ভারতকী প্রধানমন্ত্রী

মাওরিসয়সকী প্রধান মন্ত্রী প্রবিন্দ জুগনৌথজী, মাওরিসিয়সকী সেনিয়র মিনিস্তরশিং অমসুং শক্নাইরবশিং অমসুং শক্নাইরবশিং, মরুপশিং খুরুমজরি! বোঞ্জোর!

মাওরিসিয়সতা লৈরিবা ঐখোয়গী মরুপশিং ঐনা তরাম্না ওকচরি।

মসিগী উনবা অসি ঐখোয়গী লৈবাকশিংগী অখন্নবা থৌরম অমনি। মসি ঐখোয়গী অপুনবা পুৱারি, হেরিতেচ অমসুং মতেং পাংনবগী অনৌবা তাঙ্কক অমনি। মতম খরগী মমাংদা মাওরিসিয়সনা ইন্দিয়ান ওসিন আইলেন্ত গেমস য়ুম্বু ওইখি অমসুং মখোয়গী মিংচৎ পুরকখি।

ঐখোয়গী লৈবাক অনিমক দুর্গা পুজা পাংথোক্লি অমসুং য়াম্না থুনা দিপাৱালি পাংথোকলগনি। অহানবা তাঙ্কক্কী মেত্রো প্রোজেক শঙ্গাবা অসিমক হেন্না নুংঙাইবা থৌরম অমনি।

মেত্রোনা লু-নানবা, নুংঙাইবা অমসুং মতম চংদবা চৎথোক-চৎশিনা ফংহনগনি। মসিনা শেন তানবা অমসুং তুরিজম হেনগৎহন্নগনি।

ঙসি শঙ্গারিবা অনৌবা ই এন তি হোস্পিতাল অসিনা অফবা লায়েংগী খুদোংচাবা ফংহনগনি। হোস্পিতাল অসি ইনর্জি ফজনা শীজিন্নবা বিল্ডিংনি অমসুং চে য়াওদবা থবকশিং লৈগনি।

হায়রিবা প্রোজেকশিং অসিনা মাউরিসিয়সকী মীয়াম সেবা তৌগনি। মখোয় অসি মাওরিসিয়স চাউখৎনবা ভারতনা কন্না হোৎনবগী খুদম অমনি।

হায়রিবা প্রোজেকশিং অসিগী শিন্মী কয়ানা অহিং-নুংথিল অনিদা নোংজু-নুংশাদা থবক শুখি। মমাংগী চহিচাশিংগা মান্নদবা মওংদা, তুংগী মীরোলগী য়াইফনবা মখোয়না ঙসি থবক শুখি।

মাউরিসিয়সগী মতমগা চুনবা অনৌবা ইনফ্রাস্ত্রকচরশিং শেমগৎনবা প্রধান মন্ত্রী প্রবিন্দ জুগনৌথনা লুচিংলিবা অসি ঐনা থাগৎলি।হায়রিবা প্রোজেকশিং অসি মতম চানা  লোইশিন্নবা  মখোয়না ফজনা মতেং পীবগীদমক মহাক অমসুং মাউরিসিয়স সরকারনা ঐনা থম্মোয় শেংনা থাগৎলি।

মরুপশিং,

হায়রিবা প্রোজেকশিং অসি মীয়ামগী য়াইফনবা ভারতনা মাউরিসিয়সকা পুন্না চৎমিন্নবদা ঐনা চাউথোকচৈ। মমাং চহিদা অপুনবা প্রোজেক অমনা অঙাংশিংদা ই-তেব্লেতশিং পীখি। অনৌবা সুপ্রিম কোর্ত বিল্ডিং অমসুং হাওসিং য়ুনিত লিশিং কয়া য়াংনা শাগৎলে। প্রধান মন্ত্রীনা হায়রকপগী মতুংইন্না, রেনেল য়ুনিত অমা অমসুং মেদি-ক্লিনিকস অমসুং এরিয়া হেল্থ সেন্তরশিং শাবদা ভারতনা মতেং পীগনি হায়না ঐনা লাউথোক্লি।

মরুপশিং,

ভারত অমসুং মাউরিসিয়সনা ঐখোয়গী মীয়াম য়াইফনবা থবক পায়খৎনবা অমসুং মালেম অমসুং লমদম অসিদা শান্তি থম্নবা হোৎনরি। চৎলিবা চহি অসিদা ঐগী অনিশুবা তার্মগী সরকার হৌদোকপগা লোয়ন্না প্রধান মন্ত্রী জুগনৌথনা প্রাভাসি ভারতিয়া দিৱাসতা চীফ গেস্ত ওইনা শরুক য়াখি।

মাউরিসিয়সকী ৫০শুবা নিংতম্বা নুমিৎ থৌরমদা চীফ গেস্ত ওইনা ঐখোয়গী প্রসিদেন্ত চেবাউ পীরকখি। মহাত্মা গান্ধীগী ১৫০শুবা মপোক নুমিৎতা মাউরিসয়সনা ইকায়খুম্নবা উৎলি।

মরুপশিং,

ভারত মহাসাগর অসি ভারত অমসুং মাউরিসিয়সগী মরক্ত থোং অমনি। ওসিন ইকোনোমিনা ঐখোয়গী মীয়ামদা অচৌবা থাজবশিং পীরি।

সাগর-সেকুরিতি এন্দ গ্রোথ ফোর ওল ইন দি রিজন’গী পান্দম্না  ঐখোয় খুদিংমক মেরিনতাইম ইকোনোমি, সেকুরিতি অমসুং দিজাস্তর হন্থহন্নবা লমজিংগনি। কিলিয়েসন ফোর দিজাস্তর রেসিলিয়েন্ত ইনফ্রাস্ত্রকচরগী ফাউন্দর মেম্বর ওইনা শরুক য়াবগীদমক ঐনা মাউরিসিয়স সরকার থাগৎলি।

এক্সলেন্সি,

থা অমগী মনুংদা, অপ্রাভাসি ঘাতকী ৱাল্ড হেরিতেচ সাইত্ত অপ্রাভাসি দিৱাস পাংথোক্লগনি। মসিদা ঐখোয়গী অথৌবা ইপা-ইপুশিংনা নিংতম ইহৌ মাইপাকখিবা অদু নিংশিংগনি। মদুগী ইহৌ অদুনা চহিচা অসিদা মাউরিসিয়সকী মাইপাকপগী মহৈ য়ানখিবনি।

মাউরিসিয়সকী মীয়ামগী শিংথানিংঙাই ওইরবা থৌনা ঐখোয়না ইকায়খুম্নবা উৎলি।

ভিভে লামিতে এন্ত্রে ইন্দে অ মাওরিস

ভারত ওর মাওরিসিয়স মেত্রি অমর রহে।

ভারত-মাউরিসিয়সগী মরি মতম কুইনা লৈরসনু।

ময়াম পুম্নমক থাগৎচরি।