ಪಿಎಂಇಂಡಿಯಾ

ಹಿಂದಿನ ಜಿ – 20 17 ಅಧ್ಯಕ್ಷತೆಗಳಿಂದ ಗಮನಾರ್ಹ ಫಲಿತಾಂಶ ದೊರೆತಿದ್ದು, ಆರ್ಥಿಕ ಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳಲು ಅಂತರರಾಷ್ಟ್ರೀಯ ತೆರಿಗೆಯನ್ನು ತರ್ಕಬದ್ಧಗೊಳಿಸಲು, ದೇಶಗಳ ಮೇಲಿನ ಸಾಲದ ಹೊರೆಯನ್ನು ನಿವಾರಿಸಲು, ಇತರೆ ಅನೇಕ ಫಲಿತಾಂಶಗಳ ಜೊತೆಗೆ ಅನೇಕ ಸಾಧನೆಗಳಿಂದ ನಾವು ಪ್ರಯೋಜನ ಪಡೆದಿದ್ದೇವೆ ಮತ್ತು ಅವುಗಳ ಮೇಲೆ ನಾವು ಮತ್ತಷ್ಟು ನಿರ್ಮಿಸುತ್ತೇವೆ.

ಆದಾಗ್ಯೂ ಭಾರತ ಈ ಪ್ರಮುಖ ವಲಯದಲ್ಲಿ ಊಹಿಸಿದಂತೆ ನಾನು ನನ್ನನ್ನು ಕೇಳಿಕೊಳ್ಳುತ್ತೇನೆ, ಜಿ-20 ಇನ್ನೂ ಮುಂದೆ ಹೋಗಬಹುದೆ?. ಒಟ್ಟಾರೆ ಮಾನವೀಯತೆಗೆ ಪ್ರಯೋಜನವಾಗುವಂತೆ ನಾವು ಮೂಲಭೂತ ಮನಸ್ಥಿತಿಯಲ್ಲಿ ಬದಲಾವಣೆಯನ್ನು ವೇಗಗೊಳಿಸಬಹುದೇ?.

ನನಗೆ ನಂಬಿಕೆ ಇದೆ, ನಾವು ಇದನ್ನು ಸಾಧಿಸುತ್ತೇವೆ ಎಂದು.

ನಮ್ಮ ಪರಿಸ್ಥಿತಿಗಳಿಗೆ ಅನುಗುಣವಾಗಿ ನಮ್ಮ ಮನಸ್ಥಿತಿ ರೂಪುಗೊಳ್ಳುತ್ತವೆ. ಮಾನವೀಯತೆಯು ಇತಿಹಾಸದುದ್ದಕ್ಕೂ ಕೊರತೆಯಿಂದ ಬದುಕುತ್ತಿತ್ತು. ನಾವು ಸೀಮಿತ ಸಂಪನ್ಮೂಲಗಳಿಗಾಗಿ ಹೋರಾಡಿದ್ದೇವೆ, ಏಕೆಂದರೆ ನಮ್ಮ ಉಳಿವು ಇತರರಿಗೆ ನಿರಾಕರಣೆ ಮಾಡುವುದರ ಮೇಲೆ ಅವಲಂಬಿತವಾಗಿದೆ. ಸಂಘರ್ಷ ಮತ್ತು ಸ್ಪರ್ಧೆ – ಕಲ್ಪನೆಗಳು, ಸಿದ್ಧಾಂತಗಳು ಮತ್ತು ಗುರುತುಗಳ ನಡುವೆ ಇವೆಲ್ಲಾ ಆಚರಣೆಗೆ ಬಂದಿವೆ.    

ದುರದೃಷ್ಟವೆಂದರೆ ನಾವು ಇಂದಿಗೂ ಅದೇ ಶೂನ್ಯ – ಮೊತ್ತದ ಮನಸ್ಥಿತಿಯಲ್ಲಿ ಸಿಕ್ಕಿಬಿದ್ದಿದ್ದೇವೆ. ದೇಶಗಳು ಭೂ ಪ್ರದೇಶ ಅಥವಾ ಸಂಪನ್ಮೂಲಗಳ ಮೇಲೆ ಹೋರಾಟ ಮಾಡಿದಾಗ ಅದನ್ನು ನೋಡುತ್ತೇವೆ. ಅಗತ್ಯ ವಸ್ತುಗಳ ಸರಬರಾಜು ಶಸ್ತ್ರಸಜ್ಜಿತವಾದಾಗ ನಾವು ಅದನ್ನು ಗಮನಿಸುತ್ತೇವೆ. ಶತಕೋಟಿ ಸಮೂಹ ದುರ್ಬಲವಾಗಿದ್ದರೂ ಸಹ ಲಸಿಕೆಗಳನ್ನು  ಕೆಲವರು ದಾಸ್ತಾನು ಮಾಡಿಕೊಂಡಾಗ  ನಾವು ಅದಕ್ಕೆ ಸಾಕ್ಷಿಯಾಗುತ್ತೇವೆ.  

ಸಂಘರ್ಷ ಮತ್ತು ದುರಾಸೆ ಕೇವಲ ಮಾನವ ಸ್ವಭಾವ ಎಂದು ಕೆಲವರು ವಾದಿಸಬಹುದು. ಆದರೆ ನಾನು ಇದನ್ನು ಒಪ್ಪುವುದಿಲ್ಲ. ಮಾನವ ಸ್ವಾಭಾವಿಕವಾಗಿ ಸ್ವಾರ್ಥಿಯಾಗಿದ್ದರೆ ನಮ್ಮೆಲ್ಲರ ಮೂಲಭೂತ ಏಕತ್ವವನ್ನು ಪ್ರತಿಪಾದಿಸುವ ಅನೇಕ ಆಧ್ಮಾತ್ಮಿಕ ಸಂಪ್ರದಾಯಗಳು ನಮಗೆ ಏನನ್ನು ವಿವರಿಸುತ್ತವೆ.  

ಅಂತಹ ಒಂದು ಸಂಪ್ರದಾಯ ಭಾರತದಲ್ಲಿ ಜನಪ್ರಿಯವಾಗಿದ್ದು, ಎಲ್ಲ ಜೀವಿಗಳು ಮತ್ತು ನಿರ್ಜೀವ ವಸ್ತುಗಳು ಸಹ ಐದು ಮೂಲಭೂತ ಅಂಶಗಳಿಂದ ಕೂಡಿವೆ ಎಂದು ನೋಡುತ್ತದೆ – ಭೂಮಿ, ನೀರು, ಬೆಂಕಿ, ಗಾಳಿ ಮತ್ತು ಆಕಾಶವೆಂಬ ಪಂಚ ತತ್ವ. ಈ ಅಂಶಗಳ ನಡುವಿನ ಸಾಮರಸ್ಯ – ನಮ್ಮೊಳಗೆ ಮತ್ತು ನಮ್ಮ ನಡುವೆ, ನಮ್ಮ ದೈಹಿಕ, ಪರಿಸರ ಮತ್ತು ಸಾಮಾಜಿಕ ಯೋಗಕ್ಷೇಮಕ್ಕೆ ಅಗತ್ಯ.  

ಭಾರತದ ಜಿ-20 ಅಧ್ಯಕ್ಷತೆಯು ಈ ಸಾರ್ವತ್ರಿಕ ಭಾವನೆಯನ್ನು ಉತ್ತೇಜಿಸಲು ಕೆಲಸ ಮಾಡುತ್ತದೆ. ಆದ್ದರಿಂದ ನಮ್ಮ ಧ್ಯೇಯ ‘ಒಂದು ಭೂಮಿ, ಒಂದು ಕುಟುಂಬ, ಒಂದು ಭವಿಷ್ಯ’ವಾಗಿದೆ.

ಇದು ಕೇವಲ ಘೋಷಣೆಯಲ್ಲ, ಇದು ಮಾನವ ಪರಿಸ್ಥಿತಿಗಳಲ್ಲಿನ ಇತ್ತೀಚಿನ ಬದಲಾವಣೆಗಳನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ. ಆದರೆ ನಾವು ಇದನ್ನು ಒಟ್ಟಾರೆಯಾಗಿ ಪ್ರಶಂಸಿಸಲು ವಿಫಲರಾಗಿದ್ದೇವೆ.

ಇಂದು ಪ್ರಪಂಚದ ಎಲ್ಲ ಜನರ ಮೂಲಭೂತ ಅಗತ್ಯಗಳನ್ನು ಪೂರೈಸಲು ಸಾಕಷ್ಟು ಉತ್ಪಾದನಾ ಸಾಧನಗಳನ್ನು ನಾವು ಹೊಂದಿದ್ದೇವೆ.

ಇಂದು, ನಾವು ನಮ್ಮ ಅಗತ್ಯಗಳಿಗಾಗಿ ಹೋರಾಡುವ ಅವಶ‍್ಯಕತೆಯಿಲ್ಲ, ನಮ್ಮ ಯುಗ ಉದ್ದದ ಯುಗವಾಗಬೇಕಿಲ್ಲ, ವಾಸ್ತವವಾಗಿ ಇದು ಒಟ್ಟಿಗೆ ಇರಬೇಕು!

ಇಂದು ಅತ್ಯಂತ ಮಹತ್ವದ ಸವಾಲುಗಳನ್ನು ನಾವು ಎದುರಿಸುತ್ತಿದ್ದೇವೆ – ಹವಾಮಾನ ಬದಲಾವಣೆ, ಭಯೋತ್ಪಾದನೆ ಮತ್ತು ಸಾಂಕ್ರಾಮಿಕ – ನಾವು ಪರಸ್ಪರ ಹೋರಾಡುವುದರಿಂದ ಇದನ್ನು ಬಗೆಹರಿಸಲು ಸಾಧ್ಯವಿಲ್ಲ, ನಾವು ಒಟ್ಟಿಗೆ ಕೆಲಸ ಮಾಡಿದಾಗ ಮಾತ್ರ ಇದು ಸಾಕಾರಗೊಳಿಸಬಹುದು.

ಅದೃಷ್ಟವಶಾತ್ ಇಂದಿನ ತಂತ್ರಜ್ಞಾನ ವ್ಯಾಪಕ ಮಾನವೀಯ ಸಮಸ್ಯೆಗಳನ್ನು ನಿವಾರಿಸಲು ನಮಗೆ ಸಹಾಯ ಮಾಡುತ್ತದೆ. ಇಂದು ನಾವು ವಾಸಿಸುತ್ತಿರುವ ವರ್ಚುವಲ್ ಪ್ರಪಂಚ ಡಿಜಿಟಲ್ ತಂತ್ರಜ್ಞಾನದ ಅಳತೆಗೋಲಿನ ಪ್ರದರ್ಶನವಾಗಿದೆ.  

ಮಾನವೀಯತೆಯು ವಸತಿ ಮತ್ತು ಅದರ ಅಗಾಧವಾದ ಭಾಷೆಗಳು, ಧರ್ಮಗಳು, ಪದ್ಧತಿಗಳು ಮತ್ತು ನಂಬಿಕೆಗಳೊಂದಿಗಿದ್ದು, ಭಾರತ ಪ್ರಪಂಚದ ಸೂಕ್ಷ್ಮ ರೂಪವಾಗಿದೆ.

ಸಾಮೂಹಿಕ ನಿರ್ಧಾರ ತೆಗೆದುಕೊಳ್ಳುವ ಹಳೆಯ – ತಿಳಿದಿರುವ ಸಂಪ್ರದಾಯಗಳೊಂದಿಗೆ ಭಾರತ ಪ್ರಜಾಪ್ರಭುತ್ವದ ಡಿಎನ್ಎಯ ಅಡಿಪಾಯವನ್ನು ಒದಗಿಸುತ್ತದೆ. ಭಾರತದ ರಾಷ್ಟ್ರೀಯ ಒಮ್ಮತ ಕಟ್ಟುಪಾಡುಗಳಿಂದ ಕೂಡಿಲ್ಲ, ಆದರೆ ಲಕ್ಷಾಂತರ ಉಚಿತ ಧ್ವನಿಗಳನ್ನು ಸಾಮರಸ್ಯದಿಂದ ಮಧುರವಾಗಿ ಸಂಯೋಜಿಸುವ ಮೂಲಕ ಪ್ರಜಾತಂತ್ರದ ತಾಯಿಯಾಗಿ ರೂಪುಗೊಂಡಿದೆ.  

ಇಂದು ಭಾರತ ಅತಿ ದೊಡ್ಡದಾಗಿ ತ್ವರಿತ ಬೆಳವಣಿಗೆ ಕಾಣುತ್ತಿರುವ ಆರ್ಥಿಕತೆಯನ್ನೊಳಗೊಂಡಿದೆ. ನಮ್ಮ ನಾಗರಿಕ – ಕೇಂದ್ರಿತ ಆಡಳಿತದ ಮಾದರಿ ನಮ್ಮ ಪ್ರತಿಭಾವಂತ ಯುವ ಸಮೂಹದ ಸೃಜನಶೀಲ ಪ್ರತಿಭೆಯನ್ನು ಪೋಷಿಸುವಾಗ ನಮ್ಮ ಅತ್ಯಂತ ಅಂಚಿನಲ್ಲಿರುವ ನಾಗರಿಕರನ್ನು ಸಹ ನೋಡಿಕೊಳ್ಳುತ್ತದೆ.  

ನಾವು ನಮ್ಮ ರಾಷ್ಟ್ರೀಯ ಅಭಿವೃದ್ಧಿಗಾಗಿ ಮೇಲಿನಿಂದ ಕೆಳಗಿನ ಹಂತದಲ್ಲಿರುವ ಆಡಳಿತ ವ್ಯವಸ್ಥೆಯ ಕಸರತ್ತನ್ನಷ್ಟೇ ಮಾಡಿಲ್ಲ, ಬದಲಿಗೆ ನಾಗರಿಕ ಕೇಂದ್ರಿತ ಚಳವಳಿಯನ್ನಾಗಿ ರೂಪಿಸಿದ್ದೇವೆ.  

ಮುಕ್ತ, ಎಲ್ಲವನ್ನೊಳಗೊಂಡ ಮತ್ತು ಅಂತರ್ ಕಾರ್ಯಸಾಧ್ಯವಾದ ಡಿಜಿಟಲ್ ಸಾರ್ವಜನಿಕ ಸರಕುಗಳನ್ನು ರಚಿಸಲು ನಾವು ತಂತ್ರಜ್ಞಾವನ್ನು ಬಳಸಿದ್ದೇವೆ.  ಇವು ಸಾಮಾಜಿಕ ರಕ್ಷಣೆ, ಹಣಕಾಸು ಸೇರ್ಪಡೆ ಮತ್ತು ವಿದ್ಯುನ್ಮಾನ ಪಾವತಿಯಂತಹ ವಿವಿಧ ಕ್ಷೇತ್ರಗಳಲ್ಲಿ ಕ್ರಾಂತಿಕಾರಿ ಪ್ರಗತಿಯನ್ನು ಕಂಡಿದ್ದೇವೆ.

ಈ ಎಲ್ಲ ಕಾರಣಗಳಿಂದ ಭಾರತ ಒಳನೋಟದ ಅನುಭವವನ್ನು ಹೊಂದಿದ್ದು, ನಾವು ಜಾಗತಿಕ ಪರಿಹಾರಗಳನ್ನು ನೀಡಬಲ್ಲೆವು.

ನಮ್ಮ ಜಿ-20 ಅಧ್ಯಕ್ಷತೆಯ ಅವಧಿಯಲ್ಲಿ ನಾವು ಭಾರತದ ಅನುಭವಗಳು, ಕಲಿಕೆಗಳು ಮತ್ತು ಮಾದರಿಗಳನ್ನು ಇತರರಿಗೆ ವಿಶೇಷವಾಗಿ ಅಭಿವೃದ್ಧಿಶೀಲ ದೇಶಗಳಿಗೆ ಸಂಭವನೀಯ ಪ್ರಮಾಣೀಕೃತ ಫಲಕಗಳ ಮೂಲಕ ಒದಗಿಸುತ್ತೇವೆ.   

ನಮ್ಮ ಜಿ-20 ಆದ್ಯತೆಗಳು ನಮ್ಮ ಜಿ-20 ಪಾಲುದಾರರ ಜೊತೆ ನಡೆಸುವ ಸಮಾಲೋಚನೆ ಮೂಲಕ ರೂಪಿಸಲಾಗುವುದು, ಆದರೆ ಜಾಗತಿಕವಾಗಿ ದಕ್ಷಿಣ ಭಾಗದಲ್ಲಿರುವ ನಮ್ಮ ಸಹ ಪ್ರಯಾಣಿಕರ ಧ್ವನಿ ಸಾಮಾನ್ಯವಾಗಿ ನಮಗೆ ಕೇಳಿಸುವುದಿಲ್ಲ.

ನಮ್ಮ ಆದ್ಯತೆಗಳು ನಮ್ಮ ‘ಒಂದು ಭೂಮಿ’ಯನ್ನು ರೂಪಿಸುವತ್ತ ಗಮನಹರಿಸುತ್ತದೆ, ನಮ್ಮ ‘ಒಂದು ಕುಟುಂಬ’ದಲ್ಲಿ ಸಾಮರಸ್ಯವನ್ನು ಸೃಷ್ಟಿಸುತ್ತದೆ ಮತ್ತು ನಮ್ಮ ‘ಒಂದು ಭವಿಷ್ಯ’ದ ಭರವಸೆಯನ್ನು ನೀಡುತ್ತದೆ.  

ನಮ್ಮ ಗ್ರಹವನ್ನು ಗುಣಪಡಿಸುವ ನಿಟ್ಟಿನಲ್ಲಿ ನಾವು ಸುಸ್ಥಿರ ಮತ್ತು ಪರಿಸರ ಸ್ನೇಹಿ ಜೀವನ ಕ್ರಮ, ಭಾರತದ ಪರಿಸರದ ನಂಬಿಕೆಯ ಸಂಪ್ರದಾಯದ ಆಧಾರದ ಮೇಲೆ ಈ ಅಂಶಗಳನ್ನು ಉತ್ತೇಜಿಸುತ್ತದೆ,

ಮಾನವ ಕುಟುಂಬದೊಳಗೆ ಸಾಮರಸ್ಯವನ್ನು ಉತ್ತೇಜಿಸಲು ನಾವು ಆಹಾರ, ರಸಗೊಬ್ಬರ ಮತ್ತು ವೈದ್ಯಕೀಯ ಉತ್ಪನ್ನಗಳ ಜಾಗತಿಕ ಪೂರೈಕೆಯನ್ನು ರಾಜಕೀಯ ರಹಿತಗೊಳಿಸಲು ಪ್ರಯತ್ನಿಸುತ್ತೇವೆ. ಆದ್ದರಿಂದ ಭೌಗೋಳಿಕ – ರಾಜಕೀಯ ಉದ್ವಿಗ್ನತೆಗಳು ಮಾನವೀಯ ಬಿಕ್ಕಟ್ಟುಗಳಿಗೆ ಕಾರಣವಾಗುವುದಿಲ್ಲ. ನಮ್ಮ ಸ್ವಂತ ಕುಟುಂಬಗಳಲ್ಲಿರುವಂತೆ ಅವರ ಅಗತ್ಯಗಳು ಯಾವಾಗಲೂ ನಮ್ಮ ಮೊದಲ ಕಾಳಜಿಯಾಗಿ ಮಾಡುತ್ತೇವೆ.  

ನಾವು ನಮ್ಮ ಭವಿಷ್ಯದ ಪೀಳಿಗೆಯಲ್ಲಿ ಭರವಸೆ ಮೂಡಿಸಲು ನಾವು ಅತ್ಯಂತ ಶಕ್ತಿಶಾಲಿ ದೇಶಗಳ ನಡುವೆ ಪ್ರಾಮಾಣಿಕ ಸಂವಾದವನ್ನು ಪ್ರೋತ್ಸಾಹಿಸುತ್ತೇವೆ. ಸಮೂಹ ನಾಶ ಶಸ್ತ್ರಾಸ್ತ್ರಗಳಿಂದ ಉಂಟಾಗುವ ಅಪಾಯಗಳನ್ನು ತಗ್ಗಿಸುವ ಮತ್ತು ಜಾಗತಿಕ ಭದ್ರತೆ ಹೆಚ್ಚಿಸುವುದು ನಮ್ಮ ಗುರಿಯಾಗಿದೆ.

ಭಾರತದ ಜಿ-20 ಕಾರ್ಯಸೂಚಿ ಎಲ್ಲವನ್ನೊಳಗೊಂಡ, ಮಹತ್ವಾಕಾಂಕ್ಷೆಯ, ಕ್ರಿಯಾ ಆಧಾರಿತ ಮತ್ತು ನಿರ್ಣಾಯಕವಾಗಿರುತ್ತದೆ.

ಭಾರತದ ಜಿ-20 ಅಧ್ಯಕ್ಷತೆ ಗುಣಪಡಿಸುವ, ಸಾಮರಸ್ಯ ಮತ್ತು ಭರವಸೆಯನ್ನು ಮೂಡಿಸುವ ನಿಟ್ಟಿನಲ್ಲಿ ಒಟ್ಟಾಗಿ ಶ್ರಮಿಸಲಿದೆ.   

ಮಾನವ ಕೇಂದ್ರಿತ ಜಾಗತೀಕರಣದ ಹೊಸ ಮಾದರಿಯನ್ನು ರೂಪಿಸಲು ಒಟ್ಟಾಗಿ ಕೆಲಸ ಮಾಡುತ್ತದೆ.

*****