ভারতকী প্রধানমন্ত্রী

ভারতকী প্রধান মন্ত্রী হিস এক্সলেন্সী শ্রী নরেন্দ্র মোদী অমসুং স্রি লঙ্গাগী রাস্ত্রপতী হিস এক্সলেন্সী অনুরা কুমারা দিসানায়ক্না, স্রি লঙ্কাগী রাস্ত্রপতিনা রিপব্লিক ওফ ইন্দিয়াদা লাকখিবা মতমদা নই দিল্লীদা দিসেম্বর ১৬, ২০২৪ দা পাঙথোকখিবা মীফমদা ৱাফম কয়া মপুং ফানা অমসুং মহৈ য়ান্না খন্ন-নৈনখি‍।

২. লুচিংবা অনিনা ইন্দিয়া-স্রি লঙ্কা বাইলেতরেল পার্ত্নরসিপ অসি মরা চেৎনা তাখ্রবা নাৎ অমসুং খুন্থোক্লোনগী মরী, নক্ননা লৈমিন্নবা অমসুং মীগা মীগগী মরক্তা লৈরিবা মরীনা শেমগৎলকপনি হায়বা ৱাফম নৌহৌননা য়ানখি‍।

৩. রাস্ত্রপতী দিসানায়ক্না ২০২২গী হান্না পারুদবা শেন্মিৎলোনগী লাংফম মনুং অমসুং মতুংদা স্রি লঙ্কাগী মীয়ামগীদমক ভারতনা খোঙফম হন্বা লৈতনা লেপ্পিখিবগীদমক তৌবিমল খঙবা ফোঙদোকখি‍। স্রি লঙ্কাগী মীয়ামগীদমক নুংঙাই য়াইফবা তুংলমচৎ অমা, খুদোংচাবা হেন্না ফংহন্বা, অমসুং লেপ্পা নাইদনা শেন্মিৎলোন ফগৎহন্বগী অনিংবা অপাম্বা অদু ফংহন্নবা মহাক্না থাজবা পীখিববু নীংশিংলদুনা, হায়রিবা পান্দমশিং অসি ফংনবা হোৎনবদা ভারত্তগী লেপ্পা নাইদবা মতেং পংলক্কনি হায়না মহাক্না থাজবা ফোঙদোকখি‍। প্রধান মন্ত্রী মোদীনা রাস্ত্রপতী দিসানায়ক্কী মফমদা, ভারতকী ‘নৈবরহুদ ফর্স্ত পোলিসী অমসুং ‘SAGAR’ ভিজন্দা স্রি লঙ্কানা অখন্নবা মফম কল্লিবা অসিগা লোয়ননা, মখোয়গী পান্দমশিং ফংনবা হোৎনবদা ভারতনা খোঙফম চেৎনা লেপ্লি হায়না থাজবা পীখি‍।

৪. লুচিংবা অনিমক্না নাকল অনিগী ওইবা মরী অসি চহি কয়াসিদা হেন্না চেৎশিল্লক্লি অমসুং স্রি লঙ্কাগী খুন্নাই-শেন্মিৎলোন চাওখৎহন্বদা মশক থোক্না থৌদাং য়ারি হায়বা ৱাফম য়ানখি‍। মখা তানা তেংবাংনবগী মতিংবু পল্লদুনা, লুচিংবা অনিমক্না ভারত অমসুং স্রি লঙ্কাগী মরক্তা লৈনরিবা মরী অসি লৈবাক অনিমক্কী মীয়ামগী য়াইফনবগীদমক অনিমক্তা মপুং ফানা কান্নমিন্নবা মরী অমদা পুখৎনবা ৱাফম য়ানখি‍।

রাজনিতীগী এক্সচেঞ্জ

৫. হৌখিবা দেকেদ অসিদা হেনগৎলক্লিবা রাজনিতীগী ইন্তরেক্সন অমসুং নাকল অনিগী ওইবা মরীদা মসিনা লৌরিবা থৌদাং য়েংলগা, লুচিংবা অনিমক্না লীদর্সিপ অমসুং মিনিস্তরিএল লেভেলদা রাজনিতীগী এঙ্গেজমেন্ত অসি হেন্না কনশিলহন্নবা ৱাফম য়ানখি‍।

৬. লুচিংবা অনিনা দিমোক্রেতিক ভেল্যুশিং য়োকখৎনবা অমসুং মখোয় মখোয়গী খ্বায়দগী ফবা ইন্সতিত্যুস্নেল প্রেক্তিসশিং তাথোক তাশিন তৌননবা চাং নাইনা পার্লিয়ামেন্তরী লেভেল এক্সচেঞ্জ তৌনবগী মরুওইবা ৱাফমশিং ফোঙদোক্নখি‍।

দিভেলপমেন্ত কোওপরেসন

৭. লুচিংবা অনিনা স্রি লঙ্কাগী সোসিওইকনমিক গ্রোথতা মশক থোক্না থৌদাং য়ারিবা, ভারতনা স্রি লঙ্কাদা চাওখৎ থৌরাংগী হীরমদা পাংলিবা মতেঙগী অফবা অমসুং ইথিল পীবা ঙম্বা থৌদাংবুশু শিংথানখি‍। রাস্ত্রপতী দিসানায়ক্না, হৌজিক লৈরিবা দেত স্ত্রকচর অসি লৈজরগসু প্রোজেক্তশিং পায়খৎপদা ভারতনা লেপ্তনা মতেঙ পাংলকপগীদমক তৌবিমল খঙবা ফোঙদোকখি‍। লাইন ওফ ক্রেদিত্তা পায়খৎপা প্রোজেক্তশিংদা গ্রান্ত এসিস্তেন্স পীদুনা স্রি লঙ্কাগী শেন্দোনগী পোৎলুম হন্থহন্নবা ভারতনা লৌরিবা ফিরেপ অদুবুসু শকখঙখি‍।

৮. মীয়ামদা য়ুম্ফম ওইবা চাওখৎ থৌরাংগী পার্ত্নরসিপ হেন্না চেৎশিলহন্নবা পুন্না থবক তৌমিন্ননবা ৱাফম ফোঙদোক্নরদুনা লুচিংবা অনিনা মখাগী ৱাফমশিং অসি য়ানখি:

ক. স্রি লঙ্কা শিন থুংনা পায়খৎলিবা ইন্দিয়ন হাউজিং প্রোজেক্তকী ফেজ III & IV, আইলেন্দ হায়ব্রিদ রিনিউএবল ইনর্জী এন্দ হায় ইম্পেক্ত কম্ম্যুনিতী দিভেলপমেন্ত প্রোজেক্ত ৩ (অহুম) অসিনচিংবা হৌজিক পায়খৎলিবা প্রোজেক্তশিং মতম চানা লোইশিন্নবা পুন্না থবক তৌমিন্নবা‍।

খ. স্রি লঙ্কাদা পায়খৎলিবা ইন্দিয়ন ওরিজিন তামিল কম্ম্যুউনিতীগী, ইস্তর্ন প্রোভিন্সকী, অমসুং লাইনীংগী ওইবা মফমশিং সোলার ইলেক্ত্রিফিকেসন তৌবগী প্রোজেক্তশিং মতম চানা পায়খৎপদা মতুং ফানা মতেঙ পীবা‍;

৩. স্রি লঙ্কা লৈঙাক্কী মথৌ তাবা অমসুং প্রাইওরিতীশিংগী মখা পোন্না অনৌবা প্রোজেক্তশিং অমসুং এরিয়স ওফ কোওপরেসন ফোর দিভেলপমেন্ত পার্ত্নরসিপশিং মশক খঙদোকপা‍।

ত্রেনিং অমসুং কেপাসিতী বিল্দিং

৯. স্রি লঙ্কাদা কেপাসিতী বিল্দিং সপ্পোর্ত পীবদা ভারতনা লৌরিবা শক্লোন ফোঙদোক্নরদুনা, অমদি স্রি লঙ্কাদা তোঙান তোঙানবা হীরমশিংদা কস্তমাইজ তৌরবা ত্রেনিং অমসুং কেপাসিতী বিল্দিংগী মথৌ তাবা য়েংলগা, লুচিংবশিং অদুনা:

ক. ভারত্তা নেস্নেল সেন্তর ফোর গুদ গভর্নেন্সকী খুত্থাঙদা চহি মঙাগী ওইনা তোঙান তোঙানবা স্রি লঙ্কাগী মন্ত্রালয় অমসুং দিপার্তমেন্তশিংগী সিভিল সর্ভেন্ত ১৫০০ গীফোকস ত্রেনিং পাঙথোক্নবা য়ানখি; অমদি

খ. স্রি লঙ্কাগী মথৌ তাবশিং য়েংলগা, সিভিল, দিফেন্স অমসুং লিগেল দোমেনশিং অমদি অতৈ হীরমশিংদা স্রি লঙ্কাগী ওফিসিএলশিংগী মখা তাবা ত্রেনিং প্রোগ্রামশিং য়েংশিনমিন্ননবা লেপ্নখি‍।

দেত রিস্ত্রকচর তৌবা

১০. রাস্ত্রপতী দিসানায়ক্না প্রধান মন্ত্রী মোদীবু ইমর্জেন্সী ফাইনান্সিং অমসুং USD বিলিয়ন ৪ গী ওইগদবা ফোরেক্স সপ্পোর্ত য়াওনা ময়ামগা মান্নদবা অমসুং মায়কৈ কয়া লোঙবা তেংবাং পীদুনা স্রি লঙ্কাগী শেন্মিৎলোন মরা চেৎহনবদা ভারতনা ঙাক্লৌ পীরকখিবগীদমক থাগৎখি‍। ওফিসিএল ক্রেদিতর্সস’ কম্মিতী (OCC) গী কো-চেয়র ওইবা য়াওনা স্রি লঙ্কাগী দেত রিস্ত্রকচর তৌবদা ভারতনা পাঙলকখিবা মরুওইবা তেংবাংবু, দেত রিস্ত্রকচর তৌবগী খন্ন-নৈনবা মতম চানা লোইহন্বদা মরুওইবা অমা ওইখি হায়না মহাক্না শকখঙখি‍। মহাক্না মখা তানা ভারত লৈঙাকপু হৌজিক লৈরিবা লাইন্স ওফ ক্রেদিতকী মখাদা মপুং ফানা পায়খৎখিবা প্রোজেক্তশিংগীদমক স্রি লঙ্কাদগী শিঙ্গৎকদবা ৱাৎলিবা শেনফমশিং সেত্তল তৌননবা USD মিলিয়ন ২০.৬৬ কী শেলগী তেংবাং পীরক্তুনা মরুওইখ্রবা মতম অমদা শেন্দোনগী পোৎলম ফনা য়াম্না হন্থহনবগীদমক থাগৎপা ফোঙদোকখি‍। স্রি লঙ্কাগা লৈনরিবা অচেৎপা অমসুং অখন্নবা মরীগী মরুওইবা ৱাফমশিং থম্লদুনা, প্রধান মন্ত্রী মোদীনা লৈবাক অসিনা মথৌ তারকপা মতমদা অমসুং শেন্মিৎলোন হিঙ্গৎহন্নবা অমদি মরা চেৎহন্নবা, অমসুং মীয়ামগী য়াইফনবগীদমক হোৎনরকপা মতমদা ভারতনা লেপ্তনা মতেঙ পাংগনি হায়না অমুক হন্না ফোঙদোকখি‍। লুচিংবশিং অদুনা ওফিসিএলশিংদা দেত রিস্ত্রকচরিংগী নাকল অনিগী ওইবা MoU অদু ফাইনেলাইজ তৌনবা পাউতাক পীখি‍।

১১. লুচিংবা অনিমক্না শেন্দোক্না পুবা মোদেল অসিদগী তোঙান তোঙানবা সেক্তরশিংদা ইনভেস্তমেন্তনা লমজিংবা পার্ত্নরসিপ্লোমদা স্ত্রেতেজিক ওইবা মওংদা হোংলকপনা শেন্মিৎলোন হিঙ্গৎহন্নবা, চাওখৎপা পুরক্নবা, অমসুং স্রি লঙ্কাগী নুংঙাই য়াইফবা পুরক্নবগী হেন্না তুং কোইগদবা লম্বীদা লাক্কনি হায়বা ৱাফম য়ানখি‍।

কন্নেক্তিবিতী শেমগৎপা

১২. লুচিংবশিং অদুনা কন্নেক্তিবিতী হেনগৎহনবগী মরুওইবা ৱাফমশিং পুথোক্নখি অমসুং লৈবাক অনিমক্কী শেন্মিৎলোন ফগৎহন্নবা অমসুং চাওখৎপা পুরক্নবা শীজিন্নবা য়াবা থৌওং কয়া লৈবাক অনিগী মরক্তা লৈ হায়বা ৱাফম য়ানখি‍। হীরম অসিগী মতাঙদা:

ক. নাগপত্তিনম অমসুং কনকেসন্থুরাই অনিগী মরক্তা পেসেঞ্জর ফেরী সর্ভিস মখা চত্থরকপদা অপেন্বা ফোঙদোক্নদুনা, রামেস্বরম অমসুং তলাইমন্নরগী মরক্তা পেসেঞ্জর ফেরী সর্ভিস অথুবা মতমদা হৌননবা ওফিসিএলশিংদা থবক পায়খৎহন্নবা মখোয়না য়ানখি‍।

খ. ভারত লৈঙাক্তগী গ্রান্ত এসিস্তেন্সকা লোয়ননা পায়খৎকদবা, স্রি লঙ্কাগী কনকেসন্থুরাই হিথাংফম হান্নগী ফীভমদা হঞ্জিলহন্নবা পুন্না থবক পায়খৎমিন্নবগী ওইথোকপা য়াবশিং য়েংশিনমিন্ননবা য়ানখি‍।

ইনর্জী দিভেলপমেন্ত

১৩. ইনর্জী সিক্যুরিতী লৈহন্নবা অমসুং মীয়ামগী মথৌ তাবশিং ফংহন্নবা থাজবা য়াবা, এফোর্দেবল ওইবা অমসুং মতম চানা ফংগদবা ইনর্জী রিসোর্সশিংগী মথৌ তাবা ৱাফম ফোঙদোক্নরদুনা, লুচিংবা অনিমক্না ইনর্জী সেক্তরদা তেংবাংনবা হেনগৎহন্নবা অমসুং ভারত অমসুং স্রি লঙ্কাগী মরক্তা পায়খৎমিন্নরিবা ইনর্জী কোওপরেসন প্রোজেক্তশিং মতম চানা পায়খৎপা ঙমহনবগী মরুওইবা ৱাফমশিং ফোঙদোক্নখি‍। হীরমসিগী মতাঙদা লুচিংবশিংনা মখাগী ৱাফমশিং অসি য়ানখি:

ক. সমপুরদা সোলার পৱার প্রোজেক্ত পায়খৎনবা মখা তাবা খোঙথাংশিং পায়খৎপা অমসুং স্রি লঙ্কাগী মথৌ তাবগী মতুং ইন্না মসিগী কেপাসিতী হেনগৎহন্বা‍।

খ. মখাগীশিং অসি য়াওনা খন্ন-নৈনবগী তোঙান তোঙানবা থাক্তা লৈরিবা য়াম্লবা প্রপোজেলশিং মখা তানা খন্নবা:

(অ) ভারত্তগী স্রি লঙ্কাদা LNG সপ্লাই তৌবা‍।

(আ) ভারত অমসুং স্রি লঙ্কাগী মরকল্তা হায়-কেপাসিতী পৱার গ্রিদ ইন্তরকন্নেক্সন শেমগৎপা‍।

(ই) এফোর্দেবল অমসুং থাজনিংঙাই ওইবা ইনর্জী সপ্লাই তৌনবগীদমক ভারত্তগী স্রি লঙ্কা ফাওবা মল্তি-প্রদক্ত পাইপলাইন অমা তিংননবা ভারত, স্রি লঙ্কা অমসুং UAE গী মরক্তা তেংবাংনবা‍।

(ঈ) ফোনা অমসু ফ্লোরাশিং য়াওনা অকোয়বগী ফীভম ঙাক শেন্বদা মীৎয়েঙ থম্লগা, পাল্ক স্ত্রেত্তা ওফসোর ৱিন্দ পৱার পোতেন্সিএল পুপ্না শেমগৎমিন্নবা‍।

১৪. ত্রিনকোনমালী তেঙ্ক ফার্ম শেমগৎপগী হৌজিক লৈনরিবা কোওপরেসন অসিবু খঙলদুনা, লুচিংবা অনিমক্না ত্রিনকোনমালীবু রিজনেল ইনর্জী অমসুং ইন্দস্ত্রিএল হব অমা ওইনা শেমগৎপদা ঙাক্লৌ পীননবা য়ানখি‍।

পীপল-সেন্ত্রিক দিজিতাইজেসন

১৫. লৈঙাক্লোন ফগৎহন্বা, সর্ভিস দেলিভরীদা অওন্বা পুরকপা, ত্রান্সপেরেন্সী পুরকপা, অমসুং খুন্নাইদা নুংঙাই য়াইফবা পুরকপদা মতেঙ পাংখিবা পীপল-সেন্ত্রিক দিজিতাইজেসন্দা ভারতকী মায় পাকপগী এক্সপিরিএন্স অসিবু শকখঙলদুনা, রাস্ত্রপতী দিসানায়ক্না মসিগা মান্নবা সিস্তেমশিং ভারতকী মতেঙগা লোয়ননা স্রি লঙ্কাদা পায়খৎপা য়াবরা হায়না য়েংশিমিন্নবগী অপাম্বা ফোঙদোকখি‍। প্রধান মন্ত্রী মোদীনা হীরম অসিগী মতাঙদা স্রি লঙ্কানা হোৎনরকপদা ভারতনা মপুং ফানা মতেঙ পাংনবা শেম শাদুনা লৈ হায়খি‍। হীরমসিদা, লুচিংবা অনিনা য়ানখিবা ৱাফমশিংদি:

ক. লৈবাক অসিদা, মীয়ামদা লৈঙাক্কী সর্ভিস ফংহন্বগী ফীভম ফগৎহন্নবা হোৎনরিবা অসিদা মতেঙ পাংশিন্নবা ত্রি লঙ্কা য়ুনিক দিজিতেল আইদেন্তিতী (SLUDI) প্রোজেক্ত পায়খৎপদা খোঙজেল য়াঙশিন্বা;

খ. ভারতকী মতেঙদা লোয়ননা স্রি লঙ্কাতা দিজিতেল পব্লিক ইনফ্রাস্ত্রকচর Collaborate on avenues to fully roll out Digital Public Infrastructure (DPI) মপুং ফানা চৎনহন্নবা খুৎশম্ননা চৎমিন্নবা‍।

গ. এক্সপিরিএন্স অমসুং ভারত্তা হান্ননা পায়খৎখ্রবা সিস্তেমশিংদা য়ুম্ফম ওইরগা, স্রি লঙ্কাদা দিজিলোক্কর পায়খৎপগী মতাঙদা তেক্নিকেল ওইনা খন্নরিবা অসি খুমাঙ চাওশিলহন্বা য়াওনা স্রি লঙ্কাদা DPI স্তেক পায়খৎনবা জোইন্ত ৱর্কিং গ্রুপ অমা লিংখৎপা‍।

ঘ. লৈবাক অনিমক্তা কান্নমিন্ননবা অমসুং লৈবাক অনিমক্কী পেমেন্ত সিস্তেম রিগুলেতরী গাইদলাইনশিংদা মীৎয়েঙ থম্লগা UPI দিজিতেল পেমেন্ত শীজিন্নবা এক্সতেন্দ তৌদুনা দিজিতেল ফাইনেন্সিএল ত্রাঞ্জেক্সন প্রমোত তৌবা‍।

ঙ. স্রি লঙ্কাদা মান্নবা সিস্তেমশিং লিংখৎপগী কান্নবা য়েংলগা, ভারতকী আধার প্লেতফোর্ম, GeM পোর্তেল, PM গতি শক্তি দিজিতেল প্লেতফোর্ম, দিজিতাইজ কস্তম অমসুং অতৈ তেক্সেসনগী প্রোসিজরশিংদগী তমশিনবা য়ানবা বাইলেতরেল এক্সচেঞ্জ মখা চত্থবা‍।

এজুকেসন অমসুং তেক্নোলোজী

১৬. স্রি লঙ্কাদা হ্যুমেন রিসোর্স দিভেলপমেন্ততা মতেঙ পাংনবা অমসুং ইনোভেসন অমদি তেক্নোলোজী প্রমোত তৌনবা মীৎয়েঙদা, লুচিংবা অনিনা মখাগী ৱাফমশিংসি য়ানখি:

ক. লৌউ-শিংউ, এক্বাকলচর, দিজিতেল ইকনমী, হকশেল অমসুং অতৈ নাকল অনিনা ইন্তরেস্ত লৈবা হীরমশিংদা রিছর্চ অমসুং দিভেলপমেন্তকী লমদা খুৎশম্ননা চৎমিন্নবা হেনগৎহন্বা‍।

খ. লৈবাক অনিমক্কী মহৈ মশিংগী ইন্সতিত্যুসনশিংগী মরক্তা তেংবাংননবা লম্বী থিমিন্নবা‍।

গ. স্রি লঙ্কাগী স্তার্ত-অপশিং মেন্তর তৌবা য়াওনা স্তার্ত-অপ ইন্দিয়া অমসুং ইনফোর্মেসন কম্ম্যুনিকেসন তেক্নোলোজী এজেন্সী ওফ স্রি লঙ্কা (ICTA) গী মরক্তা তেংবাংননবা লম্বী য়াৎপা‍।

ত্রেদ অমসুং ইনভেস্তমেন্ত কোওপরেসন

১৭. লুচিংবা অনিনা ইন্দিয়া-স্রি লঙ্কা ফ্রী ত্রেদ এগ্রিমেন্ত (ISFTA) না লৈবাক অনিগী মরক্তা লল্লোন ইতিক্কী পার্ত্নরসিপ হেনগৎহল্লে হায়বা ৱাফম ফোঙদোক্নদুনা, মরী অসিবু মখা তানা পাকথোক চাউথোকহন্বদা অচৌবা মতিং লৈ হায়বা ৱাফম য়ানখি‍। ভারতকী শেন্মিৎলোনগী খোঙজেল অমসুং খুদোংচাবশিংগী খোঙজেল অমদি স্রি লঙ্কাগী হেনগৎলক্লিবা মার্কেত সাইজ অমসুং ত্রেদ অমদি ইনভেস্তমেন্ত ফগৎহন্নবা লৈরিবা মতিং ফোঙদোক্নরদুনা, লুচিংবা অনিমক্না মখাগী ৱাফমশিং অসিগা লোয়ননা ত্রেদ পার্ত্নরসিপ মখা তানা ফগৎহন্নবা ৱাফম য়ানখি:

ক. ইকনমিক এন্দ তেক্নোলোজিকল কোওপরেসন এগ্রীমেন্তকী লমদা মখা তানা খন্নবা‍।

খ. লৈবাক অনিগী মরক্তা INR-LKR ত্রেদ সেত্তলমেন্ত হেনগৎহন্বা‍।

গ. স্রি লঙ্কাগী এক্সপোর্ত পোতেন্সিএল হেনগৎহন্নবা লৈবাক অসিগী মরুওইবা সেক্তরশিংদা ইনভেস্তমেন্ত তৌনবা পুক্নিং থৌগৎপা‍।

১৮. লুচিংবা অনিনা প্রপোজ তৌরিবা বাইলেতরেল সোসিএল সিক্যুরিতী এগ্রীমেন্ত অথুবা মতমদা লোইশিন্নবা মখা তানা খন্ন-নৈনবগী মথৌ তাবা ৱাফম য়ানখি‍।

লৌউ-শিংউ অমসুং এনিমেল হজবেন্দ্রী

১৯. লুচিংবা অনিমক্না মরোমদোম লেপচবা অমসুং নুত্রিস্নেল সিক্যুরিতী প্রমোত তৌনবা পান্দমদা স্রি লঙ্কাগী দেরী সেক্তর চাওখৎহন্নবা খুৎশম্ননা চৎমিন্নরিবা অসিবু শৌগৎনখি‍।

২০. রাসস্ত্রপতী দিসানায়ক্না লৌউ-শিংউগী থবক্তা মোদর্নাইজেসন তৌবদা থম্লিবা মীৎয়েঙবু পল্লদুনা, লুচিংবা অনিনা স্রি লঙ্কাগী লৌউ-শিংউ সেক্তরদা মপুং ফানা চাওখৎপা পুরক্নবা জোইন্ত ৱর্কিং গ্রুপ অমা শেম্নবা ৱাফম য়ানখি‍।

স্ত্রেতেজিক অমসুং দিফেন্স কোওপরেসন

২১. ভারত অমসুং স্রি লঙ্কাগী মান্নবা সিক্যুরিতী ইন্তরেস্তপু খঙদোক্লদুনা, লুচিংবা অনিমক্না নাকল অনিমক্না থাজনবা অমসুং ত্রান্সপেরেন্সীদা য়ুম্ফম ওইদুনা চাং নাইনা ৱারী শানবা অমসুং অমনা অমগী সিক্যুরিতীগী নুংনাংবা ৱাফমশিংদা মরুওইবা মীৎয়েঙ থম্নবগী মরুওইবা ৱাফমশিং য়ানখি‍। মহৌশাগী ওইবা খোঙবু অমা ওইনা, লুচিংবা অনিমক্না লৈবাক অনিমক্না ইন্দিয়ন ওসীন রিজন্দা থেংনরিবা মান্নবা শিংনবশিংগী মতাঙদা ফোঙদোক্নখি অমসুং ত্রেদিস্নেল অমসুং নন-ত্রেদিস্নেল থ্রেতশিং থেংনমিন্ননবা অমদি ফ্রী, ওপন, সেফ অমসুং সিক্যুর ওইবা ইন্দিয়ন ওসীন রিজন অমা ওইহন্নবা খোঙফম চেৎনা লেপমিন্নখি‍। ভারতনা স্রি লঙ্কাগী খ্বায়দগী নক্নবা মেরিতাইম য়ুমলোন্নবা ওইবা মরম্না, রাস্ত্রপতী দিসানায়ক্না মাগী ঙমখৈবু ভারতকী সিক্যুরিতীদা শিংনগদবা অমসুং লমদম অদোমদা তংদু লৈতাদবা ফীভম পুরক্কদবা থৌওং অমত্তদা শীজিন্নহল্লোই হায়বা স্রি লঙ্কাগী খোঙফমবু অমুক হন্না ফোঙদোকখি‍।

২২. দিফেন্স কেপেবিলিতী হেনগৎহন্নবা ত্রেনিং, এক্সচেঞ্জ প্রোগ্রাম, সিপ ভিজিত, বাইলেতরেল এক্সরসাইজ অমসুং এসিস্তেন্সকী লমদা হৌজিক লৈরিবা দিফেন্স কোওপরেসন্দা অপেন্বা ফোঙদোক্নরদুনা, লুচিংবা অনিমক্না মেরিতাইম অমসুং সিক্যুরিতী কোলাবোরেসন খুমাঙ চাওশিলহন্নবা ৱাফম য়ানখি‍।

২৩. রাস্ত্রপতী দিসানায়ক্না ভারতপু মেরিতাইম সর্ভিলেন্সকীদমক দোর্নিয়র এয়রক্রাফ্ত অমা পীরক্তুনা মতেঙ পাংলকপা; অমসুং স্রি লঙ্কাগী মেরিতাইম দোমেন এৱ্যারনেস হেনগৎহন্নবা পাংলিবা মতেংশিংগী মথক্তা লৈবাক অদুদা মেরিতাইম রেস্ক্যু এন্দ কোওর্দিকেসন সেন্তর অমা লিংখৎপগীদমক থাগৎপা ফোঙদোকখি‍। হ্যুমেনিতরিয়ন এসিস্তেন্স অমসুং দিজাস্তর রিলীফকী লমদা ভারতনা স্রি লঙ্কাগী ‘ফর্স্ত রেস্পোন্দর’ অমা ওইনা লৌরিবা শক্লোনবু মহাক্না মখা তানা থাগৎখি‍। মরুওইনা, য়াম্লবা নার্কোতিক পুবা ভেসেল অমা সস্পেক্তশিংগা লোয়ননা ফাবদা ভারতকী অমসুং স্রি লঙ্কাগী নেভীনা খুৎশম্নদুনা মায় পাক্না থবক পায়খৎখিববু পনখি অমসুং রাস্ত্রপতী দিসানায়ক্না ইন্দিয়ন নেভীগী মফমদা থাগৎপা ফোঙদোকখি‍।

২৪. থাজনিংঙাই ওইবা খোঙবু অমা ওইনা, ভারতনা স্রি লঙ্কাগী মফমদা মখোয়গী দিফেন্স অমসুং মেরিতাইম সিক্যুরিতীগী মথৌ তাবা খুমাঙ চাওশিলহন্নবা নক্ননা থবক তৌমিন্ননবা অমসুং লৈবাক অদুগী মেরিতাইমগী শিংনবশিং থেংননবা মখোয়গগী মতিং হেনগৎহন্নবা মতেঙ পাংনবা থাজবা ফোঙদোকখি‍।

২৫. তেরোরিজম, দ্রগ/নার্কোতিক্স স্মগ্গ্লিং, মনী লোন্দরিংনচিংবা তোঙান তোঙানবা সিক্যুরিতী থ্রেতশিং খঙদোকমিন্নরদুনা, লুচিংবা অনিমক্না ত্রেনিং, কেপাসিতী বিল্দিং, অমসুং ইন্তলিজেন্স অমদি ইনফোর্মেসন শেয়রিংগী লমদা হোৎনরিবশিং হেন্না মপাঙ্গল কনখৎহন্নবা ৱাফম য়ানখি‍। হীরম অসিগী মতাঙদা মখোয়না য়ানখিবা ৱাফমশিংদি:

ক. দিফেন্স কোওপরেসনগী ফ্রেমৱর্ক এগ্রীমেন্ত অমা লোইশিনবা য়াবগী লম্বী থিমিন্নবা‍;

খ. হায়দ্রোগ্রাফীদা তেংবাংনবা‍;

গ. স্রি লঙ্কাগী দিফেন্স কেপেবিলিতীশিং হেনগৎহন্নবা দিফেন্স প্লেতফোর্ম অমসুং এসেতশিং ফংহন্বা;

ঘ. জোইন্ত এক্সর্সাইজ, মেরিতাইম সর্ভিলেন্স, অমসুং দিফেন্স দাইলোগ অমদি এক্সচেঞ্জশিংগী খুত্থাঙদা কোলোবোরেসন হেনগৎহন্বা;

ঙ. দিজাস্তর মিতিগেসন, রিলীফ অমসুং রিহেবিলিতেসনগী লমলদা স্রি লঙ্কাগী মতিং হেনগৎহন্নবা, ত্রেনিং, জোইন্ত এক্সরসাইজ, অমসুং খ্বায়দগী ফবা থৌওংশিং তাথোক তাশিন তৌনবা য়াওনা মতেং পাংবা; অমদি

চ. মথৌ তাবা মফমদা, স্রি লঙ্কাগী দিফেন্স ফোর্সকী কেপাসিতী বিল্দিং অমসুং ত্রেনিং ফগৎহন্বা অমদি তেলরমেদ ত্রেনিং প্রোগ্রাম পাঙথোকপা‍।

কলচরেল অমসুং তুরিজম দিভেলপমেন্ত

২৬. লৈবাক অনিগী মান্নবা নাৎ, লম নক্নবা অমসুং খুন্থোক্লোনগী মরীদা মীৎয়েঙ থম্লগা, লুচিংবা অনিমক্না লৈববাক অনিগী মরক্তা কলচরেল অমসুং তুরিজমগী মরী মখা তান প্রমোত তৌবগী মথৌ তাবা ৱাফমশিং য়ানখি‍। ভারতনা স্রি লঙ্কাগী তুরিজমগী খ্বায়দগী চাউবা হৌরকফম ওইবা মরম্না, লুচিংবা অনিনা মখাগী ৱাফমশিং অসি পায়খৎনবা য়ানখি:

ক. চেন্নাই অমসুং জাফ্নাগী মরক্তা ফ্লাইত অমুক হন্না পায়বা হৌখিববু পল্লদুনা, ভারত অমসুং স্রি লঙ্কাগী তোঙান তোঙানবা লমথুংফমশিংগী মরক্তা নোংথক্কী কন্নেক্তিবিতী ফগৎহন্বা‍।

খ. স্রি লঙ্কাদা এয়রপোর্ত শেমগৎপগী মতাঙদা মখা তান্না খন্ন‍।

গ. স্রি লঙ্কাদা তুরিজম ইনফ্রাস্ত্রকচর শেমগৎপদা ভারতকী ইনভেস্তমেন্ত প্রমোত তৌবা‍।

ঘ. লাইনিংগী অমতুং নাৎকী তুরিজম চাওখৎহন্নবা ফেসিলিতেতরী ফ্রেমৱর্ক অমা শেমগৎপা‍।

ঙ. লৈবাক অনিগী মরক্তা কলচরেল অমসুং লিঙ্গুইস্তিক্কী মরী প্রমোত তৌনবা অমসুং খুমাঙ চাওশিলহন্নবা এজুকেস্নেল ইন্সতিত্যুসনশিংগী মরক্তা একাদমিক লিঙ্কেজ প্রমোত তৌবা‍।

ফিসরীগী ইসুশিং

২৭. নাকল অনিমক্তা ঙামীশিংনা থেংনরিবা খুদোংচাদবা ৱাফমশিং খঙলদুনা, অমসুং পুন্সি হিংনবগী লম্বীশিং য়েংলগা, লুচিংবা অনিনা হীরম অসি মীওইবগী মীনুংশিগী মীৎয়েঙদা মখা তানা ৱাখৈবগী মথৌ তাবা ৱাফম য়ানখি‍। হীরমসিদা, কা হেঞ্জিন্বা অমসুং হিংসাগী ওইবা লীচৎ শাজৎশিং থোকহন্দনবা থৌরাংশিং লৌখৎপগী মথৌ তাবা ৱাফমশিংসু মখোয়না ফোঙদোক্নখি‍। মখোয়না হন্দক্তা কোলোম্বোদা লোইশিনখিবা ৬শুবা জোইন্ত ৱর্কিং গ্রুপ মীতিং ওন ফিসরিজপু তরাম্না লকখি‍। ৱারী শানদুনা অমসুং অফবা মওংদা পুশিন্দুনা মতম কুইনা চৎকদবা অমসুং নাকল অনিমক্না য়ানবা পাম্বৈ অমা ফংবা ঙমগনি হায়না লুচিংবশিংনা থাজবা ফোঙদোক্নখি‍। ভারত অমসুং স্রি লঙ্কাগী মরক্তা লৈরিবা অখন্নবা মরী য়েংলগা, মখোয়না ওফিসিএলশিংদা হায়রিবা ৱাফমশিং অসিগী পাম্বৈশিং পুথোক্নবা পাউতাক পীখি‍।

২৮. রাস্ত্রপতী দিসানায়ক্না ভারতপু পোইন্ত পেদ্রো ফিসিং হার্বর শেমগৎপা, কারাইনগর বোতয়ার্দ অমুক হিঙ্গৎহন্বা অমসুং ভারতকী মতেঙগা লোয়ননা এক্বাকলচরদা তেংবাংনবা য়াওনা স্রি লঙ্কাদা তুং কোইনা চৎকদবা অমসুং কম্মর্সিএল ওইনা ফিসরিজ চাওখৎহন্নবা ভারতনা পায়খৎলিবা থৌশিলশিংগীদমক থাগৎপা ফোঙদোকখি‍।

রিজনেল অমসুং মল্তিলেতরেল কোওপরেসন

২৯. ইন্দিয়ন ওসীন রিজন্দা লৈরিবা নাকল অনিগী মেরিতাইম ইন্তরেস্তপু শকখঙলদুনা, লুচিংবা অনিমক্না নাকল অনিগী ওইবা মওংদা অমদি হৌজিক লৈরিবা রিজনেল ফ্রেমৱর্কশিং অনিমক্তা রিজনেল মেরিতাইম সিক্যুরিতী মপাঙ্গল কনখৎহন্নবা মখা তানা হোৎনমিন্ননবা য়ানখি‍। হীরমসিদা, লুচিংবশিং অদুনা কোলোম্বোদা হেদক্বার্তর ওইবা কোলোম্বো সিক্যুরিতী কনক্লেবকী ফাউন্দিং দোকুমেন্ত হন্দক্তা খুৎয়েক পীনখিববু তরাম্না ওক্নখি‍। কনক্লেব অসিগী পান্দমশিং খুমাঙ চাওশিলহন্নবা স্রি লঙ্কাদা মতেঙ পাংগনি হায়না ভারতনা অমুক হন্না ফোঙদোকখি‍।

৩০. ভারতনা স্রি লঙ্কাগী IORA গী চেয়রমেনসিপ্তা মপুং ফানা শৌগৎকনি হায়না ফোঙদোকখি‍। লুচিংবা অনিমক্না লমদম অসোম্না লৈরিবা পুম্নমক্কী সিক্যুরিতী অমসুং দিভেলপমেন্তকীদমক IORA মেম্বর লৈবাকশিংনা মপুং ফাবা এক্সন প্লান অমা শেম্বা মথৌ তাই হায়না ফোঙদোক্নখি‍।

৩১. লুচিংবা অনিমক্না BIMSTEC কী মখাদা রিজনেল কোওপরেসন মখা তানা মপাঙ্গল কনখৎহন্নবা অমসুং ফীভম ফগৎহন্নবা খোঙফম চেৎনা লেপ্লি হায়না ফোঙদোক্নখি‍।

৩২. রাস্ত্রপতী দিসানায়ক্না প্রধান মন্ত্রী মোদীগী মফমদা স্রি লঙ্কানা BRICS কী মেম্বর অমা ওইনবা ঙাক্লৌ পীবিবা ৱাফম থমখি‍।

৩৩. প্রধান মন্ত্রী মোদীনা UN সিক্যুরিতী কাউন্সিল ফোর ২০২৮-২০২৯ দা ভারতনা নন-পর্মেনেন্ত সীত অমা ফংননবা কেন্দিদেত ওইবদা স্রি লঙ্কানা শৌগৎলকপদু তরাম্না লকখি‍।

ৱারোয়শিন

৩৪. ফোঙদোক্নরিবা, য়ানখিবা থৌরাংশিং মতিং লৈনা অমসুং মতম চানা পায়খৎমিন্নবনা লৈবাক অনিগী মরী হেন্না চেৎশিলহনগনি অমসুং মরী অসিবু মরুপ মপাং ওইবগী অমসুং য়ুম্লোন্নবগী মরীগী অনৌবা থাক অমদা পুখৎলক্কনি হায়না লিচিংবশিং অদুনা য়ানখি‍। মসিগী মতুং ইন্ন, লুচিংবশিংদুনা মখোয় মখোয়গী ওফিসিএলশিংগী মফমদা য়ানরিবা ৱাফমশিং অসিদা থবক পায়খৎনবা মথৌ তাবা থৌরাংশিং পায়খৎপা হৌনবা য়াথং পীনখি অমসুং মথৌ তারকপা মতমদা লমজিং পীমিন্ননবা য়ানখি‍। মখোয়না মখা তানা নাকল অনিমক্তা কান্নমিন্নগদবা, স্রি লঙ্কাগী সস্তেনেবল দিভেলপমেন্তকী মথৌ তাবশিং ফংহনগদবা অমসুং ইন্দিয়ন ওসীন রিজন্দা তংদু লৈতাববা পুরকপদা থৌদাং য়াগদবা নাকল অনিগী মরীগী মতিং হেনগৎহন্নবা লুচিংবশিংগী থাক্তা ৱারী ৱাতায় মখা তানা চত্থনবা লেপ্নখি‍। রাস্ত্রপতী দিসানায়ক্না প্রধান মন্ত্রী মোদীবু অথুবদা মহাক্না খুদোংচাগদবা মতম অমদা স্রি লঙ্কাদা লাক্নবা ৱাফমসু ফোঙদোক্লমখি‍।

***