ভারতকী প্রধানমন্ত্রী
এক্সিলেন্সীশিং, মরুপশিং,
খুরুমজরি! ঐহাক্না পুম্নমকপু ভারত্তা তরাম্না ওকচরি। ইন্তর্নেস্নেল কনফরেন্স ওন দিজাস্তর রেজিলিএন্ত ইনফ্রাস্ত্রকচরগী 6শুবা ইদিসন্দা ময়ামগা লোয়ননা শরুক য়াবা ফংজবা অসি য়াম্না নুংঙাই। নখোয়না শরুক য়াবা অসিনা মরু ওইবা হীরম অসিদা মালেমগী দিস্কোর্স অমসুং ৱারেপশিং মপাঙ্গল কনখৎহল্লগনি।
মরুপশিং,
হৌখিবা চহি খরা অসিদা কোলিজন ফোর দিজাস্তর রেজিলিএন্ত ইনফ্রাস্ত্রকচরনা চাউনা গ্রোথ লৈবা উবা ফংখি। CDRI লোঞ্চ তৌখিবা মতম, 2019দা হৌদুনা ঐখোয়না খুমাং য়াম্না চাউশিল্লে। হৌজিক লৈবাক 39 অমসুং ওর্গনাইজেসন 7গী গ্লোবেল কোলিজন অমা ওইরে। মসি তুংলমচৎকীদমক অফব খুদম অমনি।
মরুপশিং,
মহৌশাগী ওইবা দিজাস্তরগী চাং অমসুং শাথীবগী চাং হেনগৎলক্লিবা অসি ঐখোয় পুম্নমক্না উবা ফংই। অয়াম্বা মতমদা মাং-তাকপশিং অসি দোল্লরদা চাংদম্নৈ। অদুবু তশেংবদদি মসিনা মীওইশিং, ইমুং-মনুংশিং অমসুং কম্ম্যুনিতীশিংদা পীরিবা অশেংবা ইথিল অসি মশিংদগী হেল্লি। য়ুহা য়াবনা য়ুমশিং অমাং-অতা থোকহল্লি, মীওই কয়া ময়ুম লৈতবা ওইহল্লি। মহৌশাগী ওইবা দিজাস্তরশিংনা ঈশিং অমসুং সিৱেজ সিস্তেমশিং থুগাইদুনা মীয়ামগী হকশেলদা খুদোংথীবা থোকহল্লি। মহৌশাগী ওইবা খুদোংথীবা খরনা ইনর্জী প্লান্তশিংদা অকায়বা পীবা ঙম্মি অমসুং মসিনা খুদোংথীনিঙাই ওইবা ফিভম ওইহল্লকপা ঙম্মি। মসিনা মীওইবদা শাফু অমা পীরি।
মরুপশিং,
হৌজিক ঐখোয়না হেন্না ফবা তুংলমচৎ অমগীদমক রেজিলিএন্ত ইনফ্রাস্ত্রকচরদা ইনভেস্ত তৌগদবনি। অনৌবা ইনফ্রাস্ত্রকচর শেমগৎপদা রেজিলিএন্ত অসি ফেক্তর ওইগদবনি অমসুং মসি দিজাস্তর মতুংদা অমুক হন্না শেমগৎপদা শরুক অমা ওইগদবনি। দিজাস্তর অমা থোকখ্রবা মতুংদা রিলিফ অমসুং রিহেবিলিতেসন পাঙথোক্লবা মতুংদা ইনফ্রাস্ত্রকচরদা রেজিলিএন্তগী মায়কৈদা মীৎয়েং চংবা মথৌ তাই।
মরুপশিং,
মহৌশা অমসুং দিজাস্তরগী ঙমখৈ লৈতে। দিজাস্তর অমসুং অৱাবশিংনা ইন্তরকন্নেক্তেদ ওইবা মালেম অসিদা পাক-শন্না শাফু পীরি। লৈবাক খুদিংমক্না অমমমতা রেজিলিএন্ত ওইরবা খক্তদা মালেম্না পুন্না রেজিলিএন্ত ওইবা ঙমগনি। শিয়র তৌরিবা রিস্কশিংগী মতুং ইন্না শিয়র তৌরিবা রেজিলিএন্তগী মরুওই। CDRI অমসুং কনফরেন্স অসিনা মালেম অসিনা অপুনবা মিসন অসিগীদমক পুনশিল্লকপদা মতেং পাংগনি।
মরুপশিং,
অপুনবগী রেজিলিএন্ত ফংনবগীদমক, ঐখোয়না খ্বাইদগী শোত্থরবশিংদা মতেং পাংগদবনি। খুদম ওইনা দিজাস্তরগী খুদোংচাদবা য়াম্না লৈবা অপীকপা ইথৎ চাউখৎলক্লিবা রাজ্যশিং অসি পীখি। অসিগুম্বা মফম 13দা প্রোজেক্তশিং শেল থাদনবা CDRIগী প্রোগ্রাম অমা লৈ। দোমিনিকাদা রেজিলিএন্ত হাউজিং, পাপুয়া ন্যু গিনিদা রেজিলিএন্ত ত্রান্সপোর্ত নেৎৱার্ক, দোমিনিকন রিপব্লিক অমসুং ফিজিদা আর্লি ৱার্নিং সিস্তেম হেনগৎহনবা অসি খুদম খরনি। CDRIনা গ্লোবেল সাউথতা মীৎয়েং থম্লিবা অসি য়াম্না নুংঙাইবা পোকই।
মরুপশিং,
G20গী ভারতকী প্রসিদেন্সী মনুংদা মরু ওইবা খোঙথাং অমা লৌখৎখি। ফাইনান্সিংবু মরু ওইনা লৌবগা লোয়ননা দিজাস্তর রিস্ক রিদক্সন ৱার্কিং গ্রুপ অমা শেমখি। অসিগুম্বা খোংথাংশিং অসিনা CDRIগী গ্রোথকা লোয়ননা রেজিলিএন্ত ওইবা তুংলমচৎ অমদা মালেমবু পুখৎকনি। নুমিৎ অনি অসিদা ICDRIদা পাঙথোক্কদৌরিবা খন্ন-নৈনবশিং অসি মপুং ফানা পাঙথোক্কনি হায়না থাজবা থম্মি। থাগৎচরি। হন্না-হন্না থাগৎচরি!
*****
