ভারতকী প্রধানমন্ত্রী

প্রোফেসর পাউল মাইকেল রোমর, অমেরিকাগী ইকোনোমিস্ত

( Oct 20, 2024 )

"ভারত্তা দিজিতেল রিবোলুশন অসি সরকারনা খুন্নাইগী কাংলুপ খুদিংমকপু কান্নবা ফংহন্নবগীদমক শিজিন্নরিবা অসিগী মতাংদা য়াম্না মরু ওইরি। মসি শুপ্নগী অখন্নবা মীওইশিং খক্তদা কান্নবা পীবা খক্তা নত্তে, অমসুং ঐনা খল্লি মদুদি মসি মালেমগী অনম্বা অতোপ্পা লৈবাকশিংদগী য়াম্না তোঙাল্লি। মরম অসিনা ভারতকী মায় পাকপা অসি তোঙাল্লি অমসুং অতৈ লৈবাকশিংনা মসিদগী তম্বা য়াগনি হায়না ঐনা খল্লি।"

স্বপনিল কুসালে, শুতর অমসুং ওলিম্পিক মেদলিস্ত

( Aug 29, 2024 )

“ঐনা মেদল লৌরকখিবদা পি.এম. মোদীনা ঐঙোন্দা ফোন তৌরকখি অমসুং মহাক্কী অহানবা ৱাহৈ অসি ইমালোন মরাথীদা ঐঙোন্দা থাগৎপা ফোংদোরকপনা ওইখি। মসিদগী শান্নরোইশিংগী থাজবা অদুক্কী মতিক হেনগৎহল্লি। ঐখোয়গী লৈবাক অপুনবনা ঐখোয়বু শৌগৎলনি হায়না খল্লি।” “ওলিম্পিক্কীদমক ভারত থাদোক্ত্রিঙৈ মমাংদা ঐখোয়না পি.এম.গা মহাক্কী লৈফমদা উনখিবদা, ঐ অরোইবা পরেংদা ফমখি। মতমদুদসু মহাক্না ঐবু য়েংখি হায়বা ঐ খঙখিদে। অদুগা পেরিস্তা ঐনা মেদল লৌরবা মতুংদা ঐখোয়না ফোন্দা ৱারী শানবদা, মহাক্না নীংশিংলকখি মদুদি ঐ অরোইবা পরেংদা ফমখি। মহাক্কী ওবজর্বেশনগী স্কিল অসি মসিনি।”

অনুশ অগরৱাল, ইক্বেস্তরিয়ন

( Aug 29, 2024 )

“পেরিস ওলিম্পিক্কী থা খরগী মমাংদা এথলেৎশিংনা পি.এম. মোদীদগী চিথী ফংখি, মদুদা ঐখোয়দা মখল অমা হেক্তগী মতেংগীদমক হায়রক্নবা পুক্নীং থৌগৎপীখি, মদুদগী ঐখোয়গী নুংগী ওইবা থৌনা হেনগৎখি।” মহাক্না হায়, “প্রধান মন্ত্রীগী মফমদা এথলেৎশিংগী মরক্তা লৈরিবা অহোবশিং মেনশিন্নবা তোপ-তোপ্পা থৌওং অমা লৈ। “প্রধান মন্ত্রীনা হংখি, ‘অদোম ময়ামগী মনুংদা খ্বাইদগী অঙাং ওইরিবসি কনানো? নখোয় কয়ানা অহানবা ওইনা ওলিম্পিক্তা শরুক য়াগদৌরিবনো? মফমসিদা ওলিমপিক 2 নত্ত্রগা 3লক শরুক য়ারুরবা কনা য়াওবগে?’ “ মহাক্না এক্সপিরিএন্স লৈরবা এথলেৎশিংনা জুনিয়রশিংদা মখোয়গী খঙ-হৈবা অদু শিয়র তৌহনবা পামখি। কা অদু অনৌবা থৌনাতনা থনখি।”

লক্ষ্য সেন, বেদমিন্তন শান্নরোই

( Aug 28, 2024 )

“ঐহাক পি.এম. মোদীগা ৱারী শান্নবা য়াম্না পামজৈ। ঐনা মসি শিয়র তৌবা পামজৈ মদুদি ঐনা পেরিস্তগী হল্লকপদা, ঐনা পি.এম. মোদীদা ঐনা শান্নখিবা বেদমিন্তন রেকেৎ অদু পীখি। ঐঙোন্দগী রেকেৎ লৌরবা মতুংদা মহাক্না খ্বাইদগী ইহান হান্না ঐগী অখন্নবা বেকহেন্দ নো-লুক শোৎ শান্নবা হৌরকখি। অমসুং মহাক্না ঐঙোন্দা ঐহাক অসিগুম্বা মখলগী শোৎ শান্নবরা নত্ত্রগা শান্নদবরা হায়না হংখি। ঐহাক মহাক্কী অকুপ্পা ৱারোলশিংদা ৱাখল চংবা মতৌ অদুদা অঙকপা পোকখি। অদোম্না প্রধান মন্ত্রীগী মতেং ফংবা অসি য়াম্না নুংঙাই।”

দেনিস ফ্রান্সিস, UNGAগী 78শুবা মীফমগী প্রসিদেন্ত

( Aug 01, 2024 )

“ভারত হৌখিবা চহি মঙা নত্ত্রগা তরুক্তা শুপ্নগী স্মার্তফোন শিজিন্নবদগী মীওই মিলিয়ন 800বু লাইরবদগী লৌথোকপা ঙমখ্রে। ভারত্তা কৈদৌঙৈদসু বেঙ্কিং সিস্তেমগা অমুক্তা মরী লৈনরমদবা খুঙ্গংগী লৌমীশিংনা হৌজিক বিজিনেস পুম্নমক মখোয়গী স্মার্তফোন্দা তৌবা ঙম্লে। মখোয়না মখোয়গী বিলশিং থিরে অমসুং মখোয়গী ওর্দরশিংগী পেমেন্তশিং ফংলে…। মীওই মিলিয়ন 800 লাইরবদগী থোরকখ্রে মরমদি ভারত্তা ইন্তর্নেত অৱাংবা থাক্তা য়ৌরে অমসুং চাউরাক্না পুম্নমক্কী মফমদা সেলফোন লৈরে।”

ফাম মিনহ চিনহ, ভিএৎনামগী প্রধান মন্ত্রী

( Aug 01, 2024 )

হৌখিবা চহি 10দা পি.এম. মোদীগী লুচিং মখাদা ভারত অসি মালেমদা 5শুবা খ্বাইদগী চাউবা ইকোনোমী ওইরে, মালেমগী ওইনা মশক থোকপা থৌদাং লৌরিবা মকোক থোংবা শক্তিশিংগী মনুংদা অমা ওইরে অমসুং মশাগী মশক তাক্লে। BJPগী লীদরশিপ অমসুং প্রধান মন্ত্রীনা ভারতকী মীয়ামদা অচৌবা কান্নবা কয়া পুরকখ্রে।

জোং-হীহেন, সেমসুং ইলেক্ত্রোনিক্সকী CEO অমসুং ভাইস-চিয়রমেন

( Jul 30, 2024 )

ভারত্তা তেক্নোলোজীগী লমদা হৈথোই-শিংথোইরবা নহা ওইরিবা কঞ্জ্যুমরশিংগী চাউরবা পোপুলেশন লৈ মসিনা ঐখোয়দা ইনোবেৎকীদমক ইথিল পোকহল্লি। ঐনা চাউথোকচৈ মদুদি নহা কয়ানা, এন্তর্প্রাইজিং ইঞ্জিনীয়রশিংনা ভারত্তা ঐখোয়গী R&D সেন্তরশিংদা থবক তৌরি মসিনা AIগী দিবেলপমেন্ততা মরুওইবা থৌদাং য়ারি।

রনবীর কপুর, ভারতকী এক্তর

( Jul 27, 2024 )

ঐখোয় পুম্নমক – এক্তর অমসুং দাইরেক্তরশিংনা চহি 4-5গী মমাংদা প্রধান মন্ত্রী নরেন্দ্র মোদীগা উনবা চৎখি। অদোম্না মহাকপু তেলিবিজন্দা উই, মহাক্না করম্না ৱা ঙাংই হায়বদু অদোম্না উরে - মহাক অফাওবা ৱাঙাংলোই অমনি। ঐখোয়না ফমদুনা লৈবা অমসুং মহাক্না চংলকখিবা মিৎকুপ অদু ঐ নীংশিংলি। মঙোন্দা য়োৎচাবীগুম্বা অমা য়াওরি…। পি.এম. মোদীনা মীপুম খুদিংমক্কা য়াম্না লনাই ওইনা ৱারী শানৈ। ঐগী বাবা মতম অদুদা লায়েং চৎথরম্মি, অদুনা মহাক্না ঐঙোন্দা লায়েং করম চৎথরি, করি তৌরি পুম্নমক অসি হংখি। মহাক্না আলিয়াদা অতোপ্পা হিরম অমদা ৱারী শাখি, বিক্কী কৌশলগী অতোপ্পা হিরম অমদা ৱারী শাখি, করন জৌহরগা অতোপ্পা হিরম অমদা ৱারী শানখি অসিনচিংবা। পুম্নমক লনাই ওইননি। অসিগুম্বা মখলগী হোৎনবা অসি অফাওবা মীওইশিংদতা উই।

কুমার মঙ্গলম বির্লা, চীয়রমেন, অদিত্য বির্লা গ্রুপ

( Jul 24, 2024 )

"বজেত ২০২৪ অসি মখা চত্থবা অমসুং তংদু লৈতাববু শক্তি পীরিবা ৱারোল অমনি। লৈঙাক অসিনা ফিস্কাল দিসিপ্লিন ঙাক্লি, লৈঙাক্না রিফোর্ম কয়া পুরক্নবা হোৎনরি, অমসুং কাংলুপ খুদিংমক্না তুং কোইনা চাউখৎহইন্নবা ইক্বিতীগী ৱাখল্লোন চেল্লি হায়বা তাক্লি। মসিনা ভারতপু ২০৪৭ ফাওবদা চাউখৎলবা লৈবাক অমা ওইহন্নবগী য়ুম্ফম থোনগদবা মরুওইবা মফম মাপন তাক্লি।"

ফালগুনি নায়র, নাইকা CEO

( Jul 24, 2024 )

“বজেত অসিনা ভারতকী ফেবল ওইরম্বা কঞ্জুমসন্না পুবা চাউখৎপগী ৱারীবু কোইনা ঙাক শেল্লগনি। থবক অমসুং স্কিল শেম্বগা লোইননা চাং নাইবা কেপেক্স অর্বান রিন্যুএল অমসুং ইনফ্রাস্ত্রকচর শাগৎপদা লৈবনা মলতিপ্লাইয়র ইফেক্ত লাক্কনি, মসিনা কঞ্জুমসন্দা ব্রোদ বেজ পিক অপ পুগনি।”