പിഎം ഇന്ത്യ

ഇന്ത്യയുടെ മൂന്നാമത്തെ ചാന്ദ്ര ദൗത്യമായ ചന്ദ്രയാൻ-3 ന്റെ പ്രാധാന്യം പ്രധാനമന്ത്രി ശ്രീ നരേന്ദ്ര മോദി അടിവരയിട്ടു.

ഒരു ട്വീറ്റിൽ പ്രധാനമന്ത്രി പറഞ്ഞു:

“ഇന്ത്യയുടെ ബഹിരാകാശ മേഖലയെ സംബന്ധിച്ചിടത്തോളം 2023 ജൂലൈ 14 എപ്പോഴും സുവർണ ലിപികളിൽ പതിഞ്ഞിരിക്കും. നമ്മുടെ മൂന്നാമത്തെ ചാന്ദ്ര ദൗത്യമായ ചന്ദ്രയാൻ -3 അതിന്റെ യാത്ര ആരംഭിക്കും. ഈ ശ്രദ്ധേയമായ ദൗത്യം നമ്മുടെ രാജ്യത്തിന്റെ പ്രതീക്ഷകളും സ്വപ്നങ്ങളും വഹിക്കും.
ഭ്രമണപഥം ഉയർത്തലുകൾക്ക്   ശേഷം ,  ചന്ദ്രയാൻ-3നെ  ചാന്ദ്ര ഭ്രമണപഥത്തിൽ  എത്തിക്കും.   300,000 കിലോമീറ്റർ പിന്നിട്ട ശേഷം  ഇത് വരും ആഴ്ചകളിൽ ചന്ദ്രനിലെത്തും. പേടകത്തിലുള്ള   ശാസ്ത്രീയ ഉപകരണങ്ങൾ ചന്ദ്രന്റെ ഉപരിതലത്തെ പഠിക്കുകയും നമ്മുടെ അറിവ് വർദ്ധിപ്പിക്കുകയും ചെയ്യും.

.നമ്മുടെ ശാസ്ത്രജ്ഞരുടെ  ശ്രമഫലമായി , ബഹിരാകാശ മേഖലയിൽ ഇന്ത്യയ്ക്ക് വളരെ സമ്പന്നമായ ചരിത്രമുണ്ട്. ചന്ദ്രനിൽ ജല തന്മാത്രകളുടെ സാന്നിധ്യം സ്ഥിരീകരിച്ചതിനാൽ ആഗോള ചാന്ദ്ര ദൗത്യങ്ങളിൽ ഒരു സവിശേഷ ദൗത്യമായി ചന്ദ്രയാൻ -1 കണക്കാക്കപ്പെടുന്നു. ലോകമെമ്പാടുമുള്ള 200-ലധികം ശാസ്ത്ര പ്രസിദ്ധീകരണങ്ങളിൽ ഇത് പരാമർശിക്കപ്പെട്ടു . 

ചന്ദ്രയാൻ-1 വരെ, ചന്ദ്രൻ , ഭൂമിശാസ്ത്രപരമായി നിർജ്ജീവവും,നിർജ്ജലവും,  വാസയോഗ്യമല്ലാത്തതുമായ ആകാശഗോളമാണെന്നാണ് വിശ്വസിച്ചിരുന്നത്. ഇപ്പോൾ, ജലത്തിന്റെയും  ഉപരിതല പാളികൾക്കിടയിൽ ഹിമത്തിന്റെയും സാന്നിധ്യമുള്ള ചലനാത്മകവും ഭൂമിശാസ്ത്രപരമായി സജീവവുമായ ഒരു ഗ്രഹമായി  ഇത് കണക്കാക്കപ്പെടുന്നു. ഒരുപക്ഷേ ഭാവിയിൽ, അത് ജനവാസത്തിന്  വരെ സാധ്യതയുള്ളതും !

ചന്ദ്രയാൻ-2ഉം  ഇത് പോലെ തന്നെ വഴിത്തിരിവുള്ളതായിരുന്നു, കാരണം അതുമായി ബന്ധപ്പെട്ട ഓർബിറ്ററിൽ നിന്ന്  റിമോട്ട് സെൻസിംഗിലൂടെ ലഭിച്ച  ഡാറ്റ  ആദ്യമായി ക്രോമിയം, മാംഗനീസ്, സോഡിയം എന്നിവയുടെ സാന്നിധ്യം കണ്ടെത്തി. ഇത് ചന്ദ്രന്റെ ദ്രവശിലാ  പരിണാമത്തെക്കുറിച്ച് കൂടുതൽ ഉൾക്കാഴ്ചകൾ നൽകി.

ചന്ദ്രയാൻ 2-ൽ നിന്നുള്ള പ്രധാന ശാസ്ത്രീയ ഫലങ്ങൾ, ചാന്ദ്ര ലവണത്തിനായുള്ള ആദ്യത്തെ ആഗോള ഭൂപടം, ഗർത്തത്തിന്റെ വലുപ്പ വിതരണത്തെക്കുറിച്ചുള്ള അറിവ് വർധിപ്പിക്കൽ, ഐഐആർഎസ് ഉപകരണം ഉപയോഗിച്ച് ചന്ദ്രന്റെ ഉപരിതല ജലത്തിന്റെ മഞ്ഞ് വ്യക്തമായി കണ്ടെത്തൽ എന്നിവയും അതിലേറെയും ഉൾപ്പെടുന്നു. ഈ ദൗത്യം ഏകദേശം 50 പ്രസിദ്ധീകരണങ്ങളിൽ ഇടം പിടിച്ചിട്ടുണ്ട് .

ചന്ദ്രയാൻ-3 ദൗത്യത്തിന് ആശംസകൾ! ഈ ദൗത്യത്തെക്കുറിച്ചും ബഹിരാകാശം, ശാസ്ത്രം, നവീനാശയങ്ങൾ  എന്നിവയിൽ നാം കൈവരിച്ച മുന്നേറ്റങ്ങളെക്കുറിച്ചും കൂടുതൽ അറിയാൻ ഞാൻ നിങ്ങളോട് അഭ്യർത്ഥിക്കുന്നു. അത് നിങ്ങൾക്കെല്ലാവർക്കും വളരെ അഭിമാനമേകും.”

14th July 2023 will always be etched in golden letters as far as India’s space sector is concerned. Chandrayaan-3, our third lunar mission, will embark on its journey. This remarkable mission will carry the hopes and dreams of our nation. pic.twitter.com/EYTcDphaES

— Narendra Modi (@narendramodi) July 14, 2023

***

ND