ভারতকী প্রধানমন্ত্রী

য়োর এক্সেলেন্সিশিং, প্রসিদেন্ত তক্স অমসুং প্রসিদেন্ত জঙ্কর,

শক্নাইরবা দেলিগেতশিং,

মীদিয়াগী মীহুৎশিং,

১৪শুবা ইন্দিয়া-ইয়ু সমিতকীদমক প্রসিদেন্ত তক্স অমসুং প্রসিদেন্ত জঙ্করবু তরাম্না ওকচবগী তঞ্জা ফংজবা অসিদা ঐহাক অপেনবা পোকই । 

ভারতনা ইয়ুগা লোইননা মহাক্কী মায়থোং য়াম্বা পার্তনরশিপ অদু মমল খংই, অমসুং ঐখোয়গী স্ত্রেতেজিক পার্তনরশিপতা ঐখোয়না য়াম্না মরু ওইনা লৌই । ১৯৬২দা য়ুরোপিয়ান ইকোনোমিক কমুনিতীগা লোয়ননা দিপ্লোমেতিক রিলেসনশিং ইস্তাব্লিশ তৌবা অহানবা লৈবাকশিংগী মনুংদা ভারতশু অমা ওইরম্মী ।

য়ুরোপিয়ান য়ুনিয়ন অসি মতম কয়াগী মমাংদগী ঐখোয়গী খ্বাইদগী চাওবা ত্রেদ পার্তনর ওইরি । মসিনা ঐখোয়গী ফোরেন দাইরেক্ত ইনভেস্তমেন্তকী খ্বাইদগী চাওবা সোর্সশিংশু ওইরি ।

পৃথীবিগী খ্বাইদগী চাওবা দেমোক্রেসি চৎপা ওইবনা, ঐখোয় অসি মহৌশাগী পার্তনরশিংনি । ঐখোয়গী অচেৎপা মরি অসি দেমোক্রেসি, রুল ওফ লো, ফন্দামেন্তেল ফ্রিদমশিংগীদমক ইকায় খুম্নবা অমসুং মল্তিকলচরেলিজমগী সেয়ার্দ ভেলুদা য়ুমফম ওই ।

ঐখোয়না মল্তি-পোলর, রুলজ-বেজ ইন্তরনেস্নেল ওর্দর অমগী মীৎয়েংদশু সেয়ার তৌরি । মমাং চহিদা ব্রুসেলদা পাংথোকখিবা ১৩শুবা সমিত অদুদগী ঐখোয়গী মরি অসি তপ্না তপ্না খুমাং চাওশিল্লকলে । নুমীৎ খরনিগী মমাংদা প্রসিদেন্ত জঙ্করগী ৱাফমশিং অদু পাংথোক্নবা, ইন্দিয়া-য়ুরোপিয়ান য়ুনিয়নগী লৈনরিবা মরি অসি মওং তানা চৎথরি ।

মরূপশিং,

ঙসি ঐখোয়না পাক চাওরবা এজেন্দা অদুদা প্রদক্তিব ওইবা খন্ন নৈনখিবা অদুগীদমক ঐহাক্না প্রসিদেন্ত তক্স অমসুং প্রসিদেন্ত জঙ্করবু থমোয় শেংনা থাগৎচরি ।

 ঐখোয়না ইন্দিয়া-ইয়ু এঙ্গেজমেন্ত অসি অনৌবা সেক্তর কয়াদা পাকথোক চাওথোকহল্লে অমসুং ম্যুচেল ত্রস্ত অমসুং অনদর্সতেন্দিংদা য়ুমফম ওইরগা মসিবু হেন্না কমপ্রেহেন্সিব অমসুং বেনেফিসিয়েল ওইহন্নবা ঐখোয়না হোৎনরিবা অসি মখা তানা চৎথবদশু ঐখোয়না য়ান্নরে ।

ঙসি ঐখোয়না মমাং চহিদা লাওথোকখিবা এজেন্দা ২০২০ অমসুং মমাং চহিদা লৌখিবা ৱারেপশিং অদুগী ইমপ্লিমেন্তেসনদা প্রোগ্রেস অদু নৌহৌনা য়েংশিল্লে ।

ঐখোয়না ঐখোয়গী সেক্যুরিতী কোওপরেসন মপাঙ্গল কনখৎহন্নবা অমসুং তেরোরিজমগী মায়োক্তা পুন্না থবক তৌমিন্ননবা য়ান্নরে । ঐখোয়না মসিগী ইসু অসিদা ঐখোয়গী নাকল অনিগী ওইবা কোওপরেসন অদু খক্তা মখা তানা চেৎশিনহনবদা নত্তনা মল্তিলেতরেল ফোরাদা ঐখোয়গী কোওপরেসন অমসুং কোওর্দিনেসনশু হেঙ্গৎহল্লনি ।

ক্লিন ইনর্জি অমসুং ক্লাইমেত চেঞ্জদা, ঐখোয়না পুন্না ২০১৫ পেরিস এগ্রিমেন্ততা ৱারেপ লৌরে । ক্লাইমেত চেঞ্জ অমসুং সেক্যুর প্রমোত তৌবগী এদ্রেস তৌরদুনা, এফোর্দেবল অমসুং সস্তেনেবল ওইবা ইনর্জি সপ্লাইশিং অদু ঐখোয়গী সেয়ার্দ প্রায়োরিতীশিং ওইগনি । রেন্যুয়েবল ইনর্জিগী দিপ্লোইমেন্তকী মমল হন্থহন্নবগীদমক ম্যুচেল কোওপরেসন অন্দরতেক তৌনবা ঐখোয়গী ৱাফম অদুশু ঐখোয়না অমুক হন্না শোয়দবনি হায়রি ।

স্মার্ত সিতিশিং দিবলপ তৌবা অমসুং অর্বান ইনফ্রাস্ত্রকচর অপগ্রেদ তৌনবা য়ুরোপিয়ান য়ুনিয়নগা লোয়ননা ঐখোয়গী কোওপরেসন অদু ঐখোয়না হেন্না চেৎশিনহল্লগনি ।

ইন্দিয়া-ইয়ু হোরাইজোন্তেল সিভিল এভিয়েসন এগ্রিমেন্ত অদু হৌজিক থবক ওইনা পাংথোকপা অদুদা ঐহাক নুঙাইবা ফাওই । ঐহাক্না থাজবা থম্লি মদুদি মসিনা ঐখোয়গী মরক্তা এয়ার কনেক্তিবিতী হেঙ্গৎহল্লনি অমসুং পিপল-তু-পিপল হেঙ্গৎহনবদা মতেং ওইরগনি ।

ঐখোয়গী লৈনরিবা মরিদা মরুওইবা এস্পেক্ত অমদি সাইন্স অমসুং তেক্নোলোজী অমসুং রিসার্স অমসুং ইনোভেসন্দা ঐখোয়গী কোওপরেসন অদুনি । মসিগী মনুং চন্না, নহা ওইরিবা সাইন্তিস্তশিং অমসুং রিসার্সসরশিংগী মোবিলিতীদা ঙসি এগ্রিমেন্ত অমা পাংথোকখিবা অদু ঐহাক্না তরাম্না ওকলি ।

য়ুরোপিয়ান ইনভেস্তমেন্ত বেঙ্ককা লোইননা ভারত্তা দিবলপমেন্ত প্রোজেক্তশিংগীদমক লোন এগ্রিমেন্তশিং খুৎয়েক পিনখিবা অদুশু তরাম্না ওকনিঙাই ওইবা খোংথাং অমনি ।
ইন্তরনেস্নেল সোলর এলাইন্সকী মেম্বর লৈবাকশিংদা সোলরগা মরি লৈনবা প্রোজেক্তশিংদা শেল থাথনবা য়ুরোপিয়ান ইনভেস্তমেন্ত বেঙ্ককী ৱারেপ অদুবুশু ঐহাক্না থাগৎলি ।

ঐখোয়গী ত্রেদ অমসুং ইনভেস্তমেন্ত ফ্লোশিং মপাঙ্গল কনখৎহন্নবা ঐখোয়গী কোওপরেসন মখা তানা চেৎশিনহন্নবা ইয়ুগা লোইননা থবক তৌমিন্ননবশু ঐখোয়না ৱারেপ লৌরে ।

য়োর এক্সেলেন্সিশিং,

ইন্দিয়া ইয়ু স্ত্রেতেজিক পার্তনরশিপ্পু মপাঙ্গল কনখৎহন্নবা নখোয়না লুচিংলিবা অমসুং নখোয়গী কন্ত্রিব্যুসন অদুগীদমক ঐহাক্না অদোমবু থাগৎচরি । নখোয়গী মথংগী ভারতকী খোংচৎ অদু ঙন্দক্কী অসুম্না অতেন্বা ওইরোই হায়বদু ঐহাক্কী আশা অমসুং থাজবনি ।

অদোম্বু থাগৎচরি ।

অদোম্বু অমুক্কা হন্না থাগৎচরি ।