ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইন্দিয়ন রেলৱে স্তেসন দিবেলপমেন্ত কোর্পোরেসন লিমিতেদ(আই আর এস দি সি )না নোদেল এজেন্সী ওইদুনা রেলৱে স্তেসনশিং অমুক হন্না শেমগৎপা অমসুং তোঙান-তোঙানবা মোদেলশিং শীজিন্নদুনা থৌরাংশিং লাইথোকহনবা অমসুং চহি ৯৯ লিজ পীবদা কেন্দ্রগী মন্ত্রীমন্দলনা য়ারে। মসিনা মালেমগী থাক্কী মচাকশিং পাকচাউনা মতমগা চুনবা মওংদা শেমগৎনবগী লম্বী শেম্লগনি।

লৈবাক অসিগী মরুওইবা স্তেসনশিং নৌনা শেমগৎনবা থৌরাং অসি স্তেসনশিংগী অকোয়বা কংফাল অমসুং নোংথক্কী শরুকশিং শেন তান্নবা শেমগৎনবা লৌখৎলকপনি। মসিগী থৌরাং অসিনা পেসেঞ্জরশিংদা অফবা খুদোংচাবশিং ফংহনগনি অমসুং অহেনবা শেন তানবা ঙমগনি অমসুং রেলৱে মিনিস্ত্রীগী অতৈ স্তেসনশিংগী খরচ কুপখৎপা ঙমগনি। মখা তানা লৈবাক অসিগী রেলৱে স্তেসনশিং নৌনা শেমগৎপা অসিনা থবক ফংবা হেনগৎকনি অমসুং শেন-থুমগী ফিবম ফগৎকনি।

আই আর এস দি সিনা নোদেল এজেন্সী ওইদুনা নাইতোম নৎত্রগা অপুনবা স্তেসনশিংগী অখন্নবা থৌরাং অমসুং ললোন-ইতিক্কী থৌরাং য়াৎকনি। রেলৱে মিনিস্ত্রিনা অয়াবা পীরবা ললোন-ইতিক্কী থৌরাং অদু আই আর এস দি সি নৎত্রগা প্রোজেক্ত দিবলপমেন্ত এজেন্সীশিংনা স্তেসনশিং নৌনা শেমগৎপগী থবক পায়খৎকনি। অরবান লোকেল বোদীশিং, ই দি দি এ নৎত্রগা য়ু তিশিংগা খন্নদুনা রেলৱে/আর এল দি এ/আই আর এস দি সিনা রেলৱেগী লম শেমগৎপগী ওথোরিতী ওইগনি। মসিনা লমশিং রেলৱেদা ফ্রি হোল্দা য়ুমফম ওইদুনা শীন্নগনি। মসিনা রেলৱে মন্ত্রালয়না লৈবাক শীনবা থুংনা লৈরবা স্তেসনশিং নৌনা শেমগৎপা ঙমহনগনি। হায়রিবা স্তেসনশিং নৌনা শেমগৎপা অসিনা স্মার্ত স্তেসনশিং শেমগৎতুনা মিনি স্মার্ত স্তেসনশিং ওইনা মথৌ তৌবা ঙমগনি।

রেলৱেগী পেসেঞ্জরশিং অমসুং ইন্দস্ত্রী অসি কান্নবা ফজনা ফংগনি। পেসেঞ্জরশিং মালেমগী রেলৱে তরমিনেলশিংদা ফংলিবা খুদোংচাবশিং অদুগা চপ মান্নবা ফংগনি অমসুং মফম মফমগী মীওইশিংদা মশিং য়াম্লবা থবক ফংহনবা ঙমগনি।

নুংগী ৱারোল:

মন্ত্রীমন্দলনা অয়াবা পীবা থৌশিলশিংগী মখাদা জোনেল রেলৱেশিংনা এ‌১ অমসুং এ কাংলুপকী স্তেসনশিং অমুক হন্না শেমগৎনবা ২০১৫গী জুন ২৪দা মন্ত্রীমন্দলকী অয়াবা অমা পীখি অমসুং লিজগী মতম চহি ৪৫ ওইগনি। অদুবু বিদ্দরশিংগী মরক্তা থৱায় য়াউবা মশিং য়ামখিদে। দিবেলপ্পরশিং, ইনভেস্তরশিং অমসুং স্তেকহোল্দরশিংগা ৱারী শানবা মতমদা সব লিজিং, অরাইবা বিদগী থবকশিং য়াউনা ৱাফম কয়া পুখৎলকখি। অখন্নবা থবক তৌনবা আই আর এস দি সিগী মখাদা চুনবা থৌরাংশিংগী পায়খৎপা, মওং হোংদোকপা, অচম্বা প্রোগ্রাম দিজাইনশিং য়াউনা ৱাফম কয়া নৌনা শেমদোক্তুনা স্তেসনশিং নৌনা শেমগৎনবা থবক পায়খৎনবা ৱারেপ লৌখি।