ভারতকী প্রধানমন্ত্রী
মমাংদা ভারতকী চাওখৎ থৌরংগীদমক থবক তৌবদা ‘তীম ইন্দিয়া’গী
[ 297KB ]
ৱাখল্লোল অমুক্তা উখিদ্রি, মমাংগী চৎনবী অদুদগী নাথৈদুনা প্রধান মন্ত্রী মোদীনা মাইকৈ পুম্নমক্কী ওইবা চাওখৎ থৌরাং ফংনবগীদমক কো-ওপরেতিভ অমসুং কম্পিতিতিব ফেদরেলিজম হেনগৎহনবদা শাফু পীখি। মতম কুইনদগী ঐখোয়না কেন্দ্র অমসুং রাজ্যশিংগী মরক্তা ময়াম্বা অমগী মরিগুম্না উরক্লি। ‘পুম্নমক্কীদমক সাঞ্চা অমা’ অসি কুইনদগী শিজিন্নদুনা লাক্লি, তোঙান-তোঙানবা রাজ্যশিংগী মান্নদবশিং অমসুং মখোয়গী মফম অদুগী তঙাইফদবশিং অদুদা মিয়েং চংখিদে।
রাজ্যশিংদা অহেনবা পাঙ্গল অমসুং থৌনা পীনবগীদমক নীতি আয়োগ শেমখি। মশক থোক্না অমসুং রাজ্যশিংগা পুন্না মপু ওইমিন্নবগী থৌশিল মখা তানা চত্থদুনা, মাইকৈ অমা চত্থগদবা য়ুনিয়ন-তু-স্তেত থৌশিলনা হৌখ্রবশিং অদুবু মরু ওইবা মথং তারকপা অওনবা অমনা মহুৎ শিল্লরনি। সরকারবু লৈবাক ঙাক্লোনগী লাল্লোং উহনবা লোয়না লোয়ন্না থোরকপা থোক্লগদৌরিবা ৱারমশিং ৱাখৈবদা নিতী আযোগনা অথুবা খোংথাং লৌগনি।
নিতী আযোগনা অহানবদা জাতিগী চাউখৎ থৌরাংগী শরুক্তা, জাতিগী অৱাংবা পান্দমগী মনুংদা বৃত্তগী শরুক অমসুং লাল্লোংদা অকনবা শরুক য়াহন্দুনা রাজ্যশিংগী মীৎয়েং ফোংদোকহন্নবা থবক তৌগদৌরি। নিতী আযোগনা থম্লীবা মীৎয়েং অসিনা প্রধান মন্ত্রী অমসুং মুখ্যমন্ত্রীশিংদা অহেনবা পাঙ্গল পীদুনা ‘জাতিগী তৌগদবা নত্রগা খন্নগদৌবা থৌরম পরেং’গী মরূ পানখৎলবা শরুক ফংহল্লগনি। অকনবা রাজ্যশিংনা অকনবা লৈপাক অমা শেম্মি হায়বা খংহন্নবা, রাজ্যশিংগা মওং মতৌ শৌগৎপা হৌদোক্ননবা অমসুং মেছিনগী থবক মতৌনা মখা তানা য়ুম্ফম ওইরগা ফেদরেলিজমগী লাইরিক ইমিন্নবদা পুক্নিং থৌগৎলনি। খুঙ্গংগী থাক্তা থাজনীংঙাই ওইবা থৌওংশিং পাইখৎনবা থৌশিলদা অমসুং চাউখৎলক্লিবা অসিবু পুন্সিনহন্দুনা অৱাংবা থাক য়ৌনা চাউখৎহল্লনি।
মশক থোকপা খোংথাং অমগী মনুং চন্না, ১৪ শুবা ফাইন্যান্স কমিশন্না থাঙ্গৎলকপা ৱা কেন্দ্রদা লৈরিবা এন দি এ সরকার অসিনা লৌখি। রাজ্যশিংনা মমাংদা চাদা ৩২ ফংলম্বা অদুগা চাংদম্নবদা খাজনাগী চহিগী চাগাগী চাকথুং চাদা ৪২ ফংলগনি। অদুম ওইনমক, মসিনা মহৌশানা কেন্দ্র সরকারগী চাদিং হন্থহল্লে, য়েৎফদ্রবা থৌনা অমগী মনুংদা ভারত সরকারনা ১৪ শুবা ফাইন্যান্স কমিশন্না থাঙ্গৎলকপা ৱা লৌখি, মখোইনা রাজ্যশিংদা মখোয়গী খুদোং চাগদবা অমদি অৱাৎ অপাগী মখা পোন্না থৌশিল থৌরাং য়াৎথোকপা অমসুং থবক পায়খৎপদা কনখৎহন্দুনা লনাই পানজবগী হক ফংহল্লে। মসি মমাঙদা থোকখিদ্রিবা চাওখৎহনবা অমনি, মসিনা রাজ্যশিংবু ওইথোকপা য়াবা লম্বিশিংদা চাউখৎহল্লনি – চহিগী চাগা চাদিংবু হৈশিংনা নিয়ম চুম্না য়েংশিনবদা, মখোয়না মখোয়গী ওইবা থৌশিল থৌরাংশিং অহেনবা শেল থুমগী শক্তি অমসুং লনাই হকনা লেপচবা য়ারনি।
অনৌবা জাৎকী খোংথাং অমা ওইনা প্রধান মন্ত্রী মোদীনা মহাক্কী চাইনা খোংচৎতা মুখ্যমন্ত্রী অনি লোইনখি। মখোয়না মশক থোকপা হৌদোক্ননবা: দি প্রোবিন্সিয়েল লেদর্শ ফোরমদা শরুক য়াখি। মসিনা রাজ্য রাজ্যগী মরক্তা মতেং পিনবগী অনৌবা যুগ কী লম্জীংফম-লম্তাকফম অমা ওইরগনি।
রাজ্যশিংদা অচৌবা ইনোৎ হাপ্পা ওইনা, থোইদোক হেন্দোক্না হায়রবদা নোংপোক ভারতকী কোয়লা মরাং কায়না ফংবা রাজ্যশিং, মাইপাকখিবা কোয়লাগী নিলাম অদুগী অচৌবা শরুক অমা রাজ্যশিং অদুদা য়ৌহন্দুনা পাকচাউনা মতেং পাঙ্গদৌরি।
[ 
[ 
[ 
[ 
