ভারতকী প্রধানমন্ত্রী

শ্রী চরণ সিংহ ১৯০২দা উত্তর প্রদেশকী মিরৎ জিলাগী নূরপুরদা ময়াই ওইরপ্পা লৌমী ইমুং অমদা পোকখি। মহাক্না ১৯২৩দা সাইন্সতা গ্রেজুএত লোইশিনখি অমসুং ১৯২৫দা আগরা য়ুনিবর্সিতীদা মাস্তরগী দিগ্রী ফংখি। লোগী ত্রেনীংসু ফংদুনা গাজিয়াবাদতা প্রেক্তিস তৌখি। ১৯২৯দা মহাক মেরুত্তা লাকখি অমসুং মতুংদা কোংগ্রেসতা য়াওখি।

মহাক ইহান হানবদা ১৯৩৭দা ছপরৌলীদগী উত্তর প্রদেশ বিধান সভাগীদমক খনখি অমসুং ১৯৪৬, ১৯৫২, ১৯৬২ অমসুং ১৯৬৭তা বিধান সভাদা মহাক্কী কেন্দ্রগী মীহুৎ ওইখি। মহাক ১৯৪৬তা পন্দিৎ গোবিন্দ বল্লভ পন্তকী সরকারদা পার্লিয়ামেন্তরী সেক্রেতরী ওইখি অমসুং রেভেন্যু, মেদিকেল অমসুং পাব্লিক হেল্থ, জস্তিস, ইনফোর্মেসন্নচিংবা বিভাগ কয়াগী থৌ পুরম্মি। মতুংদা 1954দা মহাক দাঃ সম্পুর্ণানন্দগী মন্ত্রী মন্দলদা রেভেন্যু অমসুং লৌউ-শিংউগী মন্ত্রী ওইখি। ১৯৫৯গী এপ্রিলদা মহাক্না ফম থাদোকখিবা মতম অদুদা মহাক রেভেন্যু অমসুং ত্রান্সপোর্ত বিভাগ পুরম্মি।

শ্রী সি বি গুপ্তাগী মন্ত্রালয়দা য়ুম্লৈ কৈরৈ অমসুং লৌউ-শিংউ মন্ত্রী (১৯৬০) ওইখি। শ্রীমতী সুচেতা কৃপলানীগী মন্ত্রালয়দা লৌউ-শিংউ অমসুং উমংগী মন্ত্রী (১৯৬২-৬৩) ওইখি। মহাক্না ১৯৬৫দা লৌউ-শিংউ বিভাগকী থৌ পুখি।

কোংগ্রেস মচেৎ তারবা মতুংদা ১৯৭০গী ফেব্রুৱারীদা অনীরকশুবা ওইনা মহাক কোংগ্রেস পার্তীগী মতেংদগী উত্তর প্রদেশকী মুখ্য মন্ত্রী ওইখি। অদুম ওইনমক ১৯৭০গী ওক্তোবর ২দা রাজ্যদা প্রসিদেন্ত রুল থমখি।

শ্রী চরণ সিংহনা তোঙান তোঙানবা ফমশিং পাইরদুনা উত্তর প্রদেশকী সেবা তৌখি অমসুং মহাকপু লৈঙাকপদা চেকশিনবা, নেপ্তোতিজম অমসুং শেঞ্জা থুমজা য়াদবা লুচিংবা অমা ওইনা মমিং চৎখি। মতিক মগুন লৈবা এম পি অমসুং হৈথোই শিংথোইবা শ্রী চরণ সিংহ মহাক্কী ৱাঙাং থৌবা অমসুং চেৎনা থাজগনবগীদমক খঙনখি।

মহাক উত্তর প্রদেশকী লেন্দ রিফোর্মগী চীফ আর্কিতেক্নি, খুঙ্গংগী শেন্দোনবশিংদা কান্নবা পীবা দিপার্মেন্তেল রিদেমসন বীল ১৯৩৯ শেম শাবা অমসুং মসিগী অরোইবা মশক লেপ্পদা মহাক্কী মরু ওইবা থৌদাং য়াওখি। মহাক্না পাইখৎখিবা অনৌবা খোংথাং অদুমক্না উত্তর প্রদেশকী মন্ত্রীশিংগী তলব অমসুং মখোয়না ফংবা অতৈ কান্নবশিং অদু য়াম্না হন্থহনখি। মুখ্য মন্ত্রী ওইনা লেন্দ হোল্দীং এক্ত ১৯৬০ পুরকপদসু মহাক্কী মরু ওইবা থৌদাং য়াওখি। রাজ্য অপুনবদা মান্নবা পুরক্নবগীদমক এক্ত অসি লম লৌশিনবগী অহেনবা ঙমখৈ অদু হন্থহন্নবগী পান্দমদা শেমখিবনি।

লৈবাক অসিদা মীয়ামগী মরক্তা লৈরগা অরাইবা মওংদা থবক তৌদুনা য়াম্না অফাওবা অমা ওইখিবা অসিগুম্বা লুচিংবা অসি মশিং খরা খক্তনি। কৎথোক্লবা মীয়ামগী থবক তৌবা অমসুং সোসিয়েল জস্তিসতা অচেৎপা থাজবা থম্বা শ্রী চরণ সিংহনা লৌমী লাক্ষ কয়াগী মরক্তা লৈদুনা ফংখিবা থাজবা অদুদগী পাঙ্গল ফনা য়াম্না ফংখি।

শ্রী চৌধরী চরণ সিংহ য়াম্না চম্বা পুন্সি মহিংদা হিংখি অমসুং মহাক্কী হাংলবা মতমদা ইবা অমসুং পাদুনা লৈখি। মহাক্না লাইরিক কয়া অমসুং পেম্প্লেৎ কয়া ইখি মদুগী মনুংদা ‘এবোলিশন ওফ জমিন্দারী’, ‘কো-ওপরেতিব ফার্মিং এক্স-রেদ’, ‘ইন্দিয়ন্স পোবর্তী এন্দ ইত্স সোলুশন’, ‘পেজেন্ত প্রোপাইতর্শিপ ওর লেন্দ তু দ ৱাকর্স’ অমসুং ‘প্রিবেন্সন ওফ দিবিজন ওফ হোল্দিংস বিলো এ সর্তেন মিনিমম’ নচিংবা পনবা য়াই ।