ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা আধারবু মীয়াম্না পাম্নবা ওইহন্নবা পান্দমদা অচৌবা খোংথাং অমা ওইনা আধার এন্দ অদর লোজ (এমেন্দমেন্ত) ওর্দিনান্স, ২০১৯ শিন্দোক্তুনা আধার এন্দ অদর লোজ (এমেন্দমেন্ত) বিল, ২০১৯ চৎনহন্নবা অয়াবা পীখ্রে। ২০১৯গী মার্চ ২দা রাস্ত্রপতিনা লাওথোকখিবা ওর্দিনান্স অদুদা য়াওরিবা মচাকশিং অদুগা মান্ননা হায়জরক্লিবা এমেন্দমেন্ত অসিদা য়াওরি। বিল অসি হন্দক পাংথোক্কদৌরিবা পর্লিয়ামেন্তকী মীফমদা পুথোক্কনি।
ৱারেপ অসিনা আধারবু মীয়ামদা হেন্না কান্নহনবা অমসুং খুদোংচাবা ফংহল্লগনি হায়না থাজবা থম্লি।

শাফু:

• ৱারেপ অসিনা য়ু.আই.দি.এ.আই.বু মীয়ামগী য়াইফনবা থবক তৌবা অমসুং আধারবু লান্না শিজিন্নবা থিংনবগীদমক অচেৎপা মেকানিজম শেম্বদা মতেং ওইরগনি।

• এমেন্দমেন্ত অসিগী মতুং তারকপদা পর্লিয়ামেন্তনা শেম্বা আইন্না পীরিবা অদু নত্তনা কনাগুম্বা মীওই অমত্তদা মশাগী মশক তাক্নবা আধার নম্বর পুথোক্নবা তকশিনবা য়াররোই।

• বেঙ্ক একাউন্ত হাংবদা মীচম প্রজাগী খুদোংচানবগীদমক হায়জরিবা এমেন্দমেন্ত অসিনা আধার নম্বর শিজিন্নবদা অয়াবা পীগনি। তেলেগ্রাফ এক্ত, ১৮৮৫ অমসুং প্রিবেন্সন ওফ মনী লোন্দরিং এক্ত, ২০০২গী মখাদা কে.ৱাই.সি. দোকুমেন্ত ওইনা বেঙ্কনা লৌশিনবা য়াগনি।

মচা খাইবা ৱাফমশিং:

এমেন্দমেন্ত অসিগী শক্তম অদু মখাদা লৈরে—

• আধার নম্বর হোল্দরগী অয়াবগা লোয়ননা ফিজিকেল নত্ত্রগা ইলেক্ত্রোনিক ওইবা মওংদা ওথোতিকেসন নত্ত্রগা ওফলাইন ভেরিফিকেসন্দা আধার শিজিন্নবা য়াই।

• মীওই অমগী অচুম্বা আধার নম্বর লোৎশিন্দুনা থম্বা য়ানবা অধার নম্বরগী দিজিৎ তরানিথোই অমদি মসিগী অতোপ্পা মরুওইদবা আইদেন্দিতী শিজিন্নবা য়াই।;

• আধার নম্বর লৈবা অঙাংশিংনা মশাগী চহী তরানিপাল শুরবা মতমদা মখোয়গী আধার নম্বর কেন্সেল তৌনবা খুদোংচাবা অমা পীরি।;

• তেলেগ্রাফ এক্ত, ১৮৮৫ অমসুং প্রিবেন্সন ওফ মনী লোন্দরিং এক্ত, ২০০২গী মখাদা কে.ৱাই.সি. দোকুমেন্ত ওইনা আধার নম্বর শিজিন্নবা য়ারি;

• প্রাইবেৎ এন্তাইতীশিংনা আধার শিজিন্নবগা মরী লৈননা আধার এক্তকী সেক্সন ৫৭ লৌথোক্নবা ৱাফম পল্লি;

• করিগুম্বা আধার নম্বরগী ওথেন্তিকেসন তৌবা ঙমদবা মতমদা মীওই অমবু থবক্তগী লৌথোকপা য়াদে;

• য়ুনিক আইদেন্তিফিকেসন ওথোরিতী ওফ ইন্দিয়া ফন্দ লিংখৎনবা ৱাফম য়াওরি;

• আধার ইকোসিস্তেমদা এন্তাইতীশিংনা আধার এক্ত অমসুং প্রোবিজনশিং মাংহন তাকহনবগা মরী লৈননা সিভিল পেনালতী পীবা য়াওরি।

য়ুম্ফম:

আধার এন্দ অদর লোজ (এমেন্দমেন্ত) ওর্দিনান্স, ২০১৯ অসি মন্ত্রীমন্দলনা ২০১৯গী ফেব্রুৱারী ২৮দা পাংথোকখিবা মীফমদা খন্ন-নৈনখি অমসুং ওর্দিনান্স অসি রাস্ত্রপতিনা ২০১৯গী মার্চ ২দা লাওথোকখি।
আধার এন্দ অদর লোজ (এমেন্দমেন্ত) ওর্দিনান্স, ২০১৯ অসিনা সুপ্রিম কোর্তকী দাইরেক্সন অমসুং জস্তিস বি.এন. শ্রীকৃষ্ণ(রিতায়র্দ) কমিতীগী রিকোমেন্দেসনগী মতুং ইন্না আধার এক্ত হেন্না চেৎশিলহন্নবা মিৎয়েং থম্লি।