ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি শ্বেতম্বর তেরাপন্থকী অহিংসা য়াত্রা সম্পন্নতা সমরোহ কার্য়ক্রমদা ভিদিও কনফরেন্সিংগী খুৎথাংদা পাউজেল অমা পীদুনা ৱা ঙাংখ্রে।    

থৌরম অসি হৌদোরকপদা, প্রধান মন্ত্রীনা লেপ্পা লৈতনা মরুওইবা পীদুনা চংশিল্লিবা চহি লিশিং কয়া লিরবা ভারতকী লাইনীংবশিংগী চৎনবীবু নিংশিংখি। মহাক্না অখন্ননা পনখি মদুদি শ্বেতম্বর তেরাপন্থনা তন্থরকপা মতমদা লাইনিং লাইশোনদা ওন্থোকখি ।মহাক্না অচার্য়া মহাশ্রমন জীবু লৈবাক অহুমদা কিলোমিতর লিশিং ১৮ ‘পদয়াত্র’ মপুং ফাবগীদমক্তা থাগৎপা ফোংদোকখি। প্রধান মন্ত্রীনা অচার্য়াবু  ‘বাসুধৈবা কুতুম্বাকম’গী চৎনবীবু হেন্না পাকথোক-চাউথোকহনবা অমসুং ‘ভারত অমা, শ্রেস্থ ভারত অমা’গী মন্ত্রবু লাইনিং লাইশোন ওইনা শন্দোকপগীদমক থাগৎপা ফোংদোকখি। প্রধান মন্ত্রীনা শ্বেতম্বর তেরাপনগা মহাক্কা মতম কুইনা লোইনরকপবু নিংশিংখি অমসুং মহাক্না হান্না পীখিবা স্তেতমেন্ত “য়ে তেরা পন্থ, য়ে মেরা পন্থ হে’ – মসিগী তেরাপন্থ অসি ঐহাক্কী লম্বীনি।   

প্রধান মন্ত্রীনা ২০১৪দা লাল কিলাদগী লমথাখিবা ‘পদয়াত্র’গী মরুওইবা পুথোকখি অমসুং মহাক মশামক চহি অসিমক্তদা ভারতকী প্রধান মন্ত্রী অমা ওইনা অনৌবা খোঙচৎ অমা হৌখিবগী চপ মান্ননা থোকখিবা পনখি অমসুং মীয়ামগী সেবা অমসুং মীয়ামগী য়াইফনবগীদমক খোঙচৎ হৌখি। শ্রী মোদীনা পদয়াত্রগী থীম ওইরিবা হার্মোনী, মোরেলিতী অমসুং দিএদ্দিক্সনবু থাগৎপা ফোংদোকখি। মহাক্না হায়খি অশেংবা সেলফ-রিয়ালাইজেসন অসি মখল অমত্তদা লায়চুদ্রবা মতমদা ওইথোকপা ঙমগনি। লায়চুবদগী নান্থোরক্লবা মতমদা তাইবংদা ইশা ইথন্তা লাকপদা লমজিংগনি অমসুং পুম্নমক্কী নুঙাই য়াইফবা অসি মংফাওনগনি।

প্রধান মন্ত্রীনা হায়খি মদুদি ঙসি অজাদি কা অমৃত মহোৎসব অসিগী মনুংদা, লৈবাক অসিনা সমাজদা মথৌ পাংথোক্নবগীদমক পান্দম থম্লি অমসুং লৈবাক অসিনা মথন্তা মতোল লোম্লি। লৈবাক অসিনা সবকা সাথ, সবকা বিকাস, সবকা বিশ্বাস অমসুং সবকা প্রয়াশকী ইথিলগা লোয়ননা চৎলি হায়না মহাক্না হায়খি। প্রধান মন্ত্রীনা মরুওইবা পীখি মদুদি ভারতকী তেদেন্সীনা সরকারগী খুৎথাংদা পুম্নমক তৌখিদে অমসুং মসিদা সরকার, সমাজ অমসুং স্পিরিচুএল ওথোরিতীগী চপ মান্নবা থৌদাং অমা মতম পুম্বদা লৈ। লৈবাক অসিনা মসিগী ৱাশক অসি ফংনবা মখোয়গী মথৌ তৌনবা লম্বীদা লাকপদা হায়রিবা অসিগী মমি তারি, হায়না মহাক্না মখা তাখি। 

অরোইবদা, প্রধান মন্ত্রীনা লাইনিং-লাইশোনগী লুচিংবশিংদা লৈবাক অসিনা মাংলোম চৎপদা লেপ্পা লৈতনা হোৎননবা অমসুং ৱাশক লৌনবা হায়জখি।

***