ভারতকী প্রধানমন্ত্রী

ওপন দিফিকেসন ফ্রী (ও.দি.এফ.) ফলশিং ফনা ফংনবা, শহর পুম্নমক্তা সোলিদ ৱেস্ত সাইন্তিফিক প্রোসেসিং তৌনবা, অমসুং ২০২১ সেন্সস্তা মীওই লাখ ১গী মখাদা লৈরিবা শহরশিংদা [অতল মিসন ফোর রেজুবেনেসন অমসুং আর্বান ত্রান্সফোর্মেসন(অমরুত)গী মখাদা লৈতবা শহরশিং]ৱেস্তৱাতর মেনেজমেন্ত তৌবদা মীৎয়েং থমদুনা ২০২৫-২৬ ফাওবা স্বছ ভারত মিসন(আর্বান) মখা চত্থনবা ঙসি প্রধান মন্ত্রী শ্রী নরেন্দ্র মোদীনা থৌবুরেল ওইদুনা ফমখিবা কেন্দ্রগী মন্ত্রী-মন্দলনা অয়াবা পীখ্রে৷

এস.বি.এম.-আর্বান ২.০গী মখাদা ফাইনান্সিয়েল আউতলে:

২০২১-২২দগী ২০২৫-২৬ ফাওবগী ওইনা লুপা ৩৬,৪৬৫গী সেন্ত্রেল সেয়র য়াওনা এস.বি.এম.-য়ু ২.০গীদমক লুপা কোতি ১,৪১,৬০০গী ফাইনান্সিয়েল আউতলে অমা ফাইনেলাইজ তৌখ্রে, শেনফম অসি মিসন অসিগী অরোইবা ফেজতা থাদখিবা লুপা কোতি ৬২,০০৯গী ফাইনান্সিয়েল আউতলে  অদুদগী শরুক ২.৫রম হেন্না চাওবা হেল্লি৷

• কেন্দ্র অমসুং রাজ্যশিংগী মরক্তা লৈরিবা ফন্দ সেয়রিং পেতর্ন অদু মখাদা লৈরে:

• মীওই মিলিয়ন হেন্না লৈবা শহরশিং: ২৫:৭৫
• মীওই লাখ ১-১০ ফাওবগী মনুংদা লৈরিবা শহরশিং: ৩৩:৬৭
• মীওই লাখ অমগী মখাদা লৈরিবা শহরশিং: ৫০:৫০
• লেজিসলেচর য়াওদবা য়ুনিয়ন তেরিতোরীশিং: ১০০:০
• লেজিসলেচর য়াওবা য়ুনিয়ন তেরিতোরীশিং: ৮০:২০

স্বছ ভারত মিসন-আর্বান ২.০গী মখাদা ফংবা য়ারিবা ফলশিং

সেনিতেসন:

        ১.  স্তেত্যুতরী তাউন পুম্নমক য়ামদ্রবদা ও.দি.এফ.+ ওইরক্কদবনি

২.  মীওই লাখ<১ শহরশিং ও.দি.এফ.++ ওইহনগদবনি

৩.  ৱেস্তৱাতর পুম্নমক নিংথিনা ত্রিত তৌনবা অমদি খ্বাইদগী ফবা মওংদা শিজিন্ননবা অমসুং ত্রিত তৌদ্রিবা ৱেস্তৱাতর অমতনা ইশিং ইপাকশিং অসি মোৎশিনহন্দনবা সিস্তেমশিং অমদি প্রোসেসশিং মফম চানা থমগদবনি৷

সোলিদ ৱেস্ত মেনেজমেন্ত:

• শহর পুম্নমক য়ামদ্রবদা ৩-স্তার গার্বেজ ফ্রী সর্তিফিকেসন ফংনবা হোৎনগদবনি

স্বছ ভারত মিসন –আর্বান ২.০: মরু ওইবা ফিচরশিং

লাক্কদৌরিবা চহি ৫ অসিদা, ইকাই খুম্নরবা প্রধান মন্ত্রীনা হৌদোকখিবা ত্রিত তৌদ্রিবা ৱেস্তৱাতর অমতনা ইশিং ইপাকশিং অসি মোৎশিনহন্দনবা এস.বি.এম.-২.০ হৌদোক্তুনা ত্রিত তৌদ্রিবা ৱেস্তৱাতর অমতনা ইশিং ইপাকশিং অসি মোৎশিনহন্দনবা তাইমলাইনশিং য়াওবা এনুএল এক্সন প্লানশিং, চহি ৫গী এক্স প্লানশিংগী অকুপ্পা মরোল য়াওবা অমদি দরকার ওইরিবা ইনফ্রাস্ত্রকচরগী গেপ মমুৎ-তানা নৈনরবা মতুংদা মিসন কম্পোনেন্তশিং অসি চৎনরগনি৷ মিসন অসি মপুং ফানা পেপরলেস, দিজিতেল ওইরগনি, ইন্তিগ্রেতেদ জি.আই.এস.-বেজ প্লেতফোর্মদা প্রোজেক্তকী প্রোগ্রেস য়েংশিনবা, প্রোজেক্ত শেম্বদগী হৌরগা ফন্দ রিলিজ তৌবা ফাওবা প্রোজেক্তশিং ওনলাইনদা কুপথনা য়েংশিনবা, ওনলাইন গ্রিভেন্স রিদ্রেসেল সিস্তেম, রোবস্ত য়ুজর ইন্তরফেজ অমসুং জি.আই.এস.-মেপ ৱেস্ত মেনেজমেন্ত ইনফ্রাস্ত্রকচরগী খৎথাংদা মপুং ফানা ত্রান্সপরেন্সী অমসুং একাউন্তেবিলিতী ওইহন্নবগীদমক দিজিতেল তেক্নোলোজী শিজিন্নরি৷

আউতকম বেজ রিলিজ ফন্দ, অপিকপা য়ু.এল.বি.শিংগীদমক হেন্না চাওবা ফন্দিং সপোর্ত অমসুং এদেদ ফন্দিং সপোর্তকীদমক ১৫শুবা এফ.সি. গ্রান্তশিংগা পুনশিনবগুম্বা ইনেব্লরশিং, কম্পোনেন্ত খুদিংমক্কী স্ত্রকচর ইমপ্লিমেন্তেসন প্লান, রোবস্ত কেপাসিতী বিল্দিং, অফবা লমচৎ লাকহন্নবগীদমক কম্ম্যুনিকেসন অমসুং এদবোকেসী অমদি অরেপ্পা মতমগী মনুংদা কা-হেন্না ইন্দস্ত্রী কোলাবোরেসন তৌবা অসিনা মিসনগী ওবজেক্তিবশিং অসি ফংবদা মতেং ওইগনি৷

স্বছ ভারত মিসন-২.০গী মখাদা লৈবা মরু ওইবা কম্পোনেন্তশিং

এস.বি.এম.-য়ু. ২.০গী মখাদা চৎননবগীদমক মখাগী অসি মরু ওইবা কম্পোনেন্তশিং ওইরগনি:

অফবা সেনিতেসন:

১. খুঙ্গংদগী শহরগী মফমশিংদা থবক থিবা লাক্লিবা অহেনবা মীওইশিংদা মতেং পাংনবা সেনিতেসন ফেসিলিতী মপুং ফানা ফংহনবা অমদি লাক্কদৌরিবা চহি  ৫দা খুদোংচাবা হেন্না ফংহন্নবা মিসন অসিনা মীয়েৎ থম্লগনি৷ মীওই লাখ ৩.৫ হেনবগী, কম্ম্যুনিতীগী অমসুং পব্লিক তোইলেতশিং শাদুনা হায়রিবা অসি পাংথোক্লগনি৷

২. মীওই লাখ ১গী মখাদা লৈরিবা শহরশিংদা লিক্বুইদ ৱেস্ত মেনেজমেন্ত মপুং ফানা পাংথোকপা – এস.বি.এম.-আর্বান ২.০গী মখাদা পুথোরকখিবা অনৌবা কেম্পোনেন্ত অসিনা ৱেস্তৱাতর পুম্নমক সেফ ওইনা ফাজিন্নবা, খোমজিনবা, পুথোক-পুশিন তৌবা লৈবাক অসিদা লৈরিবা ইশিংগী ইপাকশিং ৱেস্তৱাতরনা মোৎশিনহন্দবগীদমক শহর খুদিংমক্তা সিস্তেমশিং অমসুং প্রোসেসশিং শহর খুদিংমক্তা শেমগৎলগনি হায়না এস.বি.এম.-২.০গী মখাদা অনৌবা কম্পোনেন্ত অমা হৌদোকখি৷

অফবা সোলিদ ৱেস্ত মেনেজমেন্ত:

১.  সিঙ্গল য়ুজ প্লাস্তিক লেপহনবদা মীৎয়েং থমদুনা শহর খুদিংমক্তা ফঙ্কসনেল মেতরিএল রিকোভরী ফেসিলিতীস(এম.আর.এফ.শিং)গা লোইননা ৱেস্তকী সোর্স সেগ্রিগেসন চাদা ১০০ তৌবা৷

২.  নেস্নেল ক্লিন এয়র প্রোগ্রাম(এন.সি.এ.পি.) শহরশিং অমদি মীওই লাখ ৫ হেন্না লৈরিবা শহরশিংদা মেকানিকেল স্বিপরশিং থম্বা অমদি কন্সত্রক্সন অমসুং দিমোলিসন(সি. অমসুং দি.) ৱেস্ত প্রোসেসিং ফেসিলিতীশিং শেমগৎপা৷

৩. ফৎত-হাউদি তন কোতি ১৫ পৈশিন্দুনা থম্লিবা লম একর ১৪,০০০ অসি শিজিন্নবা য়াহনবগীদমক লিগেসী দম্পসাইতশিং শেংদোকপা৷

জন অন্দোলন অসি মখাতানা চাওথোকহন্নবগীদমক কম্ম্যুনিকেসন অমসুং ময়ামগী মতেংগা লোইননা প্রজা মীয়াম শরুক য়াহনবদা মীৎয়েং থমদুনা অমসুং য়ু.এল.বি.শিং অমদি মরী লৈনবা স্তেকহোল্দর পুম্নমক্কী অফবা কেপাসিতী বিল্দিং শেমগৎলবা মতমদা মথক্কী অসি ফংবা ঙমগনি৷

সেফতী কিৎশিং অমদি পর্সোনেল প্রোতেক্তিব ইক্ব্যুইপমেন্তগী প্রোভিজনগী খুৎথাংদা লুবা-নানবা অমসুং ইনফোর্মেল ৱেস্ত ৱাতরদা অখন্ননা মীৎয়েং চংলগনি অমদি মখোয়গী কেপাসিতী বিল্দিংগা লোইননা সরকারগী ৱেল্ফেয়র স্কিমশিংদা মরী লৈনহল্লগনি৷

স্বছ ভারত মিসন-আর্বানগী ওবজেক্তিবশিং

২০১৪দা, মীৎয়েং শানবা প্রধান মন্ত্রীগী লুচিং মখাদা, ভারতনা আর্বান প্লানিংগীদমক হোলিস্তিক বিজন অমা শিজিন্নখি অমদি ইশিং অমসুং সেনিতেসন সেক্তরদা ত্রান্সফোর্মেসন পুরকপগী খোঙচৎ হৌখি৷ ২০১৪গী ওগস্ত ১৫দা প্রধান মন্ত্রীনা এস.বি.এম. হৌদোক্নবগীদমক লাওথোকখি অমদি মখাগী ওবজেক্তিবশিং অসিগা লোইননা মিসন অসি ২০১৪গী ওক্তোবর ২দা ফোর্মেল্লী ওইনা হৌদোকখি:

• স্তেত্যুতরী তাউন পুম্নমক্তা ওপন দিফিকেসন লৈহন্দবা
• স্তেত্যুতরী তাউন পুম্নমক্তা মুনিসিপাল সোলিদ ৱেস্তকী সাইন্তিফিক মেনেজমেন্ত ১০০% তৌবা
• জন অন্দোলনগী খুৎথাংদা ইফেক্তিব ওইনা লমচৎ হোংহনবা

স্বছ ভারত মিসন-আর্বানগী এচিবমেন্তশিং

হৌখিবা চহি তরেৎ হেনবদা, মিসন অসি লৈবাক অসিগী মফম পুম্নমক্তা য়ৌখ্রে অমদি ‘প্রজানা ইহান হান্না’ হায়বা ৱাখল্লোন অসিদা মীৎয়েং থমদুনা মশিং থিঙমদ্রবা মীওই কয়াগী পুন্সিশিং হোংহনখ্রে৷ মখাগী অসি এস.বি.এম.-আর্বানগী মখাদা ফংলিবা ইম্পেক্ত, এচিবমেন্তশিং অমদি মরু ওইবা মাইলস্তোনশিংনি:

• মিসন অসিনা আর্বান অরিয়াদা সেনিতেসন ফেসিলিতী ১০০% ফংহন্দুনা আর্বান ইন্দিয়াদা সেনিতেসনগী স্পেস্তা অওনবা পুরকখ্রে৷ এস.বি.এম.-আর্বানগী মখাদা, য়ুমথোং লাখ ৭০ হেন্না, কম্ম্যুনিতী অমসুং পব্লিক তোইলেতশিং শাদুনা ময়ামগীদমক সেফ অমসুং ইকাই খুম্ননিংঙাই ওইরবা সেনিতেসন সোলুসনশিং ফংহল্লি৷ নুপীশিং, ত্রান্সজেন্দর কম্ম্যুনিতীশিং অমদি নাম্মা শোইরবা মীওইশিংগী(দিবাঙ্গশিং) তঙাই ফদবশিংদা প্রোইয়োরিতী পীরি৷
• গুগল মেপশিংদা এস.বি.এম. তোইলেতশিং হাপ্পগুম্বা দিজিতেল ইন্নোবেসনগী খুৎথাংদা সেনিতেসন ফেসিলিতীশিং শিজিন্নবগী চাং মখাতানা হেনগৎহনখ্রে, শহর ৩,৩০০+তা পব্লিক তোইলেত ৬৫,০০০ হেন্না লাইবতা ফংহনখ্রে৷
• ২০১৯দা আর্বান ইন্দিয়াবু ওপন দিফিকেসন ফ্রী হায়না লাওথোকখি৷ মখাতাবা ওইনা শহর ৩,৩০০ হেনববু অমদি অমদি শহর ৯৬৯ হেনববু মথংশিৎনা ও.দি.এফ. [১]+ অমদি ও.দি.এফ. [২] ++নি হায়না সর্তিফাই তৌদুনা অফবা সেনিতেসনগী লম্বীদা মিসন অসিনা আর্বান ইন্দিয়াবু পুশিনখ্রে৷
• ৱেস্তৱাতর ত্রিতমেন্ত তৌবা অমদি মসিবু খ্বাইদগী ফবা মওংদা অমুক হন্না শিজিন্নবদা মীৎয়েং থমদুনা ইশিং+প্রোতোকোল [৩]গী মখাদা ইশিং+সর্তিফিকেসন ফংনবা সহরশিংনা চংশিল্লক্লি৷
• সাইন্তিফিক ৱেস্ত মেনেজমেন্তগী এরিয়াদা, ভারত্তা ৱেস্ত প্রোসেসিং তৌবগী চাং ২০১৪দা ১৮%  ওইরম্বদগী ঙসি ৭০%  ওইরক্তুনা হান্নদগী শরুক মরি হেন্না হেনগৎলকখ্রে৷
• ৱার্দ ৯৭%লৈরিবা য়ুমথোংশিংদা ৱেস্ত ১০০% খোমগৎতুনা অমদি ৱার্দ ৮৫%দা প্রজাশিংনা ৱেস্ত সোর্স সেগ্রিগেসন তৌদুনা মসিদা মতেং পাংখ্রে৷
• সেনিতেসন ৱার্কর লাখ ৫.৫ হেন্না সোসিয়েল ৱেল্ফেয়র স্কিমশিংদা লিঙ্ক তৌদুনা সেনিতেসন ৱার্করশিং অমদি ইনফোর্মেল ৱেস্ত ৱার্করশিংগী পুন্সিদা মিসন অসিনা চাওবা অহোংবা পুরকপা ঙমখ্রে৷ ফ্রন্তলাইন সেনিতেসন ৱার্করশিংনা লেপ্প-লৈতনা থৌদাং লৌদুনা কোবিদ-১৯ লাইনা-লাইচৎকী মতমদা আর্বান ইন্দিয়া সেফতী ওইহনবদা য়াম্না মরু ওইবা থৌদাং অমা লৌখি৷
• প্রোগ্রাম অসিদা মীওই কোতি ২০(ভারতকী আর্বান পোপুলেসনগী ৫০% হেন্না) এক্তিব ওইনা শরুক য়ারকপা অসিনা প্রোগ্রাম অসি মীয়ামগী ইহৌ অমা ওইখ্রে৷
• ২০১৬তা এম.ও.ঐচ.য়ু.এ.না হৌদোকখিবা দিজিতেল গ্রীভেন্স রিদ্রেসেল প্লেতফোর্ম, স্বচ্ছতা এপকুম্বা দিজিতেল ইনেবলমেন্তশিংনা সিতিজন গ্রীভেন্স রিদ্রেসেল য়েংশিন্নবগী লম্বী অদু অমুক হন্না পুথোকখি৷ প্রজাশিংনা এক্তিব ওইনা শরুক য়াদুনা ঙসি ফাওবদা প্রজাগী কমপ্লেন্ত কোতি ২ হেন্না এপ অসিনা ৱারোইশিন পীখ্রে৷ হন্দক্তা ইকুই কুইদ্রিঙৈদা এম.ও.ঐচ.য়ু.এ.না স্বচ্ছতা এপ ২.০গী রিবেম্প বর্জন লোঞ্চ তৌখ্রে৷
• আর্বান লোকেল বোদী ৪,০০০ হেন্না মনুং চল্লিবা মালেমগী খ্বাইদগী চাওবা আর্বান ক্লিনিনেস সর্ভে, স্বছ সুর্ভেক্সন অসি এস.বি.এম.-আর্বানগী মখাদা ২০১৬দা হৌদোকখি৷ লাইনা-লাইচৎ অসিনা চেলেঞ্জশিং পীনবা পীনবা রেকোর্দ ওইবা মতমদা স্বছ সুর্ভেক্সন ২০২১ পাংথোকখি৷ হৌখিবা চহিশিংদা, সর্ভে অসিনা পুন্না মীওই কোতি ৭ হেনবগী ফিদবেক্ত ফংখ্রে৷
• তোঙান তোঙানবা মিসন কম্পোনেন্তশিংদা মুনিসিপাল ওফিসিয়েল অমদি স্তাফ লাখ ১০ হেন্না ত্রেন তৌখিদুনা রাজ্য অমদি শহরগী থাক্তা লৈরিবা ওফিসিয়েলশিংগী কেপাসিতী মখাতানা শেমগৎলি৷

*****

[১] ২০১৮দা এম.ও.ঐচ.য়ু.এ.না হৌদোকখিবা ও.দি.এফ+ প্রোতোকোলনা কম্ম্যুনিতী অমদি পব্লিক তোইলেতশিং লুবা নানহনবদা অমদি মথৌ তৌহনবদা মীৎয়েং থম্লি

[২] ২০১৮দা এম.ও.ঐচ.য়ু.এ.না হৌদোকখিবা ও.দি.এফ+ + প্রোতোকোলনা ফিকেল স্লজ অমদি সেপ্তেজ মেনেজমেন্তদা মপুং ফানা মীৎয়েং থম্লি

[৩] ২০১৯দা এম.ও.ঐচ.য়ু.এ.না হৌদোকখিবা ৱাতর+প্রোতোকোলনা ৱেস্তৱাতর ত্রিতমেন্ত অমদি অদুবু খ্বাইদগী ফবা মওংদা অমুক হন্না শিজিন্নহনবদা মীৎয়েং থম্লি