমক্তা এনভারনমেন্ত ঙাক্তুনা থম্বা অমসুং মহৌশাগা লোয়ননা মত তিন্ননা লৈবদা মরুওইবা পীরি।

ঐখোয়না পেরিস এগ্রিমেন্তদা থমখিবা ঐখোয়গী ৱাফমশিংদা ঙাক্না চৎলি। ঐখোয়না মসিগী পান্দমশিং অসি ফংবা খক্তা নত্তনা মখোয়বু হেন্দোক্না ফংবসু ওইগনি। ভারতনা জি ২০ লৈবাকশিংগী মরক্তা মসিগী কম্মিৎমেন্তশিংদা অফবা প্রোগ্রেস ওইহনবা ঙম্বা য়াই। হৌখিবা চহি মঙাদা ঐখোয়গী রিন্যুএবল পাৱর কেপাসিতী চাদা ১৬২ হেনগৎলে। ঐখোয়না ২০৩০ ফাওবদা রিন্যুএবল ইনর্জী গিগাৱাৎ ৪৫০গী তার্গেৎ অমা সেৎ তৌরি। ঐখোয়না এল.ই.দি. লাইতশিং শিজিন্নবা প্রমোৎ তৌদুনা কার্বোন দাইওক্সাইদ থাদোকপা মিলিয়ন তন ৩০ সেবিং তৌরে। ইন্তরনেস্নেল সোলর এলাইন্স জোইন্ত তৌনবা স্বিদেনগী ৱারেপ অদু ঐখোয়না তরাম্না ওক্লি। ঐখোয়না অদোম্বু অথুবা মতমদা কোলিসন ফোর দিজাস্তর রেসিলিয়েন্ত ইনফ্রাস্ত্রকচর জোইন তৌনবা বার্তনসু তৌজরি।

এক্সিলেন্সী,

ইন্দিয়া-স্বিদেন পার্তনরশিপনা পোস্ত-কোবিদ স্তেবিলাইজেসন অমসুং রিকবরীদা মরুওইবা থৌদাং অমা লৌবা ঙমগনি। ঐখোয়না ইনোবেসন, তেক্নোলোজী, ইনবেস্তমেন্ত, স্তার্ত-অপস অমসুং রিসর্সকী লমদা তেংবাং পীনবা হেনগৎপা ঙমগনি। স্মার্ত সিতিজ, ৱাতর ত্রিৎমেন্ত, ৱেস্ত মেনেজমেন্ত, সর্কুলর ইকোনোমী, স্মার্ত গ্রিদস, ই-মোবিলিতী অমসুং দিজিতেল ত্রান্সফোর্মেসন য়াওনা লম কয়াদা কোওপরেসন হেনগৎহন্নবগীদমক অচৌবা পোতেন্সিএল অমসু মফম অসিদা লৈরি। ঐহাক্না থাজৈ মদুদি ঙসিগী ঐখোয়গী ভর্চুএল সম্মিৎ অসিনা ঐখোয়গী কোওপরেসন্দা অনৌবা দাইমেন্সন অমা হাপচিল্লগনি।

এক্সেলেন্সী,

অমুক হন্না, ঐহাক্না স্বিদেনগী নাগরিকশিংগী মায়কৈদা ভারতকী থোইদোক হেন্দোকপা মরূপ ওইবগী খোংচৎ অদু অমুক হন্না নিংশিংজরি অমদি হৌজিক অদোমগী হৌদোক ৱারোলশিং অদুগী বার্তন তৌজরি।

দিসক্লেমর: মসি প্রধান মন্ত্রীগী ৱারোলগী চাউরাকপা অনুবাদনি। অশেংবা ৱারোলদি হিন্দিদা পীখি।

***