ভারতকী প্রধানমন্ত্রী
জামগী ভিজন অসি পাইখৎলক্কদৌরিবা থৌরাং কয়ামরুমগী য়ুম্ফম ওইরগনি। ঐগীদমক্তদি জামগী ৱাহন্থোক অসি পান্দম হেন্না ফংবা হায়বনি।
চাদিং তৌখিবা লুপা খুদিংমক্কী খ্বাইদগী য়াম্বা ফল।
ঐখোয়গী লাইরবশিংদা খ্বাইদগী হেনবা শক্তি পীবা।
মীয়ামদা খ্বাইদগী হেনবা তেক্নোলোজী ফংহনবা।
-নরেন্দ্র মোদী
নীং খা তম্লবা চহি ৬৭কী মতুংদসু ভারত্তা বেঙ্কিংগী খুদোংচাবা ফংদবা মশিং য়াম্না লৈরি। মসিনা তাকপদি মখোয়দা সেভিং তৌনবগী পাম্বৈ অমত্তা লৈতে অমসুং ইন্সতিত্যুস্নেল ক্রেদিৎ ফংনবা পাম্বৈ অমত্তা লৈতে হায়বনি। প্রধান মন্ত্রী মোদীনা মসিগী ফিভম অসি হোংদোক্নবগীদমক ওগস্ত ২৮দা জন ধন য়োজনা হৌদোকখিবনি। থা খরগী মনুংদা স্কীম অসিনা ভারত মচা কোতি কয়াগী পুন্সিদা অহোংবা পুরকখি। চহি ১গী মনুংদা বেঙ্ক অকাউন্ত কোতি ১৯.৭২ হাংদোকখি। হৌজিক ফাওবদা রুপে কার্দ কোতি ১৬.৮ পীখ্রে। লুপা কোতি ২৮৬৯৯.৬৫ দিপোজিত তৌরকখ্রে। বেঙ্ক কোরেসপোন্দেন্ত ১,২৫,৬৯৭ লৈরে। চয়োল অমদা বেঙ্ক অকাউন্ত ১,৮০,৯৬,১৩০ হাংদোকপগী গিনেস ৱার্ল্দ রেকোর্দ থম্লে।
বেঙ্ক অকাউন্ত কোতি কয়া হাংদোকপা হায়বসি অচৌবা শিংনবা অমনি, মীয়াম বেঙ্ক অকাউন্তশিং শীজিন্নবা হৌনবা ৱাখল্লোন হোংহনবা হায়বসিনা হেন্না শিংনবা অমনি। ২০১৪ গী সেপ্তেম্বরদা জিরো বেলেন্স অকাউন্ত চাদা ৭৬.৮ ওইরম্বদগী দিসেম্বর ২০১৫ দা চাদা ৩২.৪ দা হন্থরকখি। হৌজিক ফাওবদা লুপা কোতি ১৩১ হেন্না ওভরদ্রাফ ওইনা পীখ্রে।
পুম্নমক অসি পি এম মোদিনা তকশিনবা কনবা অমসুং মীয়াম অমসুং সরকারগী মেছিন্নরিশিং ফজনা শীজিন্নবা ঙম্বা মহাক্কী পাঙ্গল অদুননি। অচৌবা থবক অসি পান্দম অমগী মখাদা পায়খৎপনি অমসুং সরকার অমসুং মীয়াম পুন্না চৎমিন্নবা অমসুং শরুক য়াবগী ময়েক লারবা খুদমনি।
বেঙ্ক অকাউন্তশিংনা ভারত মচা কোতি কয়া বেঙ্ককী খুদোংচাবশিং ফংহনবতা নত্তনা অকাউন্তশিং অসিনা শেঞ্জা-থুমজা থিংবদা অচৌবা থৌদাং লৌরি। হোজিক সবসিদিশিং দাইরেক্ত বিনিফিৎ ত্রান্সফরগী মওংদা বেঙ্ক অকাউন্তশিংদা হাপচিল্লে, মসিনা শেল খপহৌবা ঙমদ্রে অমসুং অরানবা তৌবশিং থবক লৌখৎনবগী মফম অমা লৈরে। পহল স্কীম অসি মালেমগী খ্বাইদগী চাওবা দাইরেক্ত বিনিফিৎ ত্রান্সফর স্কীম ওইনা গিনেস বুক ওফ ৱার্ল্ড রেকোর্দতা চল্লে। পহল স্কীমগী মখাদা এল পি জিগী সবসিদিশিং বেঙ্ক অকাউন্তশিংদা হকথেংননা হাপচিল্লে। পহল স্কীমগী মখাদা মীওই কোতি ১৪.৬২ হেন্ন সবসিদি ফংলি। স্কীম অসিনা শাশিন্নবা অমসুং মথৌ তৌদ্রবা অকাউন্ত কোতি ৩.৩৪ রোম থিংজিন্দুনা লুপা কোতি কয়াগী শেলফম কনবা ঙম্লে। সরকার অসিনা হৌজিক স্কীম ৩০-৪০ দা দাইরেক্ত বিনিফিৎ ত্রান্সফর শীজিন্নরি অমসুং ২০১৫ দা লুপা কোতি ৪০,০০০ রোম বেনিফিশরিশিংদা হকথেংননা হাপচিনখ্রে।
বেঙ্ককী কান্নবশিং মীয়ামদা ফংহনখ্রবা মতুংদা, এন দি এ সরকার অসিনা নাগরিকশিংদা ইন্সুরেন্স অমসুং পেন্সন পীনবা থবক পায়খৎপা হৌরে। চহি অমদা শুপ্নগী লুপা ১২ খক থিরগা প্রধান মন্ত্রী সুরক্ষা বিমা য়োজনানা খুদোংথিবা থোকপদা লুপা লাখ ১২ পীরি। চহি অমদা শুপ্নগী লুপা ৩৩০ খক থিরগা প্রধান মন্ত্রী জিবন জ্যোতি বিমা য়োজনানা লাইফ ইন্সুরেন্স পীরি। পুখৎলকপা শেলফমগী মতুংইন্না অতল পেন্সন য়োজনানা থা অমদা লুপা ৫০০০ ফাওবা পেন্সন পীরি। মীওই কোতি ৯.২ হেন্না প্রধান মন্ত্রী সুরক্ষা বিমা য়োজনা অমসুং মীওই কোতি ৩ হেন্না প্রধান মন্ত্রী জিবন জ্যোতি বিমা য়োজনা য়াওরে। মীওই কোতি ১৫.৮৫ হেন্না অতল পেন্সন য়োজনগী মিং চল্লে।
[ 
[ 
