পি.এম. কেয়র্স ফন্দগী মরমদা

ঐখোয়গী মরমদাঃ

কোবিদ-19গী লাইচৎনা থোকহনবা খুদোংচাদবা অমসুং অৱাবা তারবশিংদা তেংবাংবগুম্বা ইমর্জেন্সী নত্ত্রগা অৱা-অনা থোকপা মতমশিংগা মাইয়োক্নবগী মরু ওইবা পান্দমগী মখাদা দেদিকেতেদ ফন্দ অমা লৈবগী তঙাই ফদবশিং খন্নদুনা “প্রধান মন্ত্রীগী ইমর্জেন্সী সিচুএসন ফন্দদগী মীয়ামদা তেংবাংবা” (প্রাইম মিনিস্তর্স সিতিজন এসিস্তেন্স এন্দ রিলীফ ইন ইমর্জেন্সী সিচুএসন ফন্দ – পি.এম. কেয়র্সফন্দ) হায়না মিংথোনবা পব্লিক চেরিতেবল ত্রস্ত অমা শেমখি। পি.এম. কেয়র্স ফন্দ অসি পব্লিক চেরিতেবল ত্রস্ত অমা ওইনা রেজিস্তর তৌবনি। পি.এম. কেয়র্স ফন্দগী ত্রস্ত দীদ অসি রেজিস্ত্রেসন এক্ত, 1908কী মখাদা নই দিল্লীদা মার্চ 27, 2020দা রেসজিস্তর তৌখিবনি।

ওনলাইন্দা দোনেত তৌনবা মফম অসিদা ক্লিক তৌবীয়ু.

পান্দমশিং:

হেল্থকেয়র নত্ত্রগা ফার্মাস্যুতিকেল ফেসিলিতী, তঙাই ফদবা অতোপ্পা ইনফ্রাস্ত্রকচর শেম্বা নত্ত্রগা ফগৎহনবা, মরী লৈনবা রিসর্চশিংদা তেংবাংবা নত্ত্রগা অতোপ্পা তেংবাং মখল কয়া পীবা য়াওনা পব্লিক হেল্থ ইমর্জেন্সী নত্ত্রগা অতোপ্পা মখলগী ইমর্জেন্সী, মীওইবা নত্ত্রগা মহৌশানা মরম ওইদুনা থোকপা অৱা-অনাগা মরী লৈনবা থৌওংশিংদা তেংবাং পীবা।

অৱাবা তারবা মীয়ামদা তেংবাংবগীদমক্তা মথৌ তাই হায়না বোর্দ ওফ ত্রস্তীশিংনা লেপ্পগী মতুং ইন্না শেলগী তেংবাং পীবা, শেলগী গ্রান্ত পীবা নত্ত্রগা অতোপ্পা থবক পায়খৎপা।

মথক্তা পীরিবা ৱাফম অসিগা মরী লৈনবা অতোপ্পা থবকশিং পায়খৎপা।

ত্রস্ত অসিগী সংবিধান:

প্রধান মন্ত্রীনা পি.এম. কেয়র্স ফন্দগী এক্স ওফিসিও চেয়র্মেন অমসুং ভারত সরকারগী ঙাক-শেল মন্ত্রী, গৃহ মন্ত্রী অমসুং শেল-থুম মন্ত্রীনা ফন্দ অসিগী এক্স ওফিসিও ত্রস্তীশিংনি।

বোর্দ ওফ ত্রস্তীগী চেয়রপর্সন (প্রধান মন্ত্রী)না বোর্দ ওফ ত্রস্তী অসিদা ত্রস্তী অহুম হাপ্পগী শক্তি লৈগনি অমসুং হায়রিবা ত্রস্তীশিং অসি রিসর্চ, হকশেল, সাইন্স, সোসিএল ৱর্ক, লো, পব্লিক এদমিনিস্ত্রেসন অমসুং ফিলান্থ্রোপীগী লমদা মশক নাইবা মীওই ওইগদবনি।

ত্রস্তী ওইনা খল্লবা মীওই অমা হেক্তনা প্রো বোনো কেপাসিতীদা থবক তৌগদবনি।

অতোপ্পা ৱারোলশিং:

ফন্দ অসিদা মীওই মশা/লুপশিংনা মশানা য়ানা পীরকপা শেলগী তেংবাং খক্তমক লৈগনি অমসুং বজেত্তগী মতেং অমত্তা ফংলোই। ফন্দ অসি মথক্তা পনখ্রিবা পান্দমশিং অসি ফংবা ঙম্নবা পাংথোকপা থবকখক্তদা শিজিন্নগনি।

পি.এম. কেয়র্স ফন্দদা শেলগী তেংবাং পীরকপশিংনা ইনকম তেক্স এক্ত, 1961গী মখাদা লৈবা 100% একজেম্পসনগী 80Gগী কান্নবশিং ফংগনি। পি.এম. কেয়র্স ফন্দদা তেংবাংলকপা খুদিংমক কম্পেনীজ এক্ত, 2013গী মখাদা কোর্পোরেত সোসিএল রেস্পোন্সিবিলিতী (CSR) হায়না লৌগনি।

পি.এম. কেয়র্স ফন্দ অসিনা FCRAগী মখাদা একজেম্পসনসু ফংলে অমসুং মীরম লৈবাক্তগী লাকপা দোনেসন লৌনবা তোঙানবা একাউন্ত অমসু হাংদোকখ্রে। মসিনা পি.এম. কেয়র্স ফন্দনা মীরম লৈবাক্তা লৈবা মীওই অমসুং লুপশিংদগী দোনেসন অমসুং তেংবাং ফংবা য়াহল্লি। থৌওং অসি প্রধান মন্ত্রীগী নেস্নেল রিলীফ ফন্দ (PMNRF)গা মান্ননা পাংথোকপনি। PMNRFনা ইং 2011দগী হৌদুনা মীরম লৈবাক্তগী তেংবাং ফংদুনা লাক্লি।

পি.এম. কেয়র্স ফন্দগী মখাদা ইং 2020-21দা লুপা করোর 7013.99 খোমগৎপা ঙমখি।