ভারতকী প্রধানমন্ত্রী
১. ভারত সরকারগী (থবক শিন্দোকপা) কাংলোন, ১৯৬১ গী মখাদা প্রধান মন্ত্রীগী ওফিসকী সেন্ত্রেল পাব্লিক ইফোর্মেসন ওফিসর (সি পি আই ও)না ওফিস অসিগী মখাদা লৈবা নত্রগা মসিগা মরি লৈনবা সুপ্নগী ই-পাউ অদুখক্তমক ফংহনবা ঙম্মি।
২. কেন্দ্র সরকারগী মন্ত্রালয়শিং/বিভাগশিংগা মরি লৈনবা মতাংশিং
অ) আর তি আই এক্ত, ২০০৫গী মখাদা কনাগুম্বনা করিগুম্বা মখল অমগী ই-পাউ তাল্লবা অমসুং থবক অদু মরু ওইনা অতোপ্পা পব্লিক ওথোরিতীগা মরি লৈনরবদি অদুগুম্বা মতাংদা এপ্লিকেসন অদু অতোপ্পা পব্লিক ওথোরিতী অদুদা হোংদোকখিগনি। মরম অদুনা পাউতাক অসি খঙহল্লি মদুদি মন্ত্রালয় অমসুং বিভাগশিংগা মরি লৈনবা অখন্নবা হিরমশিংগী মতাংদা ই-পাউ লৌনবগীদমক এপ্লিকেসনশিং অদু মরি লৈনবা মন্ত্রালয়/বিভাগশিংগী পব্লিক ইনফোর্মেসন ওফিসরদা হকথেংননা থাগনি মরমদি মসিনা অদোমগী হায়জরকপা অদু মতম চানা য়েংশিনবা ঙমগনি। কেন্দ্র সরকারগী মন্ত্রালয়/বিভাগশিংগী থবক শিন্দোকপগী থৌওংদা করিগুম্বা মখলগী চীংনবা লৈরবদি এপ্লিকান্তনা ভারত সরকারগী (থবক শিন্দোকপা) কাংলোন, ১৯৬১ গী মখাদা মসিগী ই-পাউ ফংবা য়াগনি।
আ) অদুম ওইনমক, ই-পাউ লৌনবগীদমক্তা পাব্লিক অথোরিতী কয়া মরুমগা মরি লৈনরবদি (হায়বদি, মন্ত্রালয়/বিভাগ অমদগী হেল্লবা), অসিগুম্বা মখলগী অতৈ পাব্লিক অথোরিতীদা হোংলোই অমসুং অসিগুম্বা মতাংদা আরতিআই এপ্লিকান্তকী হায়জবা অদু খৎতোকপা য়াই।
৩. রাজ্য সরকার অমসুং য়ুনিয়ন তেরিতোরীশিংগা মরি লৈনবা মতাং: রাজ্য সরকার/য়ুনিয়ন তেরিতোরীশিংগা মরি লৈনবা ই-পাউগীদমক্তা, এপ্লিকান্তশিংদা মসি খঙহল্লি মদুদি মখোয়না মসিগীদমক্তা রাজ্য সরকার/য়ুনিয়ন তেরিতোরীশিংগী মরি লৈনবা পব্লিক ওথোরিতীশিংদা মখোয়গী এপ্লিকেসন পীশিনগদবনি।
৪. কেন্দ্র সরকারগী মন্ত্রালয়/বিভাগশিং নত্রগা রাজ্য সরকারগী মখাদা লৈবা পব্লিক ওথোরিতীশিংগা মরি লৈনবা ই-পাউগীদমক্তা এপ্লিকান্তনা জি ও আই ৱেব দাইরেক্তরী দা ফংবা মখোয়গী মরি লৈনবা ৱেবসাইৎ (শিং)কী দাইরেক্তরীগী মতেং লৌবসু য়াই।
৫. সি পি আই ও অসি প্রধান মন্ত্রীগী ওফিসকা মরি লৈনদবা অসিগুম্বা ই-পাউ অমা হেক্তা শেম্বগী হক লৈতে। সি পি আই ওনা মখাগীশিং অসি মথৌ তাবা ই-পাউ ফংহনবগী মথৌসু তাদেঃ
ক) ৱাখন্না শাগৎপা
খ) ওইথোকপা য়াবা শাগৎপা
গ) ই-পাউ শন্দোক্না তাকপা
ঘ) এপ্লিকান্তশিংনা থাংগৎলকপা সমস্যাশিং কোকহনবা;
ঙ) অতৈ পব্লিক ওথোরিতী(শিং)না ই-পাউ লৌবা; নত্রগা
চ) ৱাখলনা শাগৎপা ৱাহংশিংগী পাউখুম পীবা।
৬. প্রধান মন্ত্রী ওফিস অমসুং ওইথোকপা য়াবা মীয়ামগী কান্নবগা মরি লৈনবা ই-পাউ পুম্নমক পিএমওগী ৱেবসাইৎ তা”রাইৎ তু ইনফোর্মেসন” অমসুং অতৈ সেক্সনশিংদা ফংই। এপ্লিকান্তশিংদা খঙহল্লি মদুদি মখোয়না অফংবা ই-পাউ অদু শিজিন্ননবগীদমক ৱেবসাইৎ শিজিন্নবীয়ু মদুনা মথৌ তাদবা আর তি আই এপ্লিকেসনশিংদগী কঞ্জবা ঙমগনি।
৭. মখোয়গী ৱাকৎকী ফিভম খঙবা পাম্বা এপ্লিকান্তশিংগীদমক পীবা পাউতাক।
