চাওখৎপা হেনগৎলক্লি

মাইকৈ পুম্নমক্কী চাওখৎ-থৌরাং পাইথৎনবগীদমক শেমগৎ-শাগৎপগী থবক কয়া হৌদোকখ্রে।

ভারত না জন ধন, আধার অমসুং মোবাইল (জাম) শিজিন্নদুনা মশক থোক্না অহোংবা পুরক্কদবা শেমগৎ-শাগৎপগী মাইকৈদা চংশিল্লি। মসি কান্নবা ফংলবশিংদা হকথেংননা য়ৌহন্নবা অমত্তা ঙাইরবা অহুমগী অপুনবনি। মসিগী অনৌবা থৌওং অসিনা অহোবা অমত্তা লৈহন্দনা মীয়ামদা হকথেংননা কান্নবা ফংহনবা ঙম্লগনি। মসিনা সবসিদীগী অহোবা হন্থরকপদা নত্তনা সবসিদিদা অৱাৎপা অমত্তসু লৈররোই।

এন দি এ সরকারনা জাতিগী অমত্তা ওইবা ৱাখল্লোন অমা শাগৎখি অমসুং গুদ্স অমসুং সর্ভিসেস তেক্স (জি এস তি) চৎনহন্নবগীদমক সংবিধান শেমদোক্নবা বিল অমা পুথোকখি।২০১৬, এপ্রিল ১দগী ইন্দাইরেক্ত তেক্স সিস্তেমগী মওং মতৌ অমা জি এস তি না থমলনি। ঈশিং চাইবিগুমলবা মহৈদগী ঙাকথোক্নবা অমসুং চয়েৎনবনা পরেং লেংদুনা লৈরিবা খাজনাশিংগী মহুৎ শিলহন্দুনা মসিনা অপুনবা অমসুং অচম্বা লৈপাক মনুংগী ওইবা কৈথেল অমা শেম্লগনি।

সরকার অসিনা সনসদ আদর্শ গ্রাম য়োজনা কৌবা চাংদম্নীঙাই লৈতবা থৌরাং অমা হৌরে, মসিনা এম পি শিংবু মখোয়গী কেন্দ্রগী মনুংদা লৈবা খুঙ্গং অমগী মপু ওইদুনা অমসুং মসিবু মোদেল ভিলেজ অমা ওইনা শেমগৎপদা পুক্নিং থৌগৎলি। মসিনা পার্লামেন্তরিয়ানশিংবু শোয়হন্দনা অকক্নবা থৌরাং অমদা থমোয়শেংনা মখোয়গী কেন্দ্র চাওখৎহন্দুনা থাক ৱাংখৎহন্নবা থবক তৌহন্নিংবা ফাওহল্লি।

সরকার অসিনা এমওপিএনজি না তৌরকপা প্রস্তাব, তুঙদুনা লৈরিবা প্রকৃতিগী গ্যাসশিংবু মান্নবা মমলদা থাদোক্তুনা গ্যাসতা য়ুমফম ওইরগা মৈ হৌরগা হার পুথোক্লিবা প্লান্তশিংদা য়ুরিয়া পুথোকহন্নবা অয়াবা পীখ্রে। এমওপিএনজি অমসুং পৱার মন্ত্রালয়না পুন্না তৌরকপা প্রস্তাব, শিজিন্নদ্রিবা গ্যাসতা য়ুমফম ওইরগা মৈ পুথোকপগী চাং হেঙ্গৎহনবদা কান্নহন্নবা অমদি মেগা ৱাত ১৬০০০ কী শিজিন্নদ্রিবা গ্যাসতা য়ুমফম ওইবা পৱার প্লান্তশিং অমুক হন্না চৎনহন্নবা থৌরাং অয়াবা পীখ্রে।

কারবারদা শেল থাদবগী চাং অমদি অপনবা কয়া লাইথোকহনবনা, ভারতকী মমল ৱাংলবা লল্লোন ইতিক্কী পোৎ–চৈ শাবগী শরুক – দিফেণ্ডস, কনস্ত্রকশন অমসুং রেলৱেজ – মালেমগী অতৈ লৈপাকশিংগীদমক থোঙ হাঙলে। ঙাক-শেলগী শরুক পাকথোক চাউথোকহল্লে অমসুং এফ দি আই কেপ চাদা ২৬ তগী চাদা ৪৯ দা হেঙ্গৎলে। ঙাক-শেলগী শরুক্তা শেল থাদবগী চাং মথন্তনা লাকচবগী লম্বিদা চাদা ২৪ ফাওবা অয়াবা পীখ্রে। ঙাক-শেলগী শরুক্তা কেস তু কেস লেবেলগী অনৌবা অমদি শিজিন্নরিবা তেক্নোলোজী মওং মতৌদা চাদা ১০০গী এফ দি আই গী অয়াবা লৈরে। অখন্নবা রেলগী শেমগৎ-শাগৎপগী পায়খৎলিবা থবকশিংদা মথন্তনা লাকচবা লম্বিগী মখাদা শাগৎপা, থবক তৌবা অমসুং শেম-শাদুনা ঙাক শেনবগী থবক্তা চাদা ১০০ এফ দি আই গী অয়াবা পীখ্রে।

Know more about the the JAM Trinity