ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোসীনা কেন্দ্রগী রেলৱে মন্ত্রী, শ্রী অশ্বিনি বৈশ্নোগা আন্ধ্র প্রদেশতা থোকখিবা ত্রেন এক্সিদেন্তগী মতাংদা ৱা শাখ্রে। শ্রী মোদীনা অলামন্দা অমসুং কন্তাকাপল্লে সেক্সনগী মরক্তা লাইবক থীবা ত্রেন গুরুং চৎপগী থৌদোক অদুগী ফীভম য়েংশিনখ্রে।

শ্রী মোদীনা লৈখিদ্রবশিংগী ইমুংশিংদা অৱাবা ফোঙদোকখ্রে অমসুং অশোক অপন নংখ্রবশিং অথুবদা ফগৎলক্নবা থৌনিখ্রে।

প্রধান মন্ত্রীনা PMNRFদগী লৈখিদ্রবশিংগী ইমুংগী মীওইদা লুপা লাখ 2 অমসুং রেল এক্সিদেন্তদা অশোক অপন নংখ্রবশিংদা লুপা 50,000 পীনবসু লাউথোকখ্রে।

Xদা প্রধান মন্ত্রী লোইশঙনা পোস্ত তৌখি;

“পি.এম. @narendramodiনা রেলৱে মন্ত্রী শ্রী @AshwiniVaishnawগা ৱারী শাখ্রে অমসুং অলামন্দা অমসুং কন্তাকাপল্লে সেক্সনগী মরক্তা লাইবক থীবা ত্রেন গুরুং চৎপগী থৌদোক অদুগী ফীভম য়েংশিনখ্রে।

অশোক অপন নংখ্রবশিংদা ওথোরিতীশিংনা অঙম্বা মতেং পুম্নমক পীগনি। প্রধান মন্ত্রীনা লৈখিদ্রবশিংগী ইমুংশিংদা অৱাবা ফোঙদোকখ্রে অমসুং অশোক অপন নংখ্রবশিং অথুবদা ফগৎলক্নবা থৌনিখ্রে।”

“অলামন্দা অমসুং কন্তাকাপল্লে সেক্সনগী মরক্তা ত্রেন গুরুং চৎনবা মরম ওইদুনা লৈখিদ্রবশিংগী ইমুং মনুংদা প্রধান মন্ত্রীনা PMNRFদগী লুপা লাখ 2 পীনবা লাউথোকখ্রে। অশোক অপন নংখ্রবশিংদা লুপা 50,000 পীরগনি।”

***