ಪಿಎಂಇಂಡಿಯಾ

 ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟವು ಪ್ರಧಾನ ಮಂತ್ರಿ ಜನಜಾತಿ ಆದಿವಾಸಿ ನ್ಯಾಯ ಮಹಾ ಅಭಿಯಾನಕ್ಕೆ (ಪಿಎಂ ಜನ್‌ ಮನ್)‌  ಒಟ್ಟು ರೂ.24,104 ಕೋಟಿಯ (ಕೇಂದ್ರ ಪಾಲು: ರೂ.15,336 ಕೋಟಿ ಮತ್ತು ರಾಜ್ಯದ ಪಾಲು: ರೂ.8,768 ಕೋಟಿ) ಅನುಮೋದನೆ ನೀಡಿದೆ. ಇದನ್ನು  9 ಸಚಿವಾಲಯಗಳ ಮೂಲಕ 11 ನಿರ್ಣಾಯಕ ಮಧ್ಯಸ್ಥಿಕೆಗಳ ಮೇಲೆ ಕೇಂದ್ರೀಕರಿಸಲು ಮಾಡಲಾಗಿದೆ. ಪ್ರಧಾನಮಂತ್ರಿಯವರು ಜನಜಾತಿಯ ಗೌರವ ದಿವಸದಂದು ಕುಂತಿಯಿಂದ ಈ ಅಭಿಯಾನವನ್ನು ಘೋಷಿಸಿದರು.

2023-24 ರ ಬಜೆಟ್ ಭಾಷಣದಲ್ಲಿ ಘೋಷಿಸಿದಂತೆ, “ನಿರ್ದಿಷ್ಟವಾಗಿ ದುರ್ಬಲ ಬುಡಕಟ್ಟು ಗುಂಪುಗಳ (ಪಿವಿಟಿಜಿ ) ಸಾಮಾಜಿಕ ಆರ್ಥಿಕ ಪರಿಸ್ಥಿತಿಗಳನ್ನು ಸುಧಾರಿಸಲು, ಅಭಿವೃದ್ಧಿ ಮಿಷನ್‌ ನ ಪ್ರಧಾನ ಮಂತ್ರಿ ಪಿವಿಟಿಜಿಗೆ ಚಾಲನೆ ನೀಡಲಾಗುವುದು. ಇದು ಸುರಕ್ಷಿತ ವಸತಿ, ಶುದ್ಧ ಕುಡಿಯುವ ನೀರು ಮತ್ತು ನೈರ್ಮಲ್ಯ, ಶಿಕ್ಷಣ, ಆರೋಗ್ಯ ಮತ್ತು ಪೋಷಣೆಗೆ ಸುಧಾರಿತ ಲಭ್ಯತೆ, ರಸ್ತೆ ಮತ್ತು ದೂರಸಂಪರ್ಕ ಮತ್ತು ಸುಸ್ಥಿರ ಜೀವನೋಪಾಯದ ಅವಕಾಶಗಳಂತಹ ಮೂಲಭೂತ ಸೌಲಭ್ಯಗಳನ್ನು ಪಿವಿಟಿಜಿ ಕುಟುಂಬಗಳು ಮತ್ತು ವಸತಿಗಳಿಗೆ ಒದಗಿಸುತ್ತದೆ. ಪರಿಶಿಷ್ಟ ಪಂಗಡಗಳ ಅಭಿವೃದ್ಧಿ ಕ್ರಿಯಾ ಯೋಜನೆಯಡಿ (ಡಿಎಪಿಎಸ್‌ಟಿ) ಮುಂದಿನ ಮೂರು ವರ್ಷಗಳಲ್ಲಿ ಮಿಷನ್ ಅನ್ನು ಕಾರ್ಯಗತಗೊಳಿಸಲು ರೂ.15,000 ಕೋಟಿ ಲಭ್ಯವಾಗಲಿದೆ.

ಭಾರತವು 2011 ರ ಜನಗಣತಿಯ ಪ್ರಕಾರ 10.45 ಕೋಟಿ  ಪರಿಶಿಷ್ಟ ಪಂಗಡಕ್ಕೆ ಸೇರಿದ  ಜನಸಂಖ್ಯೆಯನ್ನು ಹೊಂದಿದೆ, ಅದರಲ್ಲಿ 18 ರಾಜ್ಯಗಳಲ್ಲಿ ನೆಲೆಗೊಂಡಿರುವ 75 ಸಮುದಾಯಗಳು ಮತ್ತು ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳ ಕೇಂದ್ರಾಡಳಿತ ಪ್ರದೇಶವನ್ನು ನಿರ್ದಿಷ್ಟವಾಗಿ ದುರ್ಬಲ ಬುಡಕಟ್ಟು ಗುಂಪುಗಳು (ಪಿವಿಟಿಜಿ) ಎಂದು ವರ್ಗೀಕರಿಸಲಾಗಿದೆ. ಈ ಗುಂಪಿಗೆ ಸೇರಿದವರು ಸಾಮಾಜಿಕ, ಆರ್ಥಿಕ ಮತ್ತು ಶೈಕ್ಷಣಿಕ ಕ್ಷೇತ್ರಗಳಲ್ಲಿ ಸಮಸ್ಯೆಗಳನ್ನು  ಎದುರಿಸುತ್ತಲೇ ಇರುತ್ತವೆ.

PM-JANMAN – ಪಿಎಂ ಜನ್‌ ಮನ್‌ (ಕೇಂದ್ರ ವಲಯ ಮತ್ತು ಕೇಂದ್ರ ಪ್ರಾಯೋಜಿತ ಯೋಜನೆಗಳನ್ನು ಒಳಗೊಂಡಿದೆ) ಬುಡಕಟ್ಟು ವ್ಯವಹಾರಗಳ ಸಚಿವಾಲಯ ಸೇರಿದಂತೆ 9 ಸಚಿವಾಲಯಗಳ ಮೂಲಕ 11 ನಿರ್ಣಾಯಕ ಮಧ್ಯಸ್ಥಿಕೆಗಳ ಮೇಲೆ ಈ ಮುಂದೆ ವಿವರಿಸಿದಂತೆ ಕೇಂದ್ರೀಕರಿಸುತ್ತವೆ:

ಮೇಲೆ ತಿಳಿಸಲಾದ ಮಧ್ಯಸ್ಥಿಕೆಗಳನ್ನು ಹೊರತುಪಡಿಸಿ, ಇತರ ಸಚಿವಾಲಯಗಳ ಈ ಕೆಳಗಿನ ಕಾರ್ಯಗಳು  ಮಿಷನ್‌ನ ಭಾಗವಾಗಿರುತ್ತದೆ:

1. ಆಯುಷ್ ಸಚಿವಾಲಯವು ಅಸ್ತಿತ್ವದಲ್ಲಿರುವ ಮಾನದಂಡಗಳ ಪ್ರಕಾರ ಆಯುಷ್ ಸ್ವಾಸ್ಥ್ಯ ಕೇಂದ್ರವನ್ನು ಸ್ಥಾಪಿಸುತ್ತದೆ ಮತ್ತು ಆಯುಷ್ ಸೌಲಭ್ಯಗಳನ್ನು ಸಂಚಾರಿ  ವೈದ್ಯಕೀಯ ಘಟಕಗಳ ಮೂಲಕ ಪಿವಿಟಿಜಿ   ವಸತಿಗಳಿಗೆ ವಿಸ್ತರಿಸಲಾಗುವುದು.

2. ಕೌಶಲ್ಯ ಅಭಿವೃದ್ಧಿ ಮತ್ತು ವಾಣಿಜ್ಯೋದ್ಯಮ ಸಚಿವಾಲಯವು ಈ ಸಮುದಾಯಗಳ ಸೂಕ್ತ ಕೌಶಲ್ಯಗಳ ಪ್ರಕಾರ ಪಿವಿಟಿಜಿ   ವಸತಿಗಳು, ವಿವಿಧೋದ್ದೇಶ ಕೇಂದ್ರಗಳು ಮತ್ತು ವಸತಿ ನಿಲಯಗಳಲ್ಲಿ ಕೌಶಲ್ಯ ಮತ್ತು ವೃತ್ತಿಪರ ತರಬೇತಿಯನ್ನು ಸುಗಮಗೊಳಿಸುತ್ತದೆ.

****