ಪಿಎಂಇಂಡಿಯಾ

ಘನತೆವೆತ್ತ ಪ್ರಧಾನಮಂತ್ರಿ ಜನರಲ್ ಪ್ರಯೂಟ್ –ಓ-ಚಾ ಅವರೇ, ಮಾನ್ಯರೇ ಮತ್ತು ಮಹಿಳೆಯರೇ,
ತಮ್ಮನ್ನು ಭಾರತಕ್ಕೆ ಸ್ವಾಗತಿಸಲು ನನಗೆ ಸಂತೋಷವಾಗುತ್ತದೆ.

ನಮ್ಮ ಉನ್ನತ ಮಟ್ಟದ ರಾಜಕೀಯ ವಿನಿಮಯದಲ್ಲಿ ನಿಮ್ಮ ಭೇಟಿ ಉನ್ನತ ಬಿಂದುವಾಗಿದೆ. ನೀವು ನಮಗೆ ಅತ್ಯಂತ ಚಿರಪರಿಚಿತವಾದ ನೆಲದಿಂದ ಬಂದಿದ್ದೀರಿ.

ರಾಮನ ಪುರಾಣದ ಕಥೆಯಿಂದ ಬುದ್ಧನ ವಿವೇಕದವರೆಗೆ ನಮ್ಮ ಬಾಂಧವ್ಯ ವಿನಿಮಯಿತ ಪರಂಪರೆಯ ಮೇಲೆ ನಿಂತಿದೆ. ನಮ್ಮ ಐತಿಹಾಸಿಕ ಜನರಿಂದ ಜನರ ಬಾಂಧವ್ಯ ನಮ್ಮ ಪಾಲುದಾರಿಕೆಗೆ ಬಲವಾದ ಬುನಾದಿ ಹಾಕಿಕೊಟ್ಟಿದೆ.

ಥಾಯ್ಲೆಂಡ್ ವಿಶ್ವಾಸಾರ್ಹ ಮತ್ತು ಮೌಲ್ಯಯುತ ಮಿತ್ರ ರಾಷ್ಟ್ರವಾಗಿದೆ ಮತ್ತು ಆಗ್ನೇಯ ಏಷ್ಯಾದಲ್ಲಿ ನಮ್ಮ ಆತ್ಮೀಯ ಸಹಭಾಗಿಯಾಗಿದೆ.

ಸ್ನೇಹಿತರೇ,

ಇಂದು, ಪ್ರಧಾನಮಂತ್ರಿಯವರು ಹಾಗೂ ನಾನು ನಮ್ಮ ದ್ವಿಪಕ್ಷೀಯ ಕಾರ್ಯಕ್ರಮಗಳ ಪೂರ್ಣ ಶ್ರೇಣಿಯ ಪರಾಮರ್ಶೆ ನಡೆಸಿದ್ದೇವೆ.:
ಸಂಸ್ಕೃತಿಯಿಂದ ವಾಣಿಜ್ಯದವರೆಗೆ;

ನಮ್ಮ ಜನರ ಹತ್ತಿರದ ಸಂಪರ್ಕದಿಂದ ಆಳವಾದ ಸಂಪರ್ಕದವರೆಗೆ; ಮತ್ತು

ಭಯೋತ್ಪಾದನೆ ನಿಗ್ರಹದಿಂದ ಭದ್ರತೆಯವರೆಗೆ.

ಭಯೋತ್ಪಾದನೆ ವ್ಯಾಪಕವಾಗಿ ಹಬ್ಬುತ್ತಿರುವುದು ಮತ್ತು ಮೂಲಭೂತ ಸಿದ್ಧಾಂತ ನಮ್ಮ ಎರಡೂ ಸಮಾಜಕ್ಕೆ ಸಮಾನ ಸವಾಲಾಗಿವೆ.
ಮತ್ತು ನಮ್ಮ ಭದ್ರತೆಯ ಸಹಭಾಗಿತ್ವ ನಮ್ಮ ಜನರನ್ನು ಇಂಥ ಭೀತಿಯಿಂದ ಸುರಕ್ಷಿತವಾಗಿಡಲು ಸಹಕಾರಿಯಾಗಲಿದೆ ಎಂಬುದನ್ನು ನಾವು ಗುರುತಿಸಿದ್ದೇವೆ.

ಈ ಸವಾಲುಗಳನ್ನು ಎದುರಿಸುವ ನಮ್ಮ ವಿನಿಮಯಿತ ಉದ್ದೇಶದಲ್ಲಿ ಭಾರತವು ಥಾಯ್ಲೆಂಡ್ ನ ಸಹಕಾರ ಮತ್ತು ನೆರವಿಗೆ ಆಭಾರಿಯಾಗಿದೆ.
ಭಯೋತ್ಪಾದನೆಯ ಹೊರತಾಗಿ ನಾವು ಸೈಬರ್ ಭದ್ರತೆ, ಮಾದಕದ್ರವ್ಯ, ಬಹುರಾಷ್ಟ್ರೀಯ ಆರ್ಥಿಕ ಅಪರಾಧ ಮತ್ತು ಮಾನವ ಕಳ್ಳಸಾಗಣೆ ಕ್ಷೇತ್ರಗಳಲ್ಲಿ ನಮ್ಮ ಭದ್ರತೆಯ ಕಾರ್ಯಕ್ರಮಗಳನ್ನು ಮತ್ತಷ್ಟು ಆಳಗೊಳಿಸಲು ನಿರ್ಧರಿಸಿದ್ದೇವೆ.

ಸ್ನೇಹಿತರೇ,

ನಮ್ಮ ಎರಡು ದೇಶಗಳ ಭೂ ಗಡಿ ದೂರವೇನಿಲ್ಲ. ಮತ್ತು ನಾವು ಕರಾವಳಿಯ ನೆರೆಯವರು ಕೂಡ.

ಹೀಗಾಗಿ, ಪ್ರಧಾನಮಂತ್ರಿಯವರು ಹಾಗೂ ನಾನು, ರಕ್ಷಣೆ ಮತ್ತು ಕರಾವಳಿ ಭದ್ರತೆಯ ಕ್ಷೇತ್ರದಲ್ಲಿ ಸಹಕಾರದಲ್ಲಿ ಹೆಚ್ಚಿನ ಸಹಭಾಗಿತ್ವ ರೂಪಿಸಲು ಸಮ್ಮತಿಸಿದ್ದೇವೆ.

ನಮ್ಮ ದ್ವಿಪಕ್ಷೀಯ ಹಿತಾಸಕ್ತಿಗಳನ್ನು ಪೂರೈಸುವ ಸಹಭಾಗಿತ್ವ; ಮತ್ತು ನಮ್ಮ ವಿನಿಮಯಿತ ಪ್ರಾದೇಶಿಕ ಗುರಿಗಳಿಗೆ ಸ್ಪಂದನೆ.

ಮತ್ತು ಈ ಕೆಳಗಿನವುಗಳನ್ನು ರೂಪಿಸಬಲ್ಲಂಥ ಒಂದು ಪಾಲುದಾರಿಕೆ:

– ತಜ್ಞತೆ ಮತ್ತು ಅನುಭವದ ವಿನಿಮಯ;

-ಬೃಹತ್ ಸಿಬ್ಬಂದಿ ವಿನಿಮಯ ಮತ್ತು ಹೆಚ್ಚಿನ ಅಭ್ಯಾಸ;

-ಸಾಗರದಲ್ಲಿ ಕಡಲುಗಳ್ಳತನ ತಡೆಗೆ ಸಹಕಾರ;

-ನೌಕಾ ನಿಗಾದಲ್ಲಿ ಹೆಚ್ಚಿನ ಕಾರ್ಯಕ್ರಮ; ಮತ್ತು

-ರಕ್ಷಣೆ ಸಂಶೋಧನೆ ಮತ್ತು ಅಭಿವೃದ್ದಿ ಮತ್ತು ಉತ್ಪಾದನೆ ಕ್ಷೇತ್ರದ ಸಂಪರ್ಕಗಳ ನಿರ್ಮಾಣ

ಇಂದು ಸ್ವತಂತ್ರ ವಿಶ್ವಕ್ಕೆ ವಾಣಿಜ್ಯ ಮತ್ತು ವ್ಯಾಪಾರದ ಹರಿವು ಮಹತ್ವದ ಜೀವನಾಧಾರಗಳಾಗಿವೆ.

ಘನತೆವೆತ್ತ ಪ್ರಧಾನಿ ಹಾಗೂ ನಾನು, ನಮ್ಮ ನಡುವಿನ ಬಹು ವೈವಿಧ್ಯಕ್ಷೇತ್ರಗಳ ವಾಣಿಜ್ಯಾತ್ಮಕ ಕಾರ್ಯಕ್ರಮಗಳು ನಮ್ಮ ರಾಷ್ಟ್ರಗಳ ಆರ್ಥಿಕತೆಗೆಷ್ಟೇ ಲಾಭ ತರುವುದಿಲ್ಲ. ಜತೆಗೆ ನಮ್ಮ ಪ್ರದೇಶದ ಆರ್ಥಿಕ ಪ್ರಗತಿಗೂ ಕಾರಣವಾಗುತ್ತದೆ ಎಂಬುದನ್ನು ಒಪ್ಪಿಕೊಂಡಿದ್ದೇವೆ.

ಈ ನಿಟ್ಟಿನಲ್ಲಿ, ನಾವು ಇಂದು ನಡೆಯಲಿರುವ ಭಾರತ – ಥಾಯ್ಲೆಂಡ್ ನಡುವಿನ ಜಂಟಿ ವಾಣಿಜ್ಯ ವೇದಿಕೆಯ ಮೊದಲ ಸಭೆಯನ್ನು ಸ್ವಾಗತಿಸುತ್ತೇವೆ. ನಾವು ಅದನ್ನು ಪ್ರೋತ್ಸಾಹಿಸುತ್ತೇವೆ ಮತ್ತು ಇತರ ವಾಣಿಜ್ಯ – ಕ್ಷೇತ್ರಗಳ ಬಾಧ್ಯಸ್ಥರು, ಎರಡೂ ದೇಶಗಳಲ್ಲಿ ಹೊರಹೊಮ್ಮಿರುವ ವಾಣಿಜ್ಯ ಅವಕಾಶಗಳನ್ನು ಬಳಸಿಕೊಳ್ಳಬೇಕು.

ವ್ಯಾಪಾರದ ಜೊತೆಗೆ, ಬಂಡವಾಳ ಹೂಡಿಕೆ ಮತ್ತು ಹೆಚ್ಚಿನ ಉತ್ಪಾದನೆಗೆ ಸಾಕಷ್ಟು ಮಾರ್ಗಗಳಿವೆ.

ನಾವು ಮೂಲಸೌಕರ್ಯದಲ್ಲಿ ಥಾಯ್ ಸಾಮರ್ಥ್ಯ, ಅದರಲ್ಲೂ ವಿಶೇಷವಾಗಿ ಪ್ರವಾಸೋದ್ಯಮ ಮೂಲಸೌಕರ್ಯ, ಮತ್ತು ಈ ಕ್ಷೇತ್ರದಲ್ಲಿ ಭಾರತದ ಆದ್ಯತೆಗಳು ನಡುವೆ ನಿರ್ದಿಷ್ಟ ಸಹಕ್ರಿಯೆ ಕಂಡಿದ್ದೇವೆ.

ಮಾಹಿತಿ ತಂತ್ರಜ್ಞಾನ, ಔಷಧ, ವಾಹನ – ಭಾಗಗಳು, ಮತ್ತು ಯಂತ್ರೋಪಕರಣ ಮೊದಲಾದ ಕೆಲವು ಕ್ಷೇತ್ರಗಳು ಸಹಯೋಗಕ್ಕೆ ವಿಶ್ವಾಸಪೂರ್ಣವಾಗಿವೆ.

ನಾವು ನಮ್ಮ ವಿನಿಮಯಿತ ಆದ್ಯತೆಯ ಸಮತೋಲಿತ ಸಮಗ್ರ ಆರ್ಥಿಕ ಮತ್ತು ಪಾಲುದಾರಿಕೆ ಒಪ್ಪಂದ ಆರಂಭಿಕ ತೀರ್ಮಾನಗಳನ್ನೂ ನೋಡಿದ್ದೇವೆ.
ಸ್ನೇಹಿತರೇ,

ಪ್ರಧಾನಮಂತ್ರಿಯವರು ಹಾಗೂ ನಾನು, ನಮ್ಮ ಆರ್ಥಿಕತೆಯ ನಡುವೆ ಸರಕು, ಸೇವೆ, ಹಣಕಾಸು ಮತ್ತು ಮಾನವ ಸಂಪನ್ಮೂಲದ ಸುಗಮ ಸಾಗಾಟದ ಬಲವಾದ ವಾಯು, ಭೂ ಹಾಗೂ ಸಾಗರ ಸಂಪರ್ಕಗಳ ಅಗತ್ಯವನ್ನು ನಾವು ಮನಗಂಡಿದ್ದೇವೆ.

ಹೀಗಾಗಿ ನಾವು, ಭಾರತ – ಮಯನ್ಮಾರ್ – ಥಾಯ್ಲೆಂಡ್ ನಡುವಿನ ತ್ರಿಪಕ್ಷೀಯ ಹೆದ್ದಾರಿ ಪೂರ್ಣಗೊಳಿಸಲು ಆದ್ಯತೆ ನೀಡಿದ್ದೇವೆ; ಮತ್ತು ನಮ್ಮ ಮೂರೂ ರಾಷ್ಟ್ರಗಳ ನಡುವೆ ಮೋಟಾರು ವಾಹನ ಒಪ್ಪಂದಕ್ಕೂ ಶೀಘ್ರ ಅಂಕಿತ ಹಾಕಲಿದ್ದೇವೆ. ಭಾರತದ ಅಭಿವೃದ್ಧಿಯಲ್ಲಿ ಸಂಪರ್ಕ ಆದ್ಯತೆಯ ಕ್ಷೇತ್ರವಾಗಿದೆ.

ಎರಡೂ ರಾಷ್ಟ್ರಗಳ ಜನರ ಅನುಕೂಲಕ್ಕಾಗಿ ಆಗ್ನೇಯ ಏಷ್ಯಾಕ್ಕೆ ನಮ್ಮ ಈಶಾನ್ಯ ರಾಜ್ಯಗಳ ಸಂಪರ್ಕ ಸುಧಾರಿಸುತ್ತಿದ್ದೇವೆ.

ಸ್ನೇಹಿತರೇ,

ದ್ವಿಪಕ್ಷೀಯ ವಾಣಿಜ್ಯ ಬಾಂಧವ್ಯ ವಿಸ್ತರಣೆಗಷ್ಟೇ ಬಲವಾದ ಸಂಪರ್ಕ ಅಗತ್ಯವಲ್ಲ. ಇದು ನಮ್ಮ ಜನರನ್ನು ಹತ್ತಿರ ತಂದು ಮತ್ತು ವಿಜ್ಞಾನ, ಶಿಕ್ಷಣ, ಸಂಸ್ಕೃತಿ, ಪ್ರವಾಸೋದ್ಯಮ ಸಹಕಾರಕ್ಕೆ ಅವಕಾಶ ನೀಡಲಿದೆ.

ಮುಂದಿನ ವರ್ಷ, ನಮ್ಮ ರಾಜತಾಂತ್ರಿಕ ಬಾಂಧವ್ಯದ 70ನೇ ವರ್ಷದ ಅಂಗವಾಗಿ ನಾವು ಥಾಯ್ಲೆಂಡ್ ನಲ್ಲಿ ಭಾರತ ಉತ್ಸವ ಮತ್ತು ಭಾರತದಲ್ಲಿ ಥಾಯ್ಲೆಂಡ್ ಉತ್ಸವ ಆಚರಿಸಲಿದ್ದೇವೆ.

ಈ ವರ್ಷ, ಭಾರತ ಸಂವಿಧಾನದ ಶಿಲ್ಪಿ ಡಾ.ಬಿ.ಆರ್. ಅಂಬೇಡ್ಕರ್ ಅವರ 125ನೇ ಜನ್ಮ ದಿನೋತ್ಸವ ಆಚರಿಸುತ್ತಿದೆ.
ಭಾರತದ ಸಂವಿಧಾನವು ಶೀಘ್ರವೇ ಥಾಯ್ ಭಾಷೆಗೆ ಭಾಷಾಂತರವಾಗುತ್ತಿದೆ ಎಂಬುದು ಹರ್ಷ ತಂದಿದೆ.

ಅಲ್ಲದೆನಾನು ಥಾಯ್ಲೆಂಡ್ ನ ಹೆಚ್ಚಿನ ಪ್ರವಾಸಿಗರನ್ನು ಭಾರತಕ್ಕೆ ಸ್ವಾಗತಿಸಲು ಸಂತೋಷಿಸುತ್ತೇನೆ ಮತ್ತು ಭಾರತದಲ್ಲಿರುವ ಬೌದ್ಧ ತಾಣಗಳ ಭೇಟಿಯಿಂದ ಅವರು ಸಂತಸಗೊಳ್ಳಲಿ ಎಂದು ಬಯಸುತ್ತೇನೆ. ನಾವು ಶೀಘ್ರವೇ ಥಾಯ್ಲೆಂಡ್ ನ ಪ್ರಜೆಗಳಿಗೆ ದ್ವಿಪ್ರವೇಶ ಇ – ಪ್ರವಾಸಿ ವೀಸಾ ಜಾರಿಗೆ ತರಲಿದ್ದೇವೆ.

ಸನ್ಮಾನ್ಯರೇ,

ಭಾರತ ಯಾವಾಗಲೂ ಥಾಯ್ಲೆಂಡ್ ರಾಜ ಮನೆತನವು ಭಾರತದ ಮೇಲಿಟ್ಟಿರುವ ವಾತ್ಸಲ್ಯವನ್ನು ಪ್ರಶಂಸಿಸುತ್ತದೆ.

ರಾಜಮನೆತನದ ರಾಣಿ ಮಹಾ ಚಕ್ರಿ ಸಿರಿಂದ್ರೋನ್ ಅವರು ಭಾರತಕ್ಕೆ ಪದೇ ಪದೇ ಬರುವ ಪ್ರವಾಸಿಗರಾಗಿದ್ದಾರೆ.

ಈ ವರ್ಷಾಂತ್ಯದಲ್ಲಿ ನಾವು ಮತ್ತೆ ಅವರನ್ನು ಭಾರತಕ್ಕೆ ಸ್ವಾಗತಿಸಲು ಎದಿರು ನೋಡುತ್ತಿದ್ದೇವೆ.

ಜೊತೆಗೆ ನಾವು ಘನತೆವೆತ್ತ ರಾಜಕುಮಾರ ವಜಿರಲೋಂಗ್ಕ್ರೋನ್ ಅವರನ್ನು ಅವರ ಅನುಕೂಲದ ಸಮಯದಲ್ಲಿ ಶೀಘ್ರ ಭಾರತಕ್ಕೆ ಬರಮಾಡಿಕೊಳ್ಳಲೂ ಎದಿರುನೋಡುತ್ತಿದ್ದೇವೆ.

ಅಂತಿಮವಾಗಿ, ಥಾಯ್ಲೆಂಡ್ ನ ‘ಪಶ್ಚಿಮದತ್ತ ನೋಟ’ ಮತ್ತು ಭಾರತದ ಪೂರ್ವದತ್ತ ಕ್ರಮ ನೀತಿಗಳು ನಮ್ಮ ಪಾಲುದಾರಿಕೆಗೆ ಉಜ್ವಲ ಭವಿಷ್ಯದ ಬೆಳಕು ತೋರಿವೆ ಎಂದು ನಾನು ಹೇಳಬಯಸುತ್ತೇನೆ.

ಘನತೆವೆತ್ತರೇ, ನಾನು ಮತ್ತೊಮ್ಮೆ ತಮ್ಮನ್ನೂ ಮತ್ತು ತಮ್ಮ ನಿಯೋಗವನ್ನು ಭಾರತಕ್ಕೆ ಸ್ವಾಗತಿಸುತ್ತೇನೆ.

ಧನ್ಯವಾದಗಳು.

AKT/HS