ভারতকী প্রধানমন্ত্রী

তমিলনাদুগী রাজ্যপাল শ্রী বনৱারীলাল পুরোহিৎজী, তমিলনাদুগী মুখ্য মন্ত্রী শ্রী ইরাপ্পরী কে. পলানীস্বামীজী, ঐগী মরূপ, শ্রী রমেশ পোখরিয়া নিশঙ্কজী, উপ–মুখ্যমন্ত্রী ও. পনীরসেলৱমজী, আই.আই.তি. মদ্রাসগী চেয়রমেন, গোবর্নরশিংগী বোর্দকী মেম্বরশিং, মসিগী ফাওরবা ইন্সতিত্যুৎ অসিগী ফেকল্তী, শকনাইরবা মীথুংলেনশিং, অমসুং ঐগী মঙাল নাইরবা তুংলমচৎকী ফিবান্দা লেপ্লিবা নহা ওইরিবা মরূপশিং, ঙসি মফম অসিদা শরুক য়াবা ফংজবা অসি ঐগীদি য়াম্না পেঞ্জবা অমনি।

মরূপশা,

ঐগী মাংদা মিনি–ইন্দিয়া অমদি অনৌবা ভারতকী থৌনা অনিমক লৈরে। মসিদা, ইনর্জী, ভাইবরেন্সী অমসুং পোজিতিবিতী য়াওরি। ঐনা অদোমদা দিগ্রী খুৎশিন্নবা মতম অসিদা, ঐনা অদোমগী মিৎতা তাওরিবা তুংলমচৎকী মংলান অদু উবা ফংলি।

মরূপশা,

মাই পাক্লবা মহৈরোইশিংগী মমা–মপা ওইবশিংদসু নুংঙাইবা ফোংদোকচরি। মখোয়না নুংঙাইজরমগদবা অমদি চাউথোকচরমগদবা অদু খন্দুনা য়েংবীয়ু। মখোয়না অদোমগী পুন্সিবু তাঙ্কক অসিদা পুরক্নবা হোৎনবদা লানফম কয়া শোক্নখি, কৎথোকখি। মখোয়না অদোমনা পাইবা ঙম্ননবা মশা পীনবীখি। অদোমগী ওজাসিংগী মিৎলুদসু চাউথোকচবগী মমি তারি। মখোয়না চোকথবা নাইদনা হৌৎনখিবনা মরম ওইদুনা শুপ্নগী অফবা ইঞ্জিনীয়র খক্তা নত্তনা, অফবা নাগরিক অমা ওইনসু শেম শাবীরে।

ঐনা মতেং পাংলিবা স্তাফশিংগী থৌদাংগী মতাংদসু ফোংদোকপা পামজৈ। ফিজংগী মরুমদা লৈরিবা মখোয় অসিনা তুমিন্না অদোমগী চাক থোংবী, অদোমগী ক্লাস রুম অদু লুনা নান্না থম্বী, হোস্তেলশিংবু নান্না থম্বী। অদোম্না মাই পাকপদা মখোয়গীসু চাউরবা থৌদাং য়াওরিবনি। মখা চৎথদ্রিঙৈদা, ঐনা ঐগী মহৈরোই মরূপশিংদা হায়জরি মদুদি মখোয় মখোয়গী মফম অদুদা লেপ্তুনা মখোয়গী ওজাশিং, মমা–মপা অমসুং মতেং পাংবা স্তাফশিংবু থমোইশেংনা নোল্লুকপা ফোংদোকপীয়ু।

মরূপশা,

মসি মমিং চৎলবা ইন্সতিত্যুৎ অমনি। ঐঙোন্দা তমম্মি মদুদি মফম অসিদা চিংনা চৎলি অমদি তুরেলশিংনা লেংদনা লৈ। ঐখোয় অখন্নবা মফম অমা ওইরিবা, তমিল নাদু রাজ্যদা লৈরি। মসি মালেমগী খ্বাইদগী রিরবা লোন অমা ওইরিবা লোন – তমিলগী য়ুমনি অমসুং ভারতকী খ্বাইদগী নৌবা লোনগী মনুংদা অমা ওইরিবা – আই.আই.তি.-মদ্রাস লোনগী য়ুমনি। মসিদা অদোমদা অৱাৎপা ওইরিবা কয়ামরুম লৈরি। অদোম তশেংনা সারঙ্গ অমসুং শাস্ত্রগী অৱাৎপা লৈরমগনি। অদোম অদোমগী ৱিংগী মরূপশিংগী অৱাৎপা শোইদনা ফাওবীরমগনি। অদুগা অদোমনা মদুগী অৱাৎপা ফাওদবা করিগুম্বা খরসু লৈরমগনি। মরু ওইনা, অদোমনা করিসু চিংনরুবা তৌদনা তোপ ক্বালিতীগী ফুতৱেয়র লৈবা ঙমগনি।

মরূপশা,

অদোম্না তশেংনা লাইবক ফরবনি। অসিগুম্বা, মালেম অসিনা ভারত অসিবু অমত্তা হাইরবা খুদোংচাবশিংগী মফম অমনি হায়না লৌনরিবা মতম অসিদা মসিগী ফরবা কোলেজ অসিদগী মহৈ–মশিং ফংলদুনা থোরক্লি। ঐ হন্দক্তা অমেরিকাদা চয়োল অমগী খোংচৎ চৎলুরবা মতুংদা ইরমদমদা হল্লক্লিবনি। খোংচৎ অদুগী মনুংদা, স্তেৎকী মকোক কয়া, বিজিনেসকী লুচিংবা কয়া, ইন্নোবেতরশিং, ইন্ত্রপ্রিনরশিং, ইনভেস্তরশিং উনরকখি। ঐখোয়গী ৱারী–ৱাতাইদা ৱাফম অমখক্তি মান্নখি। মদুদি – অনৌবা ভারতকী মতাংদা ওপ্তিমিজম অমসুং ভারতকী নহারোলশিং থাজবা থম্বা অসিনি।

মরূপশা,

ভারতকী কাংলুপ্না মালেম পুম্বদা মখোয়গী থোইদোকপা মশক শেম্লি। মরু ওইনা সাইন্স, তেক্নোলোজী অমসুং ইন্নোবেসনগী লমদা। হায়রিবা লমশিং অসিদা কনানা থৌনা হাপ্লিবগে? মখোয়শিং অদুদগী অনম্বনা আই.আই.তি.গী নখোয়গী সেনীয়রশিংনি। মতৌ অসুম্না, অদোম্না মালেমগী থাক্তা ব্রান্দ ইন্দিয়া অসি মপাঙ্গল কলহল্লি। হন্দক, ঐ য়ু.পি.এস.সি. পরিখাদা মাই পাক্লবা নহা ওইরিবা ওফিসরশিংগা উন্নরি। আই.আই.তি. গ্রেজুএৎ কয়ামরুম্না ঐ অমসুং অদোম্বু অঙকপা পোকহনগনি! মতৌ অসুম্না অদোমসু ভারতপু হেন্না চাউখৎপা মফম অমা ওইহন্নবা থৌদাং য়ারি। অমসুং কোর্পোরেৎকী মালেম অসিদা চংলুবা মতমদা অদোম্না, আই.আই.তি.দা তমখিবা মীওই কয়া উনগনি। মতৌ অসুম্না অদোম্না ভরতপু হেন্না মপুং ফাবা ওইহল্লি।   

মরূপশা,

আই.আই.তি. মদ্রাস অসি মতৌ করম্না চহি তরাগী খুদিং কয়া লিরবা ইন্সতিত্যুৎ অমনা মসিগী ২১শুবা চহি চাগী তঙাইফদবশিং অদুবু অমসুং অপাম্বশিং অদুবু মপুং ফাহন্নবগীদমক মশানা মশাবু হোংদোকচবা ঙম্বগে হায়বদুগী অচৌবা খুদম অমনি। মতম খরগী মমাংদা, ঐনা ইন্সতিত্যুৎ অসিগী কেম্পস্তা লৈবা রিসর্স পার্ক্তা চৎলম্মি। পার্ক অসি লৈবাক অসিদা অসিগুম্বা মখলগী অহানবা হোৎনবা অমনি। ঐনা ঙসি তশেংনা হিংলবা স্তার্ত–অপ ইকোসিস্তেম অমা উরে। ঐঙোন্দা তমখি মদুদি হৌজিক ফাওবদা মফম অসিদগী চাউরাক্না স্তার্ত–অপ ২০০ রোম থোকখ্রে। মদুগী মনুংদা খরা উবা ফংজবা অসি ঐগী লাইবক ফবনি। ঐনা ইলেক্ত্রিক মোবিলিতী, ইন্তর্নেত ওফ থিংগ্স, হেল্থ কেয়র, আর্তিফিসিএল ইন্তেলিজেন্স অমসুং অতৈ হোৎনবা ময়াম অমা উরে। হায়রিবা স্তার্ত–অপশিং অসিনা তুংলমচৎতা মালেমগী কৈথেলদা মশাগী মফম কনবা ঙমগদবা অমত্তা ঙাইরবা ইন্দিয়ন ব্রান্দ অমা শেমগৎকদবনি।

মরূপশা,

ভারতকী ইন্নোবেসন অসি ইকোনোমিক্স অমসুং য়ুতিলিতীগী য়াম্না চাউবা অপুনবা অমনি। আই.আই.তি. মদ্রাস অসি অসিগুম্বা চৎলোনচৎ অসিদা পোকখিবনি। মফম অসিদা মহৈরোইশিং অমদি রিসর্স তৌবশিংনা লুবদগী লুরবা সমস্যাশিংগী পুম্নমক্তা লাইনা থোকপা অমদি চৎনবা য়াবা পাম্বৈ পুথোক্লি। ঐঙোন্দা তমখি মদুদি মহৈরোইশিংনা স্তার্ত–অপকা লোইননা ইন্তর্ন তৌই অমসুং মখোয়গী কা মনুংদগী কোদ ই অমসুং মদুসু চাবা তুম্বা তৌদনা। ঐনা থাজৈ মদুদি ইন্নোবেসনগী ৱাখল্লোন অমসুং মকোক থোংবা ফংবা ঙম্নবগীদমক থবক অসি মখা তানা চৎথখিগনি।

মরূপশা,

ঐখোয়না রিসর্স অমসুং লৈবাক্কী চাউখৎ–থৌরাংদা ইনোৎ পীননবা ইন্নোবেসনগীদমক্তা অচেৎপা ইকোসিস্তেম অমা শেম্ননবা থবক পাইখৎলি। মেচিন লর্নিং, আর্তিফিসিএল ইন্তেলিজেন্স, রোবোতিক্স, হেন্না নৌবা তেক্নোলোজী অসি হৌজিক স্কুল পুম্নমক্তা মহৈরোইশিংদা ফংহল্লগনি। ঐখোয়না লৈবাক শিনবা থুংনা অতল তিংকরিং লেব শেম্ননবসু থবক পাইখৎলি।

মরূপশা,

অমুক্তং মহৈরোইশিংনা অদোমগুম্না ইন্সতিত্যুৎ অমদা লাক্তুনা ইন্নোবেসনশিংদা থবক তৌবা পাম্লবদি, মখোয়গীদমক্তা, ইন্সতিত্যুৎ কয়ামরুমদা অদোমগী মতেং পাংগদবা অতল ইনক্যুবেসন সেন্তর শেমগৎলি। মথংগী শিংনবা অসিদি কৈথেল থিবা অমদি স্তার্ত–অপ অমা লিংখৎপনি। স্তার্ত–অপ ইন্দিয়াগী থৌরম অসি শিংনবা অসিবু মায়োক্নবদা অদোমগী মতেং পাংনবা শেমখিবনি। থৌরম অসিনা কৈথেলদা লম্বী থিবদা ইন্নোবেতরশিংগী মতেং পাংগনি। মসিদা নত্তনা লৈবাক অসিদা রিসর্স অমসুং চাউখৎ–থৌরাংদা ইনোৎ পীননবা ঐখোয়না প্রধান মন্ত্রী রিসর্স ফেলো স্কিম শেম্লে।

মরূপশা,

ভারত অসি ঙসিদি স্তার্ত–অপ ফ্রেন্দলী ইকোসিস্তেম অহুমগী মনুংদা অমা ওইবা ঙম্লিবা অসি মসিগী চোকথবা নাইদবা হোৎনবা অসিগী মপান্ননি। অদোম মসি খঙবীবরা মদুদি স্তার্ত–অপতা ভারতকী মাই পাকপগী খ্বাইদগী চাউবা শরুক অদু করম্বনো? মসিগী চাউখৎপা অসিদা তিয়র–২, তিয়র–৩ শহরশিং অমসুং ভারতকী খুঙ্গংগীসু থৌদাং য়াওরি। স্তার্ত–অপকী তাইবংদা অদোমদা ৱারী শানরিবা লোন অদু অদোম্না কোদ তৌখিবা লোন অদুদগী হেন্না মগুন লৈবা নত্তে। অদোমগী য়ুম্নাক্কী থৌনা অদুসু মসিদা করিসু থোইদোকপা মগুন লৈতে। অদোমদা অদোমগী মিং শেম্ননবগী তাঞ্জা লৈরি। মসিদা অদোমগী মতিক চাবা অদুখক মগুন লৈ।

মরূপশা,

ঐখোয়না উরে মদুদি মখল অনিগী মীওই লৈ, অমনা হিংবা অদুগা অমনা লৈবতমক লৈবা। হৌজিক মসি অদোম্না লেপচগদবনি মদুদি অদোম শুপ্নগী লৈফম থোকপদুগীদমক লৈগদৌরিবরা নত্ত্রগা অদোম মপুং ফানা হিংবা পাম্বরা? এক্সপ্যারী দেৎ হেন্দোক্লবা হিদাক্কী লিক্লি অমদা খল্লু। এক্সপ্যারী দেৎ অদুসু চহি অমা হেন্দোক্লবা। লিক্লিদু লৈরি। পেকিং অদুসু অদুক্কী মতিক ফজৈ। মদুগী মনুংদা হিদাক অদু হৌজিকসু য়াওরি, অদুবু মদু করি কান্নরি, পুন্সি অসিদি অহিংবা অমদি পান্দম লৈবা ওইগদবনি অমসুং মপুং ফাবা পুন্সি হিংনবগীদমক্তা খ্বাইদগী মরু ওইবা মথেলশিং অদুদি খঙবা, তম্বা, ৱাখল তাবা অমসুং অতোপ্পগীদমক হিংবা অদুনি।

বিবেকানন্দনা চুম্না হায়বীরম্মি, “অতোপ্পগীদমক হিংবা অদুতমক অহিংবনি।”

মরূপশা,

অদোমগী কনভোকেসনগী থৌরম অসিনা অদোমগী মহৈ তম্বা অসিগী হৌজিক্কী কোর্সকী অরোইবা অদু তাক্লি। অদুবু মসি অদোমগী মহৈ তম্বগী অরোইবা অদুদি নত্তে। মহৈ অমসুং তম্বা অসি অসুম চৎথবা থৌওং অমনি। ঐখোয়না হিংলিবা ফাওবদি, ঐখোয় তম্মি। ঐনা অমুক্কা হন্না, মীওইবগী য়াইফনবগীদমক কৎথোক্লবা অদোম পুম্নমক্কী মঙাল নাইবা তুংলমচৎকীদমক য়াইফ–পাউজেল পীজরি। থাগৎচরি। অদোম্বু হন্না হন্না থাগৎচরি।