ভারতকী প্রধানমন্ত্রী

পন্দিৎ জৱহরলাল নেহরুগী মচানুপী শ্রীমতী ইন্দিরা গান্ধী ১৯১৭কী নবেম্বর ১৯দা শক্নাইরবা ইমুং অমদা পোকখি। মহাক ইকোল নুভেল, বেক্স (স্বিৎজর্লেন্দ), ইকোল ইন্তর্নেস্নেল, জেনেবা, পুনা অমসুং বোম্বেদা লৈবা পুপিলস ওন স্কুল, বেদমিন্তন স্কুল, ব্রিস্টোল, বিশ্ব ভারতী, শান্তি নিকেতন অমসুং সমরবিল্লে কোলেজ, ওক্সফোর্দনচিংবা অথোইবা মহৈ তমফমশিংদা তমলকখি। মহাক মালেম পুম্বগী খ্বাইদগী ফবা য়ুনিবর্সিতীশিংনা দোক্তরেৎ দিগ্রী পীদুনা ইকাই খুম্নবা উৎখি। মগুন লৈবা একাদমিক বেকগ্রাউন্দনা মরম ওইদুনা মহাকপু কোলম্বিয়া য়ুনিবর্সিতীনা সাইতেসন ওফ দিস্তিংসন পীখি। শ্রীমতী ইন্দিরা গান্ধী হৌরকপদগী হৌনা নীখা তম্বগী ইহৌদা শরুক য়ারকখি। অঙাং ওইরিঙৈদা মহাক্না ‘বাল চরখা সংঘ’ লিংখৎখি অমসুং নন-কোওপরেসন মুবমেন্তকী মতমদা কোংগ্রেস পার্তীগী মতেং পাংনবগীদমক্তা ১৯৩০দা অঙাংশিংগী মতেংদগী ‘বানর সেনা’ লিংখৎখি। ১৯৪২গী সেপ্তেম্বরদা মহাক জেলদা চংখি। ১৯৪৭দা মহাক্না গান্ধীজীগী লমজিং মখাদা দিল্লীগী ইরাংনা শোকহল্লবা মফমদা থবক তৌখি।

মহাক্না ১৯৪২গী মার্চকী তাং ২৬তা ফিরোজ গান্ধীগা লোইননা লুহোংখি। মখোয়গী মচানুপা অনি পোকখি। ১৯৫৫দা শ্রীমতী ইন্দিরা গান্ধী কোংগ্রেস ৱার্কিং কমিতী অমসুং পার্তীগী সেন্ত্রেল ইলেক্সন কমিতীগী মেম্বর ওইখি। ১৯৫৮দা মহাকপু কোংগ্রেসকী সেন্ত্রেল পার্লিয়ামেন্তরী বোর্দকী মেম্বর ওইনা খনখি। মহাক এ আই সি সিগী নেস্নেল ইন্তিগ্রেসন কাউন্সিলগী চিয়র্পারসন অমসুং ১৯৬৫দা ওল ইন্দিয়া য়ুথ কোংগ্রেস অমসুং এ আই সি সিগী নুপী বিভাগকী প্রসিদেন্ত ওইখি। মহাক চহি কুমজা ১৯৫৯দগী ১৯৬০ফাওবা ইন্দিয়ন নেস্নেল কংগ্রেসকী প্রসিদেন্ত ওইখি অমসুং ১৯৭৮গী জনুৱারীদা অমুক হন্না ফম পুখি।
মহাক ১৯৬৪ – ১৯৬৬ ফাওবা ইনফোর্মেসন অমসুং ব্রোদকাস্তিংগী মন্ত্রী ওইখি। অদুগী তুংদা ১৯৬৬কী জনুৱারীদগী ১৯৭৭কী মার্চ ফাওবা ভারতকী প্রধান মন্ত্রী ওইখি। মসিগা লোইননা মহাক্না ১৯৬৭কী সেপ্তেম্বরদগী ১৯৭৭কী মার্চ ফাওবা এতোমিক ইনর্জীগী মন্ত্রী ওইখি। মহাক্না ১৯৬৭কী সেপ্তেম্বর ৫দগী ১৯৬৯গী ফেব্রুৱারী ১৪ ফাওবা মপান থৌরম পুবা মন্ত্রীগী অহেনবা ফমসু পুখি। শ্রীমতী গান্ধীনা ১৯৭০গী জুন্দগী ১৯৭৩গী নবেম্বর ফাওবা য়ুম্লৈ কৈরৈ মন্ত্রালয় অমসুং ১৯৭২গী জুন্দগী ১৯৭৭গী মার্চ ফাওবা স্পেস মন্ত্রী ওইখি। ১৯৮০গী জনুৱারীদগী মহাক প্লান্নীং কমিসনগী চিয়র্পারসন ওইখি। ১৯৮০গী জনুৱারী ১৪দা মহাক অমুক হন্না প্রধানমন্ত্রী ওইখি।
শ্রীমতী ইন্দিরা গান্ধী কমলা নেহরু মেমোরিয়েল হোস্পিতাল, গান্ধী স্মারক নিধি অমসুং কস্তুরবা গান্ধী মেমোরিয়েল ত্রস্তকুম্বা সংস্থানশিংগী শম্নখি। মহাক স্বরাজ ভবন ত্রস্তকী চিয়র্পারসন ওইখি। ১৯৫৫দা বাল সহয়োগ, বাল ভবন বোর্দ অমসুং অঙাংশিংগী নেস্নেল ম্যুজিয়মগসু মরি লৈনখি। শ্রীমতী ইন্দিরা গান্ধীনা কমলা নেহরু বিদ্যালয় লিংখৎখি। মহাক ১৯৬৬-১৯৭৭তা জৱাহর লাল নেহরু য়ুনিবর্সিতী অমসুং নোর্থ-ইস্তর্ন য়ুনিবর্সিতীনচিংবা অচৌবা সংস্থান খরগসু লোইনখি। মহাক্না দিল্লী য়ুনিবর্সিতী কোর্ত, ১৯৬০-৬৪দা য়ুনেস্কোগী ইন্দিয়ন দিলিগেসন, য়ুনেস্কোগী এগজিক্যুতিব বোর্দ অমসুং ১৯৬২দা নেস্নেল দিফেন্স কাউন্সিলগী মেম্বর অমা ওইনা থবক তৌখি। মহাক সঙ্গীত নাতক একাদমী, নেস্নেল ইন্তিগ্রেসন কাউন্সিল, হিমালয়ন মাউন্তেন্যারিং ইন্সতিত্যুৎ, দক্ষিণ ভারত হিন্দী প্রচার সভা, নেহরু মেমোরিয়েল ম্যুজিয়ম অমসুং লাইব্রেরী সোসাইতী লোইননা জৱহরলাল নেহরু মেমোরিয়েল ফন্দগা মরি থমনখি।
১৯৬৪গী ওগস্তগী ১৯৬৭কী ফেব্রুৱারী ফাওবা শ্রীমতী গান্ধী রাজ্য সভাগী মীহুৎ ওইখি। মহাক ৫ শুবা অমসুং ৬ শুবা সেসনগী মতমদা লোক সভাগী মীহুৎ ওইখি। জনুৱারী ১৯৮০দা মহাক রায়বরেলী (উত্তর প্রদেশ) অমসুং মেদক (আন্ধ্র প্রদেশ)তগী ৭ শুবা লোক সভাগীদমক খনখি। মহাক্না রায়বরেলীগী সিত থাদোক্তুনা মেদক্তগী কারকপা সিত অদু খনখি। মহাক ১৯৬৭-৭৭তা অমসুং ১৯৮০গী জনুৱারীদা অমুক হন্না কোংগ্রেস পার্লিয়ামেন্তরী পার্তীগী লুচীংবী ওইনা খনখি।
তোঙান তোঙানবা হিরমশিংদা হৈনবী থম্বা শ্রী গান্ধীনা পুন্সিবু মপুং ওইবা থৌরম ওইনা খনখি মদুদা থবক অমসুং হৈনবী অসি মসিগী তোঙান্না খাইদোকপা য়াদ্রবা নত্রগা তোঙান তোঙানবা থাক্তা থম্বা য়াদবা তোঙান তোঙানবা মাইথোংনি হায়না লৌখি।
মহাক্না মহাক্কী পুন্সিদা মাই পাকপা কয়া ফংখি। মহাকপু ১৯৭২দা ভারত রত্ন মনা, ১৯৭২দা বাঙ্গলাদেশকী নীং খা তম্বগীদমক মেক্সিকান একাদমী এৱার্দ, ১৯৭৩দা এ এফ ওগী অনীশুবা এনুএল মেদল অমসুং ১৯৭৬তা নাগরী প্রচারিণী সভানা সাহিত্য বাচপতি (হিন্দী) পীদুনা ইকাই খুম্নখি। ১৯৫৩দা শ্রীমতী গান্ধীবু অমেরিকানা মাদর এৱার্দ, দিপ্লোমেসীগী থবক্তা থোইদোক হেন্দোকপগীদমক্তা ইতলীনা ইসাবেলা দি’এস্তে এৱার্দ অমসুং য়েল য়ুনিবর্সিতীনা হোলেন্দ মেমোরিয়েল প্রাইজ পীদুনা ইকাই খুম্নখি। ফ্রান্স ইন্সতিত্যুৎ ওফ পাব্লিক ওপিনিয়নগী মতুং ইন্না মহাক ১৯৬৭অমসুং ১৯৬৮দা ফ্রান্সকী খ্বাইদগী মমিং চৎপী নুপী ওইখি। ১৯৭১দা অমেরিকা অমসুং অখন্নবা গেলপ পোল সর্ভেগী মতুং ইন্না মহাক মালেমগী খ্বাইদগী মমিং চৎপী নুপী ওইখি। শা-ষণ ঙাক শেনবগীদমক ১৯৭১দা অর্জেন্তিনা সোসাইতীনা মহাকপু দিপ্লোমা ওফ ওনর পীখি।
মহাক্কী মমিং চৎখিবা পাব্লিকেশনশিংগী মনুংদা ‘দ য়র্স ওফ চেলেঞ্জ’ (১৯৬৬-৬৯), ‘দ য়র্স ওফ এন্দিবর (১৯৬৮-৭২)’, ‘ইন্দিয়া (লন্দন) ১৯৭৯’, ‘ইন্দে (লৌসেন) ১৯৭৯’ অমসুং খুৎ-ই কয়া অমসুং স্পিচশিংগী তোঙান তোঙানবা খমজিনবশিং য়াওরি। মহাক্না ভারতকী মনুং অমসুং মপান্দা মফম কয়াদা চৎখি। শ্রীমতী ইন্দিরা গান্ধীনা অফগানিস্তান, বাঙ্গলাদেশ, ভুতান, বর্মা, চীন, নেপাল অমসুং শ্রীলঙ্কানচিংবা য়ুম্লোন্নবা লৈবাকশিংদসু চৎখি। মহাক্না ফ্রান্স, জর্মন দেমোক্রেতিক রিপাব্লিক, ফেদরেল রিপাব্লিক ওফ জর্মনী, গুয়ানা, হঙ্গেরী, ইরান, ইরাক অমসুং ইতলীনচিংবা লৈবাকশিংদা ওফিসিয়েল ওইবা খোংচৎ চৎখি। শ্রীমতী গান্ধীনা অল্জেরীয়া, অর্জেন্তিনা, ওস্ত্রেলিয়া, ওস্ত্রিয়া, বেল্জিয়ম, ব্রাজীল, বুলগেরীয়া, কনাদা, চিলী, চেকোস্লোবাকিয়া, বোলীবিয়া অমসুং ইজিপনচিংবা লৈবাক কয়াদা চৎখি। মহাক ইন্দোনেসিয়া, জাপান, জমাইকা, কেন্যা, মলেশিয়া, মোরিসস, মেক্সিকো, নীদর্লেন্দ, ন্যুজীলেন্দ, নাইজেরীয়া, ওমান, পোলেন্দ, রোমানীয়া, সিঙ্গাপুর, স্বিজর্লেন্দ, সীরিয়া, স্বীদেন, তেঞ্জানীয়া, থাইলেন্দ, ত্রিনীদাদ অমসুং তোবেগো, য়ুনাইতেৎ আরব ইমিরেৎ, ব্রিতেন, অমেরিকা অমসুং সোভিয়েৎ য়ুনিয়ন, উরুগ্বে, বেনেজুএলা, য়ুগোস্লাবিয়া, জাম্বিয়া অমসুং জিম্বাব্বেনচিংবা লৈবাকশিংদা ওফিসিএল ওইবা খোংচৎ কয়া চৎখি। মহাক্না য়ু এন ওগী হেদ ক্বাতরদসু চৎখি।