ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইন্সতিত্যুৎ ওফ চার্তর একাউনতেন্ত ওফ ইন্দিয়া (আই সি এ আই) অমসুং ইন্সতিত্যুৎ ওফ চার্তর একাউনতেন্ত ইন ইংলেন্দ এন্দ ৱেলস (আই সি এ ই দবল্যু)গী মরক্ত ২০০৮দা খুৎয়েক পীনখিবা অমসুং ২০১৪দা নৌথোকহনখিবা এম ও য়ুদা অয়াবা পীখ্রে। ইন্সতিত্যুৎ ওফ চার্তর একাউনতেন্ত ওফ ইন্দিয়া (আই সি এ আই) অমসুং ইন্সতিত্যুৎ ওফ চার্তর একাউনতেন্ত ইন ইংলেন্দ এন্দ ৱেলস (আই সি এ ই দবল্যু)গী মরক্ত লৈনবা এম ও য়ু নৌথোকহনবসু মন্ত্রীমন্দলনা অয়াবা পীখি।
কান্নবশিং:
মসিগী এম ও য়ু অসিনা ভারতকী নহা ওইরিবা চার্তর একাউনতেন্তশিং য়ু কেদা মখা তাবা প্রোফেস্নেল ওইবা খুদোংচাবশিং ফংনবা আই সি এ ই দবল্যুনা শকখঙবদা মতেং পাংগনি। য়ু কেগী কম্পেনীশিংদা ভারতকী চার্তর একাউনতেন্তশিং অৱাংবা থাক্কী পোস্তশিং পায়বা অসি চাউথোকচনীংঙাইনি। আই সি এ ই দবল্যুদগী রিকোগনিসন ফংবা অসিনা য়ু কেগী কোর্পোরেতশিংনা ভারতকী তেলেন্তশিং অমসুং হৈশিংবা থাজহনগনি অমসুং মখোয় মশিং হেন্না নেক্কনি। মসিদা ভারত সরকারনা শেন-থুমগী পোৎলুম পুগদবা লৈতে।
অচৌবা ইথিল:
মসিনা নাকল অনিমক্ত কান্নগদবা মওংদা মেম্বরশিং, মহৈরোইশিং অমসুং মখোয়গী লুপশিংগী পুন্না থবক তৌমিন্ননবা পান্দম থম্লি। এম ও য়ু অসিনা লৈবাক অনিগী একাউনতেন্সী ইন্সতিত্যুৎশিং শীনফম অসিগী মাংদা তারিবা শিংনবশিং মায়োক্নদুনা মালেমগী থাক্ত মাংজিল থাবা ঙমহনগনি। আই সি এ আই অসি য়ু কেদা শিংথানীংঙাই ওইবা চেপ্তর লৈদুনা হায়বদি য়ু কে (লন্দন) চেপ্তর ওফ আই সি এ আইনা য়ু কেদা ভারত মচা সি এশিংগী মরুওইবা থবকশিং তৌরি।
থবক ওইনা পায়খৎনবা লাল্লোং অমসুং পান্দমশিং:
মসিগী এম ও য়ু অসি মখোয়গী লৈবাকশিংগী হোম বোদী মেম্বরশিপগী মখোয়না ইল্লিবা সেল্লেবসকী ৱাফম থিদনা মতিক চারবা অমসুং মতম শাংনা থবক তৌরক্লবা আই সি এ ই দবল্যু অমসুং আই সি এ আইগী মেম্বর খুদিংমক্ত চৎনগনি। মসিনা মেম্বরশিংদা ক্বালিফিকেসন অমসুং সি পি দিগী থৌদাংশিং মতমগা চুনবা মওংদা থমগনি, মসিগী মথক্ত, ইন্সতিত্যুৎ অমদা য়াওবা মতমদা প্রেক্তিসিং অমসুং ওদিতিংগী হকশিং লৈবরা হায়বা য়েংশিনগনি অমসুং দরকারগী মতুংইন্না, অহেনবা একজামিনেসনশিং অমসুং এক্সপিরিয়েন্সগী খুৎথাংদা রি-ক্বালিফিকেনসগী লম্বী শেমগনি।
মসিগী এম ও য়ু অসি আইনগী ওইনা ইন্দবা য়াদবা মরি অমা ওইনা শেম্বা নত্তে অমসুং মসিগী ৱাফমশিং অসি আইনগী ওইনা ইন্দবা য়াদবা হকশিং নত্ত্রগা লাইএবিলিতীশিং য়াওদে।
অকুপ্পা ৱারোলশিং:
ইন্সতিত্যুৎ ওফ চার্তর একাউনতেন্ত ওফ ইন্দিয়া (আই সি এ আই) অমসুং ইন্সতিত্যুৎ ওফ চার্তর একাউনতেন্ত ইন ইংলেন্দ এন্দ ৱেলস (আই সি এ ই দবল্যু)গী মরক্ত ২০০৮দা এম ও য়ু খুৎয়েক পীনখ্রবা মতুংদা মন্ত্রীমন্দলনা অয়াবা পীবনি। ইন্সতিত্যুৎ ওফ চার্তর একাউনতেন্ত ওফ ইন্দিয়া (আই সি এ আই) অমসুং ইন্সতিত্যুৎ ওফ চার্তর একাউনতেন্ত ইন ইংলেন্দ এন্দ ৱেলস (আই সি এ ই দবল্যু)গী মরক্ত লৈনবা এম ও য়ু নৌথোকহনবা অসিনা অৱাংবা থাক্কী একাউনতিংগী লৌশিং, প্রোফস্নেল অমসুং ইন্তিলেকচুয়েল ফগৎহনবা, মখোয়গী মেম্বরশিংগী য়াইফনবা থবক পায়খৎপা, ইংলেন্দ, ৱেলস অমসুং ভারত্তা একাউন্তিংগী শীনফম চাউখৎহনবদা মতেং পীননবা ফ্রেমৱার্ক অমা ওইরগনি।
নুংগী ৱারোল:
ইন্সতিত্যুৎ ওফ চার্তর একাউনতেন্ত ওফ ইন্দিয়া (আই সি এ আই) অসি ভারতকী সংসদকী ‘চার্তর একাউনতেন্ত এক্ত, ১৯৪৯’গী মখাদা লিংখৎখিবা লুপ অমনি, মসিনা ভারত্ত চার্তর একাউনতেন্সীগী থবকশিংগী কাংলোন শেমগনি। আই সি এ ই দবল্যু অসি মালেমগী ওইনা মাংজিল থারিবা প্রোফেসনেল মেম্বরসিপ ওর্গনাইজেসন অমনি। মসিনা একাউনতেন্সী অমসুং ফাইনান্স শীনফমগী ক্বালিফিকেসন, তেক্নিকেলগী লৌশিং, ক্বালিতী অমসুং ইন্তিগ্রিতী ঙাকশেনবগী থবকশিং পায়খৎলি।
