പിഎം ഇന്ത്യ

സാങ്കേതികവിദ്യ ജീവിതത്തെ ഗുണപരമായി സ്വാധീനിക്കുകയും പൗരന്മാരെ ശാക്തീകരിക്കുകയും ചെയ്യുന്നുവെന്ന് പ്രധാനമന്ത്രി ശ്രീ നരേന്ദ്ര മോദി പറഞ്ഞു. ഡിജിറ്റൽ ഇന്ത്യ ആരംഭിക്കുന്നതിന് മുമ്പ് അരുണാചൽ പ്രദേശിലെ ഷെർഗാവ് ഗ്രാമത്തിൽ ഒരൊറ്റ  മൊബൈൽ സേവന ദാതാവ് മാത്രം ഉണ്ടായിരുന്നിടത്തു് ഇപ്പോൾ  3 മൊബൈൽ സേവനദാതാക്കളുണ്ടെന്ന   രാജ്യസഭാ എംപി ശ്രീ നബാം റെബിയയുടെ ട്വീറ്റ് ത്രെഡുകളോട് പ്രതികരിക്കുകയായിരുന്നു ശ്രീ. മോദി.

നേരത്തെ, ഈ ഗ്രാമത്തിൽ എന്തെങ്കിലും  ആരോഗ്യപരമായ  അത്യാഹിതമുണ്ടായാൽ  ഡോക്ടറെ കാണാനും ഈ ഗ്രാമത്തിലേക്ക് കൊണ്ടുവരാനും ആളുകൾക്ക് ഇറ്റാനഗറിലേക്ക് റോഡ് മാർഗം യാത്ര ചെയ്യേണ്ടി വന്നിരുന്നുവെന്നും അദ്ദേഹം കൂട്ടിച്ചേർത്തു. ഇതിനായി  ഏകദേശം 3 ദിവസമെടുത്തിരുന്നു.  ഇന്ന് വീഡിയോ കോളിന്റെ  സഹായത്തോടെ ഡോക്ടറെ വിളിച്ചാൽ, ഉചിതമായ ചികിത്സയ്ക്കായി  ഡോക്ടർ  ഉടൻ മാർഗനിർദേശം നൽകുന്നു.   എല്ലാംകൂടി   30 മിനിറ്റിൽ താഴെ സമയം മതിയാകും.  കൂടാതെ, അരുണാചൽ പ്രദേശിലെ ജനങ്ങൾക്ക് ഇ-സഞ്ജീവ്നി പോർട്ടൽ ഒരു കുതിച്ചുചാട്ടമായി മാറിയെന്നും അദ്ദേഹം പറഞ്ഞു.

രാജ്യസഭാ എംപിയുടെ  വാക്കുകളോട് പ്രതികരിച്ചുകൊണ്ട് പ്രധാനമന്ത്രി ട്വീറ്റ് ചെയ്തു;

“സാങ്കേതികവിദ്യ ജീവിതത്തെ ഗുണപരമായി സ്വാധീനിക്കുകയും പൗരന്മാരെ ശാക്തീകരിക്കുകയും  ചെയ്യുന്നു.”

Technology is positively impacting lives and empowering citizens. https://t.co/UvEK4z1XY0

— Narendra Modi (@narendramodi) March 6, 2023

*****

-ND-