নেস্নেল দিফেন্স ফন্দ

জাতিগী ঙাক-শেলগী থৌরাং ফগৎহন্নবগীদমক শেনগং অমসুং পোৎলমশিং ওইনা ফংবা ভোলুন্তরী দোনেসনশিংগী থৌ পুনবা অমসুং মদুবু শিজিন্ননবগী ৱারেপ লৌনবা নেস্নেল দিফেন্স ফন্দ শেমখি। ফন্দ অসি আর্ম ফোর্সশিং (পেরা মিলিতরী ফোর্সশিং য়াওনা)গী মীওইশিং অমসুং মখোয়গী মখা থাবশিংগী য়াইফ-থৌরাংগীদমক পাইখৎপনি। ফন্দ অসি প্রধান মন্ত্রীনা চেরপার্সন ওইবা লোইননা ঙাকশেল অমসুং য়ুমলৈ-কৈরৈ মন্ত্রীনা মীহুৎ ওইবা এগজিক্যুতিব কমিতী অমনা চলাইবনি। শেল-থুম মন্ত্রীনা ফন্দ অসিগী ত্রেজরর ওই অমসুং প্রধান মন্ত্রী ওফিসকী জোইন্ত সেক্রেতরীনা এগজিক্যুতিব কমিতীগী সেক্রেতরীনি। ফন্দ অসিগী অকাউন্ত রিজার্ব বেঙ্ক ওফ ইন্দিয়াদা থম্মি। ফন্দ অসি শুপ্নগী মীয়াম্না খাইরকপা অদুদগী শেম্বনি অমসুং মসিদা করিগুম্বা বজেৎকী ওইবা মতেং অমত্তা ফংবা লৈতে। ফন্দ অসিগীদমক ওনলাইন্দা মতেং পাংলকপা লৌই। অসিগুম্বা মখলগী তেংবাং pmindia.nic.in, pmindia.gov.in ৱেবসাইৎশিং লোইননা স্তেৎ বেঙ্ক ওফ ইন্দিয়াগী ৱেবসাইৎ www.onlinesbi.comগী খুৎথাংদা পীরকপা য়াই। কলেক্সন অকাউন্ত নম্বর অসি ১১০৮৪২৩৯৭৯৯নি মসি স্তেৎ বেঙ্ক ওফ ইন্দিয়া, ইন্সতিত্যুস্নেল দিবিজন, মরিশুবা মথোল, পার্লিয়ামেন্ত স্ত্রিৎ, নই দিল্লীদা লৈ।

ফন্দ অসিদা পার্মানেন্ত অকাউন্ত নম্বর (পান) – AAAGN0009Fসু পীরে।

এন দি এফকী হৌখিবা চহি মঙাগী চাগা অমসুং চাদিংগী ৱারোল মখাদা পীরিঃ-

(লুপা কোতিদা)

31.03.2020	54.62	103.04	1249.96
31.03.2021	52.51	87.04	1284.49
31.03.2022	70.75	90.64	1304.38
31.03.2023	77.76	110.74	1337.36
31.03.2024	60.43	119.29	1396.22

নেস্নেল দিফেন্স ফন্দগী মখাদা পাইখৎপা স্কিমশিং:-

১. আর্ম ফোর্স অমসুং পেরা মিলিতরী ফোর্সশিংগী লৈখিদ্রবা মীওইশিংগী লোইনবী লুখ্রাবী অমসুং মখা তাবশিংগী তেক্নিকেল অমসুং পোস্ত গ্রেজুএৎকী মহৈ-মশিং তম্বদা পুক্নীং থৌগৎনবগীদমক স্কোলরশিপ অমা হৌদোকলে। স্কিম অসি আর্ম ফোর্সকা মরি লৈনবা লমশিংদা এক্স-সর্বিসমেন ৱেলফ্যার বিভাগ, ঙাক-শেলগী মন্ত্রালয়না থবক পাইখৎলি। হৌজিক ফাওবদা পেরামিলিতরী ফোর্স অমসুং রেলৱে প্রোতেক্সন ফোর্সকা মরি লৈনবা লমশিংদা স্কিম অসি মথংশিৎনা য়ুমলৈ-কৈরৈ মন্ত্রালয় অমসুং রেল মন্ত্রালয়না থবক পাইখৎলি।

নেস্নেল দিফেন্স ফন্দদগী থবক পাইখৎলিবা “প্রধান মন্ত্রীগী স্কোলরশিপ স্কিম”গী মরুওইবা শক্তমশিং-

১. স্কিম অসি আর্ম ফোর্সশিং (পেরামিলিতরী ফোর্সশিং য়াওনা)দা চৎনগনি। থাগী স্কোলরশিপ (ক) এক্স-সর্বিসকী মীওইশিং (ওফিসর রেঙ্ককী মখাদা লৈবশিংতমক), (খ) মখোয়গী লুখ্রাবীশিং, (গ) মথৌ পাংথোক্লিঙৈদা লৈখিদবশিংগী লুখ্রাবীশিং অমসুং (ঘ) পেরামিলিতরী ফোর্স অমসুং রেলৱে প্রোতেক্সন ফোর্সশিংগী থবক তৌবগী মতম লৈরিঙৈ মনুংদা লৈখিদবা মীওইশিংগী লুখ্রাবীশিংদা পীগনি। স্কোলরশিপ অসি তেক্নিকেল ইন্সতিত্যুৎশিং (মেদিকেল, দেন্তেল, ভেতেরিনরী, ইঞ্জিনিয়ারিং, এম বি এ অমসুং এ আই সি তি ই / য়ু জি সিনা অয়াবা পীরবা অতৈ মান্নবা তেক্নিকেল প্রোফেসনশিং)দা ফংগনি। লুখ্রাবীশিংগী মখা থাবশিং অমসুং মথক্তা (খ) অমসুং (গ)দা পনখ্রিবা মরমশিংনা থবক তৌরিঙৈ মনুংদা লৈখিদবা লুখ্রাবীশিংগীদমক্তদি রেঙ্ককী অথিংবা অমত্তা লৈরোই। স্কিম অসি পেরামিলিতরী ফোর্স পুম্নমক্কী মখা তাবা মীওইশিংদসু চৎনগনি। মতৌ অসুম্না স্কোলরশিপ ৪০০০ ঙাক-শেল মন্ত্রালয়না য়েংশিনবা ফোর্সশিংগী লৈগনি অমসুং স্কোলরশিপ ৯১০না য়ুমলৈ-কৈরৈ মন্ত্রালয় অমসুং স্কোলরশিপ ৯০না রেল মন্ত্রালয়না য়েংশিনবা ফোর্সশিংগী লৈগনি। অদুম ওইনমক একাদমিক য়র ২০১৫-১৬তগী অনৌবা স্কোলরশিপকী মশিং হেনগৎহনখ্রে। মসিগী মখাদা ঙাক-শেল মন্ত্রালয়না চলাইবা ফোর্সশিংগী থবক্তগী পোৎথারবা লান্মীশিংগী মচা-মশুশিংগীদমক্তা ৫৫০০, য়ুমলৈ-কৈরৈ মন্ত্রালয়না চলাইবা ফোর্সশিংগী মচা-মশুশিংগীদমক্তা ২০০০ অমসুং রেল মন্ত্রালয়না চলাইবা ফোর্সশিংগী মচা-মশুশিংগীদমক্তা ১৫০ ওইহনখ্রে। হৌরকপদা স্কোলরশিপ অসি নুপা মচাশিংদা থাদা লুপা ১২৫০ অমসুং নুপী মচাশিংদা থাদা ১৫০০ ওইরম্মি। স্কোলরশিপ অসি হেনগৎহন্দুনা নুপা মচাশিংগীনা থাদা ২০০০ অদুগা নুপী মচাশিংগীনা থাদা লুপা ২২৫০ ওইরে।

২. এস পি জি ফেমিলী ৱেলফের ফন্দদা মখোয়গী থৌমীশিং অমসুং মখোয়গী ইমুং-মনুংগী য়াইফনবগীদমক তোঙান তোঙানবা য়াইফ-থৌরাংশিং পাইখৎপা ঙম্নবগীদমক লুপা লাখ ১৫গী চহিগী গ্রান্ত থাদোকখ্রে।

৩. দিফেন্স সর্বিস অহুম (আর্মী, নেভী অমসুং এয়র ফোর্স) অমসুং কোস্ত গার্দকী মীওইশিংগীদমক্তা লাইরিকশিং অমসুং অতৈ পাননবা মচাকশিং লৈনবগীদমক চহিগী গ্রান্তশিং ঙাক-শেল মন্ত্রালয়দা থাদোকখ্রে। গ্রান্তকী লৈরিবা থাক অসি আর্মীগী লুপা লাখ ৫৫, এয়র ফোর্সকী লুপা লাখ ৩৭, নেভীগী লুপা লাখ ৩২ অমসুং কোস্ত গার্দকী লুপা লাখ ২.৫০নি। খ্বাইদগী নৌবা লুপা লাখ ১২৬.৫০গী গ্রান্ত, শেনবা চহি ২০১৭-১৮গীদমক থাদোকখ্রে।

(11.07.2024 তা অপদেৎ তৌবা)

হেন্না কুপ্পা ৱারোলগীদমক মখাগী অসিদা নম্বীয়ুঃ