ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী অরুনাচল প্রদেশ, অসম অমসুং ত্রিপুরাদা মহাক্কী খোংচৎকী শরুক অমা ওইনা গুৱাহাতীদা চৎখ্রে। মহাক্না নোর্থ ইস্ত গ্যাস গ্রিদকী উরেপ উয়ুং তমখ্রে। রাজ্য অসিদা মহাক্না অতোপ্পা দিবেলপমেন্ত কয়াগী উরেপ উয়ুংসু তমখি।

থৌরম অসিদা ৱা ঙাংলদুনা মহাক্না হায়খি, “ঙসি অসি অৱাং নোংপোক্কী পুৱারিদা অনৌবা পন্দুপ অমনি অমদি লমদম অসি খোংজেল য়াংনা চাউখৎহনবা অসি ঐহাক্কী সরকারগী মাংজিল থারিবা প্রায়োরিতী অমা ওইরি।” অসম অসি চাউখৎপগী লম্বীদা চংশিল্লি হায়না মহাক্না মখা তাখি। মহাক্না মখা তাখি মদুদি “অৱাং নোংপোক্তা ঐখোয়না কত্থোক্লিবা অসি ইন্তরিম বজেৎতা অৱাং নোংপোক্কী এল্লোকেসন চাদা ২১ হেঙ্গৎতুনা উৎলে।”

প্রধান মন্ত্রীনা হায়খি মদুদি মহাক্কী সরকারনা অৱাং নোংপোক রাজ্যশিংগী ওল রাউন্দ দিবেলপমেন্তদা ৱাশক্লি অমদি মখোয়গী মফমদা থাজবা পীরি মদুদি মসিনা মখোয়গী কলচর, রিসোর্সশিং অমসুং লোনশিংবু ঙাক্তুনা থমগনি। সিতিজনশিপ বিলগী মতাংদা, সিতিজনশিপ বিলগা মরী লৈনবা তোকঙাশিং মীয়াম্না শন্দোকপীদনবা প্রধান মন্ত্রীনা তকশিনখি। মহাক্না হায়খি, “চহী ৩৬ হৌখ্রবা অসম একোর্দ হৌজিক ফাওবা ইমপ্লিমেন্ত তৌদ্রি অদুবু মোদীনা লুচিংবা সরকার খক্তনা মসি মপুং ফাহনগনি।” রাজনিতীগী কানবা অমসুং ভোৎ ফংনবগীদমক অসমগী প্রজাশিংগী ইমোসনগা লোয়ননা শান্নবা লেপ্নবা প্রধান মন্ত্রীনা পোলিতিকেল পার্তীশিংদা তকশিনখি। সিতিজনশিপ (এমেন্দমেন্ত) বিলগী থোংদা মখোয়গী রাজ্যদা মাংজবা লৈরোই হায়নসু মহাক্না অৱাং নোংপোক্কী মীয়ামদা থাজবা পীখি। অসম একোর্দ ইমপ্লিমেন্ত তৌনবা মখোয়গী দিমান্দ অদু শোয়দনা পাংথোক্কনি হায়না মহাক্না মখা তাখি।

শেঞ্জা–থুমজাগী মতাংদা ঙাংলদুনা প্রধান মন্ত্রীনা হায়খি, “চৌকিদার অসিনা শেঞ্জা–থুমজা হন্থহল্লে।” প্রধান মন্ত্রীনা হায়খি “মমাংগী সরকারশিংনা শেঞ্জা–থুমজাবু চৎনবি অমা ওইহনলম্মি অদুবু ঐখোয়না মসিগী অকিবা অসি সমাজতগী মরু ফুকতৎখ্রে।”

প্রধান মন্ত্রীনা নোর্থ ইস্ত গ্যাস গ্রিদকী উরেপ উয়ুং তমখি মদুনা রিজন অপুনবদা লেপ্পা লৈতনা নেচরেল গ্যাস ফংহল্লগনি অমদি রিজন অসিদা ইন্দস্ত্রীয়েল গ্রোথ হেঙ্গৎহল্লগনি। মহাক্না অসমগী তিনসুকিয়াদা হোল্লোং মোদ্যুলর গ্যাস প্রোসেসিং প্লান্ত শঙ্গাখি মদুনা অসমদা পুথোক্লিবা গ্যাসকী চাদা ১৫ দেলিবর তৌগনি। প্রধান মন্ত্রীনা নোর্থ গুৱাহাতীদা মোনতেদ স্তোরেজ ভেসেলগী এল.পি.জি. কেপাসিতী ওগমেন্তেসনসু শঙ্গাখি।

থৌরম অসিদ প্রধান মন্ত্রীনা নুমালিগরদা এন.আর.এল. বাইও রিফাইনরী অমদি বিহার, ৱেস্ত বেঙ্গোল, সিক্কিম অমসুং অসম ফাওদুনা পুরক্কদবা বরাওনিদগী গুৱাহাতী ফাওবগী কিলোমীতর ৭২৯ শাংবা গ্যাস পাইপলাইন অমগী উরেপ উয়ুং তমখি।

প্রধান মন্ত্রীনা হায়খি, “নুমলিগর অসি ভারতকী মফম কয়াদা শাগদৌরিবা বাইও রিফাইনরী ১২গী মনুংদা খ্বাইদগী চাউবা ওইগনি।” মসিগী ফেসিলিতীশিং অসিনা অসম্বু ওইল অমসুং নেচরেল গ্যাস হবতা ত্রান্সফোর্ম তৌরগনি অমদি ভারতকী ইকোনোমীদা ইনোৎ পারগনি হায়না মহাক্না মখা তাখি। ইথানোলবু চাদা ১০ ব্লেন্দ তৌনবা সরকারগী প্লানগী মতাংদা মহাক্না ঙাংখি।

মহাক্না কামরুপ, কসার, হৈলাকান্দি অমসুং করিমগঞ্জ জিলাশিংদা সিতী গ্যাস দিসত্রিব্যুসন নেৎৱার্কশিংগী উরেপ উয়ুং তমখি। মহাক্না হায়খি, “২০১৪দা পি.এন.জি. কনেক্সন লাখ ২৫ লৈরম্মি মদু চহী মরি খক্কী মনুংদা লাখ ৪৬ ওইরে। মতম অসিমক্তদা সি.এন.জি. রিফ্যুয়েলিং স্তেসনগী মশিংসু ৯৫০দগী ১৫০০দা হেঙ্গৎলে।”

প্রধান মন্ত্রীনা চাউখ্রবা তুরেল ব্রমহাপুত্রগী মথক্তা লেন তরুক্কী থোং অমগী উরেপ উয়ুং তমখি। থৌরম অসিদা মহাক্না হায়খি মদুদি ঙসি ঐখোয়না ব্রমহাপুত্রগী মথক্তা লেন তরুক্কী হাইৱে অমগীদমক থবক হৌরে মসিনা তুরেল তোর্বান অনি অসিদা মতম পুং ১.৩০দগী মিনিৎ ১৫দা হন্থহল্লগনি।

প্রধান মন্ত্রীনা হায়খি মদুদি মহাক্কী সরকারনা গোপিনাথ বোর্দোলোয়, ভুপেন হজারিকাদা ভারত রত্ন পীখিবদা মহাক চাউথোকচবা ফাওই। মহাক্না হায়খি, “মনা অসি লৌনবগীদমক্তা ভুপেন হজারিকা হিংলম্বা য়াবনি অদুবু মসি মমাংগী সরকারগী মতমদা ওইথোকখিদ্রে।”