ಪಿಎಂಇಂಡಿಯಾ

ಪ್ರಧಾನ ಮಂತ್ರಿ ಶ್ರೀ.ನರೇಂದ್ರ ಮೋದಿ ಅವರು ಟೈಮ್ಸ್ ನೌ ಗೆ ನೀಡಿದ ಸಂದರ್ಶನದಲ್ಲಿ ಹಲವು ವಿಷಯಗಳ ಕುರಿತು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡರು. ಪ್ರಧಾನ ಮಂತ್ರಿಯವರ ಸಂದರ್ಶನದ ಸಂಪೂರ್ಣ ಕನ್ನಡ ಪ್ರತಿ ಲಿಪಿ ಇಲ್ಲಿದೆ.

ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು, ಟೈಮ್ಸ್ ನೌ ಸಂದರ್ಶನದಲ್ಲಿ ಹಲವು ವಿಚಾರಗಳ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. ಅರ್ನಬ್ ಗೋಸ್ವಾಮಿ ಅವರು ನಡೆಸಿದ ಸಂದರ್ಶನದ ಪೂರ್ಣ ಪಾಠ ಇಲ್ಲಿದೆ.

ಅರ್ನಬ್ : ಪ್ರಧಾನ ಮಂತ್ರಿ ಮೋದಿ ಅವರೇ ಈ ಸಂದರ್ಶನಕ್ಕಾಗಿ ಧನ್ಯವಾದಗಳು. ತುಂಬಾ ಧನ್ಯವಾದಗಳು.
ಪ್ರಧಾನಿ ಮೋದಿ : ಎಲ್ಲ ಜನರಿಗೂ ನನ್ನ ಶುಭಾಶಯಗಳು.

ಅರ್ನಬ್ : ನೀವು ಪ್ರಧಾನಿ ಆದ ಬಳಿಕ ಖಾಸಗಿ ವಾಹಿನಿಯೊಂದಕ್ಕೆ ನೀಡುತ್ತಿರುವ ಮೊದಲ ನೇರ ಸಂದರ್ಶನ ಇದಾಗಿದೆ. ನಾನು ತಪ್ಪಾಗಿ ಅರ್ಥೈಸಿ ಕೊಂಡಿಲ್ಲ ಎನ್ನುವುದಾದರೆ, ದೇಶದಲ್ಲಿನ ಖಾಸಗಿ ವಾಹಿನಿಯಲ್ಲಿ ಭಾರತದ ಹಾಲಿ ಪ್ರಧಾನ ಮಂತ್ರಿಯೊಬ್ಬರು ನೀಡಿದ ಮೊಟ್ಟ ಮೊದಲ ಸಂದರ್ಶನ ಇದಾಗಿದೆ. ಹೀಗಾಗಿ ನಾನು ತಮಗೆ ಮೊದಲು ನನ್ನ ಧನ್ಯವಾದ ಅರ್ಪಿಸುತ್ತೇನೆ ಮತ್ತು ಈ ಅವಕಾಶ ನೀಡಿದ್ದಕ್ಕಾಗಿ ನಾನು ಆಭಾರಿಯಾಗಿದ್ದೇನೆ.

ಪಿ.ಎಂ. ಮೋದಿ : ಇಂದು ಮಾಧ್ಯಮ ವಿಶ್ವ ಬೃಹತ್ ಆಗಿ ಬೆಳೆದಿದೆ, ಪ್ರತಿಯೊಬ್ಬರೂ ಅದರೊಂದಿಗೆ ನಂಟು ಹೊಂದ ಬಯಸುತ್ತಾರೆ.

ಅರ್ನಬ್ : ನಾನು ತುಂಬಾ ಆಭಾರಿ ಆಗಿದ್ದೇನೆ ಮತ್ತು ನಮ್ಮ ವೀಕ್ಷಕರು ಕೂಡ ಆಭಾರಿಗಳಾಗಿದ್ದಾರೆ. ಅವರೆಲ್ಲರೂ ವಿವಿಧ ವಿಷಯಗಳಿಗೆ ಸಂಬಂಧಿಸಿದಂತೆ ನಿಮ್ಮ ಅಭಿಪ್ರಾಯವನ್ನು ಕೇಳಲು ಇಚ್ಛಿಸುತ್ತಾರೆ. ಶ್ರೀ ಪ್ರಧಾನ ಮಂತ್ರಿಯವರೇ, ನಾನು ನಿಮ್ಮನ್ನು 2014 ರ ಮೇ 20 ಕ್ಕೆ ಕರೆದುಕೊಂಡು ಹೋಗುವ ಮೂಲಕ ಸಂದರ್ಶನ ಆರಂಭಿಸಲು ಬಯಸುತ್ತೇನೆ. ಮೇ 16ರಂದು ಫಲಿತಾಂಶ ಹೊರ ಬಿದ್ದ ನಾಲ್ಕು ದಿನಗಳ ಬಳಿಕ ನೀವು ಸಂಸತ್ತಿನ ಸೆಂಟ್ರಲ್ ಹಾಲ್ ನಲ್ಲಿ ಐತಿಹಾಸಿಕ ಭಾಷಣ ಮಾಡಿದಿರಿ ಮತ್ತು ನೀವು ಸಂಸತ್ ಸದಸ್ಯರನ್ನು ಉದ್ದೇಶಿಸಿ ಅಂದು ಮಾತನಾಡಿದಿರಿ. ಫಲಿತಾಂಶ ಬಂದ ನಾಲ್ಕು ದಿನಗಳ ಬಳಿಕ ನೀವು ಜವಾಬ್ದಾರಿಯ ಶಕೆ ಆರಂಭವಾಗಿದೆ ಎಂದು ಹೇಳಿದ್ದಿರಿ. ಮತ್ತು ಅದನ್ನು ನೀವು 2019 ರ ಚುನಾವಣೆಗೆ ಮುನ್ನ ಹೇಳಿದ್ದೀರಿ, ನಾನು ಈ ಸಂಸತ್ತಿಗೆ ಬರುತ್ತೇನೆ, ನಾನು ಸಂಸದರ ವಿಷಯಕ್ಕೆ ಬರುತ್ತೇನೆ ಮತ್ತು ನಾನು ನನ್ನ ಅಂಕ ಪಟ್ಟಿಯನ್ನು ನೀಡುತ್ತೇನೆ. ನಿಮ್ಮ ಅಧಿಕಾರದ ಶೇ. 40 ರಷ್ಟು ಅವಧಿಯಲ್ಲಿ ನೀವು ನಿಮ್ಮದೇ ಗುರಿಗಳನ್ನು ಎಷ್ಟು ಸಾಧಿಸಿದ್ದೀರಿ. ?

ಪಿ.ಎಂ. ಮೋದಿ : ನಾನು ಸಂಸತ್ ಸದಸ್ಯನಾಗಿ ಮೊದಲ ಬಾರಿಗೆ ಸೆಂಟ್ರಲ್ ಹಾಲ್ ಪ್ರವೇಶಿಸಿದಾಗ ಮತ್ತು ಅದೇ ಮೊದಲ ಬಾರಿಗೆ ನಾನು ಸೆಂಟ್ರಲ್ ಹಾಲ್ ನೋಡಿದ್ದು. ಅದಕ್ಕೆ ಮೊದಲು ನಾನು ಅಲ್ಲಿಗೆ ಹೋಗಿರಲೇ ಇಲ್ಲ. ಹೀಗಾಗಿ ಆಗ ನಾನು ಹೇಳಿದ್ದು, ಪ್ರಧಾನಿ ಆಗುವುದು ಹುದ್ದೆಗಾಗಿ ಅಲ್ಲ, ಆದರೆ ಅದು ಜವಾಬ್ದಾರಿಗೆ ಸಂಬಂಧಿಸಿದ್ದು ಮತ್ತು ಪ್ರಧಾನಿಯಾಗಿ ಕರ್ತವ್ಯ ನಿರ್ವಹಿಸುವುದಕ್ಕಾಗಿ ಎಂದು. ನನ್ನ ಸರ್ಕಾರ ಬಡವರಿಗಾಗಿ ಬದ್ಧವಾಗಿದೆ ಎಂದೂ ನಾನು ಹೇಳಿದ್ದೆ. ನಾನು ಈ ಕೆಲಸಕ್ಕೆ ಸಂಪೂರ್ಣವಾಗಿ ಹೊಸಬ ಆಗಿದ್ದೆ. ದೆಹಲಿ ಸಹ ನನಗೆ ಹೊಸದಾಗಿತ್ತು. ದೆಹಲಿಯ ವಾತಾವರಣವೂ ನನಗೆ ಹೊಸತಾಗಿ ತೋರಿತ್ತು. ಭಾರತ ಸರ್ಕಾರದ ಕೆಲಸ ಕೂಡ ನನಗೆ ಹೊಸದಾಗಿಯೇ ಇತ್ತು. ಇದೆಲ್ಲದರ ನಡುವೆಯೂ ಈ ಅಲ್ಪ ಅವಧಿಯಲ್ಲಿ, ಕೇವಲ ಒಂದು ವಿಚಾರದಲ್ಲಷ್ಟೇ ಅಲ್ಲ, ಎಲ್ಲದರಲ್ಲೂ ದೇಶ ಮುಂದೆ ವೇಗವಾಗಿ ಸಾಗಿದೆ. ನೀವು ಸರ್ಕಾರದ ಕಾರ್ಯ ವೈಖರಿಯ ಯಾವುದೇ ವಿಷಯವನ್ನು ತೆಗೆದುಕೊಳ್ಳಿ, ಮತ್ತು ನೀವು ಹಿಂದಿನ ಸರ್ಕಾರಗಳೊಂದಿಗೆ ಇದನ್ನು ಹೋಲಿಕೆ ಮಾಡಿ ನೋಡಿ, ಆಗ ನಿಮಗೇ ತಿಳಿಯುತ್ತದೆ. ಯಾವುದೇ ವಿಷಯವನ್ನು ನಾವು ಕಡೆಗಣಿಸಿಲ್ಲ ಎಂಬುದು. ಪ್ರತಿಯೊಂದು ಕ್ಷೇತ್ರದಲ್ಲೂ ಹೊಸತನ್ನು ತರುವ ಪ್ರಯತ್ನವನ್ನು ನೀವು ಕಾಣುತ್ತೀರಿ. ಪ್ರತಿಯೊಂದು ಕ್ಷೇತ್ರದಲ್ಲಿ ಬದಲಾವಣೆ ಪ್ರಯತ್ನವಿದೆ. ಮೊದಲು ನಾನು ಸಂಸತ್ ಸದಸ್ಯನೂ ಆಗಿರಲಿಲ್ಲ, ನಾನು ಈ ಜಾಗದ ಅನುಭವ ಹೊಂದಿರಲಿಲ್ಲ ಹೀಗಾಗಿ ಇದು ನನಗೆ ಒಂದು ದೊಡ್ಡ ಸವಾಲಾಗಿ ಕಂಡಿತು. ಕಚೇರಿಯು ಹೊಸತಾಗಿತ್ತು, ಪ್ರಶ್ನೆಗಳೂ ಹೊಸದಾಗಿದ್ದವು ಆದರೆ ನಾನು ಎರಡನೇ ಅತಿ ದೊಡ್ಡ ಸವಾಲನ್ನು ತೆಗೆದುಕೊಂಡಾಗ, ನಿರಾಶೆಯಲ್ಲಿ ದೇಶವಿದ್ದ ದಿನಗಳನ್ನು ಸ್ಮರಿಸಲೇ ಬೇಕು. ಆಗ ಪ್ರತಿ ನಿತ್ಯ ಏಳು ವರ್ಷಗಳ ಬಳಿಕ ಯಾವುದೇ ವಿದ್ಯುತ್ ಉತ್ಪಾದನೆ ಇರುತ್ತದೆಯೇ, ಕಲ್ಲಿದ್ದಲನ್ನು ಪೂರೈಸಲಾಗುತ್ತದೆಯೇ ಅಥವಾ ಇಲ್ಲವೇ ಎಂಬುದೇ ದೊಡ್ಡ ಸುದ್ದಿಯಾಗಿತ್ತು. ಇದು ಅಂದಿನ ಸ್ಥಿತಿಯಾಗಿತ್ತು. ಇಡೀ ವ್ಯವಸ್ಥೆಯೇ ನಿರಾಶೆಯಲ್ಲಿ ಮುಳುಗಿತ್ತು. ಆಗ ವ್ಯವಸ್ಥೆಗೆ ಹೊಸ ನಂಬಿಕೆಯನ್ನು ತರುವ ಮತ್ತು ಜನರಲ್ಲಿ ವಿಶ್ವಾಸ ಮೂಡಿಸುವ ದೊಡ್ಡ ಸವಾಲಿತ್ತು. ಇದನ್ನು ಹೊರಗಿನಿಂದ ಮೌಲ್ಯ ಮಾಪನ ಮಾಡುವುದು ಕಷ್ಟವಾಗಿತ್ತು ಆದರೆ ನಾನು ಅದನ್ನು ಎದುರಿಸಿದೆ. ಆದರೆ ಇಂದು ಅಂಥ ಯಾವುದೇ ನಿರಾಶೆ ಕಾಣುತ್ತಿಲ್ಲ ಎಂದು ನಾನು ದೊಡ್ಡ ತೃಪ್ತಿಯೊಂದಿಗೆ ಹೇಳುತ್ತೇನೆ. ಏನಾದರೂ ಮಾಡಬೇಕು ಎಂಬ ಉದ್ದೇಶ ಗೋಚರಿಸುತ್ತಿದೆ. ಅದು ಕೇವಲ ಪದಗಳಲ್ಲಿ ಅಲ್ಲ ಬದಲಾಗಿ ಸಾಧನೆಯಲ್ಲಿ. ನಾವು ನಿಗದಿ ಮಾಡಿದ್ದ ಕಾಲ ಮಿತಿಯೊಳಗೆ ಬಡವರಿಗೆ ಬ್ಯಾಂಕ್ ಖಾತೆ ತೆರೆದಿದ್ದೇವೆ. ಕಳೆದ 60 ವರ್ಷಗಳಿಂದಲೂ ಮಾಡಲಾಗದ ಕಾರ್ಯಕ್ಕೆ ಕಾಲದ ಚೌಕಟ್ಟು ಹಾಕಿಕೊಂಡು ರಿಸ್ಕ್ ತೆಗೆದುಕೊಂಡು ಮಾಡಿದ್ದೇವೆ. ಆದರೆ ಇದರಿಂದಾಗಿ ಏನಾದರೂ ಮಾಡುತ್ತದೆ ಎಂಬ ಒಂದು ನಂಬಿಕೆ ವ್ಯವಸ್ಥೆಯಲ್ಲಿ ಮೂಡಿದೆ. ಹೀಗಾಗಿ ನಾನು ವಿಶ್ವಾಸವನ್ನು ಜಾಗೃತಗೊಳಿಸುವ ಪ್ರಕ್ರಿಯೆಯನ್ನು ಆರಂಭಿಸಿದ್ದೇನೆ. ಇಂದು ನೀವು ಎಲ್ಲ ವಲಯ ಗಳಲ್ಲೂ, ಬದಲಾದ ಪರಿಸ್ಥಿತಿಯನ್ನು ಕಾಣುತ್ತೀರಿ. ಸರ್ಕಾರದ ಸಾಧನೆಯನ್ನು ಮೌಲ್ಯ ಮಾಪನ ಮಾಡುವ ವೇಳೆ, ಹಿಂದಿನ 10 ವರ್ಷಗಳ ಸರ್ಕಾರದೊಂದಿಗೆ ಹೋಲಿಕೆ ಮಾಡಿ ಮೌಲ್ಯ ಮಾಪನ ಮಾಡಬೇಕು. ಆಗ ಮಾತ್ರ ನಿಮಗೆ ನಾವು ಈಗ ಎಲ್ಲಿದ್ದೇವೆ ಮತ್ತು ಹಿಂದೆ ಎಲ್ಲಿದ್ದೆವು ಎಂಬುದು ತಿಳಿಯುತ್ತದೆ. ನಾವು ಏನು ಗುರಿ ಇಟ್ಟುಕೊಂಡಿದ್ದೇವೆ ಎಂಬ ಬಗ್ಗೆ ಮಾತನಾಡಬಾರದು. ಈಗ ನೀವು ನಿಖಟ ಪೂರ್ವದೊಂದಿಗೆ ಹೋಲಿಸಿದರೆ ಆಗ ನಿಮಗೆ ಭವ್ಯ ಭವಿಷ್ಯ ಕಾಣುತ್ತದೆ.

ಅರ್ನಬ್ : ಶ್ರೀ ಮೋದಿ ಅವರೇ ನಾನು ಈಗ ವಿದೇಶಾಂಗ ನೀತಿಯ ಬಗ್ಗೆ ಪ್ರಸ್ತಾಪಿಸುತ್ತೇನೆ. ವಿದೇಶಾಂಗ ನೀತಿಯ ವಲಯದಲ್ಲಿ, ನೀವು ದೊಡ್ಡ ವೈಯಕ್ತಿಕ ಆಸಕ್ತಿ ತಳೆದಿದ್ದೀರಿ. ನೀವು ವಿದೇಶಾಂಗ ನೀತಿಗೆ ತೋರಿರುವಷ್ಟು ಆಸಕ್ತಿಯನ್ನು ಬಹುಶಃ ಹಿಂದಿನ ಯಾವುದೇ ಪ್ರಧಾನ ಮಂತ್ರಿಯವರು ತೋರಿರಲಿಕ್ಕಿಲ್ಲ. ನಿಮ್ಮ ನಿಲುವು ಪೂರ್ವ ನಿಯಾಮಕವಾಗಿದೆ. ನಿಮ್ಮ ವಿದೇಶಾಂಗ ನೀತಿಯಲ್ಲಿ ನಾನು ಕಂಡ ಆಸಕ್ತಿಯ ವಿಷಯವೇನೆಂದರೆ, ನೀವು ವಿವಿಧ ಶಕ್ತಿಗಳನ್ನು ಮತ್ತು ವಿವಿಧ ಆಸಕ್ತಿಗಳನ್ನು ಸಮತೋಲನವಾಗಿ ತೆಗೆದುಕೊಂಡು ಹೋಗಿದ್ದೀರಿ. ಒಂದು ಕಡೆ, ಅಮೆರಿಕದೊಂದಿಗೆ ನಿಮ್ಮ ಸಂಬಂಧ, ನೀವು ಅವರೊಂದಿಗೆ ಕ್ಷಿಪಣಿ ನಿಯಂತ್ರಣ ತಂತ್ರಜ್ಞಾನ ಆಡಳಿತವನ್ನು ಖಾತ್ರಿ ಮಾಡಿಸಿದ್ದೀರಿ. ಅದಕ್ಕೆ ಒಂದು ವಾರ ಮೊದಲು ಇರಾನ್ ನೊಂದಿಗೆ ಐತಿಹಾಸಿಕ ಚಹಾಬರ್ ಬಂದರು ಒಪ್ಪಂದಕ್ಕೂ ಸಹಿ ಹಾಕಿದ್ದೀರಿ. ಹೀಗಾಗಿ ನೀವು ತೀರಾ ವಿಭಿನ್ನ ಶಕ್ತಿಗಳನ್ನು ಸರಿದೂಗಿಸಿದ್ದೀರಿ. ಈ ಬಗ್ಗೆ ತಮಗೆ ನನ್ನ ಪ್ರಶ್ನೆ ಏನೆಂದರೆ, ಭಾರತದ ಪ್ರಧಾನ ಮಂತ್ರಿಯಾಗಿ ಹೀಗೆ ಮಾಡಲು ಅದು ಸುಲಭವೇ ?ಎರಡನೆಯದಾಗಿ ಎನ್. ಎಸ್. ಜಿ. ವಿಷಯದಲ್ಲಿ ನೀವು ಸಾಕಷ್ಟು ವೈಯಕ್ತಿಕ ಆಸಕ್ತಿ ತಳೆದಿರಿ, ವೈಯಕ್ತಿಕವಾಗಿ ಮುಂದೆ ಹೋಗುವಂತೆ ಮಾಡಿದಿರಿ, ನೀವು ವಾಸ್ತವವಾಗಿ ಲಾಬಿ ಮಾಡಿದಿರಿ. ನಾವು ಎಸ್. ಎಸ್. ಜಿ.ಯಲ್ಲಿ ಸ್ಥಾನ ಪಡೆಯುವಲ್ಲಿ ಎಷ್ಟು ಹತ್ತಿರದಲ್ಲಿದ್ದೇವೆ. ?

ಪಿ.ಎಂ. ಮೋದಿ : ಮೊದಲನೆಯದಾಗಿ ವಿದೇಶಾಂಗ ನೀತಿಯ ಬಗ್ಗೆ, ನಮ್ಮ ವಿದೇಶಾಂಗ ನೀತಿಯನ್ನು ಯಾವುದು ಬಲಪಡಿಸಿದೆ ಎಂಬುದನ್ನು ನೀವು ಅರಿಯಬೇಕು. ನಮ್ಮ ದೇಶದಲ್ಲಿ 30 ವರ್ಷಗಳ ಕಾಲ ಸರ್ಕಾರ ಅಸ್ಥಿರವಾಗಿತ್ತು. 30 ವರ್ಷಗಳ ಕಾಲದಿಂದ ಪಕ್ಷವೊಂದಕ್ಕೆ ಸ್ಪಷ್ಟ ಜನಾದೇಶ ನೀಡಿ ಸರ್ಕಾರ ರಚಿಸಲು ಅವಕಾಶ ನೀಡಲಿಲ್ಲ. ವಿಶ್ವ, ಯಾವುದೇ ರಾಷ್ಟ್ರದಲ್ಲಿರುವ ಸರ್ಕಾರವನ್ನು ಸ್ವಂತ ರಾಷ್ಟ್ರದಲ್ಲಿನ ಅದರ ಸ್ಥಿತಿಯ ಮೇಲೆ ಅಳೆಯುತ್ತದೆ, ಅವರ ರಾಷ್ಟ್ರದಲ್ಲಿ ಅವರ ಮಾತಿಗೆ ಎಷ್ಟು ಬಲ ಇದೆ ಎಂಬುದನ್ನು ಆಧರಿಸಿ ನಿರ್ಣಯಿಸುತ್ತದೆ. 30 ವರ್ಷಗಳ ಬಳಿಕ ಅವರು ಸ್ಪಷ್ಟ ಬಹುಮತದ ಸರ್ಕಾರವನ್ನು ಆಯ್ಕೆ ಮಾಡಿದ್ದಾರೆ ಇದಕ್ಕೆ ನಾನು ಈ ದೇಶದ ಜನತೆಗೆ ಧನ್ಯವಾದ ಹೇಳುತ್ತೇನೆ, ಇದು ವಿಶ್ವ ರಾಜಕೀಯದ ಮೇಲೆ ತನ್ನ ಪ್ರಭಾವ ಬೀರುತ್ತದೆ. ದೇಶಗಳು ಮತ್ತು ವಿಶ್ವ ನಾಯಕರು ಭಾರತದ ಬಗೆಗಿನ ನಿಲುವನ್ನು ಬದಲಾಯಿಸಿ ಕೊಂಡಿದ್ದಾರೆ. ಇದು ಅತಿ ದೊಡ್ಡ ಲಾಭವಾಗಿದೆ. ಎರಡನೆಯದಾಗಿ, ವಿಶ್ವಕ್ಕೆ ನನ್ನ ಪರಿಚಯವಿಲ್ಲ. ಜಗತ್ತು ಯಾರು ಈ ದೇಶದ ಮುಖ್ಯಸ್ಥ ಎಂದು ತಿಳಿಯಲು ಬಯಸುತ್ತದೆ. ಒಂದೊಮ್ಮೆ ಯಾರಾದರೂ ಮಾಧ್ಯಮದ ಕಣ್ಣುಗಳಲ್ಲಿ ಮೋದಿಯನ್ನು ಅರಿಯಬೇಕು ಎಂದರೆ, ಆಗ ಅವರು ಯಾವ ಮೋದಿ ನಿಜವಾದ ಮೋದಿ ಎಂದು ಭ್ರಮನಿರಸನಕ್ಕೆ ಒಳಗಾಗುತ್ತಾರೆ. ಅದು ಹಾಗೇನಾದರೂ ಆದರೆ ದೇಶಕ್ಕೆ ನಷ್ಟವಾಗುತ್ತದೆ. ಭಾರತದ ಬಗ್ಗೆ ಜಗತ್ತಿಗೆ ನಂಬಿಕೆ ಹೊಂದಲು ಮೋದಿಯ ವ್ಯಕ್ತಿತ್ವ ಒಂದು ತೊಡಕಾಗಬಾರದು. ಆದಕ್ಕೆ ನಾನು ಎಲ್ಲ ನಾಯಕರನ್ನು ಭೇಟಿ ಮಾಡಿ ಮತ್ತು ಅವರೊಂದಿಗೆ ನೇರ ಸಂಪರ್ಕ ಹೊಂದದ ಹೊರತು, ಅವರೊಂದಿಗೆ ಮುಕ್ತವಾಗಿ ಮಾತನಾಡದ ಹೊರತು, ಅವರು ಭಾರತ ರಾಷ್ಟ್ರದ ಮುಖ್ಯಸ್ಥರ ಬಗ್ಗೆ ತಿಳಿಯುವುದಿಲ್ಲ. ಹೀಗಾಗಿ ರಾಜಕೀಯ ಕುಟುಂಬದಿಂದ ಬಾರದ ನನಗೆ ಇದು ಅತಿ ಮುಖ್ಯವಾಗುತ್ತದೆ. ಇದಕ್ಕೆ ಮುನ್ನ ವಿಶ್ವ ನಾಯಕರನ್ನು ಭೇಟಿ ಮಾಡುವ ಅವಕಾಶ ನನಗೆ ಎಂದೂ ಒದಗಿರಲಿಲ್ಲ.
ಅರ್ನಬ್: ವಿದೇಶಾಂಗ ನೀತಿಯಲ್ಲಿ ನೀವು ಅಪರಿಚಿತ ವ್ಯಕ್ತಿಯೇ

ಪಿ.ಎಂ. ಮೋದಿ : ವಿದೇಶಾಂಗ ನೀತಿಗಿಂತ ಮಿಗಿಲಾಗಿ ವಿದೇಶೀ ಬಾಂಧವ್ಯದಲ್ಲಿ. ಹೌದು, ನಾನು ಅದಕ್ಕೂ ಹೊಸಬ. ಹೀಗಾಗಿ ನನಗೆ, ಸಕ್ರಿಯನಾಗಿರುವುದು ಕಡ್ಡಾಯ. ಮೂರನೆಯದಾಗಿ ನಾವು ಒಂದು ತಂಡವಾಗಿ ಕೆಲಸ ಮಾಡುತ್ತಿದ್ದೇವೆ. ವಿದೇಶಾಂಗ ಸಚಿವಾಲಯ, ಪ್ರಧಾನ ಮಂತ್ರಿಯವರ ಕಾರ್ಯಾಲಯ, ವಾಣಿಜ್ಯ ಸಚಿವಾಲಯ, ಹಣಕಾಸು ಸಚಿವಾಲಯ, ರಕ್ಷಣಾ ಸಚಿವರು ಎಲ್ಲರೂ ತಂಡವಾಗಿ ದುಡಿಯುತ್ತಿದ್ದಾರೆಯೇ ಹೊರತು ಪ್ರತ್ಯೇಕವಾಗಿ ಅಲ್ಲ. ಅದರ ಪರಿಣಾಮವನ್ನು ನೀವೀಗ ಕಾಣಬಹುದು, ಇದು ಕೇವಲ ಮೋದಿಯಿಂದ ಮಾತ್ರವಲ್ಲ, ಇದು ಅವರೆಲ್ಲರಿಂದಾದದ್ದು, ಎಲ್ಲ ತಂಡಗಳೂ ಒಂದೇ ದಿಕ್ಕಿನಲ್ಲಿ ಕೆಲಸ ಮಾಡುತ್ತಿವ. ಹೀಗಾಗಿಯೇ ಫಲಶ್ರುತಿ ಕಾಣತ್ತಿರುವುದು. ಇದಕ್ಕೆ ಮುನ್ನ ತಂಡಗಳು ವಿಘಟಿತವಾಗಿದ್ದವು. ಪಕ್ಷ ಒಂದು ಹೇಳಿಕೆ ನೀಡುತ್ತಿದ್ದು, ಪ್ರಧಾನ ಮಂತ್ರಿಯವರು ಮತ್ತೇನೋ ಹೇಳುತ್ತಿದ್ದರು, ಪಕ್ಷದ ನಾಯಕರು ಮತ್ತಿನ್ನೇನನ್ನೋ ಹೇಳುತ್ತಿದ್ದರು ನಾವು ಅಂಥ ಘಟನೆಗಳನ್ನು ನೋಡಿದ್ದೇವೆ. ಈ ಒಗ್ಗಟ್ಟಿನ ಕೊರತೆ ಋಣಾತ್ಮಕ ಪರಿಣಾಮ ಬೀರಿತ್ತು. ಮೂರನೆಯದಾಗಿ ನಾವು ಕೂಡ ಈ ಮುನ್ನ ಜಗತ್ತು ಎರಡು ಧ್ರುವವಾಗಿತ್ತು ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು. ವಿದೇಶಾಂಗ ನೀತಿ ಆಗ ಎರಡು ಬಲಿಷ್ಠ ಶಕ್ತಿಗಳ ಸುತ್ತ ಕೇಂದ್ರೀಕೃತವಾಗಿತ್ತು. ಈ ದ್ವಿ ಧ್ರುವ ಪರಿಸ್ಥಿತಿ ಕೇವಲ ನಾಮ ಮಾತ್ರಕ್ಕೆ ಎಂಬುದನ್ನು ಅರ್ಥ ಮಾಡಿಕೊಳ್ಳುವಲ್ಲಿ ಭಾರತ ಕೊಂಚ ತಡಮಾಡಿತು. ಈಗ ಇಡೀ ವಿಶ್ವ ಬದಲಾದ ಸನ್ನಿವೇಶದಲ್ಲಿ, ಅದರಲ್ಲೂ 21ನೇ ಶತಮಾನದಲ್ಲಿ, ಹೆಚ್ಚು ಸ್ವತಂತ್ರವಾಗಿದೆ ಮತ್ತು ಆಂತರಿಕವಾಗಿ ಸಂಪರ್ಕ ಹೊಂದಿದೆ, ಇದಕ್ಕೆ ಮುನ್ನ, ವಿದೇಶಾಂಗ ನೀತಿ ಸರ್ಕಾರಗಳ ನಡುವೆ ಸಾಧ್ಯವಾಗುತ್ತಿತ್ತು, ಆದರೆ ಇಂದು ಇದು ಕೇವಲ ಸರ್ಕಾರಗಳ ನಡುವೆ ಮಾತ್ರವೇ ಆಗುತ್ತಿಲ್ಲ. ಸರ್ಕಾರದ ಬಾಂಧವ್ಯ ಮಹತ್ವದ್ದು ಆದರೆ, ಜನರಿಂದ ಜನರ ನಡುವಿನ ಹೆಚ್ಚು ಸಂಪರ್ಕ ಕೂಡ ಅಷ್ಟೇ ಮಹತ್ವದ್ದಾಗಿದೆ. ಈಗ ದೃಷ್ಟಿಕೋನ ಬದಲಾಗಿದೆ. ಏಕೆಂದರೆ ನನಗೆ ಯಾವುದೇ ಹಿಂದಿನ ಹೊರೆ ಇಲ್ಲದ ಕಾರಣ, ನಾನು ನಿರ್ಮಲ ಫಲಕ ಹೊಂದಿದ್ದೇನೆ. ನಾನು ಎಲ್ಲವನ್ನೂ ಆರಂಭದಿಂದಲೇ ಬರೆಯುತ್ತೇನೆ ಮತ್ತು ಅದು ನನಗೆ ಲಾಭದಾಯಕ. ನಾವು ಇಂದು ವಿಶ್ವದಾದ್ಯಂತ ಇರುವ ರಾಷ್ಟ್ರಗಳೊಂದಿಗೆ ಸಂಬಂಧ ಬೆಸೆಯುತ್ತಿದ್ದೇವೆ. ನಾನು ಎಷ್ಟು ಗೌರವದಿಂದ ಸೌದಿಯೊಂದಿಗೆ ಮಾತುಕತೆ ನಡೆಸುತ್ತೇನೋ, ಇರಾನ್ ನೊಂದಿಗೂ ಅಷ್ಟೇ ಗೌರವದಿಂದ ಮಾತನಾಡುತ್ತೇನೆ. ಎಷ್ಟು ಗೌರವ ಪೂರ್ವಕವಾಗಿ ಅಮೆರಿಕದೊಂದಿಗೆ ಮಾತನಾಡುತ್ತೇನೋ ಅಷ್ಟೇ ಗೌರವಾದರಗಳೊಂದಿಗೆ ರಷ್ಯಾ ಜೊತೆಗೂ ಮಾತನಾಡುತ್ತೇನೆ. ಹೀಗಾಗಿ ನಾವು ಇದನ್ನು ಅರ್ಥ ಮಾಡಿಕೊಳ್ಳಬೇಕು. ಅಷ್ಟೇ ಅಲ್ಲ ನಾವು ಚಿಕ್ಕ ರಾಷ್ಟ್ರಗಳು ಅಮುಖ್ಯ ಎಂದು ಪರಿಗಣಿಸಲೇಬಾರದು ಎಂಬುದನ್ನೂ ನಾವು ಮನವರಿಕೆ ಮಾಡಿಕೊಳ್ಳಬೇಕು. ನಾನು ಈ ನೀತಿಗೆ ಬದ್ಧನಾಗಿದ್ದೇನೆ. ಸಣ್ಣ ರಾಷ್ಟ್ರಗಳು ಕೂಡ ದೊಡ್ಡ ರಾಷ್ಟ್ರಗಳಷ್ಟೇ ಮಹತ್ವದ್ದಾಗಿವೆ. ದೊಡ್ಡ ರಾಷ್ಟ್ರಗಳ ಛಾಯೆಯಲ್ಲಿ ಅಭಿವೃದ್ಧಿ ಹೊಂದುತ್ತಿರುವ ಸಣ್ಣ ರಾಷ್ಟ್ರಗಳೊಂದಿಗೂ ನಾವು ಬಾಂಧವ್ಯ ಹೊಂದುತ್ತಿದ್ದೇವೆ. ನಾನು ಇದರಲ್ಲಿ ಬದಲಾವಣೆ ತಂದಿದ್ದೇನೆ. ನೀವು ಇದನ್ನು ನೋಡಿರಬಹುದು. ನಾನು ಪೆಸಿಫಿಕ್ ದ್ವೀಪ ರಾಷ್ಟ್ರಗಳ ಒಂದು ಒಕ್ಕೂಟ ಮಾಡಿದ್ದೇನೆ. ನಾವು ಎರಡು ಸಭೆಗಳನ್ನು ನಡೆಸಿದ್ದೇವೆ. ನಾನು ಒಮ್ಮೆ ಅಲ್ಲಿಗೆ ಹೋಗಿದ್ದೆ. ಅವರೂ ಒಮ್ಮೆ ಇಲ್ಲಿಗೆ ಬಂದಿದ್ದರು. ಇವು ಕೇವಲ 10 ಲಕ್ಷ ಅಥವಾ 20 ಲಕ್ಷ ಜನಸಂಖ್ಯೆಯ ಚಿಕ್ಕ ರಾಷ್ಟ್ರಗಳು. ಆದರೆ ಈ ಸಣ್ಣ ದ್ವೀಪ ರಾಷ್ಟ್ರಗಳು ಜಾಗತಿಕ ತಾಪಮಾನದಿಂದ ಹೆಚ್ಚು ಬಾಧಿತವಾಗಿದ್ದವು. ಭಾರತವು ಅಂತಾ ರಾಷ್ಟ್ರೀಯ ಸೌರ ಅಭಿಯಾನವನ್ನು ಕೈಗೊಂಡಾಗ ಮತ್ತು 122 ರಾಷ್ಟ್ರಗಳನ್ನು ಜೊತೆಗೂಡಿಸಿದಾಗ, ಈ ದ್ವೀಪ ರಾಷ್ಟ್ರಗಳು ಹೆಚ್ಚು ಲಾಭ ಪಡೆದವು. ಅವು ಈಗ 50ರ ಸಂಖ್ಯೆಯಲ್ಲಿವೆ. ಭಾರತದ ಈ ದೃಷ್ಟಿಯೊಂದಿಗೆ 50 ರಾಷ್ಟ್ರಗಳ ಗುಂಪು ಈಗ ಭದ್ರತೆಯ ಅನುಭವ ಪಡೆಯುತ್ತಿವೆ. ನಾವು ಈ ಬದಲಾವಣೆಯನ್ನು ಅರ್ಥ ಮಾಡಿಕೊಂಡರೆ, ನಾವು ಜಗತ್ತಿನಲ್ಲಿರುವುದನ್ನೂ ಅರ್ಥ ಮಾಡಿಕೊಳ್ಳಬಹುದು, ಕೆಲವು ದಿನಗಳ ಹಿಂದೆ. ನಾನು ನಮ್ಮ ವಿದೇಶಾಂಗ ಅಧಿಕಾರಿಗಳೊಂದಿಗೆ ಕುಳಿತಿದ್ದೆ, ನಾವು ಹೀಗೇ ಮಾತನಾಡುತ್ತಿದ್ದಾಗ, ನಾನು ಕಾವ್ಯಮಯವಾಗಿ ಅವರಿಗೆ ಹೇಳಿದೆ, ನಾವು ಹಾಗೇ ಸಮುದ್ರದ ದಂಡೆಯಲ್ಲಿ ಕುಳಿತು, ಅಲೆಗಳನ್ನು ಎಣಿಸುತ್ತಿದ್ದೆವು, ಆದರೆ ಈಗ ಕಾಲ ಬದಲಾಗಿದೆ, ನಾವು ಅಲೆಗಳನ್ನು ಎಣಿಸುವ ಕಾರ್ಯ ಮಾಡಿದ್ದೇವೆ, ಈಗ ನಮ್ಮನ್ನು ನಾವೇ ತಿರುಗಿ ನೋಡಿಕೊಳ್ಳುವ ಕಾಲ ಬಂದಿದೆ, ಆ ಅಲೆಗಳ ಮೇಲೆ ಸವಾರಿ ಮಾಡಿ ಮತ್ತು ನಮ್ಮ ದಿಕ್ಕನ್ನು, ಗುರಿಯನ್ನು ಮತ್ತು ವೇಗವನ್ನು ನಿರ್ಧರಿಸಬಹುದಾಗಿದೆ.
ಅರ್ನಬ್ : ನೀವು ಅತಿ ಆಕ್ರಮಣಕಾರಿಯಾದ ವಿದೇಶಾಂಗ ನೀತಿ ಹೊಂದಿರುವಂತೆ ಕಾಣುತ್ತದೆ. ಆದರೆ ನನ್ನ ಎರಡನೇ ಪ್ರಶ್ನೆ ಏನೆಂದರೆ, ನೀವು ಎನ್.ಎಸ್.ಜಿ. ಸದಸ್ಯತ್ವಕ್ಕೆ ಅಷ್ಟೆಲ್ಲಾ ಪ್ರಯತ್ನ ಮಾಡಿದಿರಿ. ನನ್ನ ಪ್ರಶ್ನೆ ಏನೆಂದರೆ, ಚೀಣಾದ ವಿರೋಧದಿಂದಾಗಿ ಅಂತಿಮ ಘಟ್ಟದಲ್ಲಿ ನಾವು ನಿರಾಶೆ ಅನುಭವಿಸ ಬೇಕಾಯಿತು ಮತ್ತು ನಾವು ಎನ್.ಎಸ್.ಜಿ. ಸದಸ್ಯತ್ವಕ್ಕೆ ಎಷ್ಟು ಹತ್ತಿರವಾಗಿದ್ದೇವೆ?
ಪಿ.ಎಂ. ಮೋದಿ: ಮೊದಲ ವಿಷಯ ನೋಡಿ, ಭಾರತ ಸತತವಾಗಿ ಈ ಪ್ರಯತ್ನ ಮಾಡುತ್ತಿದೆ, ಯಾವ ಸರ್ಕಾರ ಈಗ ಇದೆ ಎಂಬುದು ಮುಖ್ಯವಲ್ಲ. ಅದು ವಿಶ್ವ ಸಂಸ್ಥೆಯ ಭದ್ರತಾ ಮಂಡಳಿಯ ಸದಸ್ಯ ಇರಲಿ ಅಥವಾ ಎಸ್.ಸಿ.ಓ. ಸದಸ್ಯತ್ವ ಇರಲಿ ಅಥವಾ ಎಂ.ಟಿ.ಸಿ.ಆರ್. ಸದಸ್ಯತ್ವ ಇರಲಿ ಅಥವಾ ಎನ್.ಎಸ್.ಜಿ. ಸದಸ್ಯತ್ವವೇ ಇರಲಿ. ಪ್ರತಿಯೊಂದು ಸರ್ಕಾರವೂ ತನ್ನ ಪ್ರಯತ್ನ ಮಾಡಿದೆ. ಇದೊಂದೇ ಸರ್ಕಾರ ಪ್ರಯತ್ನ ಮಾಡಿದ್ದಲ್ಲ, ಇದರಲ್ಲಿ ನಿರಂತರತೆ ಇದೆ. ನಮ್ಮ ಅವಧಿಯಲ್ಲಿ ನಾವು ಎಸ್.ಸಿ.ಓ. ಸದಸ್ಯತ್ವ ಪಡೆದೆವು, ನಾವು ಎಂ.ಟಿ.ಸಿ.ಆರ್. ಸದಸ್ಯತ್ವವನ್ನೂ ಹೊಂದಿದೆವು. ಈಗ ನಾವು ಎನ್.ಎಸ್.ಜಿ.ಯ ಸದಸ್ಯತ್ವಕ್ಕಾಗಿ ಸಂಘಟಿತ ಪ್ರಯತ್ನ ಆರಂಭಿಸಿದ್ದೇವೆ. ಈ ಪ್ರಯತ್ನ ಧನಾತ್ಮಕವಾಗಿ ಆರಂಭಗೊಂಡಿದೆ. ಎಲ್ಲಕ್ಕೂ ಒಂದು ನಿಯಮ ಇರುತ್ತದೆ. ನಾವು ಅದಕ್ಕೆ ಅನುಗುಣವಾಗಿ ಮಾಡುತ್ತೇವೆ ಮತ್ತು ಮುಂದೆ ಸಾಗುತ್ತೇವೆ.

ಅರ್ನಬ್: ಚೀಣಾದ ಮನೋ ಸ್ಥಿತಿಯೊಂದಿಗೆ ಸಮಸ್ಯೆ ಇದೆಯೇ? ನರೇಂದ್ರ ಮೋದಿ ಸರ್ಕಾರ ಮತ್ತು ಚೀಣಾ ಸರ್ಕಾರದ ನಡುವೆ ವಿವಿಧ ಹಂತದಲ್ಲಿ 13 ಮಾತುಕತೆ ನಡೆದಿದೆ. ಇತ್ತೀಚಿನದು ಎಂದರೆ ನೀವು ತಾಷ್ಕೆಂಟ್ ಗೆ ಹೋಗಿದ್ದಾಗಿನದು. ನೀವು ಚೀಣಾ ಅಧ್ಯಕ್ಷ ಕ್ಸಿ ಝಿಂಪಿಂಗ್ ಅವರೊಂದಿಗೆ ಕೆಲ ಕಾಲ ಕಳೆದಿರಿ. ಮತ್ತೊಮ್ಮೆ ಮಜೂರ್ ಅಜರ್ ಪ್ರಕರಣದಲ್ಲಿ ಗೋಚರಿಸಿತು. ಚೀಣಾ ಅವರನ್ನು ನಿಷೇಧಿಸುವ ಭಾರತದ ವಿಶ್ವ ಸಂಸ್ಥೆಯ ಪ್ರಯತ್ನ ತಡೆದರು. ಈಗ ಅವರು ಭಾರತದ ಎನ್.ಎಸ್.ಜಿ. ಯತ್ನವನ್ನೂ ತಡೆದರು. ಶ್ರೀ ಪ್ರಧಾನಿಯವರೇ, ನಿಮ್ಮ ವೈಯಕ್ತಿಕ ಕ್ರಮಗಳು ಮತ್ತು ನಿಮ್ಮ ಸರ್ಕಾರದ ಯತ್ನದ ನಡುವೆಯೂ ಪದೇ ಪದೇ ಚೀಣಾ ನಮ್ಮನ್ನೇಕೆ ತಡೆಯುತ್ತಿದೆ.?

ಪಿ.ಎಂ. ಮೋದಿ : ಮೊದಲ ಸಂಗತಿ ಎಂದರೆ ನಾವು ಚೀಣಾದೊಂದಿಗೆ ಮಾತುಕತೆ ನಡೆಸುತ್ತಿದ್ದೇವೆ ಮತ್ತು ಅದು ಮುಂದುವರಿಯಬೇಕು. ವಿದೇಶಾಂಗ ನೀತಿಯಲ್ಲಿ ಸಂಭಾಷಣೆ ನಡೆಸಲು ಒಂದೇ ರೀತಿಯ ಅಭಿಪ್ರಾಯ ಇರಬೇಕೆಂದೇನೂ ಇಲ್ಲ. ಅಭಿಪ್ರಾಯಗಳು ವೈರುಧ್ಯವಾಗಿದ್ದರೂ, ಮಾತುಕತೆಯೊಂದೇ ಮುಂದೆ ಸಾಗುವ ಸಾಧನ ಮತ್ತು ಮಾತುಕತೆಯಿಂದ ಮಾತ್ರ ಸಮಸ್ಯೆ ಪರಿಹರಿಸಲು ಸಾಧ್ಯ. ಚೀಣಾದೊಂದಿಗೆ ಇದೊಂದೇ ಸಮಸ್ಯೆ ಇರುವುದಲ್ಲ. ಚೀಣಾದೊಂದಿಗೆ ದೊಡ್ಡ ಸಮಸ್ಯೆಯ ಸರಮಾಲೇಯೇ ಬಾಕಿ ಇದೆ. ನಿಧಾನವಾದ ಮತ್ತು ದೃಢವಾದ ಪ್ರಯತ್ನದಿಂದ ಮತ್ತು ಮಾತುಕತೆಯ ಮೂಲಕ ಈ ಎಲ್ಲವನ್ನೂ ಎದುರಿಸಲು ಮತ್ತು ಅವುಗಳ ತೊಡಕು ಕಡಿಮೆ ಮಾಡಲಾಗುತ್ತಿದೆ. ಚೀಣಾ ಕೂಡ ಭಾರತದೊಂದಿಗೆ ಪರಿಹಾರ ಹುಡುಕಲು ಸಹಕರಿಸುತ್ತಿದೆ. ಕೆಲವು ವಿಚಾರಗಳಿಗೆ ಸಂಬಂಧಿಸಿದಂತೆ ಅದು ಅವರಿಗೂ ನೀತಿಯ ಪ್ರಶ್ನೆಯಾಗಿದೆ. ಇನ್ನು ಕೆಲವು ವಿಚಾರಗಳಲ್ಲಿ, ನಮಗೂ ಅದು ತತ್ವದ ಪ್ರಶ್ನೆಯಾಗಿದೆ. ಇನ್ನು ಕೆಲವು ವಿಷಯಗಳಲ್ಲಿ ಅವರು ನಮ್ಮ ವಿಚಾರದಲ್ಲಿ ಭಿನ್ನವಾಗಿದ್ದಾರೆ ಮತ್ತು ಇನ್ನು ಕೆಲವು ವಿಚಾರಗಳಲ್ಲಿ ನಾವೂ ಭಿನ್ನಾಗಿದ್ದೇವೆ. ಕೆಲವು ಮೂಲಭೂತ ಭಿನ್ನಾಭಿಪ್ರಾಯಗಳಿವೆ. ಆದರೂ ಅತ್ಯಂತ ಮಹತ್ವದ ವಿಚಾರವೇನೆಂದರೆ ನಾವು ಚೀಣಾದೊಂದಿಗೆ ಕಣ್ಣಲ್ಲಿ ಕಣ್ಣಿಟ್ಟು ಮಾತನಾಡ ಬಹುದಾಗಿದೆ ಮತ್ತು ಭಾರತದ ಆಸಕ್ತಿಯನ್ನು ಅಸಂದಿಗ್ಧವಾಗಿ ಮುಂದಿಡಬಹುದಾಗಿದೆ. ಭಾರತದ ಹಿತವನ್ನು ರಕ್ಷಿಸುವ ಸರ್ಕಾರ ನಮ್ಮದಾಗಿದೆ. ನಾವು ಇದರಲ್ಲಿ ರಾಜೀ ಮಾಡಿಕೊಳ್ಳುವುದಿಲ್ಲ. ಮೂರು ದಿನಗಳ ಹಿಂದೆ ನಾನು ಚೀಣಾ ಅಧ್ಯಕ್ಷರನ್ನು ಭೇಟಿ ಮಾಡಿದ್ದೆ. ನಾನು ಭಾರತದ ಹಿತದ ಬಗ್ಗೆ ಅವರಿಗೆ ಸ್ಪಷ್ಟವಾಗಿ ತಿಳಿಸಿದೆ. ಅವರು ಬೇರೆಯದೇ ರಾಷ್ಟ್ರ, ನಮ್ಮದೂ ಬೇರೆಯದೇ ರಾಷ್ಟ್ರ.

ಅರ್ನಬ್: ಎನ್.ಎಸ್.ಜಿ. ಸದಸ್ಯತ್ವಕ್ಕೆ ಸಂಬಂಧಿಸಿದಂತೆ ನೀವು ಅವರ ಮನೋಸ್ಥಿತಿಯನ್ನು ಬದಲಾಯಿಸಬಹುದು ಎಂದು ಅಂದುಕೊಂಡಿದ್ದೀರಾ.?

ಪಿ.ಎಂ. ಮೋದಿ : ನೋಡಿ, ವಿದೇಶಾಂಗ ನೀತಿ ಎಂಬುದು ಮನೋಸ್ಥಿತಿಯನ್ನು ಬದಲಾಯಿಸುವುದಲ್ಲ. ವಿದೇಶಾಂಗ ನೀತಿ ಎಂಬುದು ಸಮಾನ ಭೇಟಿಯ ಬಿಂದುಗಳನ್ನು ಹುಡುಕುವುದು. ಅಲ್ಲಿ ನಮ್ಮ ಆಸಕ್ತಿಗಳು ಸೇರುತ್ತವೆ ಮತ್ತು ಎಷ್ಟು ? ನಾವು ಎಲ್ಲ ರಾಷ್ಟ್ರಗಳೊಂದಿಗೆ ಕುಳಿತು ಮಾತನಾಡಬೇಕು. ಅದು ನಮ್ಮ ನಿರಂತರ ಪ್ರಯತ್ನ.

ಅರ್ನಬ್ : ನೀವು ಈಗಷ್ಟೇ ನೀಡಿದ ಹೇಳಿಕೆ, ಅಮೆರಿಕದ ವಿಷಯದಲ್ಲೂ ಅನ್ವಯಿಸುತ್ತದೆ, ಅಲ್ಲಿ ನೀವು ಅಮೆರಿಕದ ಕಾಂಗ್ರೆಸ್ ಉದ್ದೇಶಿಸಿ ಮಾತನಾಡಿದಿರಿ, ಮಾನ್ಯ ಪ್ರಧಾನ ಮಂತ್ರಿಯವರೇ ಅದೊಂದು ಅದ್ಭುತ ಭಾಷಣ.

ಪಿ.ಎಂ. ಮೋದಿ : ಧನ್ಯವಾದಗಳು.

ಅರ್ನಬ್ : ಅಲ್ಲಿ ಸಾಕಷ್ಟು ಹಾಸ್ಯವಿತ್ತು. ನೀವು ಭಾಷಣ ಮಾಡುವಾಗ ನೀವು ನಗುತ್ತಿದ್ದಿರಿ ಮತ್ತು ಹಾಸ್ಯ ಚಟಾಕಿ ಹಾರಿಸುತ್ತಿದ್ದಿರಿ ಅದು ವಿಶಿಷ್ಟವಾಗಿತ್ತು. ಅವರೂ ಅದನ್ನು ಪ್ರಶಂಸಿಸಿದರು. ಆ ಭಾಷಣ ಆಶು ಭಾಷಣವೇ?

ಪಿ.ಎಂ. ಮೋದಿ : ನಾನು ಹಾಸ್ಯ ಪರವಾದವನು ಆದರೆ ಈ ದಿನಗಳಲ್ಲಿ ಹಾಸ್ಯ ಒಂದು ಅಪಾಯದ ಸಂಗತಿ.

ಅರ್ನಬ್ : ಏಕೆ ಹಾಗೆ ಹೇಳುತ್ತೀರಿ?

ಪಿ.ಎಂ. ಮೋದಿ : 24/7 ಸುದ್ದಿ ವಾಹಿನಿಗಳ ಈ ಯುಗದಲ್ಲಿ, ಯಾರು ಬೇಕಾದರೂ ಚಿಕ್ಕ ಪದವನ್ನು ಎತ್ತಿಕೊಂಡು, ಅದನ್ನೇ ದೊಡ್ಡ ವಿಷಯ ಮಾಡಬಹುದು. ಆದರೆ ನಾನು ನಿಮಗೆ ನಿಜ ಹೇಳುತ್ತೇನೆ, ಈ ಭೀತಿಯಿಂದಲೇ ನಾನು ಸಾರ್ವಜನಿಕ ಜೀವನದಲ್ಲಿ ಹಾಸ್ಯದ ಹೊರತಾಗಿರುತ್ತೇನೆ. ನನಗೆ ನಾನೇ ಹೆದರುತ್ತೇನೆ. ನಾನು ಹಿಂದೆ ಭಾಷಣ ಮಾಡುವಾಗ ನಾನು ಹಾಸ್ಯಮಯವಾಗಿ ಮಾತನಾಡುತ್ತಿದ್ದೆ. ಆಗ ಯಾವುದೇ ವಿವಾದ ಆಗುತ್ತಿರಲಿಲ್ಲ.
ಅರ್ನಬ್: ನೀವು ಈಗ ಹೆಚ್ಚು ಜಾಗೃತರಾಗಿದ್ದೀರಾ.?

ಪಿ.ಎಂ. ಮೋದಿ : ನಾನು ಕಾನ್ಷಿಯಸ್ ಅಲ್ಲ, ನಾನು ಭಯದಲ್ಲಿದ್ದೇನೆ, ಈ ಭೀತಿಯಿಂದಲೇ ಸಾರ್ವಜನಿಕ ಜೀವನದಲ್ಲಿ ಹಾಸ್ಯ ಉಳಿದಿಲ್ಲ. ಪ್ರತಿಯೊಬ್ಬರೂ ಹೆದರುತ್ತಾರೆ. ನಾನೂ ಅಷ್ಟೇ. ನನ್ನ ಭಾಷಣಗಳು ಹಿಂದೆ ಹಾಸ್ಯಮಯವಾಗಿರುತ್ತಿದ್ದವು. ನಾನು ಸಂಸತ್ತಿನಲ್ಲಿಯೂ ನೋಡಿದ್ದೇನೆ, ಅಲ್ಲಿಯೂ ಹಾಸ್ಯ ಮುಗಿದು ಹೋಗಿದೆ. ಇದು ಚಿಂತೆಯ ವಿಷಯ. ನಾನು ಒಂದು ಗಾದೆ ಉಲ್ಲೇಖಿಸುತ್ತೇನೆ.

ಅರ್ನಬ್ : ಸರಿ, ಮುಂದುವರಿಸಿ..

ಪಿ.ಎಂ. ಮೋದಿ : ನೀವು ಒಂದು ಗಾದೆ ಹೇಳಿದರೂ, ಅವರು ಅದನ್ನು ಬೇರೆ ಯಾವುದಕ್ಕೋ ಜೋಡಿಸುತ್ತಾರೆ ಮತ್ತು ಮಾತು ಆರಂಭಿಸುತ್ತಾರೆ. ಗಾದೆ ಹೇಳುವವನು ತಾನು ಏನು ಮಾತನಾಡುತ್ತೇನೆ ಎಂದೇ ತಿಳಿದಿರುವುದಿಲ್ಲ.

ಅರ್ನಬ್ : ಆದರೂ ನೀವು ನಿಮ್ಮ ಹಾಸ್ಯ ಪ್ರಜ್ಞೆಯನ್ನು ಕಳೆದುಕೊಳ್ಳಬಾರದು ಮಾನ್ಯ ಪ್ರಧಾನ ಮಂತ್ರಿಯವರೇ,

ಪಿ.ಎಂ. ಮೋದಿ : ಆದರೆ, ಇದು ನಿಜ, ನಾನು ಅಮೆರಿಕಕ್ಕೆ ಹೋಗಿದ್ದಾಗ, ಅವರ ಕಾಂಗ್ರೆಸ್ ನಲ್ಲಿ ನನ್ನ ಭಾಷಣ ಮತ್ತು ಭಾರತದ ಬಗ್ಗೆ ತೋರಿದ ಗೌರವ, ಸಾಕಷ್ಟು ಪ್ರಚೋದನೆ ನೀಡಿತು. ಅದು ಹೆಚ್ಚು ಪರಿಣಾಮ ಬೀರಿಲ್ಲವೇ, ಎನ್.ಎಸ್.ಜಿ. ವಿಚಾರದಲ್ಲಿ ಹೆಚ್ಚಿನ ಟೀಕೆ ಬರಲಿಲ್ಲ. ಎನ್.ಎಸ್.ಜಿ. ವಿಚಾರದಲ್ಲಿ ನಾವು ಅಸಮರ್ಪಕವಾಗಿ ನಡೆದುಕೊಂಡೆವು ಎಂದು ಸರ್ಕಾರವನ್ನು ಟೀಕಿಸಲಿಲ್ಲ, ಬದಲಾಗಿ ನಾವು (ಅಮೆರಿಕದಲ್ಲಿ) ಹೆಚ್ಚು ಯಶಸ್ವಿಯಾದೆವು ಎಂಬ ಕಾರಣಕ್ಕೆ ಟೀಕಿಸಿದರು.

ಅರ್ನಬ್ : ಅಮೆರಿಕದೊಂದಿಗೆ ನಮ್ಮ ಬಾಂಧವ್ಯ ಬೆಳೆಯುತ್ತಿರುವುದರಿಂದ ಚೀಣಾ ಜಾಗೃತವಾಗಿದೆಯೇ ?

ಪಿ.ಎಂ. ಮೋದಿ : ನಾನು ಇಲ್ಲಿ ಏನಾಗುತ್ತಿದೆ ಎಂಬುದರ ಬಗ್ಗೆ ಮಾತನಾಡುತ್ತಿದ್ದೇನೆ.

ಅರ್ನಬ್ : ಆದರೆ ನೀವು ಅಮೆರಿಕದ ಸನ್ನಿವೇಶದಲ್ಲಿ ಆ ಭಾಷಣ ಮಾಡಿದಾಗ, ನೀವು ಒಂದು ಆಸಕ್ತಿ ಪೂರ್ಣ ಜಾಣ್ಣುಡಿ ಬಳಸಿದಿರಿ. ನೀವು ಹೇಳಿದ್ದು, ‘ನಾವು ಇತಿಹಾಸದ ಹಿಂಜರಿಕೆಯಿಂದ ಹೊರ ಬರಬೇಕು’ ನನ್ನ ಹಿಂದಿ ಅಷ್ಟು ಉತ್ತಮವಾಗಿಲ್ಲ. ಇತಿಹಾಸದ ಹಿಂಜರಿಕೆಯಂತೆ. ಆದರೆ ನಿಮಗೆ ನನ್ನ ಪ್ರಶ್ನೆ, ಮಾನ್ಯ ಪ್ರಧಾನಮಂತ್ರಿಯವರೇ, ಅಮೆರಿಕಾ ಇನ್ನೂ ಪಾಕಿಸ್ತಾನಕ್ಕೆ ಬೆಂಬಲ ನೀಡುತ್ತಿದೆ, ಸೇನಾ ನೆರವು ಒದಗಿಸುತ್ತಿದೆ ಎಂದು ಹಲವು ಭಾರತೀಯರು ಭಾವಿಸುತ್ತಾರೆ. ಹಾಗಾದರೆ ನಾವು ಅಮೆರಿಕಕ್ಕೆ ಎಷ್ಟು ಹತ್ತಿರವಾಗಿದ್ದೇವೆ. ನಾವು ಎಷ್ಟು ಹತ್ತಿರ ಹೋಗಬಹುದು? ನಾವು ಅಮೆರಿಕದ ಮೈತ್ರಿಯಾಗಿ ಕಾಣುವ ಮುನ್ನ ಯಾವ ಬಿಂದುವಿನಲ್ಲಿ ನಿಲ್ಲಬಹುದು? ಈ ಬಗ್ಗೆ ನಿಮ್ಮ ಸ್ವಂತ ಅಭಿಪ್ರಾಯ ಏನು?

ಪಿ.ಎಂ. ಮೋದಿ : ನಾನು ವಿಶೇಷವಾಗಿ ನನ್ನ ದೇಶದ ಮಾಧ್ಯಮಗಳಿಗೆ ಮನವಿ ಮಾಡಿಕೊಳ್ಳ ಬಯಸುತ್ತೇನೆ, ಎಲ್ಲವನ್ನೂ ಪಾಕಿಸ್ತಾನದ ವರ್ಣಪಲ್ಲಟದೊಂದಿಗೆ ನೋಡುವುದನ್ನು ನಿಲ್ಲಿಸಿ. ಭಾರತವು ಒಂದು ಸ್ವತಂತ್ರ ರಾಷ್ಟ್ರ. ಇದು 125 ಕೋಟಿ ಜನರ ದೇಶ. ಅದು ಯಾವಾಗ ಯಾವುದೇ ದೇಶವನ್ನು ಸಂಪರ್ಕಿಸಿದರೂ, ಅದು ಸದಾ ತನ್ನ ಹಿತಾಸಕ್ತಿಯನ್ನು ಮಾತ್ರ ಹೊಂದಿರುತ್ತದೆ. ನಮ್ಮ ದೊಡ್ಡ ನ್ಯೂನತೆ ಮತ್ತು ತಪ್ಪು ಏನೆಂದರೆ, ನಾವು ಸದಾ ನಮ್ಮನ್ನು ನಾವು ಮತ್ತೊಂದು ರಾಷ್ಟ್ರದೊಂದಿಗೆ ಥಳುಕು ಹಾಕಿಕೊಂಡು ಮತ್ತು ಕೆಲಸ ಮಾಡಲು ಯತ್ನಿಸುತ್ತೇವೆ. ನಮ್ಮದು ಸ್ವತಂತ್ರ ರಾಷ್ಟ್ರ, ನಮಗೆ ನಮ್ಮದೇ ಆದ ಸ್ವಂತ ನೀತಿಗಳಿವೆ ಮತ್ತು ಭವಿಷ್ಯವಿದೆ. ನಾವು ನಮ್ಮ 125 ಕೋಟಿ ಜನರ ಭವಿಷ್ಯದ ಬಗ್ಗೆ ಚಿಂತಿಸಬೇಕು. ನಮ್ಮ ಹಿತದಲ್ಲಿ ಯಾವುದೇ ರಾಜೀ ಇರಬಾರದು. ನಾವು ಈ ಮೂಲಭೂತ ಅಂಶಗಳನ್ನು ಇಟ್ಟುಕೊಂಡು ಅಮೆರಿಕದೊಂದಿಗೆ ಬಾಂಧವ್ಯ ಹೊಂದಿದ್ದೇವೆ.

ಅರ್ನಬ್ : ನಾವು ಇದಕ್ಕೆ ಎಷ್ಟು ಹತ್ತಿರವಾಗಬಹುದು.?

ಪಿ.ಎಂ. ಮೋದಿ : ನಮ್ಮ ಬಾಂಧವ್ಯದಲ್ಲಿ ಆತ್ಮೀಯತೆ ಇದೆ. ನಾನು ಆ ದೇಶಕ್ಕೆ ಭೇಟಿ ನೀಡಿದ ನಂತರ ಅಲ್ಲಿನ ಪತ್ರಿಕೆಗಳ ಸಂಪಾದಕೀಯವನ್ನು ನೀವು ನೋಡಿರಬಹುದು. ಆ ಸಂಪಾದಕೀಯಗಳಲ್ಲಿ ಒಂದು ಅಂಶವನ್ನು ಪ್ರಸ್ತಾಪಿಸಲಾಗಿತ್ತು. ಅದು ಭಾರತದೊಂದಿಗೆ ಆತ್ಮೀಯ ಬಾಂಧವ್ಯ ಹೊಂದುವಲ್ಲಿ ಒಬಾಮಾ ಅವರ ವಿದೇಶಾಂಗ ನೀತಿಯದಾಗಿತ್ತು. ಈ ಬಗ್ಗೆ ಹೇಳಲಾಗಿತ್ತು.

ಅರ್ನಬ್ : ಏನು ಹೇಳುತ್ತಿದ್ದೀರಿ ಮೋದಿಜೀ, ಇದು ನಾವು ಅಮೆರಿಕಕ್ಕೆ ಹತ್ತಿರವಾಗಿದ್ದೇವೆ ಎಂದೇ ಆದರೆ ನಾವು ಅವರ ಮಿತ್ರರೆಂದೇ ಅಥವಾ ಮಿತ್ರರಂತೆ ಕಾಣುತ್ತಿದ್ದೇವೆಯೇ?

ಪಿ.ಎಂ. ಮೋದಿ : ಮೊದಲಿಗೆ ನಾವು ಈಗ ದ್ವಿ ಧ್ರುವ ಜಗತ್ತಿನಲ್ಲಿ ಇಲ್ಲ. ಈಗ ವಿಶ್ವ ಒಂದಕ್ಕೊಂದು ಬೆಸೆದಿದೆ ಮತ್ತು ಒಂದನ್ನೊಂದು ಅವಲಂಬಿಸಿದೆ. ನೀವು ಎಲ್ಲರೊಂದಿಗೆ ಬೆಸೆದುಕೊಳ್ಳಬೇಕು ಮತ್ತು ಅದೇ ವೇಳೆ ಎರಡು ವಿರೋಧದ ರಾಷ್ಟ್ರಗಳಿದ್ದರೂ ಅವು ಮಿತ್ರರಾಗಬೇಕು. ಈಗ ಕಾಲ ಬದಲಾಗಿದೆ.
ಅರ್ನಬ್: ಮಾನ್ಯ ಮೋದಿ ಅವರೇ, 2014ರ ಮೇ 8ರಂದು ನಿಮ್ಮನ್ನು ಸಂದರ್ಶಿಸುವ ಅವಕಾಶ ನನಗೆ ಸಿಕ್ಕಿತ್ತು. ಆ ಸಂದರ್ಶನ ಅಹಮದಾಬಾದ್ ನಲ್ಲಿ ನಡೆದಿತ್ತು. ಆಗ ನನಗನಿಸಿದಂತೆ ಕೊನೆ ಚರಣದ ಚುನಾವಣೆ ಮಾತ್ರ ಬಾಕಿ ಇತ್ತು. ನಾವು ಪಾಕಿಸ್ತಾನದ ವಿಚಾರ ಚರ್ಚಿಸಿದೆವು. ಆಗ ನೀವು ಪಾಕಿಸ್ತಾನದ ವಿಚಾರದಲ್ಲಿ ರಾಜಿಯಾಗದ ಧೋರಣೆ ಹೊಂದಿದ್ದಿರಿ. ಎರಡು ದಿನಗಳ ಹಿಂದೆ ಲಷ್ಕರ್ ಇ ತೋಯಿಬಾ ದಾಳಿಯಲ್ಲಿ 8 ಸಿ.ಆರ್.ಪಿ.ಎಫ್. ಯೋಧರು ಮೃತಪಟ್ಟಿದ್ದಾರೆ. 8ನೇ ತಾರೀಖಿನ ಸಂದರ್ಶನದಲ್ಲಿ ನೀವು ಒಂದು ಆಸಕ್ತಿದಾಯಕ ಜಾಣ್ಣುಡಿ ಬಳಸಿದ್ದಿರಿ, ಆಗ ನೀವು ಹೇಳಿದ್ದು, ‘ಬಾಂಬ್, ಗನ್, ಪಿಸ್ತೂಲುಗಳ ಸದ್ದಿನ ಜೊತೆಗೆ ಮಾತುಕತೆ ಕೇಳಲು ಸಾಧ್ಯವೇ?’ ಅದು ನಿಮ್ಮ ಪದ ಜೋಡಣೆಯಾಗಿತ್ತು. ನಾವು ಪಾಕಿಸ್ತಾನದ ವಿಚಾರದಲ್ಲಿ ಹೆಚ್ಚು ಉದಾರಿಗಳಾಗಿದ್ದೇವೆ ಎಂದು ನಿಮಗೆ ಅನ್ನಿಸುತ್ತದೆಯೇ? ನಾವು ಪಾಕಿಸ್ತಾನದ ವಿಚಾರದಲ್ಲಿ ತುಂಬಾ ಉದಾರಿಗಳಾಗಿದ್ದೇವೆ ಎಂದು ನೀವು ನಂಬುತ್ತೀರಾ?

ಪಿ.ಎಂ. ಮೋದಿ : ಇಲ್ಲಿ ಎರಡು ವಿಚಾರಗಳಿವೆ. ಒಂದು- ಭಾರತ ಸದಾ ತನ್ನ ನೆರೆಯವರೊಂದಿಗೆ ಸ್ನೇಹಪರ ಬಾಂಧವ್ಯ ಹೊಂದಲು ಬಯಸುತ್ತದೆ. ಅದರ ಸುತ್ತ ಯಾವುದೇ ಚರ್ಚೆ ಇಲ್ಲ. ನಾವು ಶಾಂತಿ ಮತ್ತು ಸೌಹಾರ್ದತೆಯಿಂದ ಬಾಳಲು ಬಯಸುತ್ತೇವೆ. ನಾನು ಇದನ್ನು ಪದೇ ಪದೇ ಹೇಳಿದ್ದೇನೆ. ಭಾರತ ಬಡತನದ ವಿರುದ್ಧ ಹೋರಾಡಬೇಕು, ಪಾಕಿಸ್ತಾನ ಕೂಡ ಬಡತನದ ವಿರುದ್ಧವೇ ಹೋರಾಟ ನಡೆಸಬೇಕು. ನಾವಿಬ್ಬರೂ ಬಡತನದ ವಿರುದ್ಧದ ಹೋರಾಟಕ್ಕೆ ಏಕೆ ಜೊತೆಗೂಡಬಾರದು.?ನಾನು ಇದನ್ನು ಚುನಾವಣೆಗೂ ಮುನ್ನ ಹೇಳಿದ್ದೆ, ಚುನಾವಣೆಯ ಪ್ರಚಾರದಲ್ಲೂ ಉಲ್ಲೇಖಿಸಿದ್ದೆ. ನಾನು ನನ್ನ ಅಧಿಕಾರ ಸ್ವೀಕಾರ ಸಮಾರಂಭಕ್ಕೆ ಎಲ್ಲ ಸಾರ್ಕ್ ರಾಷ್ಟ್ರಗಳ ನಾಯಕರನ್ನೂ ಆಹ್ವಾನಿಸಿದ್ದೆ ಮತ್ತು ಅವರು ಅದರಲ್ಲಿ ಪಾಲ್ಗೊಂಡಿದ್ದರು ಕೂಡ. ಹೀಗಾಗಿ ನಮ್ಮ ನಿಲುವಿನಲ್ಲಿ, ಪ್ರಸಕ್ತ ವರ್ತನೆಯಲ್ಲಿ, ಚಿಂತನೆಯಲ್ಲಿ ಯಾವುದೇ ಬದಲಾವಣೆ ಇಲ್ಲ. ಇನ್ನು ಎರಡನೇ ವಿಚಾರ – ಯಾರು ಮೇಜಿನ ಬಳಿಯಿಂದ ಕೆಲಸ ಮಾಡುತ್ತಾರೋ ಅವರು ಮೇಜಿನಿಂದಲೇ ಕೆಲಸ ಮಾಡಲಿ, ಯಾರು ಗಡಿಯಲ್ಲಿ ಕೆಲಸ ಮಾಡುತ್ತಾರೋ ಅವರು ಗಡಿಯಲ್ಲಿ ಪೂರ್ಣ ಬಲದೊಂದಿಗೆ ಕೆಲಸ ಮಾಡಲಿ. ಪ್ರತಿಯೊಬ್ಬರೂ ತಮಗೆ ವಹಿಸಿರುವ ಜವಾಬ್ದಾರಿಯನ್ನು ಪೂರ್ಣಗೊಳಿಸಲಿ. ಅದೇ ರೀತಿ ನಮ್ಮ ಯೋಧರೂ ಅವರ ಜವಾಬ್ದಾರಿ ಪೂರ್ಣಗೊಳಿಸಲಿ, ಆಗ ಅವರ ಯೋಜನೆಗಳು ವಿಫಲವಾಗುತ್ತವೆ ಮತ್ತು ಆಗ ಅವರು ಬೃಹತ್ ಸವಾಲುಗಳನ್ನು ಎದುರಿಸುತ್ತಾರೆ. ಈ ನಿರಾಶೆಯ ಕಾರಣಕ್ಕಾಗಿಯೇ ಇಂಥ ಘಟನೆಗಳು ನಡೆಯುತ್ತಿವೆ. ನಮ್ಮ ಯೋಧರು ಪ್ರಾಣವನ್ನು ಅಪಾಯದಲ್ಲಿಟ್ಟಿದ್ದಾರೆ ಮತ್ತು ದೇಶವನ್ನು ಕಾಯುತ್ತಿದ್ದಾರೆ. ನಾವು ನಮ್ಮ ಯೋಧರ ಬಗ್ಗೆ ಹೆಮ್ಮೆ ಪಡುತ್ತೇವೆ.

ಅರ್ನಬ್ : ನಿಮ್ಮ ವಿದೇಶಾಂಗ ನೀತಿಯನ್ನು ಅಧ್ಯಯನ ಮಾಡಿದರೆ, ವೀಕ್ಷಕರು ಏನು ಆಗುತ್ತಿದೆ ಮತ್ತು ಏನು ಆಗಬಾರದು ಎಂಬುದನ್ನು ವಿಶ್ಲೇಷಿಸುತ್ತಾರೆ. ನೀವು ನನಗೆ ಅವಕಾಶ ನೀಡುವುದಾದರೆ, ನಾನೂ ಕೂಡ ಕೊಂಚ ವಿಶ್ಲೇಷಣೆ ಮಾಡುತ್ತೇನೆ. ಅಕ್ಟೋಬರ್, ನವೆಂಬರ್ ಮತ್ತು ಡಿಸೆಂಬರ್ ನಲ್ಲಿ ಪಾಕಿಸ್ತಾನದೊಂದಿಗೆ ತೀವ್ರ ಗತಿಯ ಮಾತುಕತೆ ನಡೆಯಿತು. ನವೆಂಬರ್ 30ರಂದು ನೀವು (ಪ್ಯಾರಿಸ್ ನಲ್ಲಿ ನಡೆದ ವಿಶ್ವ ಸಂಸ್ಥೆಯ ಹವಾಮಾನ ಬದಲಾವಣೆ ಶೃಂಗದ ವೇಳೆ) ನವಾಜ್ ಷರೀಫ್ ಅವರನ್ನು ಭೇಟಿಯಾದಿರಿ. ನೀವಿಬ್ಬರೂ ಒಂದೇ ಸೋಫಾದಲ್ಲಿ ಕುಳಿತು ಮಾತುಕತೆ ನಡೆಸಿದಿರಿ. ಹಲವಾರು ಜನರು ನಿಮ್ಮ ಮಾತುಕತೆಯ ಅಂಶಗಳನ್ನು ಊಹಿಸಿದರು. ಇದು ಹವಾಮಾನ ಬದಲಾವಣೆ ಶೃಂಗದ ವೇಳೆ ನಡೆದಿದ್ದು. ಅದಾದ ಬಳಿಕ, ಏಕಾಏಕಿ ಏಳೇ ದಿನಗಳಲ್ಲಿ ಎನ್.ಎಸ್.ಎ. ಮಟ್ಟದ ಮಾತುಕತೆಗಳು ನಡೆದವು ಮತ್ತು ಅಜಿತ್ ದೋವಲ್ ಅವರು ನಸೀರ್ ಜನ್ಜುವಾ ಅವರೊಂದಿಗೆ ಬ್ಯಾಂಕಾಕ್ ನಲ್ಲಿ ಮಾತುಕತೆ ನಡೆಸಿದರು. ಮತ್ತು ಅದಾದ ಮೇಲೆ ಮತ್ತೊಮ್ಮೆ ನೀವು ಆಫ್ಘಾನಿಸ್ತಾನದ ಮೂಲಕ ರಷ್ಯಾಕ್ಕೆ ಹೋದಿರಿ, ನೀವು ಅನಿರೀಕ್ಷಿತವಾಗಿ ರೀತಿಯಲ್ಲಿ ಲಾಹೋರ್ ನಲ್ಲಿ ನವಾಜ್ ಷರೀಫ್ ಅವರನ್ನು ಭೇಟಿಯಾದಿರಿ. ಅದು ಒಂದು ವೈಯಕ್ತಿಕ ಪ್ರವಾಸ, ಆದಾಗ್ಯೂ ಅದಕ್ಕೆ ಒಂದು ಮಟ್ಟದ ಮಹತ್ವ ಇದೆ. ಎಂಟು ದಿನಗಳ ಬಳಿಕ, ಪಾಕಿಸ್ತಾನದ ಭಯೋತ್ಪಾದಕರು ಪಠಾಣ್ ಕೋಟ್ ಮೇಲೆ ದಾಳಿ ಮಾಡಿದರು. ಪಾಕಿಸ್ತಾನ ಪೂರ್ವನಿಯಾಮಕವಾಗಿ ಅಕ್ಟೋಬರ್, ನವೆಂಬರ್ ಮತ್ತು ಡಿಸೆಂಬರ್ ತಿಂಗಳುಗಳಲ್ಲಿ ಸ್ಪಂದಿಸಿತ್ತು ಎಂದು ನೀವು ನಮ್ಮ ವೀಕ್ಷಕರು ತಿಳಿಸುವಿರಾ ? ಪಠಾಣ್ ಕೋಟ್ ದಾಳಿ ಪರಿಸ್ಥಿತಿಯನ್ನು ಬದಲಾಯಿಸಿತೇ ? ಈ ಮೂರು ತಿಂಗಳುಗಳ ಅವಧಿಯಲ್ಲಿ ಪಾಕಿಸ್ತಾನ ಹಲವಾರು ಚಲನವಲನ ನಡೆಸಿತ್ತೇ ?
ಪಿ.ಎಂ. ಮೋದಿ : ನೋಡಿ, ಪಾಕಿಸ್ತಾನದಲ್ಲಿ ವಿವಿಧ ರೀತಿಯ ಶಕ್ತಿಗಳು ಕಾರ್ಯಾಚರಣೆ ನಡೆಸುತ್ತಿವೆ. ಆದರೆ ಸರ್ಕಾರ ಮಾತ್ರ ಪ್ರಜಾ ಪ್ರಭುತ್ವದ ರೀತ್ಯ ಆಯ್ಕೆಯಾದ ವ್ಯವಸ್ಥೆಯಲ್ಲಿ ತೊಡಗಿಕೊಂಡಿದೆ. ಮಾತುಕತೆಯ ನಮ್ಮ ಪ್ರಯತ್ನಗಳು ಮುಂದುವರಿಯುತ್ತಿವೆ. ಆದರೆ ನಮ್ಮ ಪರಮೋಚ್ಚ ಉದ್ದೇಶ ಶಾಂತಿ. ನಮ್ಮ ಪರಮ ಉದ್ದೇಶ ದೇಶದ ಹಿತವನ್ನು ಕಾಪಾಡುವುದು. ನಾವು ಆ ಉದ್ದೇಶಗಳತ್ತ ನಮ್ಮ ಪ್ರಯತ್ನ ಮಾಡುತ್ತಲೇ ಇರುತ್ತೇವೆ ಮತ್ತು ಕೆಲವೊಮ್ಮೆ ನಮ್ಮ ಪ್ರಯತ್ನಗಳು ಯಶಸ್ವಿಯೂ ಆಗಿವೆ. ಮಾತುಕತೆ ಮತ್ತು ಭೇಟಿಗೆ ಸಂಬಂಧಿಸಿದಂತೆ ನಾನು ಪ್ರಮಾಣ ವಚನ ಸ್ವೀಕರಿಸಿದ ದಿನದಿಂದಲೂ ನಾವು ಸಂಕೇತ ನೀಡುತ್ತಿದ್ದೇವೆ ಮತ್ತು ಪ್ರಮಾಣ ವಚನ ಸ್ವೀಕಾರ ಸಮಾರಂಭಕ್ಕೂ ಆಹ್ವಾನ ಕಳುಹಿಸಿದ್ದೆವು, ನಾವು ನಮ್ಮ ಹಿತದೊಂದಿಗೆ ರಾಜೀ ಇಲ್ಲದೆ ಸ್ನೇಹಪರ ಬಾಂಧವ್ಯ ಬಯಸುತ್ತೇವೆ. ಮತ್ತು ಹೀಗಾಗಿಯೇ ನಾನು ಹೇಳಿರುವುದು, ನಮ್ಮ ದೇಶದ ಯೋಧರಿಗೆ ಯಾವುದೇ ಸ್ವರೂಪದಲ್ಲಿ ಮಾರುತ್ತರ ನೀಡಲು ಸ್ವಾತಂತ್ರ್ಯವಿದೆ ಎಂದು ಮತ್ತು ಅವರು ಅದನ್ನು ಮಾಡುತ್ತಿದ್ದಾರೆ.

ಅರ್ನಬ್ : ಮಾನ್ಯ ಪ್ರಧಾನ ಮಂತ್ರಿಯವರೇ, ಪಾಕಿಸ್ತಾನದ ವಿಚಾರ ಬಂದಾಗ ನೀವು ಎಳೆಯುವ ‘ಲಕ್ಷಣ ರೇಖೆ’ ಏನು. ಈ ವಿಚಾರದಲ್ಲಿ ಕೆಲವು ಗೊಂದಲ ಇವೆ. ನಾನು ಇದಕ್ಕೆ ವಿಸ್ತಾರವಾರ ಉತ್ತರವನ್ನು ನಿಮ್ಮಿಂದ ಬಯಸುತ್ತೇನೆ. 2014ರಲ್ಲಿ, ಮಾತುಕತೆ ನಡೆದರೆ ಎರಡು ರಾಷ್ಟ್ರಗಳ ನಡುವೆ ನಡೆಯಬೇಕೇ ಹೊರತು ಹುರಿಯತ್ ನೊಂದಿಗೆ ಅಲ್ಲ ಎಂದು ನಂಬಲಾಗಿತ್ತು. ಅದು ಭಾರತ ಸರ್ಕಾರ ಮತ್ತು ಪಾಕಿಸ್ತಾನ ಸರ್ಕಾರದ ನಡುವೆ ನಡಯಬೇಕಿತ್ತು. ಮತ್ತೊಂದು ಲಕ್ಷ್ಮಣ ರೇಖೆ ಏನೆಂದರೆ, ನೀವು26/11ರ ಘಟನೆಯ ಬಗ್ಗೆ ಕ್ರಮ ಕೈಗೊಳ್ಳಬೇಕು ಎಂಬುದಾಗಿತ್ತು. ಆದರೆ ಈವರೆಗೆ ಯಾವುದೇ ಮುಂದಡಿ ಇಟ್ಟಿಲ್ಲ. ಮೂರನೇ ಸಂಗತಿ ಪಠಾಣ್ ಕೋಟ್ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೆಜ್ಜೆ ಇಡುವುದು. ಹೀಗಾಗಿ ಈಗ ‘ಲಕ್ಷಣ ರೇಖೆ’ ಯಾವುದು ಮತ್ತು ಪಾಕಿಸ್ತಾನ ಅದೇ ಬಂಧನದಲ್ಲಿ ಇದ್ದರೆ, ಮಾತುಕತೆಗಳು ರಾಜಕೀಯ ಮಟ್ಟದಲ್ಲಿ ನಡೆಯುತ್ತವೆಯೇ ಅಥವಾ ಬೇರೆ ಯಾವುದೇ ಮಟ್ಟದಲ್ಲಿ ಸಾಗುತ್ತವೆಯೇ ?

ಪಿ.ಎಂ. ಮೋದಿ : ಪಾಕಿಸ್ತಾನದೊಂದಿಗೆ ಮೊದಲನೆಯದಾಗಿ ‘ಲಕ್ಷಣ ರೇಖೆ’ಗೆ ಸಂಬಂಧಿಸಿದಂತೆ ಯಾರೊಂದಿಗೆ ಮಾತನಾಡಬೇಕು ಎಂಬುದು. ಇಲ್ಲ ಚುನಾಯಿತ ಸರ್ಕಾರದೊಂದಿಗೆ ಮಾತನಾಡಬೇಕೆ ಅಥವಾ ಇತರರೊಂದಿಗೇ ? ಹೀಗಾಗಿಯೇ ಭಾರತವು ಎಲ್ಲ ಕಾಲದಲ್ಲೂ ಸದಾ ಸನ್ನದ್ಧ ಸ್ಥಿತಿಯಲ್ಲೇ ಇರುತ್ತದೆ. ಇದರಲ್ಲಿ ಯಾವುದೇ ಅಜಾಗರೂಕತೆ ಇರುವುದಿಲ್ಲ. ಆದರೆ ನನ್ನ ಲಾಹೋರ್ ಭೇಟಿ ಮತ್ತು ಪಾಕಿಸ್ತಾನದ ಪ್ರಧಾನ ಮಂತ್ರಿಯವರಿಗೆ ಭಾರತಕ್ಕೆ ಬರುವಂತೆ ನಾನು ನೀಡಿದ ಆಹ್ವಾನ ಮೊದಲಾದ ನಿರಂತರ ಪ್ರಯತ್ನಗಳಿಂದ ಒಂದು ಫಲಶ್ರುತಿಯಂತೂ ಇದೆ. ನಾನೀಗ ಭಾರತದ ಭೂಮಿಕೆ ಏನು ಎಂಬ ಬಗ್ಗೆ ಜಗತ್ತಿಗೆ ವಿವರಣೆ ಕೊಡುವ ಅಗತ್ಯವಿಲ್ಲ. ವಿಶ್ವ ಅವಿರೋಧವಾಗಿ ಭಾರತದ ಭೂಮಿಕೆ ಪ್ರಶಂಸಿಸುತ್ತಿದೆ. ಮತ್ತು ಇದಕ್ಕೆ ಪಾಕಿಸ್ತಾನವು ಪ್ರತಿಕ್ರಿಯಿಸಲು ಹೆಣಗಾಡುತ್ತಿದೆ ಎಂಬುದನ್ನೂ ವಿಶ್ವ ನೋಡುತ್ತಿದೆ. ನಾವು ಒಂದೊಮ್ಮೆ ಅಡ್ಡಿಯಾಗಿದ್ದೇವೆ ಎನಿಸಿದ್ದರೆ, ಆಗ ನಾವು ತೊಡಕಾಗಿಲ್ಲ ಎಂಬುದನ್ನು ವಿವರಿಸುವ ಸ್ಥಿತಿ ಬರುತ್ತಿತ್ತು. ಈಗ ನಾವು ಜಗತ್ತಿಗೆ ವಿವರಣೆ ಕೊಡುವ ಅಗತ್ಯವೇ ಇಲ್ಲ. ವಿಶ್ವಕ್ಕೆ ನಮ್ಮ ಉದ್ದೇಶ ತಿಳಿದಿದೆ. ಅದೇ ರೀತಿ ಭಯೋತ್ಪಾದನೆಯ ವಿಷಯದಲ್ಲಿ ಜಗತ್ತು ಎಂದೂ ಭಾರತದ ಸಿದ್ಧಾಂತವನ್ನು ಒಪ್ಪುತ್ತಿರಲಿಲ್ಲ. ಕೆಲವೊಮ್ಮೆ ಅವರು ಇದು ನಿಮ್ಮ ಕಾನೂನು ಮತ್ತು ಸುವ್ಯವಸ್ಥೆಯ ಸಮಸ್ಯ ಎಂದು ಹೇಳಿ ತಳ್ಳಿಹಾಕುತ್ತಿದ್ದರು. ಇಂದು ವಿಶ್ವ ಭಾರತ ಭಯೋತ್ಪಾದನೆಯ ಬಗ್ಗೆ ಹೇಳುತ್ತಿದ್ದುದನ್ನು ಒಪ್ಪಿಕೊಳ್ಳಲೇಬೇಕಾಗಿದೆ. ಭಯೋತ್ಪಾದನೆಯ ಬಗ್ಗೆ ಭಾರತದ ಮಾತುಕತೆ, ಭಯೋತ್ಪಾದನೆಯಿಂದ ಭಾರತ ಅನುಭವಿಸಿದ ನಷ್ಟ, ಮಾನವತೆ ಅನುಭವಿಸಿದ ನಷ್ಟ, ಈ ಎಲ್ಲವನ್ನೂ ವಿಶ್ವ ಈಗ ಸಮರ್ಥಿಸುತ್ತಿದೆ. ಹೀಗಾಗಿ ನಾವು ಈ ಪ್ರಕ್ರಿಯೆಯನ್ನು ಮುಂದುವರಿಸಬೇಕು ಎಂದು ನಂಬಿದ್ದೇನೆ.

ಅರ್ನಬ್ : ಮಾನ್ಯ ಪ್ರಧಾನಮಂತ್ರಿಯವರೇ, ಈಗ ಆರ್ಥಿಕತೆಯ ಮೇಲೆ ನನ್ನ ಪ್ರಶ್ನೆಯನ್ನು ಮುಂದುವರಿಸುತ್ತೇನೆ. ಕಳೆದ ಎರಡು ವರ್ಷಗಳಲ್ಲಿ ನೀವು ಹಲವು ಯೋಜನೆಗಳನ್ನು ಆರಂಭಿಸಿದ್ದೀರಿ. ಇದರ ಧ್ಯೇಯಗಳನ್ನು ನೋಡಿದರೆ, ಹಣಕಾಸು ಪೂರಣಕ್ಕೆ ಸಂಬಂಧಿಸಿದಂತೆ ಜನ್ ಧನ್, ಬೆಳೆ ವಿಮೆಗಾಗಿ ಪ್ರಧಾನ ಮಂತ್ರಿ ಫಸಲು ಬಿಮಾ ಯೋಜನೆ, ಸ್ವಚ್ಛ ಭಾರತ, ಕೌಶಲ ಭಾರತ, ಮೇಕ್ ಇನ್ ಇಂಡಿಯಾ, ಎಲ್ಲವನ್ನೂ ಒಂದು ಧ್ಯೇಯದಡಿ ನೋಡಿದರೆ, ನಾವು ಧ್ಯೇಯಗಳು ಈ ಯೋಜನೆಗಳಲ್ಲಿ ಸಾಗುತ್ತಿರುವುದನ್ನು ಕಾಣಬಹುದಾಗಿದೆ, ಇದು ನಿಮ್ಮ ವೈಯಕ್ತಿಕ ಆರ್ಥಿಕ ಸಿದ್ಧಾಂತದ, ಸಾಮಾಜಿಕ ಪರಿವರ್ತನೆಯ ಸಾಮಾಜಿಕ ಕಾರ್ಯಕ್ರಮವೇ ? ಪ್ರಧಾನ ಮಂತ್ರಿಯಾಗಿ ಇದು ನಿಮ್ಮ ಆರ್ಥಿಕ ತತ್ವದ ಶ್ರೇಷ್ಠ ಸಾಮಾಜಿಕ ಕಾರ್ಯಕ್ರಮವೇ ?
ಪಿ.ಎಂ. ಮೋದಿ : ನಮ್ಮ ಸಿದ್ಧಾಂತದ ಮೊದಲ ಅಂಶ, ಈ ದಾರಿಯಲ್ಲಿ ನಾವು ಕಟ್ಟಕಡೆಯ ಮನುಷ್ಯನನ್ನೂ ತಲುಪಬೇಕು. ಪಂಡಿತ್ ದೀನ್ ದಯಾಳ್ ಉಪಾಧ್ಯಾಯ ಅವರ ತತ್ವಗಳು ನಮ್ಮ ರಾಜಕೀಯ, ಆರ್ಥಿಕ ಮತ್ತು ಸಾಮಾಜಿಕ ಸಿದ್ಧಾಂತಗಳನ್ನು ರೂಪಿಸುತ್ತವೆ. ಮಹಾತ್ಮಾ ಗಾಂಧೀ ಅವರು ಕೂಡ ಸಮಾಜದ ಕಟ್ಟಕಡೆಯ ವ್ಯಕ್ತಿಗೆ ಏನಿದೆ ಎಂದು ಹೇಳುತ್ತಿದ್ದರು. ಹೀಗಾಗಿ ನನ್ನ ಅಭಿವೃದ್ಧಿಯ ಮಾನದಂಡ ಅತ್ಯಂತ ಸರಳ. ಅದು ಬಡವರಲ್ಲೇ ಅತಿ ಬಡವರು ಹೇಗೆ ಅಭಿವೃದ್ಧಿಯಿಂದ ಲಾಭ ಪಡೆಯುತ್ತಾರೆ ಎಂಬುದಾಗಿದೆ. ನನ್ನ ಆರ್ಥಿಕ ಕಾರ್ಯಕ್ರಮದ ಪ್ರಧಾನ ಗಮನ ಬಡವರ ಮೇಲೆ ಕೇಂದ್ರೀಕೃತವಾಗಿದೆ. ಬಡವರು ಬಲಿಷ್ಠರಾಗಬೇಕು, ಎಷ್ಟರ ಮಟ್ಟಿಗೆ ಬಲಿಷ್ಠರಾಗಬೇಕೆಂದರೆ ಅವರು ಬಡತನವನ್ನು ಸೋಲಿಸುವ ಇಚ್ಛೆ ಹೊಂದಬೇಕು. ಬಡವರನ್ನು ಬಡವರನ್ನಾಗಿಯೇ ಉಳಿಸಿ ನೆರವು ನೀಡುವುದು, ಅದೂ ಒಂದು ಮಾರ್ಗವೇ. ನಾನು ಇಲ್ಲಿ ಸರಿ ಅಥವಾ ತಪ್ಪು ಎಂಬುದನ್ನು ಹೇಳುವುದಿಲ್ಲ. ಅದೂ ಒಂದು ಮಾರ್ಗ ಅಷ್ಟೇ. ಆದರೆ ಇಂದು ದೇಶದ ಸ್ಥಿತಿ ಹೇಗಿದೆ ಎಂದರೆ, ನಾವು ಬಡವರನ್ನು ಶಕ್ತಿಶಾಲಿಗಳನ್ನಾಗಿ ಮಾಡಬೇಕು, ಹಾಗಾಗಿ ಅವರು ಬಡತನವನ್ನು ಮಣಿಸುವಲ್ಲಿ ನಮ್ಮ ಪಾಲುದಾರರಾಗಬೇಕು. ಈ ಎಲ್ಲ ಕಾರ್ಯಕ್ರಮಗಳೂ ಬಡವರನ್ನು ಸಬಲೀಕರಿಸಲು ಮತ್ತು ಅವರ ಜೀವನ ಶೈಲಿ ಬದಲಾವಣೆ ಮಾಡುವ ಉದ್ದೇಶವನ್ನೇ ಹೊಂದಿವೆ. ಪ್ರಧಾನ ಮಂತ್ರಿ ಜನ್ ಧನ್ ಯೋಜನೆ ಕೇವಲ ಬಡವರಿಂದ ಬ್ಯಾಂಕ್ ಖಾತೆ ತೆರೆಯುಸುವುದಷ್ಟೇ ಅಲ್ಲ. ಅದರಿಂದ ಬಡವರು ಕೂಡ ತಾವು ದೇಶದ ಆರ್ಥಿಕ ವ್ಯವಸ್ಥೆಯ ಭಾಗವಾಗಿದ್ದೇವೆ ಎಂದು ಭಾವಿಸುತ್ತಾರೆ. ದೂರದಿಂದ ಬ್ಯಾಂಕ್ ನೋಡುತ್ತಿದ್ದವರು, ಈಗ ಬ್ಯಾಂಕ್ ಒಳಗೆ ಪ್ರವೇಶಿಸುವಂತಾಗಿದೆ. ಇದು ಮಾನಸಿಕ ಪರಿವರ್ತನೆ ತರುತ್ತದೆ. ಮತ್ತೊಂದು ಮಾರ್ಗದಲ್ಲಿ ನೋಡುವುದಾದರೆ, ನೀವು ಎಂದಾದರೂ ಬಡವರಿಂದ 40 ಸಾವಿರ ಕೋಟಿ ರೂಪಾಯಿ ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ತೊಡಗಿಸಬಹುದು ಎಂದು ಕಲ್ಪಿಸಿಕೊಂಡಿದ್ದೀರಾ. ಬ್ಯಾಂಕ್ ಖಾತೆಯನ್ನೇ ಹೊಂದದ ಬಡವರು 50, 100 ಅಥವಾ 200 ರೂಪಾಯಿ ಬ್ಯಾಂಕ್ ಖಾತೆಯಲ್ಲಿ ಇಟ್ಟಿದ್ದಾರೆ. ಅಂದರೆ ಆ ಬಡವ 100 ರೂಪಾಯಿ ಉಳಿಸಿದ್ದಾನೆ ಮತ್ತು ಆತನ ಬದುಕಲ್ಲಿ ಬದಲಾವಣೆ ಬಂದಿದೆ ಎಂದರ್ಥ. ನಾವು ಶೌಚಾಲಯಗಳ ನಿರ್ಮಾಣ ಕೈಗೆತ್ತಿಕೊಂಡೆವು. ನಾನು ಛತ್ತೀಸಗಢಕ್ಕೆ ಹೋಗಿದ್ದೆ ಮತ್ತು ಅಲ್ಲಿ ಒಬ್ಬ ತಾಯಿಯ ಆಶೀರ್ವಾದ ಪಡೆಯುವ ಅವಕಾಶವೂ ನನಗೆ ದೊರೆಯಿತು. ಒಬ್ಬ ಆದಿವಾಸಿ ತಾಯಿ, ಶೌಚಾಲಯ ಕಟ್ಟುವ ನಮ್ಮ ಯೋಜನೆಯ ಬಗ್ಗೆ ಕೇಳಿ, ಆಕೆ ತನ್ನ 4 ಮೇಕೆಗಳನ್ನು ಮಾರಿ ಶೌಚಾಲಯ ಕಟ್ಟಿಸಿದ್ದಾಳೆ. ಊರುಗೋಲು ಹಿಡಿದುಕೊಂಡು ಓಡಾಡುವ 90 ವರ್ಷದ ಆ ವೃದ್ಧೆ 30 ಅಥವಾ 40 ಮನೆಗಳ ತಾಂಡಾಗಳಲ್ಲಿ ಸಂಚರಿಸಿ ಶೌಚಾಲಯ ನಿರ್ಮಾಣದ ಸಂದೇಶ ಸಾರುತ್ತಿದ್ದಾರೆ. ಈ ಬದಲಾವಣೆ, ಜೀವನ ಶೈಲಿಯ ಗುಣಮಟ್ಟದಿಂದ ಬಂದುದಾಗಿದೆ. ನಾನು ಸ್ವಚ್ಛತೆ ಅಭಿಯಾನ ಆರಂಭಿಸಿದ್ದೇನೆ. ವ್ಯಕ್ತಿಯೊಬ್ಬ ತನ್ನ ಕಾಯಿಲೆಯ ಚಿಕಿತ್ಸೆಗೆ ಸರಾಸರಿ 7 ಸಾವಿರ ರೂಪಾಯಿ ವೆಚ್ಚ ಮಾಡುತ್ತಾನೆ ಎಂದು ಅಂದಾಜು ಮಾಡಲಾಗಿದೆ. ಈ ಕಾಯಿಲೆಗೆ ಮುಖ್ಯ ಕಾರಣ ಕೊಳೆ. ಬಡವರು ಅಶುಚಿತ್ವದಿಂದ ತೀವ್ರವಾಗಿ ಬಳಲುತ್ತಾರೆ. ಒಬ್ಬ ಬಡ ವ್ಯಕ್ತಿ ಕಾಯಿಲೆ ಬಿದ್ದರೆ, ಆತ ಒಂದೆರೆಡು ದಿನ ತನ್ನ ರಿಕ್ಷಾ ಚಾಲನೆ ಮಾಡಲು ಆಗುವುದಿಲ್ಲ. ಆಗ ಅವನ ಮಕ್ಕಳೂ ಹಸಿವಿನಿಂದ ಬಳಲುತ್ತಾರೆ. ಹೀಗಾಗಿ ನಾವು ಬಡವರಿಗೆ ಹೇಗೆ ಸಹಾಯ ಮಾಡಬಹುದು, ಅವರ ಜೀವನದಲ್ಲಿ ಬದಲಾವಣೆ ಹೇಗೆ ತರಬಹುದು. ಈಗ ನಮ್ಮ ದೇಶದಲ್ಲಿ ನವ – ಮಧ್ಯಮ ವರ್ಗ ಮತ್ತು ಮಧ್ಯಮವರ್ಗ ಇದೆ. ಯುವಕರಿಗೆ ಆಶೋತ್ತರಗಳಿವೆ. ಹೀಗಾಗಿ ನನ್ನ ನೀತಿಯ ಮತ್ತೊಂದು ಆಯಾಮ, ನೀವು ನೋಡಿರಬಹುದು ಅದು ನವೋದ್ಯಮ ಭಾರತ, ಸ್ಟಾಂಡ್ ಅಪ್ ಇಂಡಿಯಾ, ರೇವುಪಟ್ಟಣ ಚಟುವಟಿಕೆ, ಬಂದರು ಚಟುವಟಿಕೆ, ರೈಲು ವಿಸ್ತರಣೆ, ರೈಲು ನಿಲ್ದಾಣ ಮೇಲ್ದರ್ಜೆಗೇರಿಸುವುದು. ಈ ಎಲ್ಲವೂ ನೇರವಾಗಿ ಮಧ್ಯಮ ವರ್ಗದವರಿಗೆ ಆಪ್ತವಾಗುತ್ತದೆ. ಮಧ್ಯಮ ವರ್ಗದವರಿಗೂ ಆಶೋತ್ತರಗಳಿವೆ. ನಾವು ಉದ್ಯೋಗ ಸೃಷ್ಟಿಸಬೇಕು. ಹೇಗೆ ಉದ್ಯೋಗ ಸೃಷ್ಟಿಯಾಗುತ್ತದೆ. ? ನಾನು ಮೂಲಸೌಕರ್ಯ ಅಭಿವೃದ್ಧಿಯಲ್ಲಿ ಹೂಡಿಕೆ ಮಾಡದ ಹೊರತು, ಯಾವುದೇ ಉದ್ಯೋಗ ಸೃಷ್ಟಿಯಾಗುವುದಿಲ್ಲ. ಸ್ವಾತಂತ್ರ್ಯಾ ನಂತರ ಗರಿಷ್ಠ ಪ್ರಮಾಣದ ವಿದ್ಯುತ್ ಉತ್ಪಾದನೆ ಈ ವರ್ಷ ಆಗಿದೆ. ಗರಿಷ್ಠ ಪ್ರಮಾಣದ ಕಲ್ಲಿದ್ದಲು ಗಣಿಗಾರಿಕೆ ಈ ವರ್ಷವೇ ಆಗಿದೆ. ದಿನವೊಂದಕ್ಕೆ ಗರಿಷ್ಠ ಉದ್ದದ ರಸ್ತೆ ನಿರ್ಮಾಣ ಆಗಿರುವುದೂ ಈ ವರ್ಷವೇ. ರೇವು ಪಟ್ಟಣಗಳಲ್ಲಿ ಸ್ಟೀಮರ್ ಗಳಿಗೆ ತ್ವರಿತವಾಗಿ ಸರಕು ತುಂಬುವ ಮತ್ತು ಇಳಿಸುವ ಕಾರ್ಯ ಈಗ ಆಗುತ್ತಿದೆ. ಈ ಎಲ್ಲ ಬದಲಾವಣೆಗಳೂ ನವೋದ್ಯಮ, ಸ್ಟಾಂಡ್ ಅಪ್ ಇಂಡಿಯಾದಲ್ಲಿ ಉದ್ಯೋಗಾವಕಾಶ ಕಲ್ಪಿಸುತ್ತಿವೆ. ಸ್ಟಾಂಡ್ ಅಪ್ ಇಂಡಿಯಾವನ್ನೇ ಉದಾಹರಣೆಯಾಗಿ ತೆಗೆದುಕೊಳ್ಳಿ, ಪ್ರತಿಯೊಂದು ಬ್ಯಾಂಕ್ ಕೂಡ ಒಬ್ಬ ಮಹಿಳೆಗೆ, ಒಬ್ಬ ದಲಿತನಿಗೆ ಅಥವಾ ಒಬ್ಬ ಗುಡ್ಡ ಗಾಡು ಪ್ರದೇಶದ ವ್ಯಕ್ತಿಗೆ ಉದ್ಯಮಿಯಾಗಲು ಆರ್ಥಿಕ ಅವಕಾಶ ನೀಡಬೇಕು ಎಂದು ನಾನು ಹೇಳಿದೆ. ಇದು ಹಲವು ಉದ್ಯೋಗಗಳನ್ನು ಸೃಷ್ಟಿಸುತ್ತದೆ. ಇದು ನನ್ನ ಆರ್ಥಿಕ ತತ್ವದ ತಳಹದಿ.
ಅರ್ನಬ್: ಮಾನ್ಯ ಪ್ರಧಾನ ಮಂತ್ರಿಯವರೇ, ನಾನು ಈಗ ನಿಮ್ಮನ್ನು ತಡೆದು ಪ್ರಶ್ನಿಸುವುದಾದರೆ, ಒಂದು ಕಡೆ ಜನರ ನಿರೀಕ್ಷೆ ಮತ್ತು ಮತ್ತೊಂದೆಡೆ ನಿಮ್ಮ ಮುನ್ನೋಟ. ನೀವು ಉಲ್ಲೇಖಿಸಿದ ಹಲವು ಕಾರ್ಯಕ್ರಮಗಳಿಗೆ ನೀವು ದಿನದರ್ಶಿಯ ದಿನಾಂಕ ನಿಗದಿ ಮಾಡಲು ಆಗಲ್ಲ, ಆದರೆ ಅವುಗಳ ತತ್ ಕ್ಷಣದ ಪರಿಣಾಮವೂ ಇರುವುದಿಲ್ಲ. ಅದರ ಫಲಿತಾಂಶ 3, 4, 5 ಅಥವಾ 5 ವರ್ಷದ ತರುವಾಯ ಕಾಣಬಹುದು. ಈಗ ಅವುಗಳಲ್ಲಿ ಸವಾಲುಗಳಿವೆ. ಮಾನ್ಯ ಪ್ರಧಾನ ಮಂತ್ರಿಯವರೇ, ಇದನ್ನು ಬೇರೆಯವರಿಗಿಂತ ನೀವು ಹೆಚ್ಚಾಗಿಯೇ ತಿಳಿದಿದ್ದೀರಿ ಜನರಿಗೆ ತತ್ ಕ್ಷಣದ ಫಲಿತಾಂಶ ಬೇಕು. ನೀವೀಗ ಉದ್ಯೋಗ ಸೃಷ್ಟಿಯ ಬಗ್ಗೆ ಮಾತನಾಡುತ್ತೀರಿ. ಜಾಗತಿಕ ಆರ್ಥಿಕ ವಾತಾವರಣ ಅತ್ಯಂತ ನಿರಾಶೆಯಿಂದ ಕೂಡಿದ್ದಾಗ ನೀವು ನಮ್ಮ ಆರ್ಥಿಕತೆಯನ್ನು ಶೇ.7.5 ರಲ್ಲಿ ಬೆಳೆಸಲು ಯಶಸ್ವಿಯಾಗಿರುವುದು ಒಂದು ದೊಡ್ಡ ಸಾಧನೆ. ನೀವು ಈ ಬಗ್ಗೆ ಮಾತನಾಡಿದ್ದೀರಿ ಕೂಡ. ನೀವು ವಿತ್ತೀಯ ಕೊರತೆಯ ಗುರಿಯನ್ನು ತಲುಪಿದ್ದೀರಿ. ವಿದೇಶೀ ನೇರ ಬಂಡವಾಳದ ಹರಿವು ಹೆಚ್ಚಾಗಿದೆ. ಆದರೆ ಜನ ಉದ್ಯೋಗಾವಕಾಶ ಹೆಚ್ಚಾಗಿಲ್ಲ ಎಂದು ಹೇಳುತ್ತಾರೆ. ನೀವು ಮೂಲಸೌಕರ್ಯದ ಬಗ್ಗೆ ಮಾತನಾಡಿದಿರಿ. ಆದರೆ, ಪ್ರಸಕ್ತ ನಿರುದ್ಯೋಗದ ಬಗ್ಗೆ ಏನು ಹೇಳುತ್ತೀರಿ. ಇತ್ತೀಚಿನ ಕಾರ್ಮಿಕ ಶಾಖೆಯ ಅಂಕಿ ಅಂಶಗಳು ಕಳವಳದ ಮೂಲ ಆಗಿಲ್ಲವೇ ಪ್ರಧಾನ ಮಂತ್ರಿಯವರೇ ?

ಪಿ.ಎಂ. ಮೋದಿ : ಮೊದಲನೆಯದಾಗಿ ನಮ್ಮ ದೇಶದಲ್ಲಿ 35ವರ್ಷ ಒಳಗಿನ ಸುಮಾರು 800 ದಶ ಲಕ್ಷ ಮಂದಿ ಇದ್ದಾರೆ. ಹೀಗಾಗಿ ಉದ್ಯೋಗದ ಬೇಡಿಕೆ ಅತಿ ಹೆಚ್ಚಾಗಿದೆ ಎಂಬುದನ್ನು ನಾವು ಅರ್ಥ ಮಾಡಿಕೊಳ್ಳಬೇಕು. ಆದರೆ, ಅವರು ಉದ್ಯೋಗ ಕೊಡಿಸುತ್ತಾರೆಯೇ ? ಬಂಡವಾಳ ಬಂದರೆ, ಅದನ್ನು ಮೂಲಸೌಕರ್ಯ, ಉತ್ಪಾದನೆ ಮತ್ತು ಸೇವಾ ಕ್ಷೇತ್ರದಲ್ಲಿ ಬಳಸಬಹುದು. ನಾವೀಗ ಮುದ್ರಾ ಯೋಜನೆ ಆರಂಭಿಸಿದ್ದೇವೆ. ಮಡಿವಾಳರು, ಕ್ಷೌರಿಕರು, ಹಾಲು ಮಾರುವವರು, ವಾರ್ತಾ ಪತ್ರಿಕೆ ಮಾರಾಟಗಾರರು, ತಳ್ಳು ಗಾಡಿಯ ವ್ಯಾಪಾರಿಗಳು ಸೇರಿದಂತೆ ಮೂರು ಕೋಟಿಗೂ ಹೆಚ್ಚು ಜನರು ನಮ್ಮ ದೇಶದಲ್ಲಿ ಇದ್ದಾರೆ. ನಾವು ಅವರಿಗೆ ಯಾವುದೇ ಖಾತ್ರಿ ಇಲ್ಲದೆ 1.25 ಲಕ್ಷ ಕೋಟಿ ರೂಪಾಯಿಗಳನ್ನು ಸಾಲವಾಗಿ ನೀಡಿದ್ದೇವೆ. ಈಗ ಈ ಜನ ಏಕೆ ಹಣ ಪಡೆದಿದ್ದಾರೆ ? ಅವರ ವೃತ್ತಿಯನ್ನು ವಿಸ್ತರಿಸಲು. ಆತ ತನ್ನ ವೃತ್ತಿ ವಿಸ್ತರಿಸಿದರೆ, ಆತ ಒಬ್ಬ ವ್ಯಕ್ತಿಯನ್ನು ಕೆಲಸಕ್ಕೆ ನೇಮಿಸಿಕೊಂಡಿದ್ದರೆ, ಈಗ ಮತ್ತಿಬ್ಬರನ್ನು ಕೆಲಸಕ್ಕೆ ಇಟ್ಟುಕೊಳ್ಳುತ್ತಾನೆ. ಅಲ್ಲಿ ಈ ಹಿಂದೆ ಇಬ್ಬರು ಕೆಲಸಗಾರರು ಇದ್ದರೇ, ಈಗ ಅಲ್ಲಿ ಮೂವರಿದ್ದಾರೆ. ಈಗ ಸ್ವಲ್ಪ ಯೋಚಿಸಿ, 3 ಕೋಟಿ ಇಂಥ ಸಣ್ಣ ವ್ಯಾಪಾರಿಗಳಿಗೆ ಹಣಕಾಸಿನ ನೆರವು ದೊರೆತರೆ, ಅವರು ತಮ್ಮ ಕಾರ್ಯ ವಿಸ್ತರಿಸುವುದಿಲ್ಲವೇ. ಈಗ ಇವೆಲ್ಲವೂ ಕಾರ್ಮಿಕ ಇಲಾಖೆಯಲ್ಲಿ ನೋಂದಣಿ ಆಗಿಲ್ಲ. ಮೂರು ಕೋಟಿ ಜನರು ತಮ್ಮ ಕೆಲಸ ವಿಸ್ತರಿಸಿದ್ದಾರೆ. ನಾವು ಮತ್ತೊಂದು ಸಣ್ಣ ನಿರ್ಧಾರ ಕೈಗೊಂಡಿದ್ದೇವೆ. ದೇಶದ ದೊಡ್ಡ ಮಾಲ್ ಗಳು ವರ್ಷದ 365ದಿನ ಕಾರ್ಯ ನಿರ್ವಹಿಸುತ್ತವೆ. ಆದರೆ ಸಣ್ಣ ಅಂಗಡಿಗಳು ರಜಾ ದಿನದಂದು ಮುಚ್ಚಿರುತ್ತವೆ. ನಾವು ಇದನ್ನು ಬಜೆಟ್ ನಲ್ಲಿಯೂ ಘೋಷಿಸಿದ್ದೇವೆ. ಸಣ್ಣ ಅಂಗಡಿಯವರು ಕೂಡ ತಡರಾತ್ರಿ ವರೆಗೆ ಹಾಗೂ ವಾರದ ಏಳೂ ದಿನ ಕಾರ್ಯ ನಿರ್ವಹಿಸಬಹುದು ಎಂದು ಹೇಳಿದ್ದೇವೆ. ದೊಡ್ಡ ಮಾಲ್ ಗಳಿಗೆ ಇಲ್ಲದ ನಿರ್ಬಂಧ, ಈ ಸಣ್ಣ ವ್ಯಾಪಾರಿಗಳಿಗೆ ಏಕೆ. ಹೀಗಾಗಿ ಒಬ್ಬ ಅಂಗಡಿಯಾತ ತನ್ನ ಮಳಿಗೆಯನ್ನು ತಡರಾತ್ರಿಯವರೆಗೆ ಮತ್ತು ವಾರದ ಏಳೂ ದಿನ ತೆರೆದಿದ್ದರೆ, ಆದ ಹಿಂದೆ ಒಬ್ಬ ವ್ಯಕ್ತಿಯನ್ನು ಕೆಲಸಕ್ಕೆ ಇಟ್ಟುಕೊಂಡಿದ್ದರೆ, ಈಗ ಇಬ್ಬರಿಗೆ ಕೆಲಸ ಕೊಡುತ್ತಾನೆ. ಹೀಗಾದಾಗ ಉದ್ಯೋಗ ಹೆಚ್ಚಳವಾಗುವುದಿಲ್ಲವೇ. ?

ಅರ್ನಬ್ : ಅಂದರೆ ನಿಮ್ಮ ಗಮನ ಉದ್ಯಮಶೀಲತೆಯ ಕಡೆ ಇದೆ.?
ಪಿ.ಎಂ. ಮೋದಿ : ನಮ್ಮ ಗನನ ಎಲ್ಲ ವಿಷಯಗಳ ಮೇಲಿದೆ. ನಾವೀಗ 2022ರ ಹೊತ್ತಿಗೆ ಸರ್ವರಿಗೂ ಸೂರು ಇರಬೇಕು ಎಂಬ ಬಗ್ಗೆ ಮಾತನಾಡುತ್ತೇವೆ. ವಸತಿ ಕ್ಷೇತ್ರದಲ್ಲಿ ಹೇರಳ ಉದ್ಯೋಗ ನೀಡುವ ಸಾಮರ್ಥ್ಯ ಇದೆ. ಮನೆಗಳನ್ನು ಅಷ್ಟು ದೊಡ್ಡ ಸಂಖ್ಯೆಯಲ್ಲಿ ನಿರ್ಮಿಸಲಾಗುತ್ತಿದೆ. ಎಷ್ಟು ಜನರಿಗೆ ಇಲ್ಲಿ ಉದ್ಯೋಗ ದೊರಕುತ್ತದೆ.? ನೀವು ಗಮನಿಸಿರಬಹುದು, ಕಳೆದ ವರ್ಷ ನಾವು ಜವಳಿ ನೀತಿ ತಂದೆವು. ಈ ಜವಳಿ ನೀತಿಯ ಅಡಿ, ಉದ್ಯೋಗ ಸೃಷ್ಟಿಸುವವರಿಗೆ ಆದಾಯ ತೆರಿಗೆ ಲಾಭವೂ ಇದೆ. ಯಾರು ಹೆಚ್ಚು ಉದ್ಯೋಗ ಸೃಷ್ಟಿಸುತ್ತಾರೋ ಅವರಿಗೆ ಹೆಚ್ಚಿನ ತೆರಿಗೆ ಲಾಭ ದೊರಕಲಿದೆ. ಇದೇ ಮೊದಲ ಬಾರಿಗೆ ತೆರಿಗೆ ಹಾಗೂ ಉದ್ಯೋಗ ಸೃಷ್ಟಿಯನ್ನು ಒಂದಕ್ಕೊಂದು ಬೆಸೆಯಲಾಗಿದೆ. ಈ ಸಂಗತಿಗಳು ಉದ್ಯೋಗಾವಕಾಶ ಹೆಚ್ಚಿಸುತ್ತವೆ ಮತ್ತು ಸಾಮಾನ್ಯ ಜನರಿಗೆ ಉದ್ಯೋಗ ಸೃಷ್ಟಿಸುವತ್ತ ನಮ್ಮ ಗಮನ ಕೇಂದ್ರೀಕೃತವಾಗಿದೆ.

ಅರ್ನಬ್ : ಪ್ರಧಾನ ಮಂತ್ರಿಯವರೇ, ಇನ್ನೂ ಇಳಿಕೆ ಆಗದ ಆಹಾರ ದರದುಬ್ಬರದ ಬಗ್ಗೆಯೂ ಪ್ರಶ್ನೆಗಳು ಏಳುತ್ತವೆ. ಆಹಾರ ದರದುಬ್ಬರ ಇಳಿಯುತ್ತದೆ ಎಂಬ ನಿರೀಕ್ಷೆ ಇತ್ತು. ನೀವು ದರಗಳನ್ನು ತಗ್ಗಿಸುತ್ತೀರಿ ಎಂದು ಪ್ರಧಾನ ಮಂತ್ರಿಯವರ ಮೇಲೆ ವಿಶ್ವಾಸ ಇಟ್ಟಿದ್ದರು. ಇದು ರಾಜಕೀಯ ಪರಿಣಾಮವನ್ನಷ್ಟೇ ಅಲ್ಲ ಸಾಮಾಜಿಕ ಪರಿಣಾಮವನ್ನೂ ಬೀರುತ್ತದೆ. ಕಳೆದ ಎರಡು ವಾರಗಳಲ್ಲಿ ತೊಗರಿ ಬೇಳೆ ದರ ಕೆಜಿಗೆ 150 ರೂಪಾಯಿ, ಇತರ ಬೇಳೆಗಳ ದರ 200 ರೂಪಾಯಿ ತಲುಪಿದೆ ಎಂದು ವರದಿಗಳು ಬಂದಿವೆ. ಟೊಮೇಟೋ ದರವೂ ಏರಿಕೆ ಆಗಿದೆ. ಇದು ಕೇವಲ ಋತುಮಾನದ ಸಮಸ್ಯೇಯೇ, ಆಹಾರ ದರದುಬ್ಬರ ವರ್ಷದಿಂದ ವರ್ಷಕ್ಕೆ ಏರುತ್ತಿದ್ದು ಶೇ. 7.5 ಆಗಿದೆ. ಜಾಗತಿಕವಾಗಿ ತೈಲ ದರಗಳು ಕುಸಿದಿವೆ. ಇದು ನಿಮ್ಮ ಸರ್ಕಾರದ ಗ್ರಹಿಕಾನುಭವ (perception) ವಿಚಾರವಾಗಿ ಪರಿಣಮಿಸುತ್ತದೆ ಎನಿಸುವುದಿಲ್ಲವೇ ?

ಪಿ.ಎಂ. ಮೋದಿ : ನೀವು ಉಬ್ಬರವನ್ನು ಗ್ರಹಿಕಾನುಭವ ವಿಷಯವಾಗಿ ನೋಡಬಾರದು. ದರ ಏರಿಕೆಯನ್ನು ವಾಸ್ತವವಾಗಿ ನೋಡಬೇಕು. ಗ್ರಾಹಕನಿಗೆ ದೊರಕುತ್ತಿರುವುದು ಏನು ಎಂದು ನೋಡಬೇಕು. ದರ ಏರಿಕೆಯ ವಾಸ್ತವತೆಯಿಂದ ಪಲಾಯನ ಮಾಡಿ, ದರ ಏರಿಕೆಯನ್ನು ನಿಲುವಿನ ವಿಚಾರವಾಗಿ ಎಂದೂ ನೋಡುವ ಪ್ರಯತ್ನ ಆಗಿಲ್ಲ. ನಾವು ವಾಸ್ತವತೆಯನ್ನು ಅಂಗೀಕರಿಸಬೇಕು. ಹಿಂದಿನ ಸರ್ಕಾರದ ಅವಧಿಯಲ್ಲಿ ಬೆಲೆ ಏರಿಕೆಯ ವೇಗ ಏನಿತ್ತು, ಈಗ ಅಷ್ಟು ತ್ವರಿತವಾಗಿ ಬೆಲೆ ಏರಿಕೆ ಆಗುತ್ತಿಲ್ಲ ಅದು ತಗ್ಗಿದೆ. ನೀವು ಅಂಕಿ ಅಂಶ ನೋಡಬಹುದು. ಅಲ್ಲಿ ನಿಮಗೆ ಅದು ಗೋಚರಿಸುತ್ತದೆ. ಎರಡನೆಯದಾಗಿ, ದೇಶ ಸತತ ಎರಡು ವರ್ಷ ಭೀಕರ ಬರದ ದವಡೆಗೆ ಸಿಲುಕಿತ್ತು. ಹೀಗಾಗಿ ತರಕಾರಿ, ಬೇಳೆ ಕಾಳುಗಳ ದರ ಏರಿಕೆ ಆಗಿದೆ, ಕಾರಣ ಈ ಎಲ್ಲವೂ ಬೆಳೆಯುವುದು ಮಣ್ಣಿನಿಂದಲೇ. ಇಷ್ಟು ದೊಡ್ಡ ಬರ ಇರುವಾಗ ಇದು ಯಾರೊಬ್ಬರ ಕೈಯಲ್ಲೂ ಇರುವುದಿಲ್ಲ. ಈ ಹಂತದಲ್ಲಿ ಎರಡನೇ ಅಭಿಪ್ರಾಯ ಆಮದು. ಭಾರತ ಸರ್ಕಾರ ಭಾರೀ ಪ್ರಮಾಣದಲ್ಲಿ ಬೇಳೆ ಕಾಳುಗಳನ್ನು ಆಮದು ಮಾಡಿಕೊಂಡಿದೆ. ಮೂರನೆಯದಾಗಿ ಇದು ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳ ಜಂಟಿ ಜವಾಬ್ದಾರಿ. ಇದು ಕೇವಲ ರಾಜ್ಯಗಳ ಜವಾಬ್ದಾರಿ ಮಾತ್ರವೇ ಅಲ್ಲ ಅದೇ ರೀತಿ ಕೇಂದ್ರ ಸರ್ಕಾರದ ಜವಾಬ್ದಾರಿಯಷ್ಟೇ ಅಲ್ಲ. ಇದು ಕೇಂದ್ರ ಮತ್ತು ರಾಜ್ಯಗಳ ಜಂಟಿ ಹೊಣೆಗಾರಿಕೆ. ಇಲ್ಲಿ ರಾಜ್ಯ ಸರ್ಕಾರ ಏನೂ ಮಾಡಲಿಲ್ಲ, ಅಥವಾ ಕೇಂದ್ರ ಸರ್ಕಾರ ಮಾಡಲಿಲ್ಲ ಎಂದು ದೂರುವುದಲ್ಲ. ಆದರೂ ಇದು ಇಬ್ಬರ ಜಂಟಿ ಹೊಣೆಗಾರಿಕೆ ಎಂಬುದನ್ನು ಒಪ್ಪಿಕೊಳ್ಳಲೇಬೇಕು. ಹೀಗಾಗಿಯೇ ಕೇಂದ್ರ ಸರ್ಕಾರ ರಾಜ್ಯಗಳಿಗೆ ಕಠಿಣ ಕಾನೂನು ರೂಪಿಸಲು ಹಕ್ಕು ನೀಡಿದೆ. ಎಷ್ಟು ದಾಸ್ತಾನು ಇಡಬಹುದು ಅಥವಾ ಇಡಬಾರದು ಎಂಬ ನಿರ್ಧಾರವನ್ನು ರಾಜ್ಯ ಸರ್ಕಾರ ಕೈಗೊಳ್ಳುತ್ತದೆ. ಈ ಎಲ್ಲ ಹಕ್ಕುಗಳನ್ನೂ ರಾಜ್ಯಗಳಿಗೆ ನೀಡಲಾಗಿದೆ. ಕೆಲವು ರಾಜ್ಯಗಳು ಇದರಲ್ಲಿ ಉತ್ತಮವಾದ ಕಾರ್ಯ ಮಾಡಿವೆ. ಇನ್ನು ಕೆಲವು ರಾಜ್ಯಗಳು ಪ್ರಯತ್ನಿಸುತ್ತಿವೆ. ಆದರೆ ರಾಜ್ಯ ಹಾಗೂ ಕೇಂದ್ರ ಸರ್ಕಾರಗಳು ಒಟ್ಟಾಗಿ ಈ ನಿಟ್ಟಿನಲ್ಲಿ ಯತ್ನಿಸುತ್ತಿವೆ. ಒಂದು ಹಂತದವರೆಗೆ ನಾವು ಯಶಸ್ವಿಯೂ ಆಗಿದ್ದೇವೆ. ಈ ಹಿಂದೆ (ಯುಪಿಎ ಅವಧಿಯಲ್ಲಿ) ದರ ಏರಿಕೆ ಆಗುತ್ತಿದ್ದ ವೇಗದಲ್ಲೇ ಮುಂದುವರಿದಿದ್ದರೆ ಈಗ ಏನಾಗುತ್ತಿತ್ತೋ ಗೊತ್ತಿಲ್ಲ. ಆದರೆ ನಾವು ಅಷ್ಟು ತ್ವರಿತ ವೇಗದಲ್ಲಿ ಬೆಲೆ ಏರಿಕೆ ಆಗುವುದನ್ನು ತಡೆಯುವಲ್ಲಿ ಯಶಸ್ವಿಯಾಗಿದ್ದೇವೆ. ಬೇಳೆಕಾಳುಗಳಿಗೆ ಸಂಬಂಧಿಸಿದಂತೆ, ಭಾರತದಲ್ಲಿ ಅದರ ಉತ್ಪಾದನೆ ತೀರಾ ಕಡಿಮೆ ಆಗಿದೆ. ಈ ಹಿಂದೆ ಬೇಳೆ ಕಾಳು ಬೆಳೆಯುತ್ತಿದ್ದ ರೈತರು ಈಗ ಕಬ್ಬು ಬೆಳೆಯುತ್ತಿದ್ದಾರೆ. ಇದು ಕೂಡ ಕಾಳಜಿಯ ವಿಚಾರ. ನಾವು ಬೇಳೆ ಕಾಳುಗಳಿಗಾಗಿ ವಿಶೇಷ ಉಪಕ್ರಮ ಕೈಗೊಂಡಿದ್ದೇವೆ. ನಾವು ವಿವಿಧ ಬೇಳೆ ಕಾಳುಗಳಿಗೆ ಕನಿಷ್ಠ ಬೆಂಬಲ ಬೆಲೆ ನಿಗದಿ ಮಾಡಲು ಪ್ರಯತ್ನಿಸಿದ್ದೇವೆ. ನಾವು ರೈತರಿಂದ ಬೋನಸ್ ನೊಂದಿಗೆ ಬೇಳೆ ಕಾಳು ದಾಸ್ತಾನಿಗೆ ಕ್ರಮ ಕೈಗೊಂಡಿದ್ದೇವೆ. ನಮ್ಮ ಗಮನ ಈಗ ಬೇಳೆ ಕಾಳುಗಳ ಉತ್ಪಾದನೆಯ ಹೆಚ್ಚಳದತ್ತ ಇದೆ. ನಾವು ವಿದೇಶದಿಂದ ಬೇಳೆ ಕಾಳುಗಳನ್ನು ಆಮದು ಮೂಲಕ ದಾಸ್ತಾನು ಹೆಚ್ಚಿಸಲೂ ಗಮನ ಹರಿಸಿದ್ದೇವೆ. ಎಲ್ಲ ಪ್ರಯತ್ನಗಳನ್ನೂ ಮಾಡುತ್ತಿದ್ದೇವೆ ಯಾರೊಬ್ಬರೂ ಸರ್ಕಾರದ ಪ್ರಾಮಾಣಿಕ ಪ್ರಯತ್ನವನ್ನು ಶಂಕಿಸುವುದಿಲ್ಲ.

ಅರ್ನಬ್ : ರಘುರಾಮ್ ರಾಜನ್ ಅವರು ಆರ್.ಬಿ.ಐ. ಗೌರ್ನರ್ ಹುದ್ದೆಯಿಂದ ನಿರ್ಗಮಿಸುತ್ತಿರುವ ಕುರಿತ ವಿವಾದದ ಬಗ್ಗೆ ನಿಮ್ಮ ಅಭಿಪ್ರಾಯ ಏನು ಪ್ರಧಾನ ಮಂತ್ರಿಯವರೇ ? ಈ ಬಗ್ಗೆ ಬಹಳವೇ ಚರ್ಚೆ ಆಗುತ್ತಿದೆ. ಇದು ಜಾಗತಿಕ ಆರ್ಥಿಕತೆಯ ನಿಲುವಿನ ಭಾರತದ ವರ್ಚಸ್ಸಿನ ಮೇಲೂ ಪರಿಣಾಮ ಬೀರುತ್ತದೆ ಎಂಬ ವಿಶ್ಲೇಷಣೆ ಇದೆ. ರಘುರಾಮ್ ರಾಜನ್ ಅವರ ನಿರ್ಗಮನದ ವಿವಾದದ ಬಗ್ಗೆ ನಿಮ್ಮ ಅಭಿಪ್ರಾಯ ಏನು ?

ಪಿ.ಎಂ. ಮೋದಿ : 2014ರ ಮೇ ತಿಂಗಳಿನಲ್ಲಿ ನನ್ನ ಸರ್ಕಾರ ಅಸ್ತಿತ್ವಕ್ಕೆ ಬಂದಾಗ, ನೀವು 2014ರ ಮೇ, ಜೂನ್, ಜುಲೈ ದಿನ ಪತ್ರಿಕೆಗಳನ್ನು ತೆಗೆದುಕೊಳ್ಳಿ ಮತ್ತು ಆ ಕಾಲದ ಟೆಲಿವಿಷನ್ ಚರ್ಚೆಗಳನ್ನು ನೋಡಿ – ಹೊಸ ಸರ್ಕಾರ ರಘುರಾಮ್ ರಾಜನ್ ಅವರನ್ನು ಮುಂದುವರಿಯಲು ಬಿಡುತ್ತದೆಯೇ ? ಅಥವಾ ರಘುರಾಮ್ ರಾಜನ್ ಅವರನ್ನು ತೆಗೆದು ಹಾಕುತ್ತದೆಯೇ ? ಎಂಬುದಾಗಿತ್ತು. ಮತ್ತು ಬಹುತೇಕ ಅಭಿಪ್ರಾಯ ಹಿಂದಿನ ಸರ್ಕಾರ ಅವರನ್ನು ನೇಮಕ ಮಾಡಿದೆ ಹೀಗಾಗಿ ಮೋದಿ ಅವರು ಅವರಿಗೆ ತಮ್ಮ ಅವಧಿ ಪೂರ್ಣಗೊಳಿಸಲು ಬಿಡುವುದಿಲ್ಲ ಮತ್ತು ಅವರನ್ನು ತೆಗೆದು ಹಾಕುತ್ತಾರೆ ಎಂಬುದೇ ಆಗಿತ್ತು. ನೀವು ನೋಡಿದ್ದೀರಿ, ಅವರು ತಮ್ಮ ಪೂರ್ಣಾವಧಿ ಮುಗಿಸಿದ್ದಾರೆ. ಹಿಂದಿನ ಸರ್ಕಾರದ ಅವರನ್ನು ನೇಮಕ ಮಾಡಿದ್ದ ಅವಧಿಯನ್ನು ಅವರು ಪೂರ್ಣಗೊಳಿಸಿದ್ದಾರೆ. ಹೀಗಾಗಿ ಎಲ್ಲ ತಪ್ಪು ತಿಳಿವಳಿಕೆಗಳೂ ದೂರ ಸರಿದಿವೆ. ಎರಡನೆಯದಾಗಿ, ಸರ್ಕಾರದಲ್ಲಿ ನನ್ನ ಎರಡು ವರ್ಷಗಳ ಅನುಭವದಲ್ಲಿ, ಯಾರು ವಿವಾದ ಹುಟ್ಟು ಹಾಕುತ್ತಿದ್ದಾರೋ ಅವರು ರಘುರಾಮ್ ರಾಜನ್ ಅವರಿಗೆ ಅನ್ಯಾಯ ಮಾಡುತ್ತಿದ್ದಾರೆ.

ಅರ್ನಬ್ : ಏಕೆ ಹಾಗೆ ?

ಪಿ.ಎಂ. ಮೋದಿ : ನಾನು ನಿಮಗೆ ಹೇಳುತ್ತೇನೆ. ರಘುರಾಮ್ ರಾಜನ್ ಅವರ ದೇಶ ಪ್ರೇಮ ನಮ್ಮಗಳಿಗಿಂತ ಕಡಿಮೆ ಏನಿಲ್ಲ. ಅವರು ನಿರ್ದಿಷ್ಟ ಒಂದು ಹುದ್ದೆಯಲ್ಲಿದ್ದರೆ ಮಾತ್ರ ದೇಶಕ್ಕೆ ಸೇವೆ ಮಾಡುತ್ತಾರೆ ಎಂದು ಯಾರಾದರೂ ಹೇಳಿದರೆ ಅದು ಅವರಿಗೆ ಮಾಡಿದ ಅನ್ಯಾಯ ಆಗುತ್ತದೆ. ನಾನು ರಘುರಾಮ್ ರಾಜನ್ ಅವರನ್ನು ತಿಳಿದಿರುವಂತೆ, ಅವರು ಯಾವುದೇ ಹುದ್ದೆ ಅಲಂಕರಿಸಲಿ, ಅವರು ಎಲ್ಲೇ ಇರಲಿ, ಅವರು ದೇಶ ಸೇವೆ ಮಾಡುವವರಾಗಿದ್ದಾರೆ. ಅವರು ದೇಶವನ್ನು ಪ್ರೀತಿಸುವವರಾಗಿದ್ದಾರೆ. ಹೀಗಾಗಿ ದೇಶ ರಘುರಾಮ್ ರಾಜನ್ ಅವರ ಸೇವೆಯನ್ನು ಪಡೆಯುವುದಿಲ್ಲ ಎಂದಲ್ಲ, ರಘುರಾಮ್ ರಾಜನ್ ಅವರು ಅಂಥ ವ್ಯಕ್ತಿಯೂ ಅಲ್ಲ. ಅವರು ದೇಶವನ್ನು ಪ್ರೀತಿಸುವವರಾಗಿದ್ದಾರೆ. ಅಂಥ ಮಾತನಾಡುವವರು ಅವರಿಗೆ ಅನ್ಯಾಯ ಮಾಡುತ್ತಿದ್ದಾರೆ. ಅವರೊಂದಿಗಿನ ನನ್ನ ಅನುಭವ ಉತ್ತಮವಾಗಿದೆ. ಅವರು ಮಾಡಿರುವ ಕಾರ್ಯವನ್ನು ನಾನು ಅಭಿನಂದಿಸುತ್ತೇನೆ. ನನ್ನ ಶುಭ ಹಾರೈಕೆಗಳು ಸದಾ ಅವರೊಂದಿಗೆ ಇರುತ್ತವೆ.

ಅರ್ನಬ್ : ಮೋದಿ ಅವರೇ ಇದಕ್ಕೆ ಸಂಬಂಧಿಸಿದ ಒಂದು ಪ್ರಶ್ನೆ ಇದೆ. ನಿಮ್ಮ ಕಾರ್ಯಕಾರಿಣಿ ಭಾಷಣದಲ್ಲಿ ನೀವು ಎಸ್ ನಿಂದ ಆರಂಭವಾಗುವ 7 ಪದಗಳನ್ನು ಹೇಳಿದಿರಿ – ಸೇವಾಭಾವ, ಸಮತೋಲನ, ಸಂಯಮ, ಸಂವಾದ, ಸಮನ್ವಯ, ಸಕಾರಾತ್ಮಕತೆ ಮತ್ತು ಸಂವೇದನೆ. ನೀವು ಅಲಹಾಬಾದ್ ನಲ್ಲಿ ಜೂನ್ 14ರಂದು ರಾಷ್ಟ್ರೀಯ ಕಾರ್ಯಕಾರಿಣಿಯಲ್ಲಿ ಈ ಪದಗಳನ್ನು ಬಳಸಿದ್ದರಿಂದ ರಘುರಾಮ್ ರಾಜನ್ ಗೆ ಸಂಬಂಧಿಸಿದಂತೆ ನಿಮಗೆ ಪ್ರಶ್ನೆ ಕೇಳುತ್ತೇನೆ, ನೀವು “ನಮ್ಮ ಪಕ್ಷದ ಕಾರ್ಯಕರ್ತರು ಮತ್ತು ನಾಯಕರು ತಮ್ಮ ದೈನಂದಿನ ವ್ಯವಹಾರದಲ್ಲಿ ಈ ಗುಣಗಳನ್ನು ಅಳವಡಿಸಿಕೊಳ್ಳಬೇಕು’’ ಎಂದು ಹೇಳಿದಿರಿ. ರಘುರಾಮ್ ರಾಜನ್ ವಿಚಾರದಲ್ಲಿ ನಿಮ್ಮ ರಾಜ್ಯ ಸಭೆಯ ಸದಸ್ಯರು ಹಲವು ಹೇಳಿಕೆ ನೀಡಿದ್ದಾರೆ. ಅಲ್ಲದೆ ಅವರು ಹಿರಿಯ ಆಡಳಿತಶಾಹಿಗಳ ವಿರುದ್ಧ ಗಂಭೀರ ಟೀಕೆ ಮಾಡಿದ್ದಾರೆ. ನಾನು ನಿಮಗೆ ಪ್ರಶ್ನಿಸುತ್ತೇನೆ ಇದು ಸರಿಯೇ? ನಾವು ಸಂಯಮ ಮತ್ತು ಸಮತೋಲನದ ಬಗ್ಗೆ ಮಾತನಾಡುವಾಗ ಇದು ಹೇಗೆ ಸರಿ ?

ಪಿ.ಎಂ. ಮೋದಿ : ಅದು ನನ್ನ ಪಕ್ಷದವರಾಗಿರಲಿ, ಅಥವಾ ಬೇರೆ ಯಾರೇ ಆಗಿರಲಿ, ಅಂಥ ಸಂಗತಿಗಳು ಯೋಗ್ಯವಲ್ಲ. ಇಂಥ ಪ್ರಚಾರದ ತಂತ್ರಗಳಿಂದ ದೇಶಕ್ಕೆ ಲಾಭ ಆಗುವುದಿಲ್ಲ. ಪ್ರತಿಯೊಬ್ಬರೂ ಜವಾಬ್ದಾರಿಯಿಂದ ವರ್ತಿಸಬೇಕು. ಯಾರಾದರೂ ತಾನು ವ್ಯವಸ್ಥೆಗಿಂತ ದೊಡ್ಡವನು ಎಂದು ತಿಳಿದಿದ್ದರೆ ಅದು ತಪ್ಪು.
ಅರ್ನಬ್: ಇದು ಸ್ಪಷ್ಟ ಸಂದೇಶವೇ..

ಪಿ.ಎಂ. ಮೋದಿ : ನಾನು ಸ್ಪಷ್ಟವಾದ ಸಂದೇಶವನ್ನೇ ನೀಡುತ್ತೇನೆ. ನನಗೆ ಈ ಬಗ್ಗೆ ದ್ವಂದ ಮನಸ್ಸು ಇಲ್ಲ.

ಅರ್ನಬ್ : ಮತ್ತೆ ಶ್ರೀ ಮೋದಿ ಅವರೇ, ನಾನು ಹೀಗೆ ಹೇಳುತ್ತೇನೆ. ನೀವು ಮೇ 8 ಮತ್ತು ಇಂದಿನ ನಡುವೆ, ನೀವು ಪ್ರಧಾನ ಮಂತ್ರಿಯಾಗಿ ಅಧಿಕಾರ ವಹಿಸುವುದಕ್ಕೆ ಮುನ್ನ ಹೇಗೆ ಮಾತನಾಡುತ್ತಿದ್ದಿರೋ ಹಾಗೇ ನೇರವಾಗಿ ಮಾತನಾಡುತ್ತಿದ್ದೀರಿ. ಈ ಉತ್ತರ ನನ್ನನ್ನು ಮುಂದಿನ ವಿಷಯಕ್ಕೆ ಕರೆದುಕೊಂಡು ಹೋಗುತ್ತಿದೆ. ಆ ವಿಷಯ ಕಪ್ಪು ಹಣದ್ದು. ಬಹಳ ಸ್ವಾರಸ್ಯಕರವಾಗಿ ನೀವು ಹೇಳಿದಿರಿ. ಬೆಲೆ ಏರಿಕೆಯನ್ನು ಗ್ರಹಿಕಾನುಭವದ ಅಂಶದಿಂದ ನೋಡಬಾರದು ಎಂದು, ಅದಕ್ಕೆ ಸಮನಾಗಿಯೇ ಪ್ರಧಾನ ಮಂತ್ರಿಯವರೇ, ಕಪ್ಪು ಹಣವನ್ನೂ ಗ್ರಹಿಕಾನುಭವದಿಂದ ನೋಡಬಾರದೆ. ಆದರೆ ಇದು perception ಮೂಡಿಸುವಂಥದ್ದು. ಈ ಬಗ್ಗೆ ರಾಜಕೀಯ ಚರ್ಚೆಗಳು ನಡೆದಿವೆ. ತಜ್ಞರ ಪ್ರಕಾರ ಕಪ್ಪುಹಣ ಆರ್ಥಿಕತೆ ತಗ್ಗಿದೆ. ಜಮೀನು ವ್ಯವಹಾರ ಮತ್ತ ಇತರ ವಿಚಾರದಲ್ಲಿ ಶೇ. 10 – 15ರಷ್ಟು ಆರ್ಥಿಕತೆ ತಗ್ಗಿದೆ. ನೀವು ಕಪ್ಪುಹಣ ಮಸೂದೆ ಅನುಮೋದಿಸಿದ್ದೀರಿ. ನೀವು ತೆರಿಗೆಯನ್ನು ಹೆಚ್ಚು ಪಾರದರ್ಶಕ ಗೊಳಿಸಿದ್ದೀರಿ. ನೀವು ಇತರ ರಾಷ್ಟ್ರಗಳೊಂದಿಗೆ ಮಾಹಿತಿ ವಿನಿಮಯ ಆರಂಭಿಸಿದ್ದೀರಿ. ನೀವು ಕ್ರಮ ಕೈಗೊಂಡಿದ್ದೀರಿ. ಆದರೆ ಪ್ರಧಾನ ಮಂತ್ರಿ ಮೋದಿ ಅವರೇ, ಜನರು ಇನ್ನೂ ಸಹ 25 ಲಕ್ಷ ಕೋಟಿ ರೂಪಾಯಿಗಳನ್ನು ದೇಶಕ್ಕೆ ಮರಳಿ ತರಬೇಕು ಮತ್ತು ಅವರ ಖಾತೆಗಳಿಗೆ ಹಾಕಬೇಕು ಎಂದು ನಿರೀಕ್ಷಿಸುತ್ತಾರೆ. ಈ ನಿರೀಕ್ಷೆಯನ್ನು ನೀವು ಹೇಗೆ ಎದುರಿಸುತ್ತೀರಿ. ? ಜನರಿಗೆ ಕಪ್ಪು ಹಣದ ಬಗ್ಗೆ ಇರುವ ಉಮೇದನ್ನು ನೀವು ಹೇಗೆ ನಿಭಾಯಿಸುತ್ತೀರಿ?

ಪಿ.ಎಂ. ಮೋದಿ : ಹೇಗೆ ಕಪ್ಪುಹಣದ ವಿಚಾರ ಉದ್ಭವವಾಯಿತು. ಹೇಗೆ ಅದು ಬೆಳೆಯಿತು. ಮತ್ತು ಅದು ಹೇಗೆ ಇಷ್ಟು ಗಂಭೀರ ವಿಷಯವಾಯಿತು.? ನಾವು ಅದರ ಹಿನ್ನೆಲೆ ನೋಡಬೇಕು. ಈ ದೇಶದ ಸಾಮಾನ್ಯ ವ್ಯಕ್ತಿಯ ಮನಸ್ಸಿನಲ್ಲಿ ಇದು ಮನೆ ಮಾಡಿದೆ. ಯಾರು ಹಣ ಕದಿಯುತ್ತಾರೋ ಅವರು ಅದನ್ನು ವಿದೇಶೀ ಬ್ಯಾಂಕ್ ನಲ್ಲಿ ಇಡುತ್ತಾರೆ. ಇದು ಸಾಮಾನ್ಯವಾದ ನಿಲುವು. ಹಣ ಎಲ್ಲಿ ಹೋಗುತ್ತದೆ ಎಂಬ ಅಚ್ಚರಿ ನನಗೂ ಇದೆ. ಈ ವಿಷಯ ಬಂದಾಗಲೆಲ್ಲಾ ಸಂಸತ್ತಿನಲ್ಲಿ ಅಡ್ಡಿಯಾಗುತ್ತಿತ್ತು. ಯಾವಾಗ ವಿಷಯ ಸರ್ವೋಚ್ಚ ನ್ಯಾಯಾಲಯದ ಮೆಟ್ಟಿಲು ಏರಿತೋ, ಸುಪ್ರೀಂಕೋರ್ಟ್ ವಿಶೇಷ ತನಿಖಾ ತಂಡ ಸ್ಥಾಪನೆಗೆ ಆದೇಶಿಸಿತು. ಆದಾಗ್ಯೂ ಹಿಂದಿನ ಸರ್ಕಾರ ಇದನ್ನು ಮೂರು ವರ್ಷಗಳ ಕಾಲ 2011 ರಿಂದ 2014ರ ವರೆಗೆ ತಡೆದಿತ್ತು. ಆದಾದ ಬಳಿಕ, ರಾಜಕೀಯ ಪಕ್ಷಗಳು, ಮಾಧ್ಯಮ ಮತ್ತು ಜನ ಸಾಮಾನ್ಯರು ಇದರಲ್ಲಿ ಏನೋ ತಪ್ಪು ಇದೆ ಎಂದು ನಂಬಲು ಆರಂಭಿಸಿದರು. ಆಗ ಕಪ್ಪುಹಣದ ವಿಚಾರ ಕಾರ್ಯಕ್ರಮ ಪಟ್ಟಿ ಸೇರಿತು. ಇವತ್ತಿಗೂ ಕೂಡ ನಾನು ಹೇಳುತ್ತೇನೆ, ಎಲ್ಲಿ ವಿದೇಶದ ಖಾತೆಗಳಲ್ಲಿ ಹಣ ಇದೆಯೋ, ಈ ವಿಷಯಕ್ಕೆ ಸಂಬಂಧಿಸಿದಂತೆ ವಿದೇಶಗಳೊಂದಿಗೆ ಒಂದು ನೀತಿ ಇರಬೇಕು. ಆದರೆ 2011 ರಿಂದ 2104ರ ವರೆಗೆ ತಮ್ಮ ಹಣವನ್ನು ಅತ್ತಿಂದಿತ್ತ ವರ್ಗಾಯಿಸಲು ಈ ಜನರಿಗೆ ಅವಕಾಶ ನೀಡಲಾಯಿತು.

ಅರ್ನಬ್ : ನೀವು ಈ ಬಗ್ಗೆ 2015 ರ ಫೆಬ್ರವರಿ 17 ರಂದು ಹೇಳಿದ್ದಿರಿ. ಆಗಿನ ಕಾನೂನು ಸಚಿವರು ಕೇವಲ ಬಾಯಿ ಮಾತಿನ ಸೇವೆ ನೀಡುತ್ತಿದ್ದಾರೆ.

ಪಿ.ಎಂ. ಮೋದಿ : ಇದರ ಫಲವಾಗಿಯೇ ಜನರಿಗೆ ತಮ್ಮ ಹಣವನ್ನು ವರ್ಗಾವಣೆ ಮಾಡಲು ಹಲವು ಅವಕಾಶ ದೊರೆಯಿತು. ಎರಡನೆಯದಾಗಿ, ನಮ್ಮ ಸರ್ಕಾರ ಬಂದ ಬಳಿಕ, ನಮ್ಮ ಸರ್ಕಾರ ಕೈಗೊಂಡ ಮೊದಲ ನಿರ್ಧಾರ, ಕಪ್ಪು ಹಣವನ್ನು ಮರಳಿ ತರಲು 2011 ರ ಸುಪ್ರೀಂಕೋರ್ಟ್ ಆದೇಶವಿದ್ದಾಗ್ಯೂ ನೆನೆಗುದಿಗೆ ಬಿದ್ದಿದ್ದ ವಿಶೇಷ ತನಿಖಾ ತಂಡ ರಚಿಸುವುದಾಗಿತ್ತು. ಇದು ನಮ್ಮ ಪ್ರಾಮಾಣಿಕತೆಯನ್ನು ತೋರುತ್ತದೆ. ಅಲ್ಲಿಂದ ಕಪ್ಪು ಹಣವನ್ನು ತರಲು ಎಷ್ಟು ಕಠಿಣ ಕಾನೂನು ಮಾಡಲಾಗಿದೆ ಎಂಬುದನ್ನು ನೀವು ಊಹಿಸಿಕೊಳ್ಳಲೂ ಸಾಧ್ಯವಿಲ್ಲ ಮತ್ತು ಅದರ ತೆಕ್ಕೆಗೆ ಬರುವವರಿಗೆ ಕಾನೂನು ಎಷ್ಟು ಕಠಿಣವಾಗಿದೆ ಎಂಬುದು ತಿಳಿಯುತ್ತದೆ. ಮೂರನೆಯದಾಗಿ, ನಾನು ಜಿ – 20 ರಾಷ್ಟ್ರಗಳ ಶೃಂಗಸಭೆಯಲ್ಲಿ ಪಾಲ್ಗೊಂಡಿದ್ದೆ. ಹಿಂದೆಂದೂ ಜಿ- 20 ವೇದಿಕೆಯಲ್ಲಿ ಕಪ್ಪು ಹಣದ ವಿಚಾರ ಚರ್ಚೆಗೆ ಬಂದಿರಲಿಲ್ಲ. ನನ್ನ ಮೊದಲ ಜಿ – 20 ಶೃಂಗದಲ್ಲಿ ಅದೇ ಮೊದಲ ಬಾರಿಗೆ ನಾನು ವಿಶ್ವ ನಾಯಕರನ್ನು ಭೇಟಿಯಾದೆ. ಜಿ- 20 ಶೃಂಗ ಸಭೆಯಲ್ಲಿ ಮೊದಲ ಬಾರಿಗೆ ಒಂದು ಪ್ಯಾರಾ ಪೂರ್ತಿ ಲೆಕ್ಕಕ್ಕೆ ಸಿಗದ ಹಣದ ಬಗ್ಗೆ, ಕಪ್ಪು ಹಣದ ಬಗ್ಗೆ ಆಗಿತ್ತು. ಮತ್ತು 20 ರಾಷ್ಟ್ರಗಳು ನಮಗೆ ಬೆಂಬಲ ನೀಡಬೇಕು. ಕಾರಣ ಈ ಕಪ್ಪುಹಣ, ಕೆಟ್ಟ ಹಣ ಭಯೋತ್ಪಾದನೆಯೊಂದಿಗೆ ಥಳುಕು ಹಾಕಿಕೊಂಡಿದೆ. ಆಗ ಜಾಗತಿಕವಾಗಿ ಒಂದು ಒಮ್ಮತ ಅಲ್ಲಿ ಮೂಡಿತು. ನಾವು ವಿವಿಧ ದೇಶಗಳೊಂದಿಗೆ ಒಂದರ ನಂತರ ಒಂದರಂತೆ ಒಪ್ಪಂದಗಳಿಗೆ ಅಂಕಿತ ಹಾಕುತ್ತಿದ್ದೇವೆ, ಹೀಗಾಗಿ ನಮಗೆ ಕಾಲ ಕಾಲಕ್ಕೆ ಮತ್ತು ಸ್ವಯಂ ಚಾಲಿತವಾಗಿ ಮಾಹಿತಿ ಭಾರತದೊಂದಿಗೆ ವಿನಿಮಯವಾಗುತ್ತಿದೆ. ನಾನು ಇತ್ತೀಚೆಗೆ ಸ್ವಿಜರ್ಲ್ಯಾಂಡ್ ಗೆ ಭೇಟಿ ನೀಡಿದ್ದೆ ಮತ್ತು ಈ ಬಗ್ಗೆ ಕನಿಷ್ಠ ಚರ್ಚೆ ಆಯಿತು. ಆದರೆ, ನಾನು ಹಿಂತಿರುಗಿ ಬಂದ ಬಳಿಕ, ಸ್ವಿಜರ್ಲ್ಯಾಂಡ್ ನಿಂದ ದೊಡ್ಡ ನಿಯೋಗವೊಂದು ಭಾರತಕ್ಕೆ ಭೇಟಿ ನೀಡಿತು ಮತ್ತು ಅವರು ಭಾರತ ಸರ್ಕಾರದೊಂದಿಗೆ ಸಭೆ ಮತ್ತು ಮಾತುಕತೆ ನಡೆಸಿದರು… ಹಲವು ವರ್ಷಗಳಿಂದ ಸ್ವಿಜರ್ಲ್ಯಾಂಡ್ ಕಪ್ಪು ಹಣ ಇಡುವ ತಾಣ ಎಂದು ತಿಳಿದಿದ್ದೇವೆ. ಆ ದೇಶ ಸ್ವಯಂ ಚಾಲಿತ ಮಾಹಿತಿ ವಿನಿಮಯಕ್ಕೆ ಸಹಮತ ವ್ಯಕ್ತಪಡಿಸಿದೆ ಮತ್ತು ನಾವು ಇಲ್ಲಿ ಒಮ್ಮತಕ್ಕೆ ಬಂದರೆ ಅದು ದೊಡ್ಡ ಸಾಧನೆ ಆಗುತ್ತದೆ. ಮೂರನೆಯದಾಗಿ, ನೀವು ನೋಡಿರಬಹುದು ಎಲ್ಲದಕ್ಕೂ ಮಾರಿಷಸ್ ಮಾರ್ಗದ ವಿಚಾರವೇ ಬರುತ್ತಿತ್ತು. ಕಪ್ಪು ಹಣ ಮಾರಿಷಸ್ ಮಾರ್ಗದಿಂದ ಹೋಗುತ್ತದೆ ಮತ್ತು ಅದೇ ಮಾರ್ಗವಾಗಿ ಬರುತ್ತದೆ ಎಂದು. ಈ ಬಗ್ಗೆ ಚರ್ಚಿಸಲಾಯಿತು. ಎಲ್ಲರೂ ಮಾರಿಷಸ್ ಮಾರ್ಗದ ಬಗ್ಗೆ ಏನೂ ಮಾಡಲು ಸಾಧ್ಯವಿಲ್ಲ ಎಂದುಕೊಂಡಿದ್ದರು. ಆದರೆ, ನಮ್ಮ ಸರ್ಕಾರ ಮಾರಿಷಸ್ ಸರ್ಕಾರದೊಂದಿಗೆ ಮಾತುಕತೆ ನಡೆಸಿತು. ಹಳೆಯ ಒಪ್ಪಂದಗಳಿಗೆ ಬದಲಾವಣೆ ತಂದಿತು. ಮತ್ತು ನಾವು ಈಗ ನಾವು ಮಾರಿಷಸ್ ಮಾರ್ಗದಿಂದ ಬಂದು ಹೋಗುತ್ತಿದ್ದ ಹಣ ತಡೆಯಲು ಯಶಸ್ವಿಯಾಗಿ ಹೊಸ ಒಪ್ಪಂದಕ್ಕೆ ಬರಲಾಗಿದೆ. ಮುಂದಿನ ದಿನಗಳಲ್ಲಿ ಹಂತ ಹಂತವಾಗಿ ಇದನ್ನು ಪೂರ್ಣಗೊಳಿಸುತ್ತೇವೆ. ಈ ಎಲ್ಲ ಕ್ರಮಗಳನ್ನೂ ಕಪ್ಪು ಹಣದ ವಿರುದ್ಧ ಹೋರಾಟ ನಡೆಸಲು ಕೈಗೊಳ್ಳಲಾಗಿದೆ. ಇದು ಏಕ ಪಕ್ಷೀಯ ಹೋರಾಟವಲ್ಲ. ಎರಡನೆಯದಾಗಿ, ಕಪ್ಪು ಹಣ ಭಾರತದಲ್ಲಿ ಸೃಷ್ಟಿಯಾಗದಂತೆ ಮಾಡುವ ನಿಟ್ಟಿನಲ್ಲಿ ಮತ್ತು ಕಪ್ಪುಹಣ ಭಾರತದಿಂದ ಹೊರಗೆ ಹೋಗದಂತೆಯೂ ಸರ್ಕಾರ ಕ್ರಮ ಕೈಗೊಂಡಿದೆ. ನೀವು ಈ ಎಲ್ಲದರ ಫಲಶ್ರುತಿ ಕಾಣುತ್ತಿದ್ದೀರಿ.

ಅರ್ನಬ್ : ಯಾವಾಗ ಪ್ರತಿಪಕ್ಷಗಳು 15 ಲಕ್ಷದ ವಿಷಯ ಪ್ರಸ್ತಾಪಿಸುತ್ತವೆ.

ಪಿ.ಎಂ. ಮೋದಿ : ಅದನ್ನು ಪ್ರತಿಪಕ್ಷಗಳು ಚುನಾವಣೆಯ ಸಂದರ್ಭದಲ್ಲಿ ಪ್ರಸ್ತಾಪಿಸಿದ್ದವು. ಅವರಿಗೂ ಮಾತನಾಡಲು ಕೆಲವು ವಿಷಯ ಇರಲಿ ಬಿಡಿ.

ಅರ್ನಬ್ : ಮಾನ್ಯ ಪ್ರಧಾನ ಮಂತ್ರಿಯವರೇ, ಕಳೆದ ಎರಡು ವರ್ಷಗಳ ಅವಧಿಯಲ್ಲಿ ನಿಮ್ಮ ಆಡಳಿತಾವಧಿಯಲ್ಲಿ ಯಾವುದೇ ಪ್ರಮುಖ ಆರ್ಥಿಕ ಭ್ರಷ್ಟಾಚಾರ ಅಥವಾ ಹಗರಣ ಇಲ್ಲ. ಗ್ರಹಿಕಾನುಭವ ಮತ್ತೊಮ್ಮೆ, ಜನ ಏನು ಹೇಳುತ್ತಾರೆ ಎಂದರೆ, ನೀವು ಸರ್ಕಾರದ ಮೇಲೆ ಬಲವಾದ ಹಿಡಿತ ಹೊಂದಿದ್ದೀರಿ, ಆದರೆ ಪ್ರಶ್ನೆ ಏನೆಂದರೆ, ಕೆಲವು ಜನರು ಉದ್ದೇಶ ಪೂರ್ವಕ ಸುಸ್ತಿದಾರರು, ಆರ್ಥಿಕ ಅಪರಾಧಿಗಳು, ದೇಶದಿಂದ ಅಪಾರ ಹಣ ತೆಗೆದುಕೊಂಡು ಹೋಗಿದ್ದಾರೆ ಅಥವಾ ದೇಶದಲ್ಲಿ ಆರ್ಥಿಕ ಅಪರಾಧ ಎಸಗಿದ್ದಾರೆ ಬಳಿಕ ಸಾಗರದಾಚೆ ಹೋಗಿದ್ದಾರೆ ಮತ್ತು ಕಾನೂನನ್ನು ಬಳಸಿಕೊಂಡು, ವಕೀಲರನ್ನು ಬಳಸಿಕೊಂಡು ಮತ್ತು ಅವರು ಮತ್ತೆ ಭಾರತಕ್ಕೆ ಮರಳಿ ಬರುವುದೇ ಇಲ್ಲ. ಈಗ ಜನ ಕೇಳುತ್ತಿದ್ದಾರೆ. ನರೇಂದ್ರ ಮೋದಿ ಅವರ ಸರ್ಕಾರ ಈ ಉದ್ದೇಶಪೂರ್ವ ಸುಸ್ತಿದಾರರ ಪ್ರಕರಣವನ್ನು ಕೈಗೆತ್ತಿಕೊಳ್ಳುವ ಸಂಕಲ್ಪ ಮಾಡಿ ಮತ್ತು ಆರ್ಥಿಕ ಅಪರಾಧಗಳಿಗೆ ನಿರ್ಣಾಯಕ ಪರಿಸಮಾಪ್ತಿ ಮಾಡುತ್ತದೆಯೇ.?

ಪಿ.ಎಂ. ಮೋದಿ : ಮೊದಲನೆಯದಾಗಿ, ಈ ಪ್ರಶ್ನೆ ಜನರ ಮನದಲ್ಲಿ ಇಲ್ಲ. ಇದರ ಬಗ್ಗೆ ಯಾರಾದರೂ ಏನಾದರೂ ಮಾಡುವುದಿದ್ದರೆ ಮೋದಿ ಮಾತ್ರ ಅವರು ಮಾಡೇ ಮಾಡುತ್ತಾರೆ ಎಂಬ ನಂಬಿಕೆ ಭಾರತದ ಜನರಲ್ಲಿದೆ. ದೇಶದ ಜನರಿಗೆ ಸಂಪೂರ್ಣ ವಿಶ್ವಾಸ ಇದೆ.
ಅರ್ನಬ್: ಜನರು ಕಾನೂನು ದುರ್ಬಳಕೆ ಮಾಡಿಕೊಂಡಿರುವ ಬಗ್ಗೆ ನಿಮಗೆ ಚಿಂತೆ ಕಾಡಿದೆಯೇ ?

ಪಿ.ಎಂ. ಮೋದಿ : ನಾನು ಇದನ್ನು ಒಂದು ಅವಕಾಶ ಎಂದು ಪರಿಗಣಿಸುತ್ತೇನೆ ಮತ್ತು ನಾನು ಅವರಿಗೆ ಕಾನೂನು ಏನು ಎಂಬುದನ್ನು ತೋರಿಸುತ್ತೇನೆ.

ಅರ್ನಬ್ : ಶ್ರೀ ಮೋದಿ ಅವರೇ, ಹಿಂದಿನ ಸರ್ಕಾರದಲ್ಲಿ ಹಲವು ಭ್ರಷ್ಟಾಚಾರ ಪ್ರಕರಣಗಳಿದ್ದವು. ಅವು ಈಗ ಹೊರಗೆ ಬಂದಿವೆ. ಅಗಸ್ತಾ ವೆಸ್ಟ್ ಲ್ಯಾಂಡ್, ಹಲವು ರಕ್ಷಣಾ ಹಗರಣಗಳು ಮತ್ತು ರಕ್ಷಣಾ ವಹಿವಾಟುಗಳು ಅವುಗಳ ಬಗ್ಗೆ ಈಗ ಗಂಭೀರವಾಗಿ ವಿಶ್ಲೇಷಣೆ ಮಾಡಲಾಗುತ್ತಿದೆಯೇ. ಸಿ.ಎ.ಜಿ. ವರದಿಯಲ್ಲಿ ಉಲ್ಲೇಖಿಸಲಾಗಿರುವ ಪ್ರಕರಣಗಳನ್ನು ಉಪೇಕ್ಷಿಸಲಾಗಿದೆಯೇ ಅಥವಾ ಅವುಗಳು ಮತ್ತೆ ಹೊರ ಬರುತ್ತವೆಯೇ. ಈ ಪ್ರಶ್ನೆ ಮಹತ್ವದ್ದು ಕಾರಣ, ಇದು ಕೇವಲ ಹಣಕಾಸಿನ ಭ್ರಷ್ಟಾಚಾರವಷ್ಟೇ ಅಲ್ಲ, ಆದರ ಜೊತೆಗೆ ಈ ಪ್ರಶ್ನೆಗಳು ದೇಶದ ರಾಷ್ಟ್ರೀಯ ಭದ್ರತೆಯ ಮೇಲೆ ನೇರ ಪರಿಣಾಮ ಬೀರುತ್ತವೆ. ಅವರು ಇದನ್ನು ನರೇಂದ್ರ ಮೋದಿಯವರ ಒಂದು ರಾಜಕೀಯ ತಂತ್ರಗಾರಿಕೆ ಎಂದು ಹೇಳಿದಾಗ, ಈ ಎಲ್ಲ ಪ್ರಕರಣಗಳೂ ರಾಜಕೀಯ ಪ್ರಾಯೋಜಕತ್ವವಿಲ್ಲದೆ ಇರಲು ಸಾಧ್ಯವಿಲ್ಲ ಎಂದು ನಿಮಗೆ ಅನಿಸುವುದಿಲ್ಲವೇ ?

ಪಿ.ಎಂ. ಮೋದಿ : ಹಲವು ಸಂಗತಿಗಳಿವೆ. ಅವು ಕಾಣುವುದಿಲ್ಲ. ಕೊಳಕಿನಿಂದ ವಿಷಯಗಳನ್ನು ಹೊರತೆಗೆಯಲು ನಾನು ಪಡುತ್ತಿರುವ ಕಷ್ಟವನ್ನು ಯಾರೂ ಊಹಿಸಿಕೊಳ್ಳಲೂ ಸಾಧ್ಯವಿಲ್ಲ. ಅಲ್ಲಿ ಕೆಲಸ ಮಾಡುತ್ತಿರುವವರಿಗೆ ಎಷ್ಟು ಕೊಳಕಿದೆ ಎಂಬುದು ತಿಳಿಯುತ್ತದೆ ಮತ್ತು ಅವುಗಳನ್ನು ಜಾಲದಲ್ಲಿ ಹೇಗೆ ಹಿಡಿಯಲು ಸಾಧ್ಯ ಎಂಬುದು ಖಚಿತವಾಗುತ್ತದೆ. ಇದರ ಹಿಂದೆ ಕೆಲವು ಶಕ್ತಿಗಳು ಇವೆ. ಅಗಸ್ತಾ ವೆಸ್ಟ್ ಲ್ಯಾಂಡ್ ಪ್ರಕರಣವನ್ನೇ ತೆಗೆದುಕೊಳ್ಳಿ, ನಾನು ಅದನ್ನು ನಿರಾಕರಿಸುವುದಿಲ್ಲ. ಮತ್ತು ಇದರ ಹಿಂದಿರುವ ವ್ಯಕ್ತಿಗಳು ಬಹಳ ಅನುಭವಿಗಳು ಎಂದು ನಾವು ಶಂಕೆಪಡುವ ಹಕ್ಕು ಉಳ್ಳವರಾಗಿದ್ದೇವೆ. ಅವರು ತಪ್ಪು ಕೆಲಸ ಮಾಡುವ ಕಲೆಯನ್ನು ಚೆನ್ನಾಗಿಯೇ ಕರಗತ ಮಾಡಿಕೊಂಡಿದ್ದಾರೆ. ಅವರು ತುಂಬಾ ಅನುಭವಿಗಳು ಮತ್ತು ಜ್ಞಾನಿಗಳು. ಮತ್ತು ಯಾರಿಗಾದರೂ ಇದು ವೇದ್ಯವಾಗುತ್ತದೆ, ಒಂದು ದೊಡ್ಡ ರಕ್ಷಾ ಕವಚ ಇಲ್ಲದೆ ಇಂಥ ಕೆಲಸ ಮಾಡಲು ಸಾಧ್ಯವೇ ಇಲ್ಲ. ಈಗ ಸಂಸ್ಥೆಗಳು ತನಿಖೆ ಮಾಡುತ್ತಿವೆ. ಎಲ್ಲಿಯವರೆಗೆ ತನಿಖೆ ಹೋಗುತ್ತದೆ ನೋಡೋಣ. ಆದರೆ, ಯಾರನ್ನೋ ಗುರಿಯಾಗಿಸಿಕೊಂಡು ಕಾರ್ಯ ಮಾಡಬಾರದು. ನನ್ನ ಸರ್ಕಾರ ಅಂಥ ಕಾರ್ಯ ಮಾಡುವುದೂ ಇಲ್ಲ. ಇಲ್ಲಿ ಪಾಪ ನಡೆದಿದೆ. ಎಷ್ಟು ಆಗಿದೆ ಎಂಬುದನ್ನು ನೋಡೋಣ. ಯಾರು ಮಾಡಿದ್ದಾರೆ ನೋಡೋಣ. ತನಿಖಾ ಸಂಸ್ಥೆಗಳು ವೃತ್ತಿಪರವಾಗಿ ಹುಡುಕುತ್ತವೆ. ಈ ಮಧ್ಯೆ ಯಾರು ಯಾರು ಇದ್ದಾರೋ ಅವರು ಹೊರ ಬರುತ್ತಾರೆ.

ಅರ್ನಬ್ : ಪ್ರಧಾನ ಮಂತ್ರಿಯವರೇ, ಅಮೆರಿಕದ ಕಾಂಗ್ರೆಸ್ ನಲ್ಲಿ ನೀವು ಮಾಡಿದ ಭಾಷಣ ತೆಗೆದುಕೊಳ್ಳೋಣ,ಮತ್ತು ಅಲ್ಲಿ ನೀವು ವ್ಯಕ್ತಪಡಿಸಿದ ಹಾಸ್ಯದ ಹೊನಲನ್ನು ನೋಡೋಣ. ಅವುಗಳಲ್ಲಿ ಕೆಲವು ಆಶು ಭಾಷಣವಾಗಿದ್ದವು. ಅಮೆರಿಕನ್ನರಿಗೆ ನೀವು ಹೇಳಿದ್ದನ್ನು ಹೋಲಿಕೆ ಮಾಡಿಕೊಳ್ಳಲು ಆಗುತ್ತದೆಯೇ. ನನಗೆ ನೀವು ಹೇಳಿದ ಅದೇ ಪದಗಳು ನೆನಪಿಲ್ಲ. ನೀವು ಹೇಳಿದ್ದು, ಅಮೆರಿಕದ ಕಾಂಗ್ರೆಸ್ ಕಾರ್ಯವೈಖರಿ ಸಾಮರಸ್ಯದಿಂದ ಕೂಡಿದ್ದು ಎಂದು ನನಗೆ ತಿಳಿಸಲಾಗಿದೆ. ಮತ್ತು ಆಗ ಅಲ್ಲಿ ನೀವು ಕ್ಷಣ ಕಾಲ ನಿಲ್ಲಿಸಿದಿರಿ. ಆಗ ಜನ ನಕ್ಕರು. ಬಳಿಕ ನೀವು ಹೇಳಿದಿರಿ. ‘ನನಗೆ ತಿಳಿಸಲಾಗಿದೆ’ – ಇದನ್ನು ಪ್ರತಿಪಾದಿಸಿ ಹೇಳಿದಿರಿ ‘ನೀವು ನಿಮ್ಮ ಎರಡು ಪಕ್ಷಗಳ ಪದ್ಧತಿಗೆ ಹೆಸರಾಗಿದ್ದೀರಿ ಎಂದು ನನಗೆ ತಿಳಿಸಲಾಗಿದೆ’. ಆಗ ಚಪ್ಪಾಳೆಗಳು ಜೋರಾದವು. ಆಗ ನೀವು ಹೇಳಿದಿರಿ “ನೀವು ಒಬ್ಬರೇ ಅಲ್ಲ. ನಾನು ಕೂಡ ಇದೇ ರೀತಿಯ ಸ್ಫೂರ್ತಿಯನ್ನು ಆಗಿಂದ್ದಾಗ್ಗೆ ಭಾರತೀಯ ಸಂಸತ್ತಿನಲ್ಲೂ ನೋಡಿದ್ದೇನೆ’’. ನೀವು ಒಂದು ಗಂಭೀರ ವಿಷಯದ ಬಗ್ಗೆ ಆಕರ್ಷಕವಾಗಿ ಮಾತನಾಡಿದಿರಿ. ನೀವು ಮೇಲ್ಮನೆಯ ಪ್ರಸ್ತಾಪ ಮಾಡಿದಿರಿ. ಅದರ ಬಗ್ಗೆಯೂ ಉತ್ತಮ ಪ್ರತಿಕ್ರಿಯೆ ಬಂತು. ನಿಮ್ಮ ಹಾಸ್ಯವನ್ನು ನಿಜಕ್ಕೂ ಪ್ರಶಂಸಿಸಲಾಯಿತು ಮತ್ತು ನೀವು ಮಾತನಾಡುತ್ತಿದ್ದುದು ಅದೊಂದು ಅಪೂರ್ವ ಕ್ಷಣ. ಆದರೆ, ಮಾನ್ಯ ಪ್ರಧಾನ ಮಂತ್ರಿಯವರೇ, ನೀವು ಸಂಸತ್ತಿನ ಬಗ್ಗೆ ತಿರುಗಿ ನೋಡಿದಾಗ, ಇದು ಹಲವು ಜನರ ಮನಸ್ಸಿಗೆ ಬರುತ್ತದೆ. ನಿರಂತರವಾಗಿ ಸಂಸತ್ತಿನಲ್ಲಿ ಕಾಣುತ್ತಿರುವ ತಡೆ ರಹಿತ ಬಿಕ್ಕಟ್ಟಿನಿಂದ ಮೋದಿ ಅವರಿಗೆ ಅವರ ಉದ್ದೇಶ ಈಡಿರಿಕೆ ಸಾಧ್ಯವೇ. ಇದು ಅವರಿಗೆ ತಮ್ಮ ಸ್ವಂತ ಗುರಿಗಳತ್ತ ಸಾಗಲು ಎಷ್ಟು ಅಡ್ಡಿಯಾಗಿದೆ.? ನೀವು ಗಂಭೀರವಾಗಿ ಈ ವಿಷಯ ಪರಾಮರ್ಶಿಸಿದರೆ, ನಿಮ್ಮ ಸರ್ಕಾರ ಇನ್ನೂ ಹೆಚ್ಚು ಸಮಾಲೋಚನಶೀಲ ಆಗುತ್ತಿತ್ತು ಎನಿಸುವುದಿಲ್ಲವೇ ಅಥವಾ ಸಂಪೂರ್ಣ ಆರೋಪ ಪ್ರತಿಪಕ್ಷಗಳ ಮೇಲೇಯೇ ಇದೆ ಎಂದು ನಿಮಗನಿಸುತ್ತದೆಯೇ.?

ಪಿ.ಎಂ. ಮೋದಿ : ನಾನು ಇದನ್ನು ವಿಭಿನ್ನವಾಗಿ ನೋಡುತ್ತೇನೆ. ಹಲವು ಸಮಸ್ಯೆಗಳಿವೆ ಎಂದು ನಾನು ನಂಬುತ್ತೇನೆ. ಆ ತಪ್ಪುಗಳು ನಮ್ಮದೋ ಅಥವಾ ಅವರದೋ, ನಾನು ಅದನ್ನು ಜನರಿಗೇ ಬಿಡುತ್ತೇನೆ. ಜನರೇ ನಿರ್ಧರಿಸುತ್ತಾರೆ. ಸಂಸತ್ತಿನಲ್ಲಿ ನಿರ್ಣಯ ಆಗುತ್ತದೋ ಇಲ್ಲವೋ, ಅದು ಬೇರೆ ಮಾತು, ಆದರೆ ಚರ್ಚೆ ಆಗಬೇಕು. ನಮ್ಮ ನಿಲುವಿಗೆ ವಿರೋಧವಿದ್ದರೂ ಸರಿ, ಅದರಲ್ಲಿ ತಪ್ಪಿಲ್ಲ. ಆದರೂ ಚರ್ಚೆ ಆಗಲೇಬೇಕು. ದುಃಖದ ಸಂಗತಿ ಎಂದರೆ, ಯಾರಾದರೂ ಚರ್ಚೆಯಿಂದ ಓಡಿ ಹೋಗುತ್ತಾರೆಂದರೆ ಅಥವಾ ಚರ್ಚೆಗೆ ಅವಕಾಶವನ್ನೇ ನೀಡುವುದಿಲ್ಲ ಎಂದರೆ, ಆಗ ಅದು ಪ್ರಜಾಪ್ರಭುತ್ವದಲ್ಲಿ ಚಿಂತಿಸಬೇಕಾದ ಸಂಗತಿ. ಸರ್ಕಾರಿ ಕೆಲಸ ಆಗುತ್ತದೋ ಬಿಡುತ್ತದೋ ಅದನ್ನು ನಾನು ಚಿಂತೆಯ ವಿಷಯ ಎಂದು ಪರಿಗಣಿಸುವುದಿಲ್ಲ. ಇಂದಲ್ಲದಿದ್ದರೆ, ನಾಳೆ ಆಗುತ್ತದೆ. ಕೆಲವು ವಿಷಯಗಳು ಆಡಳಿತದ ಹಂತದಲ್ಲಿ ನಡೆಯುತ್ತಿರುತ್ತದೆ. ದೊಡ್ಡ ಸಂಗತಿ ಎಂದರೆ, ಸಂಸತ್ತು ಇರುವುದೇ ಚರ್ಚೆಗಾಗಿ. ಸಂಸತ್ತು ಇರುವುದೇ ನಮ್ಮ ವಿರೋಧ ವ್ಯಕ್ತಪಡಿಸುವುದಕ್ಕಾಗಿ, ಒಬ್ಬರ ವಿರೋಧಕ್ಕೆ ಚರ್ಚೆ ಮಾಡಲೆಂದೇ ಸಂಸತ್ತಿರುವುದು. ಅದನ್ನು ವಾದದ ಮೂಲಕ ಸಮರ್ಥಿಸಲು. ಸಂಸತ್ತಿನ ಈ ಮೂಲಭೂತವಾದ ಸ್ಫೂರ್ತಿಯನ್ನು ಎತ್ತಿ ಹಿಡಿಯುವುದು ಪ್ರಜಾಪ್ರಭುತ್ವದ ಮೌಲ್ಯಗಳಿಗೆ ಬೆಲೆಕೊಡುವ ಪ್ರತಿಯೊಬ್ಬರ ಜವಾಬ್ದಾರಿಯಾಗಿರುತ್ತದೆ. ಇದು ಸಂಸತ್ತಿನಲ್ಲಿ ಇರುವವರ ಮತ್ತು ಹೊರಗೆ ಇರುವವರ ಜವಾಬ್ದಾರಿಯಾಗಿದೆ. ಇದು ಅಧಿಕಾರದಲ್ಲಿರುವ ಮತ್ತು ಅಧಿಕಾರದಲ್ಲಿ ಇಲ್ಲದಿರುವವರ ಜವಾಬ್ದಾರಿಯೂ ಆಗಿದೆ. ಇದು ಸ್ಫೂರ್ತಿಯ ವಿಷಯವಾಗಿದ್ದು, ಇದನ್ನು ಎಲ್ಲರೂ ಅನುಸರಿಸಲೇಬೇಕು. ಸರ್ಕಾರದ ವಿಚಾರಕ್ಕೆ ಸಂಬಂಧಿಸಿದಂತೆ, ಪ್ರತಿಯೊಂದು ವಿಷಯದ ಮೇಲೂ ಎಲ್ಲ ವೇದಿಕೆಯಲ್ಲೂ, ನಾವು ಚರ್ಚೆಯನ್ನು ಮಾಡಲು ಪ್ರಯತ್ನಿಸುತ್ತೇವೆ. ನಾನು ಸ್ವತಃ ಪ್ರತಿಪಕ್ಷ ನಾಯಕರನ್ನು ಭೇಟಿ ಮಾಡಿ, ಅವರೊಂದಿಗೆ ಮಾತನಾಡಿದ್ದೇನೆ. ಸರ್ಕಾರದ ಪ್ರಮುಖ ಸದಸ್ಯರೂ ಸಂಪರ್ಕದಲ್ಲಿದ್ದಾರೆ. ನೀವು ನೋಡಿರಬಹುದು, ಹಲವು ವಿಷಯಗಳು ಪರಿಹಾರವಾಗಿವೆ. ಕಳೆದ ಅಧಿವೇಶನದಲ್ಲಿ, ನಾವು ರಾಜ್ಯಸಭೆಯಲ್ಲಿ 12 ವಿಧೇಯಕಗಳನ್ನು ಅನುಮೋದಿಸಿದ್ದೇವೆ ಮತ್ತು ಲೋಕ ಸಭೆಯಲ್ಲಿ 10 ಮಸೂದೆ ಅಂಗೀಕರಿಸಿದ್ದೇವೆ. ಹೀಗಾಗಿ ವೇಗ ಪಡೆದುಕೊಂಡಿದೆ. ಯಾವಾಗ ಜನ ಪ್ರತಿ ಪಕ್ಷ ‘ಪ್ರತಿಪಕ್ಷ’, ಎನ್ನುತ್ತಾರೋ ಆಗ, ಅದು ಪ್ರತಿ ಪಕ್ಷಕ್ಕೆ ಅನ್ಯಾಯವಾಗುತ್ತದೆ. ಏಕೆಂದರೆ ಸಂಸತ್ತಿನಲ್ಲಿ ಬಿಜೆಪಿ ಅಥವಾ ಎನ್.ಡಿ.ಎ. ಜೊತೆ ಇಲ್ಲದ ಕೆಲವು ಪಕ್ಷಗಳಿವೆ. ಅವು ಪ್ರಮುಖ ನಿರ್ಧಾರಗಳ ವಿಚಾರದಲ್ಲಿ ಸರ್ಕಾರದೊಂದಿಗೆ ಇವೆ. ಪ್ರತಿ ಪಕ್ಷ ಎಂದು ಹೇಳಿ ಪ್ರತಿ ಪಕ್ಷಗಳಿಗೆ ಅವಮಾನ ಮಾಡುವದಕ್ಕೆ ನಮ್ಮ ವಿರೋಧವಿದೆ. – ಕೆಲವು ಜನರು ಹೀಗೆ ಮಾಡಿದರೆ, ಅದು ತಪ್ಪು. ಒಂದು ಪಕ್ಷಕ್ಕೆ ಸಮಸ್ಯೆ ಇದೆ. ಇಡೀ ಜಗತ್ತಿಗೇ ಆ ಪಕ್ಷ ಗೊತ್ತು. ಎರಡನೆಯದಾಗಿ, ಯಾವಾಗ ನೀವು ಪ್ರತಿಪಕ್ಷ ಸ್ಥಾನದಲ್ಲಿದ್ದೀರೋ, ನೀವು ಹೀಗೇ ಮಾಡುತ್ತೀರಿ. ಪ್ರತಿಯೊಂದು ಪ್ರತಿಪಕ್ಷದ ನಡುವೆಯೂ ಭಿನ್ನಾಭಿಪ್ರಾಯ ಇರುತ್ತದೆ. ನಾವು 60 ವರ್ಷಗಳ ಕಾಲ ಸರ್ಕಾರ ನಡೆಸಿದ್ದೇವೆ, ಈಗ ಪ್ರತಿ ಪಕ್ಷದಲ್ಲಿದ್ದೇವೆ, ನಮಗೆ ಸರ್ಕಾರದ ಎಲ್ಲ ಒಳ ಹೊರಗು ಗೊತ್ತಿರುತ್ತದೆ. ನಮಗೆ ನಮ್ಮ ಜವಾಬ್ದಾರಿಯೂ ತಿಳಿದಿರುತ್ತದೆ. ನಾವು ಒಂದು ಹೊಸ ಪ್ರತಿ ಪಕ್ಷದ ರೀತಿ ವರ್ತಿಸಬಾರದು. ಯಾವ ಪಕ್ಷ ಅಧಿಕಾರದಲ್ಲಿ ಇರವುದಿಲ್ಲವೋ ಅಥವಾ ಏನನ್ನೂ ನೋಡಿರುವುದಿಲ್ಲವೋ ಅದು ಹೀಗೆ ವರ್ತಿಸುತ್ತದೆ. ಉದಾಹರಣೆಗೆ ನಾವೀಗ ಅಧಿಕಾರದಲ್ಲಿದ್ದೇವೆ, 2040ರಲ್ಲಿ ಪ್ರತಿಪಕ್ಷ ಆಗುತ್ತೇವೆ ಎಂದುಕೊಳ್ಳಿ. ಅಂದರೆ 2040ರಲ್ಲಿ ನಾವು 2009-2010ರಲ್ಲಿ ಇದ್ದ ವರ್ತನೆಯನ್ನೇ ಹೊಂದಿರಬಾರದು.
ಅರ್ನಬ್: ಕಾಂಗ್ರೆಸ್ ಒಂದು ಅನುಭವಿ ಮತ್ತು ಹಳೆಯ ಪಕ್ಷ.

ಪಿ.ಎಂ. ಮೋದಿ : ಅದಕ್ಕಾಗಿಯೇ ನಾನು ಹಾಗೆ ಹೇಳಿದ್ದು, ಯಾರು ಇಷ್ಟು ವರ್ಷಗಳ ಕಾಲ ಅಧಿಕಾರದಲ್ಲಿದ್ದರೋ, ಅವರು ಹೀಗೆ ಮಾಡಬಾರದು. ಪ್ರತಿ ಪಕ್ಷದಲ್ಲಿ ಒಂದು ಹೊಸ ಪಕ್ಷ ಇದ್ದರೆ, ಅವರು ತಮ್ಮ ರಾಜ್ಯಕ್ಕೆ ಸಣ್ಣ ಬೇಡಿಕೆ ಇಡುತ್ತಾರೆ ಅಥವಾ ಒಬ್ಬ ಸಂಸದರು ಆತನ ಅಥವಾ ಆಕೆಯ ಕ್ಷೇತ್ರಕ್ಕೆ ಏನಾದರೂ ಬೇಡಿಕೆ ಇಡಬಹುದು ಮತ್ತು ಈ ರೀತಿ ಮಾಡಬಹುದು, ನಾವು ಆಗ ಅದನ್ನು ಅರ್ಥ ಮಾಡಿಕೊಳ್ಳುತ್ತೇವೆ. ಒಮ್ಮೆ ಸುದೀರ್ಘ ಅವಧಿಗೆ ಅಧಿಕಾರದಲ್ಲಿದ್ದವರು ಹೀಗೆ ಮಾಡುತ್ತಾರೆಯೇ ?.

ಅರ್ನಬ್ : ಪ್ರಧಾನಿ ಮೋದಿ ಅವರೇ, ಆರ್ಥಿಕ ಸುಧಾರಣೆಯಲ್ಲಿ ಮಹತ್ವದ್ದೆನಿಸಿರುವ ಸರಕು ಮತ್ತು ಸೇವೆಗಳ ತೆರಿಗೆ ಮಸೂದೆ ಒಂದೂವರೆ ವರ್ಷದಿಂದ ಸ್ಥಗಿತಗೊಂಡಿದೆ. ಅದು ದೇಶವನ್ನು ಒಗ್ಗೂಡಿಸುತ್ತದೆ. ಇತ್ತೀಚೆಗೆ ನೀವು ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ ಶ್ರೀಮತಿ ಜಯಲಲಿತಾ, ಅವರನ್ನು ಭೇಟಿ ಮಾಡಿದ್ದಿರಿ, ಮಮತಾ ಬ್ಯಾನರ್ಜಿ ಅವರು ಜಿಎಸ್.ಟಿ.ಗೆ ತಮ್ಮ ಬೆಂಬಲ ವ್ಯಕ್ತಪಡಿಸಿದ್ದಾರೆ ಮತ್ತು ರಾಜ್ಯಮಟ್ಟದಲ್ಲಿ ಕಾಂಗ್ರೆಸ್ ಮಿತ್ರಪಕ್ಷಗಳೂ ಜಿ.ಎಸ್.ಟಿ. ಮಸೂದೆಗೆ ಬೆಂಬಲ ವ್ಯಕ್ತಪಡಿಸಿದ್ದಾರೆ. ಮುಂದಿನ ಸಂಸತ್ ಅಧಿವೇಶನದಲ್ಲಿ ಜಿ.ಎಸ್.ಟಿ. ಮಸೂದೆ ಅನುಮೋದನೆ ಪಡೆಯುತ್ತದೆ ಎಂಬ ಆಶಾ ಭಾವನೆ ನಿಮಗಿದೆಯೇ?

ಪಿ.ಎಂ. ಮೋದಿ : ನಾವು ಮೊದಲು ಅರ್ಥ ಮಾಡಿಕೊಳ್ಳಬೇಕು, ನಾವು ಜಿ.ಎಸ್.ಟಿ.ಯನ್ನು ಒಂದು ಆರ್ಥಿಕ ಸುಧಾರಣೆಯಂತೆ ಮಾತ್ರ ಕಾಣುತ್ತೇವೆ, ಹೀಗಾಗಿ ಸರಿಯಾದ ಮಾಹಿತಿ ಹೊರಗೆ ಬರುತ್ತಿಲ್ಲ. ಜಿ.ಎಸ್.ಟಿ. ನಾವು ಹೊಂದಿಲ್ಲ ಎಂದರೆ ಅದರರ್ಥ ಅದು ನೇರವಾಗಿ ಉತ್ತರ ಪ್ರದೇಶದ ಬಡವರಿಗೆ ಆಗುತ್ತಿರುವ ನಷ್ಟ. ಜಿ.ಎಸ್.ಟಿ. ಇಲ್ಲ ಎಂದರೆ ಅದರರ್ಥ ನೇರವಾಗಿ ಬಿಹಾರದ ಬಡ ಜನರಿಗೆ ಆಗುತ್ತಿರುವ ನಷ್ಟವೇ ಆಗಿದೆ. ಜಿ.ಎಸ್.ಟಿ.ಯನ್ನು ಅನುಮೋದಿಸುತ್ತಿಲ್ಲ ಎಂದರೆ ಅದರರ್ಥ ಬಡ ರಾಜ್ಯಗಳ ಅಂದರೆ ಬೆಂಗಾಲ್, ಒಡಿಶಾ ಮತ್ತು ಅಸ್ಸಾಂನ ಬಡ ಜನರಿಗೆ ಆಗುತ್ತಿರುವ ನಷ್ಟ. ರಾಜ್ಯಸಭೆಯಲ್ಲಿ ಕುಳಿತುಕೊಳ್ಳುವವರು ಮೊದಲು ಇದನ್ನು ಅರ್ಥ ಮಾಡಿಕೊಳ್ಳಬೇಕು. ಜಿ.ಎಸ್.ಟಿ. ಅವರು ಪ್ರತಿನಿಧಿಸುವ ರಾಜ್ಯಗಳ ಬಡ ಜನರಿಗೆ ಲಾಭದಾಯಕವಾಗಿದೆ. ಏಕೆಂದರೆ ಆ ರಾಜ್ಯಗಳಿಗೆ ಜಿ.ಎಸ್.ಟಿ. ಯಿಂದ ಹೆಚ್ಚಿನ ಆರ್ಥಿಕ ಲಾಭ ಆಗಲಿದೆ. ಈ ಹಣವನ್ನು ಆ ರಾಜ್ಯಗಳ ಬಡ ಜನರ ಕಲ್ಯಾಣ ಕ್ಕಾಗಿ ಬಳಸಲಾಗುತ್ತದೆ. ಹೀಗಾಗಿಯೇ ಅದು ಮಮತಾ ಬ್ಯಾನರ್ಜಿಯವರೇ ಇರಲಿ, ನಿತೀಶ್ ಕುಮಾರ್ ಅವರೇ ಇರಲಿ, ಅಖಿಲೇಶ್ ಯಾದವ್ ಅವರೇ ಇರಲಿ, ಅಥವಾ ನವೀನ್ ಪಟ್ನಾಯಕ್ ಅವರೇ ಇರಲಿ, ಈ ರಾಜ್ಯಗಳು ಜಿ.ಎಸ್.ಟಿ. ಮಸೂದೆ ಆದಷ್ಟು ಬೇಗ ಸಂಸತ್ತಿನಲ್ಲಿ ಅನುಮೋದನೆಗೊಳ್ಳಲಿ ಎಂದು ಬಯಸುತ್ತವೆ. ಕೇವಲ ಒಂದೇ ಒಂದು ಗುಂಪು ಮಾತ್ರ ಪ್ರತಿಷ್ಠೆಯ ವಿಷಯ ಮಾಡಿಕೊಂಡು ಇದನ್ನು ದೊಡ್ಡದು ಮಾಡುತ್ತಿದೆ. ಈಗ ಒಂದು ರೀತಿಯ ಲೆಕ್ಕಾಚಾರ ನಡೆಯುತ್ತಿದೆ, ಈ ನಿರ್ಧಾರ ಬಡವರ ಪರವಾಗಿ ಅನುಮೋದನೆ ಆಗುತ್ತದೆ ಎಂಬ ನಂಬಿಕೆ ನನಗಿದೆ. ನಿಮಗೆ ಅಚ್ಚರಿ ಎನಿಸಬಹುದು ಪ್ರತಿಪಕ್ಷಗಳ ವಿಕೃತಿ ಅಸ್ಪಷ್ಟತೆಯಲ್ಲಿ ಯಾವ ಎತ್ತರ ತಲುಪಿವೆ ಎಂದರೆ, ಕಳೆದ ಅಧಿವೇಶನದಲ್ಲಿ ನಾವು ಒಂದು ಕಾಯಿದೆ ಮಂಡಿಸಿದೆವು. ಕ್ಯಾಂಪಾ ನಿಧಿಯಲ್ಲಿ ಭಾರತ ಸರ್ಕಾರದ 40 ಸಾವಿರ ಕೋಟಿ ರೂಪಾಯಿ ಇದೆ. ಈ 40 ಸಾವಿರ ಕೋಟಿ ರೂಪಾಯಿ ಗಳನ್ನು ನಾವು ರಾಜ್ಯಗಳಿಗೆ ನೀಡಲು ಬಯಸಿದ್ದೆವು. ಈ ನಿಧಿಯನ್ನು ರಾಜ್ಯಗಳು ಅರಣ್ಯ, ಹಸಿರು, ಮರ ನೆಡಲು ಮತ್ತು ಗಿಡ ನೆಡಲು ಬಳಸಬಹುದಾಗಿತ್ತು. ಈ ಮಸೂದೆ ಅದಕ್ಕೆ ಸಂಬಂಧಿಸಿದ್ದಾಗಿತ್ತು. ಮುಂಗಾರಿಗೆ ಮೊದಲು ಈ ಹಣ ರಾಜ್ಯಗಳಿಗೆ ತಲುಪಬೇಕಲ್ಲವೇ. ಆ ಹಣವನ್ನು ಅವು ಅರಣ್ಯೀಕರಣಕ್ಕೆ ಬಳಸಬೇಕಲ್ಲವೇ. ದೊಡ್ಡ ಸಂಖ್ಯೆಯ ಜನರಿಗೆ ಉದ್ಯೋಗ ದೊರಕುತ್ತಿರಲಿಲ್ಲವೇ, ಸಸಿ ನೆಡುವವರಿಗೆ ಉದ್ಯೋಗ ದೊರಕುತ್ತಿರಲಿಲ್ಲವೇ. ಮಳೆಗಾಲದಲ್ಲಿ ಗಿಡ ಮರ ನೆಟ್ಟಿದ್ದರೆ ಅವು ಮಳೆಗೆ ಚಿಗುರುತ್ತಿರಲಿಲ್ಲವೇ, ಒಂದು ವರ್ಷದಲ್ಲಿ ಬೆಳೆಯುತ್ತಿದ್ದವು. ಕೇವಲ ತಡೆಯಬೇಕು, ಅಡ್ಡಿ ಪಡಿಸಬೇಕು ಎಂಬ ಮನೋಭಾವದಿಂದ, ರಾಜ್ಯಗಳು 40 ಸಾವಿರ ಕೋಟಿ ರೂಪಾಯಿ ಬಳಸಿಕೊಳ್ಳುವುದರಿಂದ ವಂಚಿತವಾಗುವಂತೆ ಮಾಡಿದರು. ಈ ಹಣ ಅರಣ್ಯಕ್ಕೆ ಮತ್ತು ಬುಡಕಟ್ಟು ಜನರಿಗೆ ಮೀಸಲಾಗಿತ್ತು. ಅದನ್ನು ಅವರು ತಡೆದರು. ಇದರ ಬಗ್ಗೆ ಯಾವುದೇ ಚರ್ಚೆ ಆಗಲೇ ಇಲ್ಲ. ಇದರಲ್ಲಿ ಯಾವುದೇ ತರ್ಕವಿಲ್ಲ.

ಅರ್ನಬ್ : ಕಾರಣ.. ನೀವು ಪ್ರಯತ್ನಿಸಿದಿರಲ್ಲವೇ..

ಪಿ.ಎಂ. ಮೋದಿ : ಹೌದು ಎಲ್ಲ ಪ್ರಯತ್ನ ಮಾಡಿದೆ. .
ಅರ್ನಬ್: ನೀವು ಮಾಜಿ ಪ್ರಧಾನ ಮಂತ್ರಿ ಮನಮೋಹನ ಸಿಂಗ್ ಮತ್ತು ಸೋನಿಯಾ ಗಾಂಧಿ ಅವರನ್ನು ಇಲ್ಲೇ ರೇಸ್ ಕೋರ್ಸ್ ರಸ್ತೆಗೆ ಆಹ್ವಾನಿಸಿದ್ದಿರಲ್ಲವೇ

ಪಿ.ಎಂ. ಮೋದಿ : ನಾವು ಎಲ್ಲ ಹಂತದಲ್ಲೂ ಮಾತುಕತೆ ನಡೆಸಿದ್ದೇವೆ.

ಅರ್ನಬ್ : ಆದಾಗ್ಯೂ? ನೀವು ಬಳಸಿದ ಪದ ‘ಪ್ರತಿಷ್ಠೆಯ ವಿಷಯ’ ಏಕಾಗಿದೆ. ಇದು ಏಕೆ ಈಗೋ ವಿಷಯ ಆಗಿದೆ? ಮತ್ತು ಏಕೆ ಪ್ರಧಾನ ಮಂತ್ರಿಯವರು ಇದನ್ನು ಕೊನೆಗಾಣಿಸಲು ಪ್ರಯತ್ನಿಸುತ್ತಿಲ್ಲ ಎಂದು ಜನ ಕೇಳುತ್ತಿದ್ದಾರೆ.?

ಪಿ.ಎಂ. ಮೋದಿ : ಪ್ರಧಾನ ಮಂತ್ರಿ ಇದಕ್ಕೆ ಉತ್ತರ ಕೊಡಲು ಸಾಧ್ಯವಿಲ್ಲ. ಯಾರು ಅಡ್ಡಿ ಪಡಿಸುತ್ತಿದ್ದಾರೋ ಅವರು ಮಾತ್ರ ಇದಕ್ಕೆ ಉತ್ತರ ಕೊಡಲು ಸಾಧ್ಯ. ಇದರ ಹೊರತಾಗಿ, ನಾನು ಪ್ರಯತ್ನ ಮಾಡುತ್ತಲೇ ಇದ್ದೇನೆ. ನಾನು ಯಾವ ಮಾರ್ಗದಲ್ಲಿ ಸಾಧ್ಯವೋ ಆ ಎಲ್ಲ ಮಾರ್ಗದಲ್ಲಿ ಅವರ ಮನವೊಲಿಸಲು ಸಿದ್ಧನಿದ್ದೇನೆ. ಯಾರದಾದರೂ ಮನೆಗೆ ಹೋಗಿ ಅವರೊಂದಿಗೆ ಚಹಾ ಕುಡಿದು ಮಾತುಕತೆ ನಡೆಸಬೇಕು ಎಂದರೆ ಅದಕ್ಕೂ ನಾನು ಸಿದ್ಧ. ನನಗೆ ಯಾವುದೇ ಸಮಸ್ಯೆ ಇಲ್ಲ. ನನ್ನ ಏಕೈಕ ಗುರಿ, ಉದ್ದೇಶ ನನ್ನ ದೇಶದ ಬಡ ಜನರ ಕಲ್ಯಾಣ ಮತ್ತು ಉತ್ತರ ಪ್ರದೇಶದಂಥ ರಾಜ್ಯಗಳ ಬಡ ಜನರ ಕಲ್ಯಾಣ.

ಅರ್ನಬ್ : ನೀವು ಉತ್ತರ ಪ್ರದೇಶದ ಬಗ್ಗೆ ಮಾತನಾಡುತ್ತಿದ್ದೀರಿ. ಶ್ರೀ ಪ್ರಧಾನ ಮಂತ್ರಿಯವರೇ ಉತ್ತರ ಪ್ರದೇಶದಲ್ಲಿ ಇನ್ನು 6, 7, 8 ತಿಂಗಳುಗಳಲ್ಲಿ ಅಲ್ಲಿ ಚುನಾವಣೆ ನಡೆಯಲಿದೆ. ಇಡೀ ದೇಶದ ಗಮನವೇ ಅತ್ತ ಕಡೆ ಹರಿಯಲಿದೆ. ನೀವು ವಾರಾಣಸಿಯ ಸಂಸತ್ ಸದಸ್ಯರಾಗಿದ್ದೀರಿ. ಆದರೆ ಕೆಲವು ಹೇಳಿಕೆಗಳನ್ನು ಬಿಜೆಪಿ ಮಾಡಿದೆ, ಇನ್ನು ಕೆಲವನ್ನು ಸಂಘ ಪರಿವಾರ ಮಾಡಿದೆ, ಮತ್ತೆ ಕೆಲವನ್ನು ಸ್ವತಂತ್ರ ಗುಂಪುಗಳು ಮಾಡಿವೆ, ಇದಕ್ಕೆ ಕೋಮು ಬಣ್ಣವನ್ನು ಬಳಿಯಲಾಗಿದೆ ಮತ್ತು ಕೇವಲ ಒಂದು ಪಕ್ಷದಿಂದ ಮಾತ್ರ ಅಲ್ಲ, ಆದರೆ ಇತರ ಪಕ್ಷಗಳಿಂದಲೂ ಆಗಿದೆ. ಮಾನ್ಯ ಪ್ರಧಾನ ಮಂತ್ರಿಯವರೇ, ನೀವು ಅಭಿವೃದ್ಧಿಯನ್ನು ಮಾತ್ರವೇ ನಿಮ್ಮ ಕಾರ್ಯಕ್ರಮವಾಗಿ ತೆಗೆದುಕೊಂಡು ಹೋಗುತ್ತೀರಾ ? ಉತ್ತರ ಪ್ರದೇಶದ ಚುನಾವಣೆಯಲ್ಲಿ ಪ್ರಧಾನ ವಿಷಯ ಅಭಿವೃದ್ಧಿಯೇ ಆಗಿರುತ್ತದೆಯೇ. ಅದು ತಲೆ ಕೆಳಗಾಗಬಾರದು. ಬೇರೆ ವಿಷಯದ ಮೇಲೆ ಅದು ಕೇಂದ್ರೀಕೃತವಾಗಬಾರದು. ಅಭಿವೃದ್ಧಿಯ ಮೇಲೆ ಕೋಮು ವಿಚಾರ ಮಿಗಿಲಾಗಬಾರದು ಎಂಬ ವಿಶ್ವಾಸ ನಿಮಗಿದೆಯೇ ?
ಪಿ.ಎಂ. ಮೋದಿ : ಅದು ನನ್ನ ನಿರ್ಣಯವೂ ಅದೇ ಆಗಿದೆ, ನನ್ನ ಬದ್ಧತೆಯೂ ಅದೇ ಆಗಿದೆ. 2014ರ ಚುನಾವಣೆಯ ವೇಳೆ ನೀವು ನೋಡಿರಬಹುದು, ನಾನು ಅಭಿವೃದ್ಧಿಯ ವಿಷಯವನ್ನು ಇಟ್ಟುಕೊಂಡೇ ಚುನಾವಣೆಯಲ್ಲಿ ಹೋರಾಟ ನಡೆಸಿದೆ. ದೇಶದ ಹೊಸ ತಲೆಮಾರಿನವರು ಅಭಿವೃದ್ಧಿಯಲ್ಲಷ್ಟೇ ನಂಬಿಕೆ ಇಟ್ಟಿದ್ದಾರೆ. ಎಲ್ಲ ಸಮಸ್ಯೆಗಳಿಗೂ ಅಭಿವೃದ್ಧಿಯೇ ಪರಿಹಾರ ಎಂದು ನಾನು ನಂಬಿದ್ದೇನೆ. ಅಭಿವೃದ್ಧಿಯು ಒತ್ತಡಕ್ಕೂ ಪರಿಹಾರವಾಗಿದೆ ಇದರ ಬಗ್ಗೆ ಜನ ಮಾತನಾಡುತ್ತಾರೆ. ನಾವು ಜನರಿಗೆ ಉದ್ಯೋಗ ಒದಗಿಸಿದರೆ, ನಾವು ಅವರಿಗೆ ಅವರ ತಟ್ಟೆಯಲ್ಲಿ ಊಟದ ಖಾತ್ರಿ ನೀಡಿದರೆ, ನಾವು ಅವರಿಗೆ ಸೌಲಭ್ಯಗಳನ್ನು ನೀಡಿದರೆ ಮತ್ತು ನಾವು ಅವರಿಗೆ ಶಿಕ್ಷಣ ನೀಡಿದರೆ, ಎಲ್ಲ ಒತ್ತಡಗಳೂ ಕೊನೆಯಾಗುತ್ತವೆ. ಮತ್ತು ಇದಕ್ಕಾಗಿಯೇ ದೇಶಕ್ಕೆ ಒಳ್ಳೆಯದಾಗಲಿ ಎಂದು ಯಾರು ಬಯಸುತ್ತಾರೋ, ಅಂಥಹವರಲ್ಲಿ ನಾನು ಮನವಿ ಮಾಡುತ್ತೇನೆ ನೀವು ಅಭಿವೃದ್ಧಿಯ ವಿಚಾರದಲ್ಲಿ ಮತ್ತು ಅಭಿವೃದ್ಧಿಗಾಗಿ ಸ್ಪರ್ಧೆ ಮಾಡಿ. ಇಂಥ ಒಂದು ಉತ್ತಮ ವಾತಾವರಣ ದೇಶದಲ್ಲಿ ಮೂಡಬೇಕು ಮತ್ತು ಅಂಥ ಒಂದು ವಾತಾವರಣವನ್ನು ಈ ದಿನಗಳಲ್ಲಿ ನಿರ್ಮಾಣ ಮಾಡುವ ಅಗತ್ಯವಿದೆ ಎಂದು ನಾನು ಭಾವಿಸುತ್ತೇನೆ.

ಅರ್ನಬ್ : ಹೀಗಾಗಿ ತಲೆ ಬಿಸಿ ಮಾಡುವವರು ಅತಿರೇಕದ ಹೇಳಿಕೆ ನೀಡುತ್ತಾರೆ. ಅವರನ್ನು ನಿಯಂತ್ರಿಸುವ ಅಗತ್ಯ ಇದೆಯೇ? ಆದ್ದರಿಂದ ಧರ್ಮದ ಹೆಸರಿನಲ್ಲಿ ಯಾವುದೇ ರಾಜಕೀಯ ಇರುವುದಿಲ್ಲ.

ಪಿ.ಎಂ. ಮೋದಿ : ಮೊದಲನೆಯದಾಗಿ, ನಾನು ಬಲವಾಗಿ ನಂಬಿರುವುದು, ದೇಶ ಪ್ರಗತಿಯ ವಿಚಾರದಲ್ಲಿ ಅಭಿವೃದ್ಧಿ ಹೊಂದಬೇಕು. ಮತ್ತು ರಾಷ್ಟ್ರವು ಅಭಿವೃದ್ಧಿಯ ವಿಚಾರದಲ್ಲಿ ಮುಂದೆ ಸಾಗಬೇಕು. ನಾನು ಮಾಧ್ಯಮಗಳಿಗೆ ಹೇಳ ಬಯಸುತ್ತೇನೆ, ಇಂಥ ಹೇಳಿಕೆ ನೀಡುವವರನ್ನು ದಯಮಾಡಿ ಹೀರೋಗಳನ್ನಾಗಿ ಮಾಡಬೇಡಿ.
ಅರ್ನಬ್: ಆದರೆ, ಅವರು ಅಂಥ ಹೇಳಿಕೆಗಳನ್ನು ನೀಡುತ್ತಲೇ ಇರುತ್ತಾರಲ್ಲ.

ಪಿ.ಎಂ. ಮೋದಿ : ನೀವು ಅವರನ್ನು ಹೀರೋ ಗಳನ್ನಾಗಿ ಮಾಡಬೇಡಿ. ಆಗ ಅವರೇ ಸುಮ್ಮನಾಗುತ್ತಾರೆ.

ಅರ್ನಬ್ : ನಾವು ಅವರನ್ನು ಹೀರೋ ಗಳಾಗಿ ಮಾಡುತ್ತಿಲ್ಲ. ನಾವು ಅವರನ್ನು ಖಳ ನಾಯಕರನ್ನಾಗಿ ಮಾಡುತ್ತಿದ್ದೇವೆ.

ಪಿ.ಎಂ. ಮೋದಿ : ಆದರೆ, ನೀವು ಏಕೆ ಅವರನ್ನು ಅಷ್ಟು ದೊಡ್ಡವರನ್ನಾಗಿ ಮಾಡುತ್ತೀರಿ.? ಟಿ.ವಿ.ಯಲ್ಲಿ ಅಂಥ ಹೇಳಿಕೆ ಕೊಡುವ ಮನುಷ್ಯರನ್ನು ನಾನು ನೋಡಿದ್ದೇನೆ, ಅಂಥವರ ಮುಖಗಳನ್ನು ನಾನು ನೋಡೆ ಇಲ್ಲ ಮತ್ತು ಆದರೆ ಅವರು ಟಿವಿಯ ವಕ್ತಾರರಾಗಿ ಬಿಡುತ್ತಾರೆ.
ಅರ್ನಬ್: ಸ್ವಯಂ ಘೋಷಿತ ವಕ್ತಾರರು

ಪಿ.ಎಂ. ಮೋದಿ : ನನಗೆ ತಿಳಿಯುತ್ತಿಲ್ಲ. ಏಕೆ ಅಂಥ ಜನರಿಗೆ ಉತ್ತೇಜನ ನೀಡುತ್ತೀರಿ.

ಅರ್ನಬ್ : ಮಾನ್ಯ ಪ್ರಧಾನ ಮಂತ್ರಿಯವರೇ, ಈಗ ನಾವು 2016 ರಲ್ಲಿ 2017 ರ ಚುನಾವಣೆಗಳ ಬಗ್ಗೆ ಮಾತನಾಡೋಣ. ದೆಹಲಿ, ನಂತರ ಬಿಹಾರ್, ನಂತರ ಅಸ್ಸಾಂ, ನಂತರ ಪಶ್ಚಿಮ ಬಂಗಾಳ. ತದ ನಂತರ ನಾವು ಪಂಜಾಬ್ ಬಗ್ಗೆ ಮಾತನಾಡೋಣ. ನಾವು ಪಂಜಾಬ್ ಬಗ್ಗೆ ಮಾತನಾಡಿ ಮುಗಿಸುವುದಕ್ಕೆ ಮುನ್ನ, ನಾವು ಉತ್ತರ ಪ್ರದೇಶದ ಬಗ್ಗೆ ಮಾತನಾಡೋಣ. ನಂತರ ಗುಜರಾತ್ ರಾಜ್ಯದ ಚುನಾವಣೆಯೂ ಇದೆ. ನಿಮಗೆ ನಮ್ಮ ದೇಶ ಶಾಶ್ವತವಾಗಿ ಚುನಾವಣೆಯ ವೃತ್ತದಲ್ಲಿ ಸಿಲುಕಿದೆ ಎಂದು ನಿಮಗೆ ಅನಿಸುವುದಿಲ್ಲವೇ ? ನಿರಂತರವಾಗಿ ಇದರ ಬಗ್ಗೆಯೇ ಗಮನ ಇರುತ್ತದೆ ಮತ್ತು ನಾನು ಈ ಬಗ್ಗೆ ನೀವು ಸ್ಪಂದಿಸಬೇಕು ಎಂದು ಬಯಸುತ್ತೇನೆ, ಗಮನ ಕೇವಲ ಪಕ್ಷ ರಾಜಕೀಯದ ಮೇಲಿದೆ, ಧ್ರುವೀಕರಣದ ವಿಚಾರಗಳ ಮೇಲಿದೆ, ಆದರೆ ಆಡಳಿತದ ಮೇಲೆ ಇಲ್ಲ. ನಮ್ಮ ರಾಷ್ಟ್ರದಲ್ಲಿ ನಿರಂತರವಾಗಿ ರಾಜಕೀಯ ಪ್ರಚಾರದ ಮೋಡ್ ನಲ್ಲಿಯೇ ಇದ್ದೇವೆ. ಇದು ಉತ್ತಮ ವಿಚಾರವೇ ? ನಾವು ಇದನ್ನು ಒಡೆದು ಹೊರ ಬರಲು ಸಾಧ್ಯವಿಲ್ಲವೇ ? ಮತ್ತು ಇದರ ಬಗ್ಗೆ ನಿಮ್ಮ ನಿಲುವು ಏನು ?

ಪಿ.ಎಂ. ಮೋದಿ : ನೋಡಿ, ಇದು ನರೇಂದ್ರ ಮೋದಿ ಅಥವಾ ಪ್ರಧಾನ ಮಂತ್ರಿಗಳ ವಿಚಾರ ಅಲ್ಲ. ಅಲ್ಲದೆ ಇದು ಇದು ಯಾವುದೇ ನಿರ್ದಿಷ್ಟವಾದ ಪಕ್ಷಕ್ಕೆ ಸಂಬಂಧಿಸಿದ ವಿಚಾರವೂ ಅಲ್ಲ ಅಥವಾ ಅಥವಾ ಯಾವುದೇ ನಿರ್ದಿಷ್ಟ ಸರ್ಕಾರಕ್ಕೆ ಸಂಬಂಧಿಸಿದ ವಿಚಾರವಲ್ಲ. ಆದರೆ ಕಳೆದ ಸಂಸತ್ ಅಧಿವೇಶನಕ್ಕೂ ಮುನ್ನ, ಸ್ಪೀಕರ್ ಅವರು ಎಲ್ಲ ಪಕ್ಷಗಳನ್ನೂ ಭೋಜನಕ್ಕೆ ಕರೆದಿದ್ದರು. ಸಭೆಯ ಕಾರ್ಯಕ್ರಮ ಪಟ್ಟಿಯ ವಿಚಾರಗಳ ಬಳಿಕ, ಪ್ರತಿಯೊಬ್ಬರೂ ಊಟಕ್ಕೆ ಕುಳಿತಿದ್ದೆವು. ನಾನೂ ಕೂಡ ಅದೇ ಸಮಯಕ್ಕೆ ತಲುಪಿದೆ. ಊಟ ಮಾಡುತ್ತಾ ಔಪಚಾರಿಕವಾಗಿ ಮಾತನಾಡುತ್ತಿದ್ದಾಗ, ಎಲ್ಲ ಪಕ್ಷಗಳಿಂದ ಬಂದಿದ್ದ ಎಲ್ಲರೂ ಕೇಂದ್ರ ಮತ್ತು ರಾಜ್ಯದ ಚುನಾವಣೆ ಏಕ ಕಾಲದಲ್ಲಿ ಒಟ್ಟಿಗೆ ನಡೆಯಬೇಕು ಎಂದೇ ಹೇಳುತ್ತಿದ್ದರು. ಪ್ರತಿಯೊಬ್ಬರೂ ಇದನ್ನೇ ಹೇಳಿದರು. ಬಳಿಕ ರಾಜ್ಯ ಸಭಾ ಸಂಸತ್ ಸದಸ್ಯರ ಬೀಳ್ಕೊಡುಗೆ ವೇಳೆ ವಿವಿಧ ಪಕ್ಷಗಳ ಜನರು ತಮ್ಮ ತಮ್ಮಲ್ಲೇ ಮಾತನಾಡುತ್ತಿದ್ದರು. ಅವರಲ್ಲಿ ಒಬ್ಬ ನಾಯಕರು ಹೇಳಿದರು, ಮೋದಿಜೀ ಏನಾದರೂ ಮಾಡಿ, ನಮ್ಮನ್ನು ಈ ಚುನಾವಣೆ ವೃತ್ತದಿಂದ ಹೊರಗೆ ತನ್ನಿ.
ಅರ್ನಬ್: ಆ ನಾಯಕರು ನಿಮ್ಮ ಪಕ್ಷದವರೇ?

ಪಿ.ಎಂ. ಮೋದಿ : ಇಲ್ಲ, ಅವರು ನಮ್ಮ ಪಕ್ಷದವರಲ್ಲ. ಆದ್ದರಿಂದಲೇ ನಾನು ಹೇಳಿದ್ದು, ಚರ್ಚೆಗಳು ಆಗಬೇಕು ಎಂದು. ಅದರಲ್ಲಿ ತಪ್ಪೇನಿದೆ ? ಬಳಿಕ ಒಂದು ದಿನ ನಾನು ಹೇಳಿದೆ ಈ ಬಗ್ಗೆ ಮಾತನಾಡಲಾಗುತ್ತದೆ ಎಂದು. ಈ ವಿಷಯದ ಬಗ್ಗೆ ಸಂಸದೀಯ ಸಮಿತಿಯಲ್ಲೂ ಚರ್ಚಿಸಲಾಯಿತು. ಈ ಕಾರ್ಯವನ್ನು ಚುನಾವಣೆ ಆಯೋಗವೂ ಮಾಡುತ್ತಿದೆ ಮತ್ತು ಅವರು ಈ ಬಗ್ಗೆ ಒಂದು ಪತ್ರವನ್ನೂ ಬರೆದಿದ್ದಾರೆ ಎಂದು ನನಗನಿಸುತ್ತದೆ. ಕಪ್ಪು ಹಣದ ವಿರುದ್ಧದ ಹೋರಾಟದಂತೆಯೇ, ಈ ಚುನಾವಣೆ ವಿಷಯವೂ ಕಪ್ಪು ಹಣದೊಂದಿಗೆ ಥಳುಕು ಹಾಕಿಕೊಂಡಿದೆ. ದೇಶ ಕಪ್ಪು ಹಣದಿಂದ ಹೊರ ಬರಬೇಕಾದರೆ ಚುನಾವಣಾ ಸುಧಾರಣೆ ಅಗತ್ಯವಾಗಿದೆ. ಇದು ಚುನಾವಣೆ ಸುಧಾರಣೆಯ ಒಂದು ಕ್ಷೇತ್ರ ಮಾತ್ರ. ಈ ಬಗ್ಗೆ ಪ್ರಧಾನ ಮಂತ್ರಿಯವರು ನಿರ್ಧಾರ ಕೈಗೊಳ್ಳಲು ಸಾಧ್ಯವಿಲ್ಲ ಮತ್ತು ಅವರು ಮಾಡಲು ಸಾಧ್ಯವಿಲ್ಲ, ಅಥವಾ ಅವರ ಸರ್ಕಾರವೂ ಇದನ್ನು ಮಾಡಲು ಸಾಧ್ಯವಿಲ್ಲ. ಈ ಬಗ್ಗೆ ವ್ಯಾಪಕ ಚರ್ಚೆ ಆರಬೇಕು ಮತ್ತು ನಾವು ನಿರಂತರವಾದ ಚುನಾವಣೆ ವರ್ತುಲದ ಚರ್ಚೆಯಿಂದ ಓಡಿ ಹೋಗ ಬಾರದು. ಭಾರತದ ಮತದಾರರು ಇಂದು ಪ್ರಬುದ್ಧರಾಗಿದ್ದಾರೆ. ಅವರು ಲೋಕಸಭೆಗೆ ಒಂದು ರೀತಿಯಲ್ಲಿ ಮತ ಹಾಕಿದರೆ, ರಾಜ್ಯ ವಿಧಾನ ಸಭಾ ಚುನಾವಣೆಯಲ್ಲಿ ಬೇರೆಯದೇ ರೀತಿಯಲ್ಲಿ ಮತ ಚಲಾಯಿಸುತ್ತಾರೆ. ನಾವು ಇದನ್ನು ನೋಡಿದ್ದೇವೆ. 2014ರ ಸಾರ್ವತ್ರಿಕ ಚುನಾವಣೆಯ ಜೊತೆಯಲ್ಲಿ ಒಡಿಶಾ ವಿಧಾನ ಸಭೆ ಚುನಾವಣೆಯೂ ನಡೆದಿತ್ತು. ಅಲ್ಲಿನ ಮತದಾರರು ದೆಹಲಿಗೆ ಒಂದು ತೀರ್ಪು ನೀಡಿದ್ದರು ಹಾಗೂ ಒಡಿಶಾಗೆ ಮತ್ತೊಂದು ರೀತಿಯ ಜನಾದೇಶ ನೀಡಿದ್ದರು. ಆದ್ದರಿಂದ ಈ ದೇಶದ ಮತದಾರ ಬಹಳ ಪ್ರಬುದ್ಧ ಮತ್ತು ನಾವು ಆತನ ಪ್ರಬುದ್ಧತೆಯ ಮೇಲೆ ವಿಶ್ವಾಸ ಇಡಬೇಕು. ಒಂದೇ ಬಾರಿಗೆ ಚುನಾವಣೆಗಳನ್ನು ನಡೆಸುವ ಮೂಲಕ ಹೇಗೆ ವೆಚ್ಚವನ್ನು ತಗ್ಗಿಸಲು ಸಾಧ್ಯ ಎಂಬ ಬಗ್ಗೆ ನಾವು ಚರ್ಚೆ ನಡೆಸಬೇಕು, ಹೇಗೆ ಕಪ್ಪು ಹಣದ ಪ್ರಭಾವವನ್ನು ಹತ್ತಿಕ್ಕ ಬಹುದು ಎಂಬ ಬಗ್ಗೆ ಚರ್ಚಿಸಬೇಕು, ಐದು ವರ್ಷಗಳಲ್ಲಿ ದೇಶವನ್ನು ಮುಂದೆ ತೆಗೆದುಕೊಂಡು ಹೋಗಲು ಏನು ಮಾಡಬೇಕು ಎಂಬ ಬಗ್ಗೆ ಚರ್ಚಿಸಬೇಕು. ಇಂದು ಮಾದರಿ ನೀತಿ ಸಂಹಿತೆಯ ಕಾರಣದಿಂದ, ಎಲ್ಲಿ ಯಾವ ಪ್ರದೇಶದಲ್ಲಿ ಸಂಹಿತೆ ಅನ್ವಯಿಸುವುದಿಲ್ಲವೋ ಅಲ್ಲಿ ನಷ್ಟ ಆಗುತ್ತಿದೆ. ನಾನು ಗುಜರಾತ್ ನಲ್ಲಿದ್ದಾಗ, ಕನಿಷ್ಠ 80ರಿಂದ 90 ಅಧಿಕಾರಿಗಳು ಎರಡು ರಿಂದ ಮೂರು ತಿಂಗಳುಗಳ ಕಾಲ ಇತರ ರಾಜ್ಯದ ಚುನಾವಣೆ ಕಾರ್ಯಕ್ಕೆ ತಮ್ಮ ಕಾಲವನ್ನು ವ್ಯಯಿಸಿದರು ಎಂಬುದನ್ನು ನಾನು ಕಂಡಿದ್ದೇನೆ. ಇದು ಎಲ್ಲ ರಾಜ್ಯಗಳಲ್ಲೂ ಆಗುತ್ತಿದೆ. ಇದು ಕಾಳಜಿ ಇರಬೇಕಾದ ಕ್ಷೇತ್ರ ಮತ್ತು ಕೆಲವೊಮ್ಮೆ ಅಥವಾ ಈ ಪ್ರಶ್ನೆಯ ಹೊರತಾಗಿ ನಾವು ಈ ಬಗ್ಗೆ ಚಿಂತಿಸ ಬೇಕಾಗುತ್ತದೆ. ನಾನು ಈ ಚರ್ಚೆಯನ್ನು ಮುಂದು ವರಿಸಿಕೊಂಡು ಹೋಗುವಂತೆ ಚುನಾವಣಾ ಆಯೋಗಕ್ಕೆ ಕೋರುತ್ತೇನೆ. ಅವರು ಎಲ್ಲ ರಾಜಕೀಯ ಪಕ್ಷಗಳನ್ನೂ ಆಹ್ವಾನಿಸಬೇಕು ಮತ್ತು ಪ್ರತಿಯೊಬ್ಬರೊಂದಿಗೂ ಚರ್ಚೆ ನಡೆಸಬೇಕು ಮತ್ತು ಅದರಿಂದ ಏನೇ ಹೊರ ಬರಲಿ..

ಅರ್ನಬ್ : ಇದಕ್ಕಾಗಿ ಯಾವುದೇ ಕಾಲ ಮಿತಿಯ ಪರಿಹಾರ ಇದೆಯೇ?
ಪಿ.ಎಂ. ಮೋದಿ : ಚುನಾವಣೆ ಆಯೋಗವು ಎಲ್ಲ ರಾಜಕೀಯ ಪಕ್ಷಗಳನ್ನೂ ಆಹ್ವಾನಿಸಿ ಇದರ ಬಗ್ಗೆ ಮಾತನಾಡಬೇಕು. ಈ ಉಪಕ್ರಮವನ್ನು ಒಂದು ಪಕ್ಷವೇ ಮಾಡಿದರೆ, ಅದು ಹಳಿ ತಪ್ಪುತ್ತದೆ.

ಅರ್ನಬ್ : ಈ ಬಗ್ಗೆ ಒಮ್ಮತ ಮೂಡಿಸಲು ನೀವು ಮುಂದಾಳತ್ವ ವಹಿಸಿಕೊಳ್ಳಲು ಇಚ್ಛಿಸುತ್ತೀರಾ ?

ಪಿ.ಎಂ. ಮೋದಿ : ಪ್ರಧಾನ ಮಂತ್ರಿಯಾಗಿದ್ದರೂ ಕೂಡ ನಾನು ಇನ್ನೂ ಒಂದು ರಾಜಕೀಯ ಪಕ್ಷಕ್ಕೆ ಸೇರಿದವನಾಗಿದ್ದೇನೆ. ಉತ್ತಮವಾದ ಸಂಗತಿ ಎಂದರೆ ಈ ಕಾರ್ಯವನ್ನು ಚುನಾವಣೆ ಆಯೋಗವೇ ಕೈಗೆತ್ತಿಕೊಳ್ಳಬೇಕು. ಇಂದು ನಮ್ಮ ದೇಶದಲ್ಲಿ ಚುನಾವಣೆ ಆಯೋಗ ಒಂದು ಅತ್ಯಂತ ಮಹತ್ವದ ಸಂಸ್ಥೆ. ಪ್ರತಿಯೊಂದು ರಾಜಕೀಯ ಪಕ್ಷವೂ ಚುನಾವಣಾ ಆಯೋಗದಲ್ಲಿ ನಂಬಿಕೆ ಇಟ್ಟಿದೆ ಮತ್ತು ಅದನ್ನು ಮತ್ತಷ್ಟು ಸಬಲಗೊಳಿಸಲಾಗುವುದು. ಬಹುಶಃ ಅದು ಉತ್ತಮ ಎನಿಸುತ್ತದೆ.
ಅರ್ನಬ್ : ನನಗೆ ಅನಿಸಿದ ಹಾಗೆ, ಒಟ್ಟಿಗೆ ಚುನಾವಣೆ ನಡೆಸುವ ಇದು ಒಂದು ಆಸಕ್ತಿಪೂರ್ಣ ಕಲ್ಪನೆ. ರಾಜ್ಯ ಪಕ್ಷಗಳು, ಪ್ರಾದೇಶಿಕ ಪಕ್ಷಗಳು ತಮಗೆ ಇದು ತೀವ್ರ ಪರಿಣಾಮ ಬೀರುತ್ತದೆ ಎಂದು ಅಂದುಕೊಳ್ಳಬಹುದು. ಆದರೆ ಬಿಜೆಪಿಯಂಥ ರಾಷ್ಟ್ರೀಯ ಪಕ್ಷಕ್ಕೆ ಲಾಭ ಆಗುತ್ತದೆ.

ಪಿ.ಎಂ. ಮೋದಿ : ಒಡಿಶಾ ಒಂದು ಉತ್ತಮ ಉದಾಹರಣೆ. 2014ರಲ್ಲಿ ಬಿಜೆಪಿಗೆ ಆ ರಾಜ್ಯದಲ್ಲಿ ಯಾವುದೇ ಅಡ್ವಾಂಟೇಜ್ ಇರಲಿಲ್ಲ. ಆದರೆ ಬಿಜೆಪಿ ಲೋಕ ಸಭಾ ಸ್ಥಾನ ಗೆದ್ದಿತು. ಇದು ವ್ಯತ್ಯಾಸ ತೋರಿಸುತ್ತದೆ.

ಅರ್ನಬ್ : ಮಾನ್ಯ ಪ್ರಧಾನ ಮಂತ್ರಿ ಅವರೇ ನೀವು ಈ ದಿನಗಳಲ್ಲಿ ನಿಮ್ಮ ಕಾರ್ಯಕ್ರಮವನ್ನು ಹೇಗೆ ಇಟ್ಟು ಕೊಳ್ಳುತ್ತಿದ್ದೀರಿ.? ನನ್ನ ಅರ್ಥ, ನೀವು ಭಾರೀ ವೇಗವಾಗಿ ಸಾಗುತ್ತಿದ್ದೀರಿ. ನೀವು ನಡೆಸುವ ಹಲವು ಸಭೆಗಳು, ನಿಮ್ಮ ಕಚೇರಿಯಲ್ಲಿ ಕೆಲಸ ಮಾಡುವುದು ಕಷ್ಟ ಎಂದು ಜನ ಹೇಳುತ್ತಾರೆ

ಪಿ.ಎಂ. ಮೋದಿ : ಅದು ಹಾಗಲ್ಲ, ಈಗ ಎರಡು ವರ್ಷ ಆಗಿದೆ ಮತ್ತು ಪ್ರತಿಯೊಬ್ಬರೂ ಕೆಲಸ ಮಾಡಲೇಬೇಕು. ಇದು ಅಂಥ ಒಂದು ದೊಡ್ಡ ರಾಷ್ಟ್ರ, ಹೀಗಾಗಿ ಪ್ರತಿಯೊಬ್ಬರೂ ಎಷ್ಟು ಸಾಧ್ಯವೋ ಅಷ್ಟು ಕೆಲಸ ಮಾಡಲೇ ಬೇಕು ಎಂದು ನಾನು ನಂಬುತ್ತೇನೆ. ಹೀಗಾಗಿ ನಾನು ಆ ಕೆಲಸ ಮಾಡುತ್ತಿದ್ದೇನೆ.

ಅರ್ನಬ್ : ನಾನು ನನ್ನ ಕೊನೆಯ ಪ್ರಶ್ನೆಗೆ ಬರುವ ಮುನ್ನ ಮಾನ್ಯ ಪ್ರಧಾನ ಮಂತ್ರಿಯವರೇ, ನಾನು ಪ್ರಸ್ತಾಪಿಸಬೇಕಿರುವ ಒಂದು ವಿಷಯ ರೈತರ ಸಂಕಷ್ಟ ಕುರಿತಾದ್ದು. ನಿಮಗೆಲ್ಲರಿಗೂ ಚೆನ್ನಾಗಿಯೇ ತಿಳಿದಿರುವಂತೆ, ದೇಶದಲ್ಲಿ ಒಂದು ಬಿಕ್ಕಟ್ಟು ಇದೆ. ನೀವು ಅದರ ಬಗ್ಗೆ ಪ್ರಸ್ತಾಪಿಸಿದ್ದೀರಿ. ನಿಮ್ಮ ಸಂಸತ್ ಸದಸ್ಯರಿಗೆ ನೀಡಿದ ಆ ಭಾಷಣದಲ್ಲಿ, ನಾನು ಈ ಮೊದಲು ಕೇಳಿದಂತೆ ಮೇ 20 ರಂದು ಸಂಸತ್ತಿನ ಸೆಂಟ್ರಲ್ ಹಾಲ್ ನಲ್ಲಿ ನೀವು ಹೇಳಿದ್ದು ‘ಈ ಸರ್ಕಾರ ಇರುವುದು ನನಗಾಗಿ ಅಲ್ಲ, ಈ ಸರ್ಕಾರ ಇರುವುದು ಬಡವರಿಗಾಗಿ, ನಾವು ಅವರಿಗಾಗಿ ಏನಾದರೂ ಮಾಡಬೇಕು.’ ರೈತರ ಸಮಸ್ಯೆ ಮಾನ್ಯ ಪ್ರಧಾನ ಮಂತ್ರಿಯವರೇ ಅದು ವಾಸ್ತವ. ಈ ಸಂದರ್ಶನದಲ್ಲಿ ನೀವು ವಾಸ್ತವವನ್ನು ತಡೆಯಲಿಲ್ಲ ಅದಕ್ಕಾಗಿ ನಾನು ಸಂತೋಷಿತನಾಗಿದ್ದೇನೆ, ನೀವು ಅದನ್ನು ಎದುರಿಸಿದ್ದೀರಿ, ನೀವು ಅದರ ಬಗ್ಗೆ ಮಾತನಾಡಿದ್ದೀರಿ. ನಾವು ನಮ್ಮ ಸಂಪೂರ್ಣ ಭವಿಷ್ಯವನ್ನು ಮುಂಗಾರಿಗೆ ಹೊಂದಿಸಿಕೊಂಡಿದ್ದೇವೆ. ದೇಶದ ವಾರ್ಷಿಕ ಸಮಸ್ಯೆಯಾಗುತ್ತಿರುವ ಇದರಿಂದ ನಾವು ಹೇಗೆ ಹೊರಬರಲು ಸಾಧ್ಯ. ?

ಪಿ.ಎಂ. ಮೋದಿ : ನಾವು ಇಲ್ಲಿ ನೀರಿನ ನಿರ್ವಹಣೆಯ ಬಗ್ಗೆ ಹೆಚ್ಚಿನ ಒತ್ತು ನೀಡಬೇಕು. ನೀವು ಅದನ್ನು ಪ್ರಧಾನ ಮಂತ್ರಿ ಕೃಷಿ ಸಿಂಚಾಯಿ ಯೋಜನೆಯಲ್ಲಿ ನೋಡಿರಬಹುದು, ನಾವು ಜಲ ಸಮಸ್ಯೆಯ ಬಗ್ಗೆ ಒತ್ತು ನೀಡಿದ್ದೇವೆ. ಬರದ ಈ ದಿನಗಳಲ್ಲಿ ನಾನು 11 ರಾಜ್ಯಗಳ ನಾಯಕರುಗಳನ್ನು ಪ್ರತ್ಯೇಕವಾಗಿ ಭೇಟಿ ಮಾಡಿದೆ ಮತ್ತು ನಾನು ಒಬ್ಬೊಬ್ಬರೊಂದಿಗೆ 2 – 3 ಗಂಟೆಗಳ ಕಾಲ ಕುಳಿತು ಚರ್ಚಿಸಿದೆ. ನಾನು ಆ ಎಲ್ಲ 11 ನಾಯಕರನ್ನೂ ಒಂದೇ ಕಡೆ ಸೇರಿಸಿ ಒಂದು 10 ನಿಮಿಷಗಳ ಕಾಲ ಸಭೆ ನಡೆಸಿ ಭಾಷಣ ಮಾಡಿದ್ದರೂ, ಜನರು ನಮ್ಮ ಪ್ರಧಾನಿ ಏನೋ ಕೆಲಸ ಮಾಡುತ್ತಿದ್ದಾರೆ ಎಂದು ತಿಳಿದು ನಂಬುತ್ತಿದ್ದರು. ಆದರೆ ನಾನು ಹಾಗೆ ಮಾಡಲಿಲ್ಲ. ನಾನು ವಿವಿಧ ರಾಜ್ಯಗಳ ನಾಯಕರೊಂದಿಗೆ ಪ್ರತ್ಯೇಕವಾಗಿ ಕುಳಿತು ಚರ್ಚಿಸಿ ನಿರ್ದಿಷ್ಟ ಸಮಸ್ಯೆಗಳನ್ನು ಅರ್ಥ ಮಾಡಿಕೊಂಡೆ ಮತ್ತು ಆಯಾ ರಾಜ್ಯಗಳಲ್ಲಿ ನೀರಿಗೆ ಏನು ಮಾಡಬಹುದು ಆ ಬಗ್ಗೆ ಚರ್ಚಿಸಿದೆ. ರಾಜ್ಯದ ಸರ್ಕಾರಗಳು ಯಾವುದೇ ರಾಜಕೀಯ ಪಕ್ಷಕ್ಕೆ ಸೇರಿದವುಗಳಾಗಿರಲಿ, ನನಗೆ ಸಂತೋಷವಾದ ಸಂಗತಿ ಎಂದರೆ, ಎಲ್ಲ ಸರ್ಕಾರಗಳೂ ಬೇಸಿಗೆಯಲ್ಲಿ ನೀರಿನ ವಿಷಯಕ್ಕೆ ಹೆಚ್ಚಿನ ಗಮನ ಹರಿಸಿದ್ದರು. ಅದರ ಲಾಭ ಈ ಮುಂಗಾರಿನಲ್ಲಿ ನಮಗೆ ಸಿಗಲಿದೆ. ವೈಜ್ಞಾನಿಕ ವಿಧಾನಗಳಿಂದ ನೀರನ್ನು ಸಂಗ್ರಹಿಸುವ ಮತ್ತು ನೀರಾವರಿಗೆ ಅದನ್ನು ಬಳಸುವ ವಿಚಾರ. ನೀರನ್ನು ಸಂಗ್ರಹಿಸಿ ಮತ್ತು ಅದನ್ನು ಜಮೀನಿನತ್ತ ಹರಿಯ ಬಿಡುವುದನ್ನು ಎಲ್ಲರೂ ಮಾಡುತ್ತಿದ್ದಾರೆ. ಸೂಕ್ಷ್ಮ –ಮೈಕ್ರೋ ನೀರಾವರಿಯ ಮೇಲೆ ಗಮನ ಹರಿಸಿದ್ದಾರೆ. ಕಬ್ಬು ಬೆಳೆಯುವುದಕ್ಕೂ ಸಹ, ರೈತರು ನಿಧಾನವಾಗಿ ಮೈಕ್ರೋ ನೀರಾವರಿಯತ್ತ ಸಾಗುತ್ತಿದ್ದಾರೆ. ಹಿಂದೆ ಪ್ರವಾಹ ನೀರಾವರಿ ಇತ್ತು. ಭತ್ತ ಬೆಳೆಯಲು ಹೆಚ್ಚು ನೀರನ್ನು ಬಳಸಲಾಗುತ್ತಿತ್ತು. ಈಗ ರೈತರು ಅದಕ್ಕೆ ತುಂತುರು ನೀರಾವರಿಯನ್ನು ಬಳಸುತ್ತಿದ್ದಾರೆ. ನಾವು ನೀರಿನ ಸೌಲಭ್ಯ ಒದಗಿಸುವಲ್ಲಿ ಉತ್ತಮವಾಗಿದ್ದರೆ, ಆಗ ಒಂದು ಸಮಸ್ಯೆ ಪರಿಹಾರವಾಗುತ್ತದೆ. ಸ್ವಾತಂತ್ರ್ಯದ ನಂತರ ಇದೇ ಮೊದಲ ಬಾರಿಗೆ ನಾವು ಪ್ರಧಾನ ಮಂತ್ರಿ ಫಸಲು ಬಿಮಾ ಯೋಜನೆಯನ್ನು ತಂದಿದ್ದೇವೆ. ಇದು ಗರಿಷ್ಠ ಸಂಖ್ಯೆಯ ರೈತರನ್ನು ತಲುಪಲಿದೆ. ರೈತರು ಕೇವಲ ಶೇಕಡ 2ರಷ್ಟು ಮಾತ್ರ ಪಾವತಿಸಬೇಕು. ಕೇವಲ ಶೇ. 2 ರಷ್ಟು. ಸರ್ಕಾರ ಉಳಿದದನ್ನು ಪಾವತಿಸಲಿದೆ. ರೈತರಿಗೆ ಒಂದು ಖಾತ್ರಿ ಸಿಗಲಿದೆ. ಉದಾಹರಣೆಗೆ ಮಹಾರಾಷ್ಟ್ರದಲ್ಲಿ ಮುಂಗಾರು ಜೂನ್ ಹೊತ್ತಿಗೆ ಆರಂಭವಾಗುವ ನಿರೀಕ್ಷೆ ಇತ್ತು. ರೈತರು ಹೀಗಾಗಿ ತಮ್ಮ ಕೃಷಿ ಕಾರ್ಯ ಆರಂಭಿಸಿ ಸಕಲ ಸಿದ್ಧತೆ ಮಾಡಿಕೊಳ್ಳುತ್ತಿದ್ದರು. ಆದರೆ ಅವರು ಬೀಜ ಬಿತ್ತನೆ ಮಾತ್ರ ಮಾಡಿರಲಿಲ್ಲ. ಈಗ ಆಗಸ್ಟ್ ವರೆಗೆ ಮಳೆಯೇ ಬಾರದಿದ್ದರೆ ಅವರಿಗೆ ಭಾಗಶಃ ಬೆಳೆ ಹಾನಿ ಆಗುವುದಿಲ್ಲ. ಕಾರಣ ಅವರು ಇನ್ನೂ ಬೀಜವನ್ನೇ ಬಿತ್ತನೆ ಮಾಡಿಲ್ಲ. ಆದರೂ ಪ್ರಧಾನ ಮಂತ್ರಿ ಫಸಲು ಬಿಮಾ ಯೋಜನೆ ಅಡಿ ಇದನ್ನೂ ಪರಿಗಣನೆಗೆ ತೆಗೆದುಕೊಳ್ಳಲಾಗುತ್ತದೆ ಮತ್ತು ರೈತರಿಗೆ ಲಾಭ ದೊರೆಯುತ್ತದೆ. ಮತ್ತೊಂದು ಮಹತ್ವದ ವಿಷಯವೆಂದರೆ, ಒಮ್ಮೆ ಬೆಳೆ ಕೊಯ್ಲಿಗೆ ಬಂದರೆ, ಅದನ್ನು ಅವರು ಕಟಾವು ಮಾಡಿ ಜಮೀನಿನಲ್ಲಿ ಇಡುತ್ತಾರೆ. ಮತ್ತು ಈ ವರ್ಷ ಉತ್ತಮ ಬೆಳೆ ಬಂದಿದೆ ಎಂದು ಅಂದುಕೊಂಡಿರುತ್ತಾರೆ. ಮತ್ತು ಶೇ.100 ರಷ್ಟು ಬೆಳೆ ಬಂದಿದೆ ಎಂದು ಕೊಂಡಿದ್ದರೂ ಅದನ್ನು ಟ್ರಕ್ ಗಳಿಗೆ ತುಂಬಿ ಮತ್ತು ಮಾರುಕಟ್ಟೆಗೆ ಇನ್ನೂ ಕಳುಹಿಸಿರುವುದಿಲ್ಲ ಎಂದಿಟ್ಟುಕೊಳ್ಳಿ. ಆಗೇನಾದರೂ ಮಳೆ ಬಂದು ಕಟಾವಿನ 15 ದಿನಗಳ ಒಳಗೆ ಏನಾದರೂ ನಷ್ಟ ಸಂಭವಿಸಿದರೆ ಅದಕ್ಕೂ ಕೂಡ ಪ್ರಧಾನ ಮಂತ್ರಿ ಫಸಲು ಬಿಮಾ ಯೋಜನೆ ಅಡಿ ಪರಿಹಾರ ಸಿಗುತ್ತದೆ. ಇದು ಎರಡನೆಯ ರಕ್ಷಾ ಕವಚ ಆಗಿದೆ, ಇನ್ನು ಕನಿಷ್ಠ ವಿಮಾ ಕಂತು, ಗರಿಷ್ಠ ಪರಿಹಾರ. ಸ್ವಾತಂತ್ರ್ಯದ ಬಳಿಕ ಇದೇ ಮೊದಲ ಬಾರಿಗೆ ನಾನು ಪ್ರಧಾನ ಮಂತ್ರಿ ಫಸಲು ಬಿಮಾ ಯೋಜನೆ ತಂದಿದ್ದೇವೆ. ಮೂರನೆಯದಾಗಿ ಇದೇ ಮೊದಲ ಬಾರಿಗೆ ನಾವು ಇ – ಮಂಡಿ ಪ್ರಯೋಗ ಮಾಡಿದ್ದೇವೆ. ಗ್ರಾಮಗಳಲ್ಲಿನ ರೈತರು, ತಮ್ಮ ಮೊಬೈಲ್ ದೂರವಾಣಿಯ ಮೂಲಕ ಇ – ಮಂಡಿಯಲ್ಲಿ ದೇಶದ ಯಾವುದೇ ಉತ್ತಮ ಮಾರುಕಟ್ಟೆಯಲ್ಲಿ ತಮ್ಮ ಫಸಲು ಮಾರಾಟ ಮಾಡಬಹುದಾಗಿದೆ. ರೈತರು ತಮ್ಮ ಬೆಳೆ ಎಷ್ಟು ಧಾರಣೆಗೆ ಮಾರಾಟ ಮಾಡಬೇಕು ಎಂದು ತಾವೇ ದರ ನಿಗದಿ ಮಾಡಬಹುದಾಗಿದೆ. ಇದಕ್ಕೆ ಮುನ್ನ ರೈತರು ದಾಸ್ತಾನು ಸಮಸ್ಯೆಯಿಂದಾಗಿ ತಮ್ಮ ಉತ್ಪನ್ನಗಳನ್ನು ಗಾಡಿ, ಟ್ರಾಕ್ಟರ್ ಗಳಲ್ಲಿ ತುಂಬಿಕೊಂಡು 20 – 15 ಕಿಲೋ ಮೀಟರ್ ದೂರದ ಮಂಡಿಗೆ ಮಾರಾಟಕ್ಕಾಗಿ ಹೋಗಬೇಕಾಗಿತ್ತು. ಆಗ ಅವರಿದೆ ಅಂದು ಕೊಂಡಿದ್ದಕ್ಕಿಂತ 10 ರೂಪಾಯಿ ಕಡಿಮೆ ದರ ಸಿಕ್ಕರೂ ಮಾರಿ ಬಿಡುತ್ತಿದ್ದರು, ಕಾರಣ ಅವರಿಗೆ ದಾಸ್ತಾನಿನ ಸಮಸ್ಯೆ ಇತ್ತು. ಈಗ ಮನೆಯಲ್ಲಿಯೇ ಕುಳಿತುಕೊಂಡು ರೈತರು ತಮ್ಮ ಉತ್ಪನ್ನವನ್ನು ಯಾವ ದರಕ್ಕೆ ಮಾರಬಹುದು ಎಂದು ತಿಳಿಯುತ್ತಾರೆ. ಮುಂದಿನ ವಿಚಾರ ಆಹಾರ ಸಂಸ್ಕರಣೆ, ಮೌಲ್ಯದ ಸೇರ್ಪಡೆಯಾಗಿದೆ. ಉದಾಹರಣೆಗೆ ನಮ್ಮ ರೈತರ ಟೋಮೇಟೋ ಬೆಳೆದು ಅದನ್ನು ಮಾರಾಟ ಮಾಡುತ್ತಿದ್ದಾನೆ. ಒಂದು ಕಂಪನಿ ತನ್ನ ಹಣ ಹೂಡಿ ಟೋಮೇಟೋ ಕೆಚಪ್ ಸಂಸ್ಕರಣೆ ಘಟಕ ಮಾಡುತ್ತದೆ ಎಂದರೆ. ಆಗ ನಮ್ಮ ರೈತ ಅದರಿಂದ ಲಾಭ ಪಡೆಯುತ್ತಾನೆ ತಾನೆ. ಪೆಪ್ಸಿ, ಕೋಕಾ ಕೋಲಾ ಇತ್ಯಾದಿ ಎರೇಟೆಡ್ ಪಾನೀಯಗಳನ್ನು ತಯಾರಿಸುವ ಕಂಪನಿಗಳಿಗೆ ನಾನು ಶೇಕಡ 5 ರಷ್ಟು ತಾಜಾ ಹಣ್ಣಿನ ರಸ ಸೇರಿಸುವಂತೆ ಮನವಿ ಮಾಡಿದ್ದೇನೆ. ನಾಗಪುರ, ವಿದರ್ಭ ಸುತ್ತಲಿನ ಪ್ರದೇಶದಲ್ಲಿ ಯಥೇಚ್ಛವಾಗಿ ಕಿತ್ತಳೆ ಹಣ್ಣು ಬೆಳೆಯಲಾಗುತ್ತದೆ. ಕೋಕಾ ಕೋಲಾ ಶೇ. 5 ರಷ್ಟು ಕಿತ್ತಳೆ ರಸವನ್ನು ಪಾನೀಯಕ್ಕೆ ಸೇರಿಸಲಿ. ನಾವು ಎರೇಟೆಡ್ ಪಾನೀಯಕ್ಕೆ ಶೇಕಡ 5 ರಷ್ಟು ತಾಜಾ ಹಣ್ಣಿನ ರಸ ಸೇರಿಸಿದರೆ ರೈತರಿಗೆ ಮಾರುಕಟ್ಟೆ ದೊರೆಯುತ್ತದೆ ಮತ್ತು ಅವರ ಹಣ್ಣು ವ್ಯರ್ಥವಾಗುವುದಿಲ್ಲ. ನಾವು ಸಮಗ್ರವಾದ ಒಟ್ಟಾರೆಯಾದ ಯೋಜನೆ ರೂಪಿಸಬೇಕು. ನಮ್ಮ ಬಹುತೇಕ ಭೂಮಿ ಹಾಳಾಗಿದೆ. ಈಗ ನಾವು ಮಣ್ಣಿನ ಆರೋಗ್ಯ ಕಾರ್ಡ್ ಯೋಜನೆ ತಂದಿದ್ದೇವೆ. ನಾವು ಮಣ್ಣಿನ ಆರೋಗ್ಯ ಅಭಿಯಾನ ಆರಂಭಿಸಿದ್ದೇವೆ. ರೈತರು ಇದರಿಂದ ತಮ್ಮ ಭೂಮಿಯ ಫಲವತ್ತತೆ ಅರಿಯುತ್ತಾರೆ. ಆ ಮಣ್ಣಿಗೆ ರಸಗೊಬ್ಬರ ಬಳಸ ಬೇಕೇ ಬೇಡವೆ ಎಂಬುದನ್ನೂ ತಿಳಿಯುತ್ತಾರೆ. ಸರಾಸರಿ ಒಂದು ಹೆಕ್ಟೇರ್ ಭೂಮಿ ಹೊಂದಿರುವ ರೈತ 15 ರಿಂದ 20 ಸಾವಿರ ರೂಪಾಯಿ ಉಳಿಸ ಬಲ್ಲವನಾಗಿದ್ದಾನೆ. ಹೀಗಾಗಿ ನಾವು ಒಂದು ವೈಜ್ಞಾನಿಕ ಪದ್ಧತಿ ತಂದಿದ್ದೇವೆ. ನಿಮಗೆ ಗೊತ್ತಿರಬಹುದು, ನಮ್ಮ ದೇಶದಲ್ಲಿ ರೈತರು ಯೂರಿಯಾ ಖರೀದಿಸಲು ಹೋಗುತ್ತಿದ್ದಾಗ ಅವರು ಲಾಠಿ ಪ್ರಹಾರಕ್ಕೆ ಒಳಗಾಗುತ್ತಿದ್ದರು. ಅವರು ಯೂರಿಯಾವನ್ನು ಕಾಳಸಂತೆಯಲ್ಲಿ ಕೊಳ್ಳುವಂತಾಗಿತ್ತು. ಈಗ ನಾವು ಶೇ. 100 ರಷ್ಟು ಬೇವು ಲೇಪಿತ ಯೂರಿಯಾ ಮಾಡಿದ್ದೇವೆ. ಇದಕ್ಕೆ ಮುನ್ನ ಯೂರಿಯಾ ರಾಸಾಯನಿಕ ಕಾರ್ಖಾನೆಗಳಿಗೆ ಹೋಗುತ್ತಿತ್ತು. ಸರ್ಕಾರದ ಸಬ್ಸಿಡಿಯನ್ನು ರೈತರ ಹೆಸರಿನಲ್ಲಿ ಕಳ್ಳತನ ಮಾಡಲಾಗುತ್ತಿತ್ತು. ಯೂರಿಯಾಕ್ಕೆ ಬೇವಿನ ಲೇಪನ ಮಾಡಿದ ಬಳಿಕ ಯೂರಿಯಾವನ್ನು ಕೇವಲ ಕೃಷಿ ಕಾರ್ಯಕ್ಕೆ ಮಾತ್ರವಲ್ಲದೆ ಮತ್ತೆ ಯಾವುದೇ ಉದ್ದೇಶಕ್ಕೂ ಬಳಸಲು ಸಾಧ್ಯವಾಗುತ್ತಿಲ್ಲ. ಬೇವು ಲೇಪನದಿಂದಾಗಿ ಗುಣಾತ್ಮಕ ಬದಲಾವಣೆ ಆಗಿದೆ. ಇದು ಹಾನಿಗೊಳಗಾಗಿರುವ ಭೂಮಿಯನ್ನು ಸರಿಪಡಿಸುತ್ತಿದೆ. ಬೇವು ಲೇಪನದಿಂದಾಗಿ ತುಂಡು ಭೂಮಿಯಲ್ಲಿ 10 ಕೆಜಿ ಬಳಸುತ್ತಿದ್ದ ಕಡೆ ಈಗ 7 ಕೆ.ಜಿ. ಯೂರಿಯಾ ಸಾಕಾಗುತ್ತದೆ. ಈ ಎಲ್ಲ ಪ್ರಯತ್ನಗಳೂ ಕೃಷಿಯ ಮಾರ್ಗದಲ್ಲಿವೆ ಮತ್ತು ಇದರ ಫಲಿತಾಂಶವನ್ನು ನೀವು ಶೀಘ್ರವೇ ನೋಡುತ್ತೀರಿ.

ಅರ್ನಬ್ : ರೈತರ ಸಮಸ್ಯೆ ಪರಿಹಾರವಾಗುತ್ತದೆ ಎಂದು ನೀವು ಭಾವಿಸುತ್ತೀರಾ, ನಾನು ಕೇಳಿದ ಪ್ರಶ್ನೆ, ಇದು ವಾರ್ಷಿಕ ಸಮಸ್ಯೆ ಆಗಬಾರದು, ಮಳೆಯ ಮೇಲಿನ ಅವಲಂಬನೆ ಕಡಿಮೆ ಆಗಬೇಕು ?

ಪಿ.ಎಂ. ಮೋದಿ : ನೋಡಿ, ಕೃಷಿ ರಾಜ್ಯದ ವಿಚಾರ. ಭಾರತ ಸರ್ಕಾರ ಕೂಡ ಈ ಉಪಕ್ರಮ ಕೈಗೊಂಡಿದೆ. ರಾಜ್ಯ ಸರ್ಕಾರಗಳು ಇದನ್ನು ಜಾರಿ ಮಾಡಲು ಉತ್ಸುಕವಾಗಿದ್ದರೆ, ಇವುಗಳನ್ನು ಅವರು ಮಾಡುತ್ತಾರೆ ಎನಿಸುತ್ತದೆ. ನಾನು ನಿಮಗೆ ಹೇಳಿದಂತೆ ನಾನು ವಿವಿಧ ರಾಜ್ಯಗಳ ನಾಯಕರನ್ನು ಭೇಟಿ ಮಾಡಿದ್ದೆ ಮತ್ತು ಅವರು ನೀರಿನ ಸಮಸ್ಯೆಗೆ ಸಾಕಷ್ಟು ಕೆಲಸ ಮಾಡಿದ್ದಾರೆ. ಇದು ಕೆಲಸ ಮಾಡಿದರೆ, ಪ್ರಧಾನ ಮಂತ್ರಿ ಫಸಲು ಬಿಮಾ ಯೋಜನೆ ಕೇಂದ್ರ ಸರ್ಕಾರ ನೇರವಾಗಿ ಪಾಲ್ಗೊಳ್ಳುವ ಯೋಜನೆ, ಇದರಿಂದ ದೊಡ್ಡ ಲಾಭ ಇದೆ.

ಅರ್ನಬ್ : ಶ್ರೀ ಪ್ರಧಾನ ಮಂತ್ರಿಯವರೇ ಈಗ ನಿಮಗೆ ನನ್ನ ಎರಡು ಪ್ರಶ್ನೆಗಳಿವೆ.

ಪಿ.ಎಂ. ಮೋದಿ : ಇದು ತೀರಾ ದೀರ್ಘವಾಯಿತು.

ಅರ್ನಬ್ : ನಾನು ಈ ಎರಡೂ ಪ್ರಶ್ನೆಗಳನ್ನೂ ಒಗ್ಗೂಡಿಸಿ ಕೇಳುತ್ತೇನೆ. ನೀವು ಕೂಡ ಇದನ್ನು ಎಂಜಾಯ್ ಮಾಡುತ್ತೀರಿ ಮತ್ತು ನೀವು ಮಾತನಾಡುತ್ತಿದ್ದೀರಿ, ನಾನು ಆಭಾರಿ, ಮಾನ್ಯ ಪ್ರಧಾನ ಮಂತ್ರಿ ಅವರೇ, ಕೇಳಲು ಸಾಕಷ್ಟು ವಿಚಾರಗಳಿವೆ, ಮತ್ತು ವೀಕ್ಷಕರು ಕೂಡ ನಿಮ್ಮ ಅಭಿಪ್ರಾಯಗಳನ್ನು ಕೇಳಲು ಇಚ್ಛಿಸುತ್ತಾರೆ ಎಂದು ನನಗನಿಸುತ್ತದೆ. ಸರ್, ವಾಸ್ತವವಾಗಿ ಮೂರು ಪ್ರಶ್ನೆ ಇದೆ. ನೀವು ಅನುಮತಿ ಕೊಟ್ಟರೆ. ಅವು ಸಣ್ಣ ಪ್ರಶ್ನೆಗಳು. ಮೊದಲನೆಯದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರೇ, ನಿಮ್ಮ ಮನಸ್ಸಿನಲ್ಲಿ ಎಷ್ಟು ರಾಜಕೀಯ ಆಟವಾಡುತ್ತಿದೆ. ? ಅಂದರೆ ಪ್ರತಿಯೊಬ್ಬ ಪ್ರಧಾನ ಮಂತ್ರಿಯವರಿಗೂ, ಅದರಲ್ಲೂ ನಿಮ್ಮಂಥ ನೇರ ವ್ಯಕ್ತಿತ್ವದವರು ಮುಂದಿನ ದೊಡ್ಡ ಸವಾಲುಗಳನ್ನು ನೋಡುತ್ತಿರುತ್ತಾರೆ. 2019 ಏನಾದರೂ ಎಲ್ಲಾದರೂ ನಿಮ್ಮ ಮನದಲ್ಲಿ ಇದೆಯೇ ?

ಪಿ.ಎಂ. ಮೋದಿ : ನನ್ನನ್ನು ಗುಜರಾತ್ ನಲ್ಲಿ ನೋಡಿದವರು ಮತ್ತು ಕಳೆದ ಎರಡು ವರ್ಷಗಳಲ್ಲಿ ನನ್ನನ್ನು ನೋಡಿದವರು, ನನ್ನನ್ನು ಯಾವುದೇ ಪೂರ್ವಾಗ್ರಹ ಇಲ್ಲದೆ ನೋಡುವವರು, ಅವರಿಗೆ ಗೊತ್ತು ನಾನು ಒಬ್ಬ ರಾಜಕೀಯದಿಂದ ದೂರವಿರುವ ಪ್ರಧಾನ ಮಂತ್ರಿ ಎಂದು. ಚುನಾವಣೆಯ ಹೊರತಾಗಿ, ನಾನು ಯಾವುದೇ ರಾಜಕೀಯದಲ್ಲಿ ಭಾಗಿಯಾಗುವುದಿಲ್ಲ. ನೀವು ಚುನಾವಣೆಯನ್ನು ಒಂದು ಅವಶ್ಯಕತೆ ಎನ್ನಿ, ಒಂದು ಅನಿವಾರ್ಯತೆ ಅನ್ನಿ ಅಥವಾ ಒಂದು ಜವಾಬ್ದಾರಿ ಎನ್ನಿ, ನಾವು ಅದನ್ನು ಮಾಡಲೇಬೇಕು. ನಾನು ಹಲವು ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುತ್ತೇನೆ, ವಿವಿಧ ಪ್ರದೇಶಗಳಿಗೆ ಹೋಗುತ್ತೇನೆ, ನೀವು ನನ್ನಿಂದ ಯಾವುದಾದರೂ ರಾಜಕೀಯ ಟೀಕೆ ಟಿಪ್ಪಣಿ ಕೇಳಿದ್ದೀರಾ. ನಾನು ಸರ್ಕಾರಿ ಕಾರ್ಯಕ್ರಮಗಳಿಗೆ ಹೋದರೆ ನಾನು ಸರ್ಕಾರಕ್ಕೆ ಸಂಬಂಧಿಸಿದ ವಿಚಾರಗಳ ಬಗ್ಗೆ ಮಾತ್ರವೇ ಮಾತನಾಡುತ್ತೇನೆ. ನಾನು ರೈಲ್ವೆಯ ಕಾರ್ಯಕ್ರಮಕ್ಕೆ ಹೋದರೆ ನಾನು ರೈಲ್ವೆ ಬಗ್ಗೆ ಮಾತ್ರವೇ ಮಾತನಾಡುತ್ತೇನೆ, ನೀರಿನ ಕಾರ್ಯಕ್ರಮದಲ್ಲಿ ನೀರಿನ ಬಗ್ಗೆ, ಸಮುದ್ರದ ವಿಷಯವಿದ್ದರೆ ಆ ಕಾರ್ಯಕ್ರಮದಲ್ಲಿ ಸಮುದ್ರದ ಬಗ್ಗೆ ಮಾತ್ರವೇ ಮಾತನಾಡುತ್ತೇನೆ. ನನ್ನ ಗಮನ ಆಡಳಿತದ ಮೇಲೆ. ಸರ್ಕಾರಗಳು ಚುನಾವಣೆಗಾಗಿಯೇ ನಡೆದ ಕಾರಣ ರಾಷ್ಟ್ರ ದೊಡ್ಡ ನಷ್ಟ ಅನುಭವಿಸುತ್ತಿದೆ. ಸರ್ಕಾರಗಳು ಚುನಾವಣೆಗಾಗಿ ಮಾತ್ರವೇ ನಡೆಯಬಾರದು. ಸರ್ಕಾರಗಳು ಸಾಮಾನ್ಯ ಜನರ ಆಸೆ ಆಕಾಂಕ್ಷೆಗಳನ್ನು ಪೂರೈಸಲು ಪ್ರಾಮಾಣಿಕ ಪ್ರಯತ್ನ ಮಾಡಬೇಕು. ಚುನಾವಣೆಗಳು ಕೇವಲ ಒಂದು ಉಪ ಉತ್ಪನ್ನ ಇದ್ದಂತಿರಬೇಕು. ಇದು ಪ್ರಜಾಪ್ರಭುತ್ವ. ಸೋಲು ಮತ್ತು ಗೆಲುವು ಅದರ ಒಂದು ಭಾಗ. ಅದನ್ನು ಇಷ್ಟು ದೊಡ್ಡದಾಗಿ ಮಾಡುವ ಅಗತ್ಯವಾದರೂ ಏನು. ಅದು ಹಾಗೆ ಆಗಬಾರದು. ನೀವು ಗಮನಿಸಿರಬಹುದು ನಾನು ಇತ್ತೀಚೆಗೆ ಸೆಪ್ಟೆಂಬರ್ 30ರೊಳಗೆ ತೆರಿಗೆ ಪಾವತಿಸುವಂತೆ ಪ್ರತಿಯೊಬ್ಬರಿಗೂ ಒತ್ತಾಯ ಮಾಡಿದ್ದೇನೆ. ನನ್ನ ಮನ್ ಕಿ ಬಾತ್ ಕಾರ್ಯಕ್ರಮದಲ್ಲೂ ಸಹ ನಿನ್ನೆ ಇದನ್ನೇ ಹೇಳಿದ್ದೇನೆ. ಚುನಾವಣೆಯನ್ನು ಗೆಲ್ಲಬೇಕು ಎಂಬ ನಿಲುವು ಹೊಂದಿರುವ ಯಾವುದೇ ವ್ಯಕ್ತಿ ನೀವು ಸೆಪ್ಟೆಂಬರ್ 30ರ ತರುವಾಯ ತೊಂದರೆ ಅನುಭವಿಸಬೇಕಾಗುತ್ತದೆ ಎಂದು ಹೇಳಲು ಸಾಧ್ಯವೇ ?

ಅರ್ನಬ್ : ಇದು ಒಂದು ರೀತಿಯಲ್ಲಿ ಎಚ್ಚರಿಕೆಯೇ. ?

ಪಿ.ಎಂ. ಮೋದಿ : ಹೌದು ಇದು ಎಚ್ಚರಿಕೆಯೇ. ಹೌದು ಇದು ಖಂಡಿತವಾಗಿಯೂ ಎಚ್ಚರಿಕೆಯೇ. ಮೊದಲ ಎಚ್ಚರಿಕೆ ನನ್ನ ಸರ್ಕಾರದ ಅಧಿಕಾರಿಗಳಿಗೆ, ಜನರನ್ನು ಕಳ್ಳರಂತೆ ನೋಡಬೇಡಿ. ನಾನು ಈಗಾಗಲೇ ಈ ಎಚ್ಚರಿಕೆ ಕೊಟ್ಟಿದ್ದೇನೆ. ನಾನು ಮೊದಲು ನನ್ನ ಅಧಿಕಾರಿಗಳನ್ನು ಹ್ಯಾಂಡಲ್ ಮಾಡಿದ್ದೇನೆ. ಇದಕ್ಕೆ ನನಗೆ ಕೆಲ ಕಾಲ ಹಿಡಿಯಿತು. ನಿಮಗೆ ಕೇಳಿ ಆಘಾತ ಆಗಬಹುದು, ನಾನು ಆದಾಯ ತೆರಿಗೆ ಇಲಾಖೆಯ 30 ಅಧಿಕಾರಿಗಳಿಗೆ ಸಮಾನತೆಯ ವಿಚಾರದಲ್ಲಿ ಅವಧಿಗೆ ಮೊದಲೇ ನಿವೃತ್ತಿ ನೀಡಿದ್ದೇನೆ. ಇದು ಸಣ್ಣ ವಿಚಾರವಲ್ಲ. ಕಳೆದ 20 ವರ್ಷಗಳಿಂದ ವರ್ಗಾವಣೆಯೇ ಆಗದವರನ್ನು ನಾನು ವರ್ಗಾವಣೆ ಮಾಡಿದ್ದೇನೆ. ಒಂದು ನನ್ನ ಗಮನ ನನ್ನ ವ್ಯವಸ್ಥೆಯ ಮೇಲಿದೆ. ಎರಡನೆಯದು ನಾನು ನನ್ನ ದೇಶಕ್ಕೆ ಹೇಳುತ್ತೇನೆ ಅದರಲ್ಲೂ ದೇಶದ ಬಡ ಜನರಿಗಾಗಿ ಹೇಳುತ್ತೇನೆ ನೀವು ನಮ್ಮ ದೇಶದ ಬಡ ಜನರಿಗೆ ಏನಾದರೂ ನೀಡಿ. ದೇಶದ ಜನರಿಗೆ ಒಂದೊಂದು ರೂಪಾಯಿಗೂ ಲೆಕ್ಕ ಕೊಡುವುದು ನನ್ನ ಜವಾಬ್ದಾರಿಯಾಗಿದೆ. ನಾನು ಇದನ್ನು ಸರಿಯಾದ ಸ್ಥಳದಲ್ಲಿ ಬಳಸುತ್ತೇನೆ. ನಾನು ಅದನ್ನು ಕದಿಯಲು ಬಿಡುವುದಿಲ್ಲ. ನಾನು ಬಡವರಿಗೆ ಮನೆಗಳನ್ನು ನೀಡಬೇಕಾದರೆ ನಮಗೆ ಆದಾಯ ಬೇಕು. ನಾನು ತೆರಿಗೆಯನ್ನು ಹೆಚ್ಚಿಸಲು ಇಚ್ಛಿಸುವುದಿಲ್ಲ. ಆದರೆ ನಾನು ಇರುವ ತೆರಿಗೆಯನ್ನೇ ಪ್ರಾಮಾಣಿಕವಾಗಿ ಪಾವತಿ ಮಾಡಿ ಎಂದು ಕೋರುತ್ತೇನೆ. ತೆರಿಗೆ ಹೆಚ್ಚಿಸುವ ಅಗತ್ಯವಿಲ್ಲ. ಜನರಿಗೆ ತೊಂದರೆ ಕೊಡದೆಯೇ ದೇಶವನ್ನು ನಡೆಸಬಹುದು. ನಾನು ಅದರತ್ತ ಶ್ರಮಿಸುತ್ತಿದ್ದೇನೆ. ಅದಕ್ಕಾಗಿಯೇ ನಾನು ದೇಶದ ಜನರಿಗೆ ಸೆಪ್ಟೆಂಬರ್ 30 ರೊಳಗೆ ತೆರಿಗೆ ಪಾವತಿಸಲು ಅವಕಾಶ ನೀಡಿದ್ದೇನೆ. ಅದು 10 ಸಾವಿರ ರೂಪಾಯಿಯಾಗಲೀ, ಅಥವಾ 50 ಸಾವಿರ ಆಗಲಿ. ನೀವು ಮುಖ್ಯ ವಾಹಿನಿಗೆ ಬರುವುದಾದರೆ ತೆರಿಗೆ ನೀಡಿ ಬನ್ನಿ, ಚಿಂತೆ ಬೇಡ ಎಂದು ತಿಳಿಸಿದ್ದೇನೆ. ಸೆಪ್ಟೆಂಬರ್ 30ರ ಬಳಿಕ ನಾವು ಕ್ರಮ ಕೈಗೊಳ್ಳುತ್ತೇವೆ. ನಾನು ಚುನಾವಣೆಯ ಬಗ್ಗೆ ಚಿಂತೆ ಮಾಡುವುದಿಲ್ಲ. ನಾನು ಅಗತ್ಯ ಕ್ರಮ ಕೈಗೊಂಡೇ ತೀರುತ್ತೇನೆ. ನಾನು ಈ ದೇಶದ ಬಡ ಜನರಿಗಾಗಿ ಕೆಲಸ ಮಾಡುತ್ತೇನೆ.

ಅರ್ನಬ್ : ಮಾನ್ಯ ಪ್ರಧಾನ ಮಂತ್ರಿ ಅವರೇ, ನನ್ನ ಮುಂದಿನ ಪ್ರಶ್ನೆ. ಮುಂದಿನ ಮೂರು ವರ್ಷಗಳ ಅವಧಿಗೆ ಸ್ಪಟಿಕ ಸ್ಪಷ್ಟವಾದ ಅಳತೆ ಇದೆಯೇ. ಕ್ರಿಕೆಟ್ ಲೆಕ್ಕಾಚಾರದಂತೆ, ನೀವು ನಿಮ್ಮ ರನ್ ಗಳಿಸುವ ವೇಗವನ್ನು ಹೇಗೆ ಈವರೆಗೆ ನೋಡಿದ್ದೀರಿ ಮತ್ತು ಮುಂದೆ ನೀವು ಇನ್ನೂ ತ್ವರಿತವಾಗಿ ಹೆಚ್ಚಿನ ರನ್ ರೇಟ್ ಗಳಿಸಲು ಮುಂದಿನ ಮೂರು ವರ್ಷಗಳಲ್ಲಿ ನಿಮ್ಮ ಗುರಿಗಳು ಏನು ?

ಪಿ.ಎಂ. ಮೋದಿ : ನೋಡಿ, ಎಷ್ಟು ವೇಗ ಎಂಬುದು ವಿಷಯವಲ್ಲ. ನಾನು ಮುಂದೆ ಹೆಜ್ಜೆ ಇಟ್ಟಿದ್ದೇನೆ, ನಾನು ಎಂದಿಗೂ ತೃಪ್ತಿ ಹೊಂದುವುದಿಲ್ಲ. ಇಂದು 100 ರ ಗತಿಯಲ್ಲಿ ಓಡುತ್ತಿದ್ದರೆ, 200 ರ ಗತಿಯಲ್ಲಿ ಓಡುವ ಗುರಿ ಇಟ್ಟುಕೊಳ್ಳುತ್ತೇನೆ. ನಮ್ಮ ಹಿಂದೆ ಇದ್ದ ವಿಶ್ವ ಇಂದು ನಮ್ಮನ್ನು ದಾಟಿ ಹೋಗಿದೆ ಎಂದು ನನಗನಿಸುತ್ತದೆ. ನಾವು ಅವರ ಸಮಕ್ಕೆ ಹೋಗಲು ಇನ್ನೂ ದೂರ ಓಡಬೇಕು. ಹೀಗಾಗಿ ನಾವು ಲೆಕ್ಕಾಚಾರ ಮಾಡುವ ಅಗತ್ಯವಿಲ್ಲ. ನಾವು ಎಲ್ಲವನ್ನೂ ಇದರಲ್ಲೇ ಕೊಡಬೇಕು. ಮತ್ತು ನಾನು ಇದರಲ್ಲಿ ನನ್ನನ್ನೇ ಸಂಪೂರ್ಣವಾಗಿ ಕೊಟ್ಟಿದ್ದೇನೆ. ನಾನು ನನ್ನ ಇಡೀ ಸರ್ಕಾರವನ್ನು ಎಳೆಯುವಲ್ಲಿಯೂ ಯಶಸ್ವಿಯಾಗಿದ್ದೇನೆ. ದೇಶ ಕೂಡ ಮುಂದೆ ಸಾಗಲು ಬದ್ಧವಾಗಿದೆ ಎಂದು ನಾನು ನಂಬುತ್ತೇನೆ.

ಅರ್ನಬ್ : ಅಂತಿಮವಾದ ಕೊನೆಯ ಪ್ರಶ್ನೆ ಶ್ರೀ ಪ್ರಧಾನ ಮಂತ್ರಿ ಅವರೇ, ನಿಮಗೆ ಹೆಚ್ಚು ಪ್ರೇರಣೆ ನೀಡಿದ್ದು ಏನು ? ಮೊದಲನೆಯದಾಗಿ ನಾನು ಹೇಳಿದಂತೆ ನೀವು ಈ ವೇಗವನ್ನು ಉಳಿಸಿಕೊಳ್ಳುತ್ತೀರಾ ? ನಿಮ್ಮನ್ನು ಹೆಚ್ಚು ಸ್ಪೂರ್ತಿಗೊಳಿಸಿದ್ದು ಏನು ಮತ್ತು ಅದನ್ನು ನೀವು ಪ್ರಾಮಾಣಿಕವಾಗಿ ನಮ್ಮ ವೀಕ್ಷಕರೊಂದಿಗೆ ಹಂಚಿಕೊಳ್ಳುತ್ತೀರಾ, ನಿಮ್ಮ ಒಂದು ದೊಡ್ಡ ಚಿಂತೆಯ ಮೂಲ ಏನು ?

ಪಿ.ಎಂ. ಮೋದಿ : ಮೊದಲಿಗೆ ನಾನು ಚಿಂತೆಗಳ ಭಾರದಲ್ಲಿ ಬದುಕಲು ಇಚ್ಚಿಸುವುದಿಲ್ಲ. ಸಮಸ್ಯೆಗಳು ಮತ್ತು ಸವಾಲುಗಳು ಇವೆ. ನೀವು ಅದನ್ನು ಅಲ್ಲಗಳೆಯಲು ಸಾಧ್ಯವಿಲ್ಲ. ಆದರೆ, ನೀವು ಸವಾಲುಗಳಿಗೇ ಸವಾಲು ಹಾಕಬೇಕು ಮತ್ತು ಸವಾಲುಗಳು ಚಿಂತೆಯಾಗಿ ಪರಿವರ್ತನೆ ಆಗಲು ಬಿಡಬಾರದು. ಇದು ನನ್ನ ತತ್ವ. ನಾನು ಸದಾ ಸವಾಲುಗಳಿಗೆ ಸವಾಲು ಹಾಕುತ್ತೇನೆ. ನಾನು ಸಮಸ್ಯೆಗಳನ್ನು ಎದುರಿಸಲು ಇಚ್ಛಿಸುತ್ತೇನೆ. ನಾನು ಅವುಗಳಿಗೆ ಹೆದರಿ ಓಡುವುದಿಲ್ಲ. ಏನೇ ನಷ್ಟ ಆಗಲಿ ನಾವು ಅದನ್ನು ಎದುರಿಸಬೇಕು. ಎದುರಿಸುತ್ತೇನೆ. ಆದರೆ ನಾನು ದೇಶವನ್ನು ಅಸಹಾಯಕವಾಗಿ ಬಿಡುವುದಿಲ್ಲ. ಈ ಜವಾಬ್ದಾರಿಯನ್ನು ತೆಗೆದುಕೊಳ್ಳಬೇಕು ಮತ್ತು ನಾನು ಆ ಕೆಲಸವನ್ನು ಮಾಡುತ್ತೇನೆ. ಎಲ್ಲ ಒಳ್ಳೆಯ ಮತ್ತು ಕೆಟ್ಟ ವಿಷಯಗಳಿಗೂ ನಾನೇ ಜವಾಬ್ದಾರ. ನಾನು ಯಾವುದಕ್ಕೂ ವಿಷಾದಿಸುವುದಿಲ್ಲ. ದೇಶದ ಜನತೆ ನನಗೆ ಜವಾಬ್ದಾರಿ ನೀಡಿದ್ದಾರೆ ಅದನ್ನು ನಾನು ಪೂರ್ಣಗೊಳಿಸಬೇಕು ಎಂದು ನಂಬಿದ್ದೇನೆ. ಮೂರನೆಯದಾಗಿ ನಾನು ನನ್ನ ದೇಶದಲ್ಲಿ ಬಡಜನರನ್ನು ನೋಡಿದಾಗ, ನನಗೆ ಕೆಲಸ ಮಾಡುವಂತೆ ಎಚ್ಚರಿಸುತ್ತದೆ, ನಾನು ಅವರಿಗಾಗಿ ದುಡಿಯುತ್ತೇನೆ. ಮೊನ್ನೆ ನಾನು ಪುಣೆಯಲ್ಲಿದ್ದೆ. ಅಲ್ಲಿ ಶ್ರೀಮಾನ್ ಚಂದ್ರಕಾಂತಜೀ ಅವರನ್ನು ಭೇಟಿ ಮಾಡಿದೆ. ಅವರು ನಿವೃತ್ತ ಶಿಕ್ಷಕರು ಅವರಿಗೆ 16 ಸಾವಿರ ಪಿಂಚಣಿ ಬರುತ್ತದೆ. ಅದರಲ್ಲಿ ಅವರು ಪ್ರತಿ ತಿಂಗಳೂ 5 ಸಾವಿರ ರೂಪಾಯಿಗಳನ್ನು ಸ್ವಚ್ಛ ಭಾರತ ಅಭಿಯಾನದ ಕೋಶಕ್ಕೆ ದೇಣಿಗೆಯಾಗಿ ನೀಡಿದ್ದಾರೆ. ಒಬ್ಬ 70 ವರ್ಷದ ವೃದ್ಧರು ಅದೂ ನಿವೃತ್ತ ಶಿಕ್ಷಕರು, ಮನೆಯಲ್ಲಿ ಹೆಂಡತಿ ಮತ್ತು ಮಕ್ಕಳು ಇರುವವರು, ತಮ್ಮ ಬಗ್ಗೆ ಚಿಂತೆ ಮಾಡದೆ ದೇಶದ ಬಗ್ಗೆ ಚಿಂತಿಸುತ್ತಾರೆ. ನಾನು ಪ್ರಧಾನ ಮಂತ್ರಿಯಾಗಿ , ನಾನು ಚಂದ್ರಕಾಂತ ಜೀ ಅವರಿಗಿಂತಲೂ ಸಾವಿರ ಪಟ್ಟು ಹೆಚ್ಚು ಕೆಲಸ ಮಾಡಬೇಕು ತಾನೆ. ಇದು ನನಗೆ ಸ್ಫೂರ್ತಿ. ದೇಶದ ಜನತೆ ಹಗಲು ರಾತ್ರಿ ದುಡಿಯುತ್ತಾರೆ. ಅವರು ನನಗೆ ಪ್ರೇರಣೆ. ಅವರನ್ನು ನೋಡಿ ನಾನು ಇನ್ನೂ ಕಷ್ಟ ಪಟ್ಟು ದುಡಿಯುತ್ತೇನೆ.

ಅರ್ನಬ್ : ಮಾನ್ಯ ಪ್ರಧಾನ ಮಂತ್ರಿಯವರೇ ಇದು ನನಗೆ ಸಿಕ್ಕ ಗೌರವ. ನಾನು ನಿಮಗೆ ಈ ಸಂದರ್ಶನಕ್ಕಾಗಿ ಆಭಾರಿಯಾಗಿದ್ದೇನೆ.

ಪಿ.ಎಂ. ಮೋದಿ : ಧನ್ಯವಾದಗಳು.
ಅರ್ನಬ್: ಮತ್ತೆ ನಮ್ಮ ಎಲ್ಲ ವೀಕ್ಷಕರ ಪರವಾಗಿ ನಿಮಗೆ ಧನ್ಯವಾದಗಳು. ಈ ಕಾರ್ಯಕ್ರಮ ಮುಕ್ತವಾದ ಮಾತುಗಳಿಂದ ಕೂಡಿತ್ತು. ನಾನು ನಿಮಗೆ ಧನ್ಯವಾದ ಅರ್ಪಿಸುತ್ತೇನೆ. ನೀವು ಅತ್ಯಂತ ಮನಬಿಚ್ಚಿ ಮಾತನಾಡಿದಿರಿ.

ಪಿ.ಎಂ. ಮೋದಿ : ನಾನು ನಿಮಗೆ ಒಂದು ಮನವಿ ಮಾಡುತ್ತೇನೆ. ಇದರಿಂದ ಯಾವುದೇ ವಿವಾದ ಸೃಷ್ಟಿಸಬೇಡಿ. ಇದನ್ನು ದೇಶದ ಒಳಿತಿಗಾಗಿ ಬಳಸಿ.

ಅರ್ನಬ್ : ದಯವಿಟ್ಟು ಹಾಗೆಲ್ಲಾ ಯೋಚಿಸಬೇಡಿ. ಧನ್ಯವಾದಗಳು.

ಪಿ.ಎಂ. ಮೋದಿ : ತುಂಬಾ ಧನ್ಯವಾದಗಳು. ಥ್ಯಾಂಕ್ಯೂ ವೆರಿ ಮಚ್.

ಜವಾಬ್ದಾರರಲ್ಲ: ಮೂಲ ಸಂದರ್ಶನ ಹಿಂದಿ ಭಾಷೆಯಲ್ಲಿದ್ದು ಅಭಿವ್ಯಕ್ತಿಯಲ್ಲಿ ಯಾವುದೇ ವ್ಯತ್ಯಾಸ ಕಾಣಿಸಿಕೊಂಡಲ್ಲಿ ಕೆಳಗಿನ ವಿಡಿಯೋ ಕೊಂಡಿಯನ್ನು ತಾವು ದಯವಿಟ್ಟು ಕ್ಲಿಕ್ಕಿಸಿ ಮೂಲ ಸಂದರ್ಶನವನ್ನು ಕೇಳಬಹುದು.