ভারতকী প্রধানমন্ত্রী

তেলঙ্গানাগী রাজ্যপাল দোক্তর তামিলিসাই সাউন্দরারাজন জি, তেলঙ্গানাগী চীফ মিনিস্তর শ্রী রেবন্থা রেদ্দি জি, মন্ত্রীমন্দলদা ঐগী মরুপ অমসুং য়ুনিয়ন মিনিস্তর শ্রী জি কিসন রেদ্দি জি, সোয়াম বাপুর রাও জি, পি.সঙ্কর জি, অতোপ্পা শক্নাইরবশিং, ইবেম্মাশিং অমসুং ইবুংঙোশিং !

ঙসি তেলঙ্গানা খক নত্তনা লৈবাক শীনবা থুংবগী চাউখৎ-থৌরাংগী প্রোজেকশিং অদিলাবাদতা উবা ফংলে। ঙসি লুপা করোর ৫৬,০০০ হেনবগী চাউখৎ-থৌরাংগী প্রোজেক ৩০ হেন্না মীয়ামদা কৎথোকপা নত্ত্রগা উরেপ-উয়ুং তম্ববগী খুদোংচাবা অমা ঐ ফংলে। প্রোজেকশিং অসিনা তেলঙ্গানা য়াওনা লৈবাক অসিগী রাজ্য কয়াদা চাউখৎপগী অনৌবা পন্দুব অমা ইরগনি। হায়রিবা প্রোজেকশিংগী মনুংদা ইনর্জি, মহৌশাগী অকোয়বগী ফিবম অমসুং রাজ্য অসিগী লম্বী-থোংগা মরী লৈনবা প্রোজেকশিং য়াওরি। হায়রিবা প্রোজেকশিং অসিগীদমক ঐনা তেলঙ্গানাগী ঐগী ইনাওশিং অমসুং ইচলশিং থাগৎপা ফোঙদোকচরি।

মরুপশিং,

​কেন্দ্র সরকার অমসুং তেলঙ্গানা রাজ্য চহি ১০ মপুংফারে অমসুং তেলঙ্গানাগী মীয়ামগী চাউখৎপগী মঙলানশিং মঙফাউন্নবা হিরম খুদিংমক্তা কেন্দ্র সরকারনা মতেং পাংলি। ঙসি মেগাৱাত ৮০০গী এন.তি.পি.সি য়ুনিত-২ শঙ্গারে অমসুং মসিনা তেলঙ্গানাদা মখা তানা মৈ পুথোকপা হেনগৎহল্লগনি। অম্বারি-অদিলাবাদ-পিমপালখুতি রেল লাইনশিং মৈ ফংহনবগী থবক লোইশিল্লে অমসুং অদিলাবাদ,বেলা অমসুং মুলুগুদা অচৌবা নেসনেল হায়ৱে প্রোজেক অনি উরেপ-উয়ুং তম্লে। ঙসিগী রেল অমসুং লম্বীগী প্রোজেকশিং অসিনা তেলঙ্গানা অমসুং লমদম অসিগী চাউখৎপা য়াংখৎহল্লগনি লোয়ননা চৎথোক-চৎশিনগী মতম হন্থহল্লগনি, তুরিজম চাউখৎহল্লগনি অমসুং থবক ফংনবগী মশিং থিঙমদ্রবা খুদোংচাবশিং পীরগনি।

মরুপশিং,

রাজ্যশিং চাউখৎহন্দুনা লৈবাক চাউখৎহন্নবগী লাইৱাদা ঐখোয়দা চঙশিল্লি। হেন্না ফবা ইকোনোমি অমদা, লৈবাক অমদা থাজবা হেনগৎলকই অমসুং মখোয়দা শেন থাদরকপা মতমদা রাজ্যশিং কান্নবা ফংলি। ভারতকী ইকোনোমি য়াংনা চাউখৎপগী মতাংদা মালেমগী ওইনা ঙাংনবা অমা লৈরে। অরোইবা ক্বাতরদা চাদা ৮.৪ গ্রোথ লৈবা অচৌবা ইকোনোমি ভারতনা ওইরে। মসিগী খোঙজেল অসিদা, ভারত মালেমদা খ্বাইদগী চাউবা অহুমশুবা ইকোনোমি ওইরগনি। মসিনা তেলঙ্গানাগী ইকোনোমিশু ৱাংনা চাউখৎকনি।

মরুপশিং,

তেলঙ্গানাগুম্বা মফমশিংদা হান্না মীরাইদুনা থম্লমখি। হৌখিবা চহি ১০ অসিদা রাজ্য অসিগী চাউখৎ-থৌরাংগীদমক অহেনবা শেনফম থাদরে। ঐখোয়গী ওইনা চাউখৎপা হায়বসি লায়রবশিংগী মনুংদা খ্বাইদগী লায়রবশিং চাউখৎহনবা, দলিতশিং, ত্রাইবেলশিং,তোল্লবশিং অমসুং নৈহৎপীরবশিং চাউখৎহনবনি। মীওই করোর ২৫ হেন্না লায়রবা কোক্লে অমসুং মসি সরকারনা লায়রবশিংগী য়াইফ-থৌরাংগী স্কিমশিং পায়খৎপদগী ঙম্বনি। মথং চহি ৫দা অসিগুম্বা কেম্পেনশিং হেন্না কন্না পাংথোক্কনি।

মসিগী ৱাশক অসিগা লোয়ননা, ঐনা ময়াম পুম্নমক থাগৎচরি। মিনিত ১০গী মতুংদা, ঐ মীয়ামগী থৌরম অমা শরুক য়ারগনি। অতোপ্পা হিরমশিং হায়রিবা মফম অদুদনা হেন্না চুনগনি। মরম অদুনা, মফম অসিদা ঐগী ৱারোল লোইশিঞ্জরে। মিনিত ১০গী মতুংদা, লমহাং অমদা অপনবা লৈতনা ৱাফম কয়া ফোঙদোক্নবা খুদোংচাবা অমা ফংলগনি। মহাক্কী মফম কাইথোক্তুনা মফম অসিদা লাকপদগীদমক ঐনা অমুক হন্না চীফ মিনিস্তরগী মফমদা তৌবীমল খঙবা উৎচরি। ৱাশক অসিগা লোয়ননা চাউখৎপগী খোঙচত্তা ঐখোয়না অমতা ওইনা পুন্না মাঙলোমদা চৎমিন্নরসি।

অদোম থাগৎচরি !

***