ভারতকী প্রধানমন্ত্রী
রাজা বহাদুর রাম গোপাল সিংহগী মজা ইবুংঙো শ্রী ভি পি সিংহ ১৯৩১গী জুনগী তাং ২৫দা এলাহাবাদতা পোকখি । মহাক্না এলাহাবাদ অমসুং পুনা য়ুনিবর্সিতীদগী মহৈ মশিং তমখি। ১৯৫৫গী জুনগী ২৫দা শ্রীমতী সীতা কুমারীগা লুহোংখি অমসুং মখোয়গী মচানুপা অনি পোকখি।
স্কোলর শ্রী ভি পি সিংহ এলাহাবাদকী কোরাওন্দা লৈবা গোপাল বিদ্যালয়, ইন্তর্মেদিএৎ কোলেজগী ফাউন্দরনি। মহাক ১৯৪৭-৪৮দা বারানসীগী উদয় প্রতাপ কোলেজদা স্তুদেন্ত য়ুনিয়নগী প্রসিদেন্ত ওইখি অমসুং এলাহাবাদ য়ুনিবর্সিতী স্তুদেন্ত য়ুনিয়নগী ভাইস প্রিদেন্তসু ওইখি। মহাক্না ১৯৫৭তা ভু-দান আন্দোলন্দা মপুং ফানা শরুক য়াখি অমসুং এলাহাবাদ জিলাগী পাসনা খুঙ্গংদা লৈবা উনরিবা লৌফম্বু দান ওইনা কৎখি।
মহাক ১৯৬৯ গী ৭১ ফাওবা ওল ইন্দিয়া কোংগ্রেস কমিতীগী, এলাহাবাদ য়ুনিবর্সিতীগী এগজিক্যুতিব বোদীগী অমসুং উত্তর প্রদেশ বিধান সভাগী মীহুৎ ওইরম্মি। মহাক ১৯৭০ – ৭১ ফাওবা কোংগ্রেস লেজিসলেতিব পার্তীগী হ্ৱীপ, ১৯৭১ – ৭৪ ফাওবা এম পি (লোক সভা), ওক্তোবর ১৯৭৪দগী নবেম্বর ১৯৭৬ ফাওবা কেন্দ্রগী কমর্সকী উপ-মন্ত্রী, নবেম্বর ১৯৭৬ তগী মার্চ ১৯৭৭ ফাওবা কেন্দ্রগী কমর্সকী রাজ্য মন্ত্রী, ১৯৮০গী জনুৱারী ৩ – জুলাই ২৬ ফাওবা এম পি (লোক সভা) ওইরম্মি। মহাক ১৯৮০গী জুন ৯দগী ১৯৮২গী জুন ২৮ ফাওবা উত্তর প্রদেশকী মুখ্য মন্ত্রী, ১৯৮০গী নবেম্বর ২১দগী ১৯৮১গী জুন ১৪ ফাওবা উত্তর প্রদেশ লেজিসলেতিব কাউন্সিলগী মীহুৎ, ১৯৮১গী জুন ১৫দগী ১৯৮৩গী জুলাই ১৬ ফাওবা উত্তর প্রদেশ বিধান সভাগী মীহুৎ ওইখি।
মহাক ১৯৮৩গী জনুৱারী ২৯দা কেন্দ্রগী কমর্স মন্ত্রী ওইরম্মি অমসুং ১৯৮৩গী ফেব্রুৱারী ১৫দগী সপ্লাই বিভাগকী অহেনবা ফমসু পুরম্মি। মহাক ১৯৮৩গী জুলাই ১৬তগী এম পি (রাজ্য সভা) ওইখি। মহাকপু ১৯৮৪গী সেপ্তেম্বর ১দা উত্তর প্রদেস কংগ্রেস কমিতীগী প্রসিদেন্ত খনখি অমসুং ১৯৮৪গী দিসেম্বর ৩১দা কেন্দ্রগী শেল থুমগী মন্ত্রী ওইখি।
