പിഎം ഇന്ത്യ
കോവിഡ് 19 മഹാമാരിയെക്കുറിച്ചും മേഖലയില്‍ അതു സൃഷ്ടിക്കുന്ന ആരോഗ്യ – സാമ്പത്തിക ആഘാതങ്ങളെക്കുറിച്ചും പ്രധാനമന്ത്രി ശ്രീ. നരേന്ദ്ര മോദി ശ്രീലങ്കൻ പ്രസിഡന്റ് ശ്രീ ഗോതബയ രാജപക്‌സയുമായി ടെലിഫോണില്‍ ചര്‍ച്ച നടത്തി.
മഹാമാരിയുടെ പ്രത്യാഘാതങ്ങള്‍ ലഘൂകരിക്കുന്നതിന് സാധ്യമായ എല്ലാ പിന്തുണയും ശ്രീലങ്കയ്ക്കു നല്‍കുന്നതു തുടരുമെന്ന് പ്രധാനമന്ത്രി ശ്രീലങ്കൻ പ്രസിഡന്റിന് ഉറപ്പു നല്‍കി.
സാമ്പത്തിക പ്രവര്‍ത്തനങ്ങള്‍ പുനരാരംഭിക്കുന്നതിനായി ശ്രീലങ്ക സര്‍ക്കാര്‍ സ്വീകരിച്ച നടപടികളെക്കുറിച്ച് പ്രസിഡന്റ് രാജപക്‌സ പ്രധാനമന്ത്രിയെ അറിയിച്ചു. ശ്രീലങ്കയില്‍ ഇന്ത്യയുടെ പിന്തുണയോടെയുള്ള വികസന പദ്ധതികള്‍ ത്വരിതപ്പെടുത്തേണ്ടതിന്റെ ആവശ്യകതയെക്കുറിച്ച് ഇരു നേതാക്കളും ധാരണയിലെത്തി. ശ്രീലങ്കയില്‍ ഇന്ത്യൻ സ്വകാര്യ മേഖലയുടെ നിക്ഷേപവും മൂല്യവര്‍ധനയും പ്രോത്സാഹിപ്പിക്കുന്നതിനുള്ള സാധ്യതകളെക്കുറിച്ചും അവര്‍ചര്‍ച്ച ചെയ്തു.
ശ്രീലങ്കയിലെ ജനങ്ങളുടെ ആരോഗ്യത്തിനും ക്ഷേമത്തിനും പ്രധാനമന്ത്രി ആശംസകള്‍ നേരുകയും ചെയ്തു.
Had an excellent talk with President @GotabayaR. Sri Lanka is fighting COVID-19 effectively under his leadership. India will continue to support our close maritime neighbour in dealing with the pandemic and its economic impact.
— Narendra Modi (@narendramodi) May 23, 2020
We agreed to accelerate Indian-assisted development projects in Sri Lanka, and also strengthen investment links.
— Narendra Modi (@narendramodi) May 23, 2020
