പിഎം ഇന്ത്യ
ഡെപ്യൂട്ടി കമാന്‍ഡാന്‍റ് മുതല്‍ സ്‌പെഷ്യല്‍ ഡി.ജി. റാങ്ക് വരെ വിവിധ റാങ്കുകളിലായി 90 തസ്തികകള്‍ സൃഷ്ടിക്കുംവിധം സെന്‍ട്രല്‍ റിസര്‍വ് പൊലീസ് ഫോഴ്‌സി(സി.ആര്‍.പി.എഫ്)ലെ കാഡര്‍ പുതുക്കുന്നതിന് പ്രധാനമന്ത്രി ശ്രീ. നരേന്ദ്ര മോദിയുടെ അധ്യക്ഷതയില്‍ ചേര്‍ന്ന കേന്ദ്ര മന്ത്രിസഭാ യോഗം അനുമതി നല്‍കി. ഈ തസ്തികകള്‍ സൃഷ്ടിക്കുന്നത് സേനയുടെ ഭരണപരമായ പ്രവര്‍ത്തനവും പ്രവര്‍ത്തനമികവും ശേഷിവര്‍ധനയും മെച്ചപ്പെടാന്‍ സഹായകമാകും.
കാഡര്‍ പുതുക്കുന്നതിലൂടെ നിലവിലുള്ള ഗ്രൂപ്പ് ‘എ’ തസ്തികകള്‍ 4210ല്‍നിന്ന് 4300ലേക്ക് ഉയരും. താഴെ പറയും പ്രകാരമായിരിക്കും മാറ്റങ്ങള്‍.
1. സ്‌പെഷല്‍ ഡി.ജി(എച്ച്.എ.ജി.+ലെവല്‍)യുടെ ഒരു അധിക തസ്തിക.
2. ഇന്‍സ്‌പെക്ടര്‍ ജനറല്‍(എസ്.എ.ജി. ലെവല്‍)മാരുടെ ആകെ പോസ്റ്റുകളില്‍ 11 എണ്ണത്തിന്റെ വര്‍ധന.
3. ഡി.ഐ.ജി./കമാന്‍ഡന്റ്/2-1/സി (ജെ.എ.ജി. ലെവല്‍) തസ്തികകളില്‍ ആകെ 277 എണ്ണത്തിന്റെ വര്‍ധന.
4. ഡെപ്യൂട്ടി കമാന്‍ഡന്റു(എസ്.ടി.എസ്. ലെവല്‍)മാരുടെ ആകെ തസ്തികകളില്‍ 199 എണ്ണത്തിന്റെ കുറവ്.
